शाेभा शाह थापा
मौका छोपी छोपी गरीब लुट्ने साउको युग हो यो ।
बाबू मार्ने छोरा र छोरी लुट्ने बाउको युग हो यो ।
बिक्दैन अचेल यहाँ खुकुरी खुर्पा कुनै हतियार,
विश्वासघातको छुराले पाउने घाउको युग हो यो ।
जसको छ रुपैयाँ पैसा उसकै चल्छ ऐसा तैसा
कसले गन्छ चानचुन डलर भाउको युग हो यो ।
बन्नु छैन विद्वान मलाई गर्नु छैन पि एच डी
माल हेरी हेरी गोटी चाल्ने दाउको युग हो यो ।
अधर्मी भए सन्तान जन्मिदैंन श्रवण कुमार
वृद्धाआश्रम गई रुँदै बस्ने माउको युग हो यो।

