ज्याेति घिमिरे
बिर्सिएको मित्रआज दु:खमा काम आयो।
तुशारे शिशिर पछि बल्ल पारिलो घाम आयो।
जवानीमा पुजापाठ गर्न मन लागेन,
उमेर ढल्किएपछी यादमा चारधाम आयो।
बिदेशमा पियाराले दस नङ्ग्रा खियाएपछी,
स्वदेशमा पियारिको सुखको लाम आयो।
छोराले बाहिर बाट जति डलर पठाए नि,
स्याहार गर्न निकम्मा घरकै छोरा काम आयो।
चिनियो पैसा अनि इज्जतको बखानले,
तब पो टाढा हैन सहोदर हो भनी नाम आयो।
रावणले सीता हरेको त्यो युगका कुरा,
अहिले त सीता हर्न कलियुगको राम आयो।
गाेदार धनुषाा

