सन्जना शर्मा
सँधै आउँने जाने गर्छौ किन जान्न चाहान्छु ।
भनिदेउ फेरि नजिक सर्छौ जान्न चाहान्छु ।
मेरो हिड्ने बाटो नै अलग भैसकेको छ अब
थाहा हुँदाहुँदै मेरै लागि मर्छौ जान्न चाहान्छु ।
कठोर बनेको हैन बिन्ती मेरो बाध्यता बुझिदेउ
टुटेको मन जोडेर मेरै भर पर्छौ जान्न चाहान्छु।
थाहा छ मलाई उतिकै माया अझै गर्छौ होला
बितेका दिन भुलाएर खुसी छर्छौ जान्न चाहान्छु ।
सुन्दर संसार रच्यौ होला मेरो निसानै नरहेपछी
एक्लै जिन्दगीको सागर तर्छौ जान्न चाहान्छु।
लमही दाङ

