मकवानपुर । बागमती प्रदेशका आर्थिक मामिला तथा योजना मन्त्री बहादुर सिंह लामाले विद्यालयको अनुगमन गरेका छन् । मन्त्री लामाले मकवानपुरकाे हेटौंडा उपमहनागरपालिका –१४ मा रहेको भृकुटी माध्यमिक विद्यालयमा अनुगमन गरेका हुन् ।
विद्यालयको शैक्षिक अवस्थाबारे जानकारी लिन मन्त्री लामाले विद्यालयको प्रत्येक कक्षाकोठामै पुगेर अनुगमन गरेका थिए । उनलाई विद्यालयका प्रधानाध्यापक अच्युतकृष्ण रिजाल र विद्यालय व्यवस्थापन समितिका अध्यक्ष कुमार मोक्तानले विद्यालयकाे अवस्थाकाे जानकारी गराएका थिए ।
अनुगमनका क्रममा मन्त्री लामाले भविष्यका कर्णधार बनाउने जिम्मेवारी शिक्षकको काँधमा रहेको भन्दै गम्भीर भएर लाग्न निर्देशन दिए । उनले शिक्षक, तथा विद्यार्थीहरुले थप परिश्रम गरि नमूना विद्यालयको रुपमा स्थापित गराउन आग्रह गर्दै मन्त्रालयले आवश्यक सहयोग गर्ने प्रतिबद्धता व्यक्त गरे । सार्वजनिक शिक्षा सुधार गर्ने प्रदेश सरकारको लक्ष्य रहेको भन्दै उनले विद्यालयका शिक्षक, विद्यार्थीकाे भूमिका शैक्षिक क्षेत्र सुधारमा नमूना हुने विश्वास व्यक्त गरे ।
२०७२ को भुकम्पपछि युएसएडको सहयोगमा एनआरएस परियोजना अन्तर्गत बनेको भवन एनआरएस परियोजना प्रमुख रामजी थापाले विद्यालयलाई हस्तान्तरण गरेका हुन् । १८ करोड लगानीमा निर्माण भएको विद्यालयकाे २२ कोठा रहेकाे छ । विद्यालय भवनलगायतका संरचना अपाङमैत्री रहेकाे थापाले बताए ।
यसैगरी विद्यालय भवन वातावरणमैत्री समेत रहेकाे छ । घाम कक्षाकोठामा नलाग्ने र गर्मी मौसममा गर्मी नहुने साथै चिसोमा चिसो नहुने गरी विद्यालयको भौतिक संरचना निर्माण भएको विद्यालयका प्रअ रिजालले बताए । हाल विद्यालयमा ३ सय ५० विद्यार्थी अध्ययनरत रहेका छन् । विद्यालयमा २५ वटा कम्युटर सहित ल्यावको समेत व्यबस्था रहेको प्रअ रिजालले जानकारी दिए ।
मकवानपुर । बागमती प्रदेश सभा स्थापना भएको ६ वर्ष पुरा भएको छ । छैटौं वार्षिक उत्सवको अवसरमा बागमतीको प्रदेश सभाले विहीबार विशेष कार्यक्रम गरेका छ ।
कार्यक्रममा प्रदेश प्रमुख यादबचन्द्र शर्माले प्रदेशको भविष्य उज्यालो बन्ने गरी काम गर्न निर्देशन दिएका छन् । प्रदेश सरकारले बनाएका नीति योजनाहरुले निर्दिष्ट लक्ष्य प्राप्त गर्नुपर्ने उनले बताए । सहिद दिवसको स्मरण गर्दै सहिदहरुको त्याग, वलिदान र सपनाको साकार गर्नुपर्ने बताउँदै प्रदेश प्रमुख शर्माले विगत जतिसुकै सुन्दर वा कुरुप भए पनि भविश्य निर्माणको आधार तय गर्नेतर्फ ध्यान दिन आग्रह गरे ।
“विगत प्रति सजग रहंदै भविश्य प्रति सजग बन्नुपर्र्छ, आवश्यकता रहे थप ऐन कानुन निर्माण गरि सकारात्मक परिमाण आउने गरी काम गर्नु जरुरी छ” शर्माले भने “विकासका गति ढिलो होला तर गन्तव्यमा अवश्य पुगिन्छ, उचित समयमा वाच्छित परिणाम नआउदा संकटको स्थिति आउँछ ।”
विकासका कतिपय संभावना उजागार भएको र कतिपय खुल्न नसकेको बताउँदै प्रदेश प्रमुख शर्माले भने “विकासका सम्भावनालाइ थप पहिचान गर्दै अघि बढ्नु पर्छ, प्रदेश स्तरिय औद्योगिक विकास गर्न र अध्ययन अनुसन्धान गर्नुपर्छ ।” वातावरणीय स्वच्छतामा ध्यान दिंदै घरघरमा सिंहदरवार भन्ने नारा नारामा मात्र सिमित नराख्न प्रदेश प्रमुख शर्माले ध्यानाकर्षण गराए । “के कार्यान्वय भयो के भएन भन्ने अनुगमनमा पनि ध्यान दिनु जरुरी छ” उनलेभ ने ।
प्रदेश सभा लामो समयदेखि नबसेको र सर्वसाधारणको समस्यालाई वास्ता नगरीएको गुनासा मिडियाबाट आएको भन्दै समस्याका सम्बन्धमा सत्ता पक्ष र प्रतिपक्ष विच छलफल हुनुपर्ने उनलेब ताए । “छलफलमा जाने बातावरण बनाउनु होस्, समाधानका बाटाहरु भेटिने छन् ।”
कार्यक्रममा मुख्यमन्त्री शालिकराम जमर्कटेलले प्रदेश सरकारसंग स्पष्ट नीति नै नभएको बताए । “नयाँ काम गर्न जोखीम हुने हुनाले जे छ तेसैमा चल्दै जावस, ठिकै छ यो यस्तै प्रकियाले अघि बढ्छ भन्दै अघि बढको छ” जमकट्टेलले भने “बागमती प्रदेशको समृद्धि र विकासका लागि नीतिहरु बनाउदैछौ ।” संघीयतामा प्रदेशको आवश्यकता छ कि छैन भन्ने कुरा ग्रामिण क्षेत्रमा भएका विकास निर्माण हेर्न उनले आग्रह गरे । “जवाफ हामीले कामबाट दिने हो, अहिले प्रदेश सरकारले भौतिक पुर्वाधारमा खर्च गरेको छ, सडक र पुल सम्बन्धी नीति बनाउदै छौ” उनले भने “६६ निर्वाचन क्षेत्रमा ७०/८० पुल र ५५० किलोमिटर सडक रहेको अनुमान गरिएको छ ।” यि सबै योजना ५० लाखभन्दा माथिका मात्र हुन् त्यो भन्दा कम वजेटका योजना स्थानीय तहमा पठाउने, शिक्षा क्षेत्रमा विशेष लगानी अभिबृद्धि गर्ने गरिएको उनले बताए ।
कार्यक्रममा प्रमुख प्रतिपक्ष दलका नेता नेकपा एमालेका संसदिय दलका नेता जगन्नाथ थपलियाले प्रदेश सरकार शसक्त हुँदै सुविचारी शैलीमा भव्य रुपमा अघि बढोस् भन्ने शुभकामना व्यक्त गरे ।
प्रदेश सरकारको काम सरकार बनाउनु, कानुन निर्माण गर्नु, सरकारलाई नागरिक प्रति जवाफदेहि बनाउनु र प्रदेश सरकारका काम अनुगमन गर्नु भएको उल्लेख गर्दै उनले केही पाटोमा प्रदेश सरकार जिम्मेवार हुन नसकेको संकेत गरे । प्रदेश सभाको दोस्रो कार्यकालमा ५६ वटा बैठक बसेको तर ती बैठकहरु एकै दिनमा ३/४ वटा बसेर पु¥याइएको प्रति उनले रोश प्रकट गरे । “प्रदेश सरकार जनता प्रति जवाफदेहि र सरकारका कामको अनुगमन भए नभएको प्रति ध्यान दिइएको छैन, कर्मचारीको पुर्णता भएको छैन सो प्रति सरकारले ध्यान दिनु पर्छ” उनले भने ।
विगतका धेरै आन्दोलनपछि प्राप्त भएको संघीय संरचना औचित्यपुर्ण रहेको तर प्रदेशहरु छायामा परेको कुरा प्रति समीक्षा गर्न जरुरी रहेको उनले बताए । नेपालमा प्रदेशका बारेमा नकारात्मक कुरा चर्चा गर्ने परिपाटिको विकास भएको, काम त धेरै गरेका छन प्रदेश सरकारले तर जनताहरु किन असन्तुष्ट छन सो प्रति सोच्न जरुरी रहेको उनले बताए । गठवन्धन जोगाउने नाममा मन्त्रालय थप गर्दै खर्चको भार बढाउने काम गरेको प्रति थपलियाले प्रश्न गरे ।
कार्यक्रममा प्रदेश प्रमुख यादबचन्द्र शर्माले प्रदेश सभाको मोवाइल एप उद्घाटन गरे । त्यस्तै दोस्रो कार्यकालको हालसम्मको गतिविधि समेटेर तयार पारिएको पुस्तक विमोचन गरिएको छ ।
कार्यक्रममा प्रदेश सभामा नियमति उपस्थित भएका प्रदेश सदस्यहरु गिता गुरुङ, मधुसुधन पौडेल, माया श्रेष्ठ, रामप्रसाद ढुड्डाना, लक्ष्मिदेवि श्रेष्ठलाई सम्मान गरिएको थियो । प्रदेश सभा सचिवालयलाइ पु¥याएको योगदान राष्ट्र सेवक कर्मचारीहरुलाइ पुरस्कार तथा सम्मान पत्र प्रदान गरेएको छ । कार्यालय सहयोगी मिना ओझा, हलुका सवारी चालक सन्तोष राई, कम्प्युटर अपरेटर सरिता घिमिरे, कम्प्युटर अधिकृत रोशन प्रधान, कानुन अधिकृत मनोज कुमार गुप्तालाई नगद सहित सम्मान गरिएको सचिव पूर्णबहादुर दर्जीले बताए ।
मकवानपुर । स्वास्थ्य संस्थाहरुको स्तरोन्नती गर्ने तर स्रोत साधनको कारण सेवामा सुधार नभएको गुनासो आइरहेको बेलामा बागमती प्रदेशमा पहिलो पटक बायोमेडिकल वर्कसप स्थापना गरिएको छ । अब स्वास्थ्य जाँचको क्रममा प्रयोग भएका सामग्रीहरुको गुणस्तरको बारेमा समेत जाँच गर्न सकिने भएको छ ।
प्रदेशको स्वास्थ्य आपूर्ति व्यवस्थापन केन्द्रमा बायोमेडिकल वर्कसपको स्थापना गरिएको हो । वर्कसप विहीबारबाट सुरु भएको छ । बायोमेडिकलको वर्कसप स्थापना भएसँगै अब बागमती प्रदेशका अस्पतालहरूका लागि स्वास्थ्य जाँचको उपकरणहरुमा आउने समस्याबाट केही राहत मिल्ने भएको छ । वर्कसपबाट अबदेखि बागमती प्रदेशका अस्पतालमा बिग्रिएका स्वास्थ्य उपकरणहरूको मर्मत गरिने भएको छ। निग साइमन इन्स्टिच्युटको सहयोगमा वर्कसपमा आवश्यक सामग्रीको व्यवस्थापन गरिएको छ ।
वर्कसपको उद्घाटन गर्दै बागमती प्रदेशका स्वास्थ्यमन्त्री उत्तम जोशीले सरकारी अस्पतालमा भएका ल्याबका उपकरणहरू धेरै छिटो बिग्रने समस्या रहेको बताउँदै यस्तो किन भइरहेको छ भन्ने बारे प्रश्न गरे । यो वर्कसपबाट अब बिग्रिएका उपकरणहरू मर्मत गर्नका लागि सहयोग पुग्ने उनले बताए । “उस्तै प्रकारका सामनहरु सँगै प्रयोगमा ल्याउँदा पनि निजी तर्फकाले राम्रो काम दिने र हाम्रोतिरका बग्रेर थन्किने अनि सेवामा समस्या आउने कारण मन्त्रालयले पनि थाहा पाउनु पर्छ” मन्त्री जोशीले भने “अब यही वर्कसपबाट यस्ता कारण र बेथितीहरु समेत पत्ता लाग्ने अपेक्षा राखेका छौं ।” सामना बिग्रेर प्रयोगमा नआएको हो वा निजी संस्था चलाउने द्यय हो अब बुझिने उनले बताए ।
यसैगरी स्वास्थ्य मन्त्रालयका सचिव बद्री बहादुर खड्काले प्रदेशका अस्पतालहरूमा स्तरोन्नति गरिएकाले यसका लागि भएका सामानको मर्मत गर्दै प्रयोगमा ल्याउनुपर्ने बताए । स्वास्थ्य उपकरणहरुमा समस्या आएकै कारण सेवा प्रवाहमा अवरोध हुन नदिने उद्देश्यले वर्कसपको स्थापना गरिएको हो । “अस्पतालको भौतिक स्तरोन्नती मात्रै भएर हुँदैन” खड्काले भने “जनशक्ति, स्रोत साधनको पनि स्तरोन्नती आवश्यक छ ।”
आपूर्ति व्यावस्थापन केन्द्रका प्रमख बसन्त अधिकारीका अनुसार अस्पतालहरुमा पुन प्रयोगमा आउने सामन बिग्रेको र प्रयोगमा नआएको कारण सेवामा हुने अवरोध÷समस्यालाई अब धेरै हदसम्म कम गर्न सकिने छ । सेवा चुस्त हुनेछ, सक्षम सामग्रीहरुले सेवा प्रवाहलाई सहजीकरण र सबल बनाउने छ । यहाँ प्रादेशिक अस्पताल, आयुर्वेद स्वास्थ केन्द्र सबैतिर सामग्रीको गुणस्तर जाँच र मर्मत गरिने छ ।
निग साईमण्ड ईन्स्टिच्युट कार्यकारी निर्देशक अर्चना अमात्यका अनुसार संस्थाले ७१ लख रुपैयाँ बजेट सहयोग गरी वर्कसपमा स्पेयर पार्ट, फर्निचर, ¥याम्पहरू समेत निर्माण गरेको छ । किगले अबको कम्तीमा ५ बर्ष नियमित सहजीकरण गर्ने, आवश्यता अनुसार जनशक्तिलाई तालिम समेत गर्नेछ । ईन्स्टिच्युले यस अघि नेपालको गण्डकी, लुम्बिनी सुदुरपश्चिम र कर्णाली प्रदेशमा बायोमेडिकल वर्कसप स्थापना गरिसकेको छ ।
अस्पतालहरुमा एक्सरे मिसेन, ल्याबहरुको विभिन्न सामग्रीहरुनमा समस्या भएपछि बिरामी जाँचको क्रममा अस्पतालहरुले रिफर गर्ने गरेका छन् । जसका कारण सरकारी अस्पतालबाट पाइने सस्तो सर्वसुलभ सेवाको बदला निजीको महड्डो मारमा सर्वसाधारणहरु पर्ने गरेका छन् ।
मकवानपुर । समाजवादी आन्दोलनमा नेतृत्व गर्ने कम्युनिष्ट नेताहरुले विवाह, ब्रतबन्ध जस्ता कार्यक्रमको सन्दर्भमा ठुलो रकम खर्च गर्ने गरेको आरोप बेला बेलामा लाग्ने गरेको छ । पछिल्लो समय प्रधानमन्त्री पुष्पकमल दाहाल प्रचण्डकै सवालमा पनि सामाजिक सञ्जालमा विभिन्न टीका टिप्पणी आए ।
विवाह लगायतको सामाजिक कार्यक्रम गर्दा सहभागी हुन संङख्या र खर्चको दायरा तोकिए पनि यसलाई नीति निर्माताहरुले नै अनुसरण गर्ने गरेको पाइदैन । तर मकवानपुरका एक सञ्चारकर्मीले आफ्नो छोराको विवाह भोजको खर्च काटेर धार्मिक पर्यटकीय स्थलमा बुद्धको मुर्ति स्थापना गरेका छन् ।
मकवानपुरको हेटौंडा उपमहानगरपालिका ४, कमलडाँडा नीवासी पत्रकार प्रताप विष्टले छोरा डा. घोषणा विष्ट र बुहारी सुजता कार्कीको विवाहको खर्च कटौति गरेर हेटौंडा–९ स्थित कुष्माण्ड सरोबर त्रिवेणीधाममा गौतम बुद्धको अष्टधातुको मूर्ति स्थापना गरेका हुन् ।
धार्मिक पर्यटनको गन्तव्यको रुपमा विकास गरिएको त्रिवेणी धाममा उनीहरुले ५ फिट अग्लो, २ सय ६० केजी तामा र पित्तल मिसिएको मूर्ति स्थापना गरेको हुन् । करिब १२ लाख रुपैयाँ खर्चमा निर्माण गरिएको मूर्तिको हेटौंडा उपमहानगरपालिकाका प्रमुख मीनाकुमारी लामा तथा उपप्रमुख राजेश बानियाँ अनावरण गरे ।
सामाजसेवी तथा बुद्धिजीवी देव श्रेष्ठले फजुल खर्च गरी विवाह गर्ने परम्परा बढिरहेको समयमा यस जोडीले उदाहरणीय काम गरेको बताए । “यस्ता कार्यले समाजको नेतृत्वकर्तालाई थप जिम्मेवार बन्न प्रेरणा दिन्छ” वृद्ध श्रेष्ठले भने “बाटो देखाउनेहरुले गर्ने यस्तै काम हो ।”

घोषणा विष्ट सञ्चारकर्मी प्रताप विष्टका कान्छा छोरा हुन् । विष्टले २०७४ सालमा आफ्नो ज्येष्ठ छोराको विवाह खर्च कटाएर मानव सेवा आश्रमलाई ५ लाख ११ हजार १११ सय रुपैयाँ तथा नेपाल पत्रकार महासंघ मकवानपुर शाखामा एकलाख रुपैयाँ पुस्तकालय स्थापनाका लागि प्रदान गरेका थिए । “दुबै सन्तानको विवाहमा मैले सकेको सामाजिक काम गरे, परिवारको पनि साथ रह्यो” विष्टले भने “भोज खुवायो, एक दिनको लागि, त्यसमा पनि सबैको मन बुझाउन सकिदैन ।”
धार्मिक पर्यटकीय स्थलमा राखिएको बुद्धको मुर्तिले समावेशी पार्क निर्माणका टेवा पुगेको त्रिवेणी धाम विकास समिति अध्यक्ष इश्वरी न्यौपानेले बताए । त्रिवेणी थाममा १०८ गौमुखि धारा, शिश महल, हेडम्ब देबीको मुर्ति लगायतको दर्शनीय स्थलहरु छन् । यहाँ माघ महिना भरी कुष्माण्ड मेला लाग्छ । हेटौंडाको नामाकरण कसरी भयो भन्ने ऐतिहासिक कथा यहाँबाट बुझ्न सकिने न्यौपानेले बताए ।
बुद्धुमर्तिको अनावरण कार्यक्रममा प्रमुख जिल्ला अधिकारी सूर्य सेडाइलगायत जिल्लाका प्रमुख सरकारी कार्यालयका प्रमुखहरु, दलका प्रमुखहरु, सामाजिक अभियन्ताहरु तथा सञ्चारकर्मीहरुको उपस्थिती रहेको थियो ।
मानव वेचविखन तथा ओसारपसार बिरुद्ध प्रदेशस्तरीय संरक्षण नीति बारे अभिमुखीकरण
Tags: No Comments
