डीएम अमर महतरा
झुपडी नहुने लाई हेर महलको रहर छ ।
के सोध्नुहुन्छ मित्र मेरो पुरानै खबर छ ।
मलाई भेट्न आउनेले, खवर लिएर आउनु,
तपाई आउने बाटोमा मेरी प्रियाको घर छ ।
छोडेर जानेलाई किन चिन्ता कहाँ जान्छौ भनी,
भो आँखामा आँशु नलेउ मेरो आफ्नै सफर छ ।
सुख छ सयल छ यश आरम त्यसै भैहाल्छ,
नसुन मेरो कहानी पानी बिनाको बगर छ ।
मन हुनेले हो बारम्बार सम्झने भनेको प्रिया,
त्यो मन होईन तिम्रो मुटुमा बसेको पत्थर छ ।
सुर्खेत

