चितवन । चितवनका पत्रकार वसन्त पराजुलीद्वारा लिखित कथा सङ्ग्रह ‘कुमाता’ को तेस्रो संस्करण बजारमा लइएको छ ।
२०७६ सालको फागुनमा प्रकाशन गरिएको कुमाता कथा संग्रह प्रकाशन भएको डेड वर्षमा तेस्रो संस्करण प्रकाशन गरिएको हो । २०७७ असारमा कुमाताको दोस्रो संस्करण प्रकाशन भएको थियो।
भुँडिपुराण प्रकाशन प्रालिले प्रकाशन गरेको कुमता कथा सङ्ग्रहको तेस्रो संस्करणमा कभर परिवर्तन गर्नुका साथै कुमाता माथि विज्ञ समिक्षकहरुले गरेका समिक्षाका साराशंलाई पनि समेटिएको कथाकार पराजुलीले जानकारी दिए ।
सामाजिक विषयवस्तुमा आधारित कथाहरु समेटिएको कुमातामा गरिबी, बैदेशिक रोजगारी , प्रेम, विश्वास, यौन, धोका,जेल जस्ता सन्दर्भहरु कथाका वरिपरि रहेका छन् । यी कथाहरुले कतिपय समाजमा देखिएका र कतिपय नदेखिएका सत्यलाई पनि उजागर गरेका कारण पाठकहरुले कृतिलाइ मन पराएकाले छोटो समयमै तेस्रो संस्करण प्रकाशनमा पुगेको लेखक पराजुलीले बताए ।

