मोटरसाइकले ठक्करदिँदा प्रहरी जवानको मृत्यु
Tags: No Comments
मकवानपुर । मकवानपुरकाे हेटौंडामा माेटरसाइकलले ठक्कर दिदा पीटी दौडमा सहभागी प्रहरी जवानको मृत्यु भएको छ । बागमती प्रदेश प्रहरी कार्यालय हेटौंडामा कार्यरत २५ वर्षीय प्रहरी जवान विनोद एडीको मृत्यु भएको जिल्ला प्रहरी कार्यालय मकवानपुरले जनाएको छ ।
बुधबार बिहान पूर्व–पश्चिम राजमार्गअन्तर्गत हेटौँडा–११, थानाभर्याङमा नवलपुरतर्फ जाँदै गरेको ना ४३ प २२२ नम्बरको मोटरसाइकलले डडेल्धुरा जिल्लाको आलिताल गाउँपालिका–६ स्थायी घर भई हाल प्रदेश प्रहरी कार्यालयमा कार्यरत एडीलाई ठक्कर दिएको थियो । मोटरसाइकलको ठक्करबाट घाइते भएका एडीलाई उपचारका लागि हेटौंडा अस्पताल लगिएकाेमा बुधबार बिहान नै चिकित्सकले मृत घोषणा गरेकाे मकवानपुर प्रहरीले जनाएको छ ।
प्रहरी जवानलाई ठक्कर दिने मोटरसाइकल चालक हेटौँडा–४, हुप्रचौरका ४१ वर्षीय लक्ष्मण लामा घाइते भएका छन् । लामाकाे टाउको र हातमा चोट लागेकाेमा हेटौंडा अस्पतालमा उपचारपछि थप उपचारका लागि भरतपुरस्थित पुरानो मेडिकल कलेज लगिएकाे छ । मोटरसाइकलको ठक्करबाट पीटी दौडमा सहभागी प्रहरी जवान नवराज सार्की र विजय खत्री पनि सामान्य घाइते भएका छन् । उनीहरु उपचार पश्चात डिस्चार्ज भएका छन् ।
मकवानपुर । मकवानपुरकाे हेटौंडा उपमहानगरपालिकाकाे बजार क्षेत्रमा रहेकाे राजमार्गबाट २५ मिटर सडक विस्तार विरुद्ध परेको रिट सर्वोच्च अदालतले खारेज गरेकाे छ ।
पूर्वपश्चिम राजमार्ग अन्तरगत हेटौंडा बजार क्षेत्रमा पर्ने मुख्य सडक विस्तारविरुद्ध परेको ३०० भन्दा बढी रिट सर्वोच्चकाे मंगलबारकाे इजलासले खारेज गरिदिएकाे हाे । सर्वोच्च अदालतका न्यायाधीश सारङ्गा सुवेदी र न्यायाधीश सुनिलकुमार पोखरेलको संयुक्त इजलासले हेटौँडा बजार क्षेत्र भित्र पर्ने २५ मिटर सडक विस्तार विरुद्ध परेको रिट खारेज गर्ने निर्णय गरेको हो ।
न्यायाधीसद्वय सुवेदी र पाेखरेल इजलासले गत असार ३१ गतेदेखि साउन २४ सम्ममा दर्ता भएका हेटौँडा बजार क्षेत्र अन्तर्गत गर्ने राजमार्गको सडक विस्तार विरुद्धका ३०० बढी रिट निवेदन खारेज गर्ने निर्णय गरेको हो ।
यसअघि गत असार १० गते सडक डिभिजन कार्यालय हेटौंडाले सडक विस्तारकाे ३५ दिने सूचना प्रकाशित गरेकाे थियाे । तर केही घरधनी र व्यवसायीहरुले क्षतिपूति माग गदै सर्वोच्चमा रिट निवेदन दिएका थिए भने आन्दाेलन समेत गरेका थिए । राजनीतिक दलहरु प्रतिनिधि र हेटौंडा उपमहानगरपालिका जनप्रतिनिधि सडक विस्तारको पक्षमा उभिएकाेमा मकवानपुर उद्योग बाणिज्य संघ भने क्षतिपूर्ति र मुआब्जा दिए मात्रै सडक विस्तार गर्न दिने पक्ष थियाे ।
रिट खारेज भएसंगै हेटौडाको मुख्य बजार क्षेत्र भएर जाने पूर्व पश्चिम राजमार्ग विस्तार गर्न बाटो खुलेकाे बताइए पनि अदालतमा परेका सवै रिट खारेज भए/नभएकाे र रिट खारेज गर्दा गरिएकाे फैसलाकाे पूर्णपाठले अन्य कुराकाे टुंगाे लाग्ने छ ।
सम्बन्धित समाचार
हेटौडाकाे सडक विस्तार गर्न राजनीतिक दलकाे ऐक्यबद्धता
राजमार्ग व्यवस्थापन गर्न मकवानपुरका दलहरू एकमत
सर्वोच्चको कारण तत्काललाई रोकियो राजमार्ग विस्तार
सडक विस्तार अघि उचित व्यवस्थापन गर्न निर्माण व्यवसायी संघद्वारा माग
हेटौडाकाे सडक विस्तारः सर्वोच्चकाे अल्पकालिन अन्तरिम आदेश
हेटौंडा सडक विस्तार रोकिदैन: डिभिजन सडक
बिना मुआब्जा घर भत्काउन नदिने भन्दै प्रदर्शन
२५ मिटर प्रकरण: मेयर विरद्ध नारावाजी,अनावश्यक भाषणले तात्यो सवाल
मनहरीमा जंगली हात्ती आतङ्कः मंगलबार ४ घरमा क्षती
Tags: No Comments
मकवानपुर । मकवानपुरको मनहरी गाउँपालिकामा जंगली हात्तीले आतङ्क फैलाउने क्रम बढेको छ । मंगलबार बिहान मनहरी ७, रमौलीमा जङ्गली हात्तीले ४ वटा घरमा क्षति पुर्याएको छ । यस अघि समेत पटक पटक मनहरी गाउँपालिकाका स्थानीयकाे घरमा हात्तीले क्षति पुर्याएकाे थियाे ।
मगलबार जङ्गली हात्तीको आक्रमणबाट स्थानीय खड्ग बहादुर थिङको काठ र टिनले बनेको भान्साकोठा, भगवती सुवेदीको घर अगाडिको काठको पाली,अर्जुन दहालको घर अगाडिको पाली भत्काई १ बोरा धानमा क्षती पुर्याएकाे र चित्र बहादुर घलानको घरको जस्ता भत्काएको जिल्ला प्रहरी कार्यालय मकवानपुरले जानकारी दिएको छ ।
हात्ती आएर क्षति गरेको सूचना पछि स्थानीय, नेपाल प्रहरी र पर्सा राष्ट्रिय निकुञ्जबाट नेपाली सेनाको टोलीले हात्तीलाई जङ्गलतर्फ लखेटेको तर मानवीय क्षति भने नभएको प्रहरीले जनाएको छ ।
गत शुक्रबार मध्यरातमा जंगली हात्तीले मनहरी ७ शान्तिटोलमा तीन वटा घरमा क्षति पुर्याएको थियाे । यसैगरी हात्तीकै आक्रमणबाट पुष ७ गते शनिबार मनहरी –७ बिजौना बस्ने ५१ वर्षीया कान्छिमाया तामाङलाई आक्रमण गरी घाइते बनाएको थियो । पौष १ गते राती हात्तीले मनहरी ८ सिम्पानी स्थित टल्के चेपाङको ढुङ्गा र जस्ताले बनेको १ तले घरमा पूर्ण क्षति पुर्याएको । यसै गरि उक्त हात्तीले स्थानीय राम बहादुर तामाङको गोठमा समेत क्षति पुर्याएको थियाे ।
मनहरीमा पछिल्लो समय जङ्गली हात्तीको आतङ्क बढेसँगै मकवानपुर क्षेत्र नं. २ का सांसद महेश बर्तौला प्रभावित क्षेत्र पुगेका छन् । घर र घरमा भएको अन्नपातमासमेत क्षति पु¥याउने गरेपछि जङ्गली जनावर प्रभावित स्थानीयको समस्या सुन्न आएका बर्तौलासँग स्थानीयले राप्ती खोलामा तटबन्ध निर्माण हुनुपर्ने माग गरेका थिए । स्थानीयहरुले हात्तीबाट धनजनको क्षति हुनबाट रोक्न कङ्क्रीट पर्खाल आवश्यक भएको बताएका छन् । उक्त क्षेत्रकाे केही स्थानमा कङ्क्रीट पर्खाल निर्माण भए पनि पर्खाल नभएको स्थानबाट हात्ती बस्तीमा छिरेर क्षति पुर्याइदिने गरेको छ ।
सांसद बर्तौलाले हात्तीबाट स्थानीयले भाेगेका पीडा सुनिसके पछि भने कङ्क्रीट पर्खाल अधुरो हुँदा जङ्गली जनावरको त्रास कायमै रहेको र पुर्जाका लागि नापजाँच सुरु भए पनि निकुञ्जका कारण रोकिएकाले मध्यवर्ती क्षेत्रको कानुन संशोधन आवश्यक भएको बताए । उनका अनुसार बस्तीको सुरक्षाका लागि तटबन्ध निर्माण त्यत्तिकै आवश्यक छ । सांसद बर्तौलाले मध्यवर्तीको समस्या सम्बन्धमा संसदमा आवाज उठाउँदै आएकाे जानकारी दिए । उनले भने, “मध्यवर्तीको खारेजी वा सिमाना हेरफेर आवश्यक छ ।
मकवानपुर । मकवानपुरकाे हेटौंडा उपमहानगरपालिकामा भीरबाट लडेर १ जनाकाे मृत्यु भएकाे छ । हेटौडा–१२, घरेटीडाँडामा भीरबाट लडेर हेटौंडा–१२, पदमपोखरीका ५५ कृष्ण बहादुर थापा मगरकाे मृत्यु भएकाे जिल्ला प्रहरी कार्यालय मकवानपुरले जनाएकाे छ ।
मगर आइतबारदेखि घरपरिवारबाट सम्पर्कविहिन भएका थिए । गत आइतबार रातिदेखि सम्पर्क विहिन भएका उनकाे खोजीकाे क्रममा मंगलबार बिहान घरेटीडाँडाको भीरबाट २ सय मिटर तल लडी मृत अवस्थामा फेला परेकाे प्रहरीले जनाएकाे छ । मुचुल्का पश्चात शव पोष्टमार्टमका लागि हेटौँडा अस्पताल ल्याइएकाे प्रहरीले जानकारी दिएको छ ।