- प्रभा पोख्रेल
१.
दबायाै मेरा आवाजहरू, अनि धुन हुने माैका पाएँ
यात्रा अलिनाे तिमीसँग, अहिले नुन हुने माैका पाएँ
सलाम छ तिम्राे चाहानालाइ ,म खरानी भएकाे हेर्ने
तिमीले आगाे लायाै,मैले नम्बरी सुन हुने माैका पाएँ ।
२.
दुख्छ छाती गरिबीले,देखाउँनलाई घाउ छैन
श्रम बेचेर खान पाउँ म ,अरू कुनै दाउ छैन
याेग्यताकाे छैन कदर ,ठाउँमा मान्छे नहुनेकाे
मृगौला बिक्छ देशमा,प्रमाणपत्रको भाउ छैन ।
३.
छाडि यादका ठेलीहरू, आफू नेटाे काटि गयाै
मलाई त्यान्द्राे नछाेडेर, तिमी डाेरी बाटि गयाै
शान्त मनकाे तलाउमा, बेइमानीकाे पत्थर हानी
देखाइ चिता डाेली भनि ,गज्जबले ढाँटी गयाै ।
४.
जानेलाई बिदाइकाे हात ,स्वागत आउनेलाई
छाेड्नेलाइ पछुताे झैं ,घमन्ड हाेस् पाउनेलाई
सिउँदाेभरी फुलिदिने सर्त ,स्वीकार गर्छाै भने
जीवन धितो राखि दिन्छु,चाेखाे प्रीत लाउनेलाई ।
५.
फूलै फूलकाे बहार हुन्छ,बगैँचा र माली हुदैन
हुन्छ अबिर सल्किन्छ धूप,तर पूजा थाली हुदैन
तिम्रै सामु लान्छ मलाई ,खरानी र धुवाँ बनाइ
मृत्यु शाश्वत सत्य हुन्छ ,तिमी जस्ताे जाली हुदैन ।
६.
नेताहरू भाेट्काे भिख,माग्दै आउँछन् नाेट गनेर
भ्रष्टाचारी माथि नजाउन् ,अब हाम्राे भाेट गनेर
विवेकले गराैं न काम,बिकाउ के लाई हुनुपर्याे
एउटा गलत निर्णयले ,बस्नु पर्ला चाेट गनेर ।
७.
हृदय भरी ममता सजाई,प्रीत बनी आयाै तिमी
प्यारकाे मिठाे सरगम घाेली,गीत बनी आयाै तिमी
साेचेकी थिएँ मृत्यु राेजेर,जिन्दगीसँग माफी मागाैं
जीवन ओइलाई झर्नै लाग्दा,शीत बनी आयाै तिमी ।
८.
जिन्दगीकाे सागर तर्न प्रेमकाे ,डुङ्गा भए पुग्छ
मनकाे बागमा तिम्रै नामकाे,एकै थुङ्गा भए पुग्छ
गरे पनि दर्शन धामकाे ,तिमी मेरो मनकाे देउता
तिमी भित्रै पाउँछु ईश्वर,पूज्न ढुङ्गा भए पुग्छ ।
९.
छैन मुस्कान यी ओठमा,पीरमा छु अचेल
मुटु काम्ने छाँगाे भएको ,भीरमा छु अचेल
तिमी गयाै खाेलासँगै,एकतर्फी बाटाे लागि
पर्खाइमा त्यही खाेलाकाे,तिरमा छु अचेल ।
१०.
चढ्याे नसा तनैभरी,प्यारकाे मिठाे मात हाम्राे
कहिले अन्त्य नहुने झन् ,कस्ताे बात हाम्राे
तिम्राे साथ पाए देखि,चाेखाे माया लाए देखि
जान्छ पलमै दिन अनि,छाेटाे भाछ रात हाम्राे ।
११.
धन दौलत हातको मैला ,तिम्रो साथ लाखै प्यारो
देखावटी छैन पनमा, तिमी मलाई साखै प्यारो
मूल्य हुन्छ हिरा मोतीको,तिमी अनमोल छौ प्रिय
चाहा छैन खासै स्वर्गको,मलाई तिम्रो काखै प्यारो ।
१२.
राती राती सपनीमा,किन आउँछाै भेट्नलाई
किन खाेज्छाै थाहा भएन,फेरी घाउ रेट्नलाई
संझनाकाे ज्वारभाटा ,छचल्किन्छ आँखैभरी
औषधीकाे खाेजीमा छु, तिम्राे याद मेट्नलाई ।
१३.
हामी दुइले सजाएकाे ,प्रेमको सानाे शहर थियाे
त्यहि शहरमा सँगै बस्ने ,कस्ताे मिठाे रहर थियाे
तिम्राे न्यानाे स्पर्शले,तिमी भित्रै समाहित हुँदा पनि
लाजले नजर तल पारी ,लजाएकाे प्रहर थियाे ।
१४.
सुनकाे पनि छैन चाहा ,मलाइ नुन भए पुग्छ
चाहिंदैन झिलिमिली,दियालाे र जून भए पुग्छ!!
देखासिकी मन पर्दैन,म त आफ्नै तालकाे मान्छे
महङ्गाे नि चाहिंदैन ,लाज ढाक्ने ऊन भए पुग्छ ।
१५.
संघर्षकाे तिम्राे कथा लेख्न सक्ने,कलम खाेज्छु आमा
एउटा कलम किन्न सकुँ त्यस्ताे, इलम खाेज्छु आमा
धर्ती बनी सहिरहन्छाै कहिले सम्म ,बचनकाे घाउ
चट्टै बिसेक हुने तिम्राे घाउकाे ,मलम खाेज्छु आमा
भक्तपुर
मकवानपुर । बागमती प्रदेशसभाको बैठक चैत २४ गते बस्ने भएको छ । यसअघि पटकपटक स्थगित हुँदै आएको प्रदेशसभाको सातौं अधिवेशन अन्तर्गत्को बैठक बस्ने मिति तोकिएको हो । प्रदेशसभा सचिवालयका अनुसार चैत २४ दिनको १ बजेकाे लागि सभा बस्ने गरी सूचना जारी गरिएकाे हाे ।
मुख्यमन्त्री डोरमणि पौडेलविरुद्ध अविश्वासको प्रस्ताव दर्ता भएपछि पटक पटक सूचना टाँस गरी स्थगित हुँदै आएको बैठक २४ गते मंगलबारका लागि आह्वान भएको हो । प्रदेशसभा सचिवालयले शुक्रबार सूचना जारी गर्दै मंगलबार दिउँसो १ बजेका लागि बैठक आह्वान गरेको हो ।
गत माघ ७ गतेदेखि सुरु भएको सातौं अधिवेशनमा मुख्यमन्त्री डोरमणि पौडेलविरुद्धकाे अविश्वास प्रस्तावमाथि माघ ९ गते छलफल गरी स्थगन गरिएको थियो । तत्कालिन नेकपाका ४५ जना सांसदहरुले पौडेलविरुद्ध अविश्वासको प्रस्ताव पुस १० गते दर्ता गराएका थिए ।
प्रदेशसभाका सभामुख सानुकुमार श्रेष्ठका अनुसार चैत २४ गतेकाे बैठकमा मुख्यमन्त्री पौडेलविरुद्धकाे अविश्वास प्रस्ताव सम्बन्धित पक्षले फिर्ता लिएको विषयमा जानकारी दिइने छ । त्यसै गरी सार्वजनिक सडक र सरोकारसँग सम्बन्धित विधेयक, २०७७ र प्रदेश पर्यटन विधेयक, २०७७ माथि छलफल प्रारम्भ हुने उनले बताए ।
मुख्यमन्त्रीविरुद्ध ल्याएको अविश्वासको प्रस्तावक अरुणकुमार नेपालसहित समर्थक भएका सदस्यले चैत १७ गते अविश्वासको प्रस्ताव फिर्ता लिने निर्णय भएअनुसार प्रदेशसभा सचिवालयमा १८ गते प्रस्ताव फिर्ता लिएको सूचना दर्ता गरिएको थियो । प्रदेशसभामा तत्कालीन सत्तारुढ दल नेकपाको ८० सदस्य रहेका थिए । सर्वोच्च अदालतको फैसला अनुरुप सत्तारुढ नेकपा एकिकरण पूर्वकाे अवस्थाका नेकपा एमाले र माअाेवादी केन्द् रहने गरी विभाजित भएपछि प्रदेशसभाको समिकरणमा परिवर्तन भएको छ ।
हाल प्रदेशसभामा नेकपा एमालेका ५७, प्रमुख प्रतिपक्ष दलका रुपमा नेकपा माओवादी केन्द्रका २३ जना र नेपाली कांग्रेसका २२ जना सदस्य रहेका छन् । विगतमा प्रमुख प्रतिपक्षी रहेको कांग्रेस अहिले तेस्रो ठूलो दलका रुपमा देखिएको छ । यसैगरी विवेकशील साझा दलको ३, नेपाल मजदुर किसान पार्टीको २, राप्रपाको २ र एक स्वतन्त्र सांसद गरी कूल ११० जना प्रदेशसभा सदस्य छन् ।
मकवानपुर । बागमती गाँउपालिका खेलकुद विकास समितिकाे आयाेजनामा मकवानपुरको बागमतीमा जारी चौथो बागमती गोल्डकप अन्तरगत शुक्रबार भएको पहिलाे सेमिफाइनल खेलमा अफ्रिकन रुट् एसोसिएसन, क्याम्रुन फाइनल प्रवेश गरेको छ ।
जावलाखेल युथ क्लबलाइ टाइवेकरमा ५–३ गाेल अन्तरले हराउँदै अफ्रिकन रुट् एसोसिएसन, क्याम्रुनले फाइनल यात्रा तय गरेका हाे । जाबलाखेल र क्याम्रुन बीच भएकाे पहिलाे सेमिफाइनल खेलमा निर्धारित समयमा दुबै टेलीबाट कुनै गाेल हुन नसके पछी खेल टाइबेकरमा धकेलिएकाे थियाे । उपाधिका लागि भाेली हुने बागमती यूथ क्लव सर्लाही र थ्रीस्टार क्लव ललितपुरकाे विजेतासँग २३ गते प्रतिस्पर्धा गर्नेछ ।
दाेस्राे हाफकाे ३६ औं मिनेटमा अफ्रिकन रुट्का खेलाडी जर्सी नं. १७ का यानिकले जावलाखेलका सन्त गुरूङ फल गरे पछी राताे कार्ड पाएर १० खेलाडीमा सिमित भएकाे थियाे । जावलाखेलले उक्त अवसरकाे सदुपयाेग भने गर्न सकेन ।

खेलमा उत्कृष्ट प्रदर्शन गरेका जावलाखेल युथ क्लबका जर्सी नं. ४ का रक्षक सिमान्त थापा म्यान अफ दि म्याच घोषित भए । उनले ५ हजार रुपैयाँ प्राप्त गरे । प्रतियोगिता अन्तरगत चैत २१ गते शनिबार दाेस्राे सेमिफाइनल खेल थ्रीस्टार क्लब र बागमती युवा क्लब सर्लाही बीच हुने आयाेजकले जनाएकाे छ ।
खेलकुद स्वास्थ्यका लागि खेलकुद राष्ट्रका लागि भन्ने नाराका साथ संचालित प्रतियोगिताको फाइनल खेल चैत्र २३ गते हुनेछ । प्रतियोगितामा प्रथम हुनेलाई ८ लाख, द्वितीय हुनेलाई ४ लाख, सर्वोत्कृष्ट खेलाडीलाई ५१ हजार, बिधागत उत्कृष्ट खेलाडीलाई प्रतिखेलडी १०/१० हजार, म्यान अफ दि म्याचलाई प्रती खेलाडी ५/५ हजार प्रदान गरिने छ ।

प्रतियाेगितामा बागमती खेलकुद विकास समिति, नव जनजागृती युवा क्लब सिमरा, थ्रि स्टार क्लब, मकवानपुर–११, एपीएफ क्लब, हिमालयन शेर्पा क्लब, जाउलाखेल युथ क्लब, बागमती युवा क्लब सर्लाही, विर्तामोड युनाईटेड र अफ्रिकन रुट् एसोसिएसन, क्याम्रुन सहभागीता जनाएका छन ।
मकवानपुर । आज चैत २० गते शुक्रबार सुन र चाँदी दुबैको भाउ बढेको छ। सुनको भाउ तोलामा ९०० रुपैयाँले बढेको छ भने चाँदीको भाउ तोलामा ३० रुपैयाँले बढेको नेपाल सुनचाँदी व्यवसायी महासंघले जनाएकाे छ ।
महासंघको अनुसार शुक्रबार छापावाला सुन प्रतितोला ८७ हजार ४ सय रुपैयाँ र तेजाबी सुन प्रतितोला ८६ हजार ९ सय ५० रुपैयाँमा कारोबार भइरहेको छ। आज चाँदीको भाउ पनि बढेर १ हजार २ सय ४० रुपैयाँ पुगेको छ। अघिल्लो दिन बिहीबार प्रतितोला १ हजार २ सय १० रुपैयाँमा खरिद बिक्री भएको चाँदीको भाउ शुक्रबार तोलामा ३० रुपैयाँले बढेको हो।
मकवानपुर । बागमती गाँउपालिका खेलकुद विकास समितिकाे आयाेजनामा मकवानपुरको बागमतीमा जारी चौथो बागमती गोल्डकप अन्तरगत विहीबार भएको खेलमा थ्रीस्टार क्लब सशस्त्र प्रहरीकाे एपीएफलाई हराउँदै सेमिफाइनल प्रवेश गरेको छ ।
विहीबार १९ गते भएको खेलमा थ्रीस्टार क्लबले २-० गाेल अन्तरले एपीएफलाई पराजित गरेको हो । फापरवारी स्थित जनता माविको खेल मैदानमा भएको खेलको पहिलो हाफ बराबरी भएको थियो । खेलमा दोस्रो हाफमा थ्री स्टार ललितपुरका जर्सि नम्बर ७ का दिपेश घलेले खेलको ४० औँ गोल गरेका थिए । एपिएफले धेरै अवसर पाए पनि सदुपयोग भने गर्न सकेन् ।

खेलका ४२ औं मिनेटमा पुनः दिपेशले गरेको गोल नै थ्रीस्टारको लागि निर्णायक गोल बन्न पुग्यो ।खेलमा उत्कृष्ट प्रदर्शन गरेका थ्री स्टार क्लबकाम दिपेश घले म्यान अफ दि म्याच घोषित भए । उनले ५ हजार रुपैयाँ प्राप्त गरे ।
प्रतियोगिता अन्तरगत चैत २० गते शुक्रबार अफ्रिकन रुट् एसोसिएसन, क्याम्रुन र जाबलाखेल युथ क्लब बीच पहिलाे सेमिफाइनलकाे खेल हुने छ भने चैत २१ गते दाेस्राे सेमिफाइनल खेल थ्रीस्टार क्लब र बागमती युवा क्लब बीच हुने आयाेजकले जनाएकाे छ ।

खेलकुद स्वास्थ्यका लागि खेलकुद राष्ट्रका लागि भन्ने नाराका साथ संचालित प्रतियोगिताको फाइनल खेल चैत्र २३ गते हुनेछ । प्रतियोगितामा प्रथम हुनेलाई ८ लाख, द्वितीय हुनेलाई ४ लाख, सर्वोत्कृष्ट खेलाडीलाई ५१ हजार, बिधागत उत्कृष्ट खेलाडीलाई प्रतिखेलडी १०/१० हजार, म्यान अफ दि म्याचलाई प्रती खेलाडी ५/५ हजार प्रदान गरिने छ ।
प्रतियाेगितामा बागमती खेलकुद विकास समिति, नव जनजागृती युवा क्लब सिमरा, थ्रि स्टार क्लब, मकवानपुर–११, एपीएफ क्लब, हिमालयन शेर्पा क्लब, जाउलाखेल युथ क्लब, बागमती युवा क्लब सर्लाही, विर्तामोड युनाईटेड र अफ्रिकन रुट् एसोसिएसन, क्याम्रुन सहभागीता जनाएका छन ।