फोडेर दुश्मनीको पर्खाल ढाल्न सक्छ ।
पायो भने युवाले सत्ता सम्भाल्न सक्छ ।
टाढा उडेर जाँदा ए भाइ यत्ति बुझ्नु
आकाशले कसैको सिउँदो पखाल्न सक्छ ।
काट्यौ तथापि खुट्टा यी हातले अझै नि,
त्यो सूर्यचन्द्र अङ्कित झण्डा उचाल्न सक्छ ।
जो गर्छ प्रेम तिम्रो केवल शरीरसँग,
उसले लुकी अँगालो अर्कै अँगाल्न सक्छ ।
खाएर जिन्दगीमा लाखौं अनन्त चोट,
अनि बल्ल जिन्दगीले क्यै काम थाल्न सक्छ ।
१५ औं चितवन महोत्सव-२०८१ मा आयोजित राष्ट्रव्यापी खुला गजल प्रतियोगितामा द्वितीय स्थान प्राप्त गजल

