पारस भट्ट ‘प्यासी’
मान्सका घर घर आँसुको बीउ बुन पसेइ धन्यका भुट्याट
तब्लै कसैकालै मनमा डेरा जमुन पसेइ धन्यका भुट्याट ।
न यो गेदो हो भन्णै न यो बालो बुणो हो भन्णै अनधेरैको छै
तेरि खन्या अन्धेरैका धेक धेकुन पसेइ धन्यका भुट्याट।
करोड अरब पतिलाइपन सुकनाइ खन्ज्यालै झसझसै छ
जति सक्तिसाली मान्सलाइलै डरुन पसेइ धन्यका भुट्याट।
सुख्खीलै सब दु :ख्खी तेराइ लाग्दा अन्धेरकी कला तोमा
मान्सका मनमा अनेक कुरा उब्जुन पसेइ धन्यका भुट्याट।
रातकी निन हराइदिन्छै दिनको भोक प्यास सब मेटाइदिन्छै
हँस्यौली मान्सैलै उदासी दु:खी बनुन पसेइ धन्यका भुट्याट।
तुइ जती सक्तिसाली केइनाइ तोलाई रोक्क कोइ सक्कैइन
अन्धेरकी कला जिउँनाइ मान्स जलुन पसेइ धन्यका भुट्याट।
मेलौली २ बैतडी

