रेणुका चौलागाईं
१.
पात जस्तो नभएर जरा जस्तो हुनुपर्छ जीवन
सपना आकाश छुने धरा जस्तो हुनुपर्छ जीवन
निरस उराठ मरूभूमि झैं बन्नु नपरोस् कहिल्यै
देख्दै हराभरा झुलेको गरा जस्तो हुनुपर्छ जीवन ।
२.
गुणान भाग र जोड घटाउ गर्दागर्दै जान्छ
घुँडा टेक्छ जिन्दगीले बामे सर्दासर्दै जान्छ
के गर्नु सुनौलो बिहानीको सपनामात्र देखेर
आश्रित जिन्दगी अरूकै भर पर्दापर्दै जान्छ ।
३.
कहिले शिखर त कहिले खोलिको बगरमा हुन्छु म
जिन्गीको दौडानमा जहिलेआफ्नै गाउँ शहरमा हुन्छु म
गाउँ बेसी लहरा पहरा छहरासँगै मितेरी लगाउँदैमा मस्त
प्रकृतिसँग रमाउँनेगर्छु सँधै अनगिन्ति रहरमा हुन्छु म ।
४.
अनुहार हेरेर मात्र व्यवहार पढ्न सक्ने भए
धुरी चढ्दैमा मान्छे अघि बढ्न सक्ने भए
पर्दैनथ्यो आवश्यकता ज्ञान बुद्धी विवेकको
हतियार समाउँदैमा युद्ध लड्न सक्ने भए ।
काठमाडौं

