पारस भट्ट (प्यासी)
नसक्या घर बसलो मण्या दया ओ ठेकदारौ घाटा होलो ।
कामदार काम गद्या नपया ओ ठेकदारौउ घाटा होलो ।
जो काम बणि सकन्छ उसैकी हो माग बणि गद्दी
गरुँन्याइमा मुलाकाज भया ओ ठेकदारौ घाटा होलो ।
हेद्दु धै को लुलभुण लुणभुण पैरैछ दिन कट्या बाटो
च्याप्प समाइ घर नफरकया ओ ठेकदारौ घाटा होलो ।
यैकात कमुन्या कोइ नाइ घरै स्थिति कमजोर छ भणी
जसाइ तसाइ काममा लया ओ ठेकदारौ घाटा होलो ।
झिक्कैइ बिराली मुसि मद्दैन तोत सबैलाइ जान्णुइ छ
काममा झानौँ भणी वाँ बैरया ओ ठेकदारौ घाटा होलो ।
रुप्याकी कुरणी भोल घाटा भ्या कति आपत हुन्छे
काम रेलि खित्या नमगया ओ ठेकदारौ घाटा होलो ।
आजत मेरा ठेक्कामा सयौँले आइदियो काम अद्दाइ
भणिबर हाँस्या खुसी भया ओ ठेकदारौ घाटा होलो ।
काम नगद्यालाइ हकार हुकुरलै गद्दु मुलाकाज नमाणि
इसा काममा झिक्कैइ सया ओ ठेकदारौ घाटा होलो ।
मेलौली २ बैतडी
(गजलकाे भावः ठेकदारहरुले होस पुर्याउनु काम गर्दा खेरी नत्र घाटा होला भन्न खोजेको हो गजलकार)

