देवघाट चितवन । धार्मिक क्षेत्र देवघाटधाममा माघेसंक्रान्ति स्नान गर्नेको माघ १ गते सोमवार बिहान सवेरैदेखि घुइँचो लागेकाे छ । याे क्रम सोमबार दिनभर रहने छ ।
पुष २९ गते आइतबार बिहान त्रिशुली र कालीगण्डकीकाे संगमस्थल बेणीमा ओमकार अङ्कित बासँको लिङ्गो गाडेर विधिपूर्वक पूजा गरी उद्घाटन गरिएसँगै देवघाटमा स्नानका लागि खुला हुने गरेकाे छ । तर भक्तजनको घुइँचो सोमवार बिहानैबाट देखिएकाे हो । देवघाटमा स्नान गर्न लाखौँ स्वदेशी तथा विदेशी भक्तजन अहिले देवघाटमा छन् ।
भक्तजनको आवतजावतकाे ब्यवस्थापनकालागि देवघाटको झोलुङ्गे पुल ओहोर दोहोर पङ्क्तिबद्ध रूपमा गराउन प्रहरी र स्वयंसेवकले सतर्कता अपनाएका छन् । यस्तै नदी वारपार गर्न सःशुल्क डुङ्गाको व्यवस्था गरिएको छ ।

यसै गरी सवारी साधनकालागि आँपटारी देवघाटको मूल सडकबाट देवघाटबाट बाहिरिने र रामनगर देवघाटको बाटो भित्रने व्यवस्था छ । दासढुङ्गावाट सिधै जाने हकमा सवारी साधन देवघाटको महेश सन्यास आश्रम सम्म आवतजावत गर्न सकिने व्यवस्था मिलाइएको छ ।
रातमा आउने भक्तजनकालागि धुनीको व्यवस्था मिलाइएकोमा सोमबार बिहानसम्म पनि धुनीकाे व्यवस्था गरिएकाे थियाे । शान्ति सुरक्षा र यातायात ब्यवस्थाकालागि चितवन, तनहुँ र नवलपरासीबाट प्रहरी, सशस्त्र प्रहरी र ट्राफिक प्रहरी परिचालन गरिएको छ ।
माघेसंक्रान्तिसँग देवघाटको धार्मिक एवं सांस्कृतिक महत्वको सम्वन्ध जोडिएको छ । दामोदर कुण्ड स्रोत भएर बहँदै आएको त्रिशूली र मुक्तिनाथ हुँदै आएकी कालिगण्डकी नदीको सङ्गम देवघाटको बेणी धार्मिक स्थलकाे रूपमा पनि महत्त्वपूर्ण रहेकाे छ । यहाँ माघेसंक्रान्तिमा स्नान गरे मोक्ष पाइन्छ भनेर शास्त्रमा उल्लेख गरिएको छ ।
धार्मिक मान्यता अनुसार माघेसंक्रान्तिका रात देवताहरू देवघाट स्नान गर्न आउने जनविश्वासले नै यो दिन स्नान गर्न आउनेको सख्या उल्लेखनीय हुने गरेको हो । ‘भविष्य पुराण’, ‘विष्णुवचन’ तथा ‘धर्मसिन्धु’ नामक ग्रन्थमा यस दिन पवित्र तीर्थस्थलमा स्नान गरी घिउ, चाकु, तिलको लड्डु, सागपात, तरुल, बस्त्र, पानीको भाँडो र मकलसहितको सिदादान गरेमा विशेष फल प्राप्त हुने र उक्त पदार्थ आफूले खाएमा शरीर पोषिलो हुनाका साथै निरोग भइने जनविश्वास छ।
आइतबार राति भक्तजन देवघाटमा जाग्राम बस्ने प्रचलन छ। धर्मशास्त्रअनुसार सौरमासका हिसाबले माघेसंक्रान्तिदेखि सूर्य धनु राशिबाट मकर राशिमा प्रवेश गर्ने हुनाले यसलाई ‘मकर संक्रान्ति’ भनिएको हो। आजदेखि सूर्य दक्षिणी गोलार्द्धबाट उत्तरी गोलार्द्धतर्फ प्रवेश गर्ने भएकाले दिन लामो र रात छोटो हुँदै जाने विश्वास गरिन्छ।
देवघाटमा नेपालसहित भारतलगायत तेस्रो मुलुकबाट भक्तजन स्नानका लागि आउने गर्दछन्। विगतका वर्षमा भन्दा यस वर्ष भक्तजनको संख्या बढी हुने अपेक्षा गरिएको भए पनि पहिलेकाे तुलनामा २५ प्रतिशत कम रहेकाे देवघाट तनहुँका स्थानीय शिवराज पौडेल भनाइ रहेकाे छ। पहिलाे राती बस्ने धेरै हुने गरेकाे तर यातायातकाे सहज पहुँचका कारण विहानै आएर स्थान र दर्शन पश्चात फर्कने भक्तजनहरु बढी भएकाेले पहिलेकाे वर्षहरु भन्दा कम नहुने गुरुकुल शिक्षक रत्न कडेंलले बताए ।





देवघाटधाम, तनहुँ । मकर संक्रान्तिको पूर्वसन्ध्यामा तनहुँको देवघाटधाममा ‘मकर काव्य यामिनी’ को २१ औ शृङ्खला आयोजन गरिएको छ।
पवित्र धार्मिकस्थल एवम् आध्यात्मिक क्षेत्र देवघाटधाम, तनहुँमा अवस्थित ‘महेश-संस्कृत-गुरुकुलम्’को आयोजनामा आइतबार “मकर-काव्य-यामिनी”को २१ औँ शृङ्खला आयोजना भएको हो ।
२०६० सालबाट निरन्तर सञ्चालन भइरहेको मकर-काव्य-यामिनी राष्ट्रियस्तरको काव्यिक महोत्सव हो । राष्ट्रकवि तथा विभिन्न राष्ट्रियस्तरका कवि, साहित्यकार तथा विशिष्ट विद्वान्हरूको उपस्थिति रहँदै आएको कार्यक्रम पौष महिनाको अन्तिम साँझबाट माघको बिहानसम्म सञ्चालन भएको थियो ।
मकर संक्रान्तिको पूर्व सन्ध्यामा सञ्चालन हुने भएकाले यस कार्यक्रमको नाम मकर-काव्य-यामिनी राखिएको आयोजक संस्थाले जनाएको छ । माघे संक्रान्तिका दिन त्रिशुली र कालीगण्डकीको संगमस्थलमा स्नानका लागि आउने काव्यपारखीलाई काव्यगंगाको आनन्द दिलाउने उद्देश्यले विगत २१ वर्षदेखि महेश सन्न्यास गुरुकुल आश्रमले ‘मकर काव्य यामिनी’ आयोजना गर्दै आएको छ।
चितवन, नवलपरासी र तनहुँको संगम वेणीमा माघ १ गतेको अघिल्लो रात श्रद्धालुले भजनकीर्तन गर्दै जागा बसेर भोलिपल्ट स्नान गर्ने चलन छ। तिनैमध्येका काव्यपारखीलाई रातभर काव्यको आनन्द दिलाउनका लागि ‘काव्य यामिनी’ आयोजना गरिँदै आएको महेश संस्कृत गुलुकुलममा पिठाधिस १००८ स्वामी रमणानन्द गिरीले जानकारी दिए।
उनका अनुसार ‘काव्यपारखीले रातभर बसेर काव्यका बारेमा विचारविर्मश गरून् भन्ने उद्देश्यले यस्तो कार्यक्रम सुरु गरिएको हो ।कार्यक्रममा बर्सेनि काव्यानुरागीहरूको विशेष जमघट हुँदै आएको छ।’
‘मकर काव्य यामिनी’ मा रचना वाचनसत्रमा आदर्श घिमिरे, काशीराज दाहाल, अभिषेक गौतम, उज्ज्वल पौडेल, विवेक पराजुली, रोहण सुवेदी, चेतना वाग्ले, उत्तम सुवेदी, गोविन्दगोपाल खतिवडा, प्रदीप नेपाल, नगाजधिराज,मनिष गौतम, तितेपाती,अभिषेक ओझा,शाश्वत खनाल, सुरेश नारायण गौतम, अनिष ढुंगेललगायताका कविहरुले बिभिन्न छन्दमा कविता सुनाएका थिए ।

२०६० सालमा सुरु गरिएको यो कार्यक्रम कोभिडका बेला पनि अनलाइनमार्फत आयोजना गरिएको थियो। २१ वर्ष अवधिमा काव्य यामिनीमा धेरै साहित्यकारहरूले सहभागिता जनाइसकेको आयोजक महेश गुरुकुलमले जनाएको छ। प्राध्यापक दयाराम श्रेष्ठको प्रमुख आतिथ्यतामा आयोजना भएको काव्य यामिनीको २१ औ शृङ्खलामा गुरुकुलका विद्यार्थीलगायत विभिन्न जिल्ला कविहरूकोसमेत उपस्थिति रहेको थियो ।
“देवघाट महाकाव्य ” “म र मेरा” र “महापुरुष” का स्रष्टा निराजन पन्त, छन्दकवि सुदेश सत्याल , कवि नगाधिराज, कवि तथा गजलकार अहम् स्रष्टा आदि मकर काव्य यामिनीका प्रतिनिधि कवि उत्पादन भएको आयोजकले जनाएको छ । कार्यक्रमलाई सन्तोष घिमिरेले सहजीकरण गरेका थिए ।
भवगाम्भीर्यले पूर्ण अलङ्कारसुवासिनी।
रसमाधुर्य बोकेर आउँछिन् काव्य-यामिनी ।।
मकवानपुर । मकवानपुरकाे हेटौंडामा माघ १ गते छैठौं माघी महोत्सव हुने भएको छ । शनिबार महोत्सव सम्बन्धी जानकरी पत्रकार भेटघाट गरी गराइएकाे हाे ।
थारु जातिको साँस्कृतिक, लोक कला, भाषा दर्शन, साहित्य, रितिरिवाज, र थारु परिकारहरुको व्यवसायिकरण गर्न राष्ट्रिय तथा अन्तर्राष्ट्रिय स्तरमा प्रचार गर्ने उद्देश्यले महोत्सवको आयोजना गर्न लागिएको माघी महोत्सव मूल आयोजक समिति मकवानपुर सचिव चन्द्रकान्त चौधरीले जानकारी दिए ।
हेटौंडा उपमहानगरपालिकाकी प्रमुख मिना कुमारी लामाले उद्घाटन गर्ने महाे्सव सोमबार विहानबाट हेटौडा ४ स्थित भुटनदेवी माध्यामिक विद्यालयकाे प्राङ्गणमा हुनेछ । उद्घाटन अघि थारु जातिको पहिचान भल्किने भेषभुषा र साँस्कृतिक झाँकीसहित सिमाचोक, बुद्धचोक, कान्तिलोकपथ हुदै पुनः भुटनदेवी विद्यालयको चौरमा पुगी मूल समारोह सभामा परिणत हुने कार्यक्रम रहेको चौधरीले बताए ।
महोत्सवमा थारु जातिको विशेष परिकारहरु घुगी, तिलको लड्डु, बरी, अदौरी, गँगटो, अमादीके, आदिको सःशूल्क स्टल रहने छ । साथै थारु जातिको साँस्कृतिक नाचँगानको साथै आन्तरिक तथा बाह्य कलाकारहरुको गीत र नृत्यबाट दर्शकहरुलाई मनोरञ्जन दिने आयोजकले जनाएको छ ।

महोत्सवमा करिब ७ लाख ५० हजार खर्च हुने अनुमान गरिएकोे छ । साथै महोत्सवलाई करिब ५ हजार दर्शकले अवलोकन गर्ने अनुमान गरिएको सहसचिव रामानन्द चौधरीले बताए । सरकारले हरेक वर्ष माघी पर्व माघ १ गतेका दिनमा सार्वजनिक विदा दिने गरेको छ ।
महोत्सवकाे जानकारी दिन आयोजित पत्रकार सम्मेलनमा माघी महोत्सव मूल आयोजक समिति मकवानपुरका सभापति सचिदानन्द चौधरी, उपसभापति शिला चौधरी, सचिव चन्द्रकान्त चौधरी, सहसचिव रामानन्द चोधरी, कोषाध्यक्ष उमा चौधरी, साथै सदस्यहरु रिना चौधरी, सिया चौधरी, रञ्जु चौधरी, ललित चौधरी, सन्दिप चौधरी र सरोज चौधरी लगायतको उपस्थिति रहेको थियो ।
मकवानपुर। नेपाल मुस्लिम इत्तेहाद संगठनका केन्द्रीय अध्यक्ष तथा प्रतिनिधिसभा सदस्य सिराज फारुकीले मुस्लिम समूदायले देशहितलाई पहिलो प्राथमिकतामा राख्ने गरेको बताएका छन् ।
शनिबारबाट हेटौँडामा सुरु भएको नेपाल मुस्लिम इत्तेहाद संगठनको प्रथम बागमती प्रदेश अधिवेशनको उद्घाटन गर्दै फारुकीले मुस्लिम समूदाय देशप्रति बफादार हुने गरेको बताए ।
नेकपा एमाले निकट संगठनकाे अधिवेशनमा एमाले केन्द्रीय सदस्य समेत रहेका उनको गठवन्धन रहेसम्म देशले विकासको गति नलिने समेत बताए । गठवन्धनले देशका जनतालाई धोका दिईरहेको भन्दै आफ्नो अधिकार स्थापित गर्दा मुस्लिम समूदाय एक हुनुपर्ने बताए । अहिले गठवन्धनले विकासको गतिलाई रोकेर भागवण्डामा देशलाई अराजकता तर्फ लगिरहेको बताए ।
अध्यक्ष फारुकीले देश विकासको लागि एमालेको सरकार आवश्यक रहेको र त्यसको लागि मुस्लिम समूदायको भूमिका महत्वपूर्ण रहेको बताए । देशमा संविधान जारी भएको ८ वर्ष वितिसक्दा समेत मुस्लिम अधिकारको पक्षमा ऐन, कानून निर्माण हुन नसक्नु दुःखद विषय भएको भन्दै उनले आफूहरुले सदन मार्फत मुस्लिम समूदायको अधिकार स्थापनाको लागि आवाज बुलन्द गरेको बताए ।
शनिबारबाट सुरु बागमती प्रदेश प्रथम अधिवेशनले ३३ सदस्यीय कमिटि निर्माण गर्ने नेपाल मुस्लिम इत्तेहाद संगठनका केन्द्रीय उपमहासचिव एवम् संगठन विभाग प्रमुख जगुल मियाले बताए । अधिवेशनले एक अध्यक्ष, दुई उपाध्यक्ष, एक सचिव र एक उपसचिव सहितको कमिटि चयन गर्ने छ । अधिवेशनमा बागमती प्रदेशका १३ जिल्लाका करिब १ सय जना प्रतिनिधिहरु रहेका छन् ।
मकवानपुर । नेपाल आइडल पाँचौ सिजनको हेटौंडा अडिसन माघ २ गते हेटौंडामा हुने भएको छ ।
हेटौंडा ९ स्थित कृष्ण आदर्श बोर्डिङ स्कुलमा हुने अडिसनको तयारी अन्तिम चरणमा रहेको आयोजकले जनाएको छ । गत २१ पुसदेखि झापाबाट सुरु भएको सिजन ५ को अडिसन हेटौंडामा हुने भएको हो । अडिसन हेटौंडामा हुने भएपछी यस क्षेत्रका संगितप्रेमीहरुमा उत्साह थपिएको छ ।
गायकको खोजी गर्ने उपयुक्त प्लेट फर्म नेपाल आइडल सिजन ५ मा न्ह्यू बज्राचार्य, इन्दिरा जोसी र कालीप्रसाद बाँस्कोटा निर्णायकको भूमिकामा रहेका छन् ।
नेपाल आइडल सिजन १ देखि ४ सम्म क्रमशः बुद्ध लामा, रवि ओड, सज्जा चौलागाईं र भूपेन्द्र थापा मगर बिजयी भएका छन् ।
