इन्दिरा देवकोटा
१.
बालअधिकार जोगाउँ भन्दै सबै तिर नारा घन्किए
अधिकार खोस्ने अपराधी हुन भन्दै एकछिन् फन्किए
अधिकारका कुरा बोल्छ संविधानका धारा धारामा
लेखेर मात्र नहुने हजुर नियम सबै किताब मै थन्किए ।
२.
म छाउगोठमा अनि तिमी महलमा बसेको बेला
अस्मिता जोगाउन चित्कारदै ऑसु खसेको बेला
नारी अस्मिताको भिख मागेकी छु पटक पटक
छाउगोठमै बलत्कारीले मलाई डसेको त्यो बेला ।
३.
अहो !! कस्तो ठूलो शंकटको संजाल बनेर आयो
खोला सानो थियो तर विकराल ताल बनेर आयो
भागे कति थुनिए भित्रै घरमा प्राणको भिख माग्दै
असार मासको त्यो दिन कतिको काल बनेर आयो ।
कपिलवस्तु

