१
अलिअलि प्यारको, अभाव मिठो जिन्दगीमा
अलिअलि प्यारको, दबाब मिठो जिन्दगीमा ।
जतिजति बग्दै गयो उतिउति रुच्दै रोज्दै
अलिअलि प्यारको, बहाब मिठो जिन्दगीमा ।
२
मनसँग मन टाढिएपछि, तनको के अर्थ भो,
आफ्नाले नै छाडेपछि, दुश्मनको के अर्थ भो ?
उकाली र ओरालीमा साथ छैन भने जसको,
देखावटी त्यो आफ्नोपनको के अर्थ भो ?
३
तिमी आयौ र त, आहा यो मन भरङ्ग छ,
संसार मेरै हातमा भए झै, यो मन दङ्ग छ ।
बिच बाटोमै साथ छोड्ने, यो दुनियाँमा,
कसिलो साथ पांए, र त यो मन चङ्ग छ ।

