ज्योति घिमिरे
१.
कस्तो हुन्छ भविश्य समयले बताउँछ
आनिबानी सबै आचरणले जताउँछ
जिन्दगी सधैं एकनास हुन्न रहेछ हजुर,
कहिले पानीले त घामले पो सताउँछ ।
२.
मनमा छन् अनगिन्ती पिरको के कुरा
बेदनाले जकडिने जन्जिरको के कुरा
जलाउँछन् आफ्नैले चित्तामा एकदिन्,
तेरो मेरो भन्ने नश्वर शरिरको के कुरा ।
३.
दिनरात लोभमोहमा परिरहेछौँ
आशाहरु मनमा सदा भरिरहेछौँ
यो संसार रङ्गमन्च रहेछ हजुर,
आ-आफ्नो अभिनय गरिरहेछौँ।
४.
नयनबाट साउने भेल झार्नु परेको हो
उसैलाइ जिताउन आज हार्नु परेको हो
थाहै नदिइ बैगुनी मुटुभित्र पस्न थालेपछि,
काँडे तारले मनको बाटो बार्नु परेको हो।
गोदार धनुषा
In: साहित्य/ कला
Tags: No Comments

