मकवानपुर । हरेक साताकाे शुक्रबार र शनिबार बेलुकी ८ बजेबाट हिमालय टीभी एचडीमा प्रशारण हुँदै आएको ‘द भ्वाइस अफ नेपाल’आजबाट सुरु हुने भएकाे छ ।
२ सातासम्म रोकिएको नेपालकै नम्बर १ रियालिटी शो ‘द भ्वाइस अफ नेपाल ३’ काे शो प्रशारण निर्धारित समयमा नै सुरु हुने शोका निर्देशक लक्ष्मण पौडेलले बताए ।
२ साताअघि कोरोना संक्रमणको जोखिम बढेको भन्दै शोका नयाँ भागहरु छायांकन गर्न नसकेकाले प्रशारण रोकिएको जानकारी यसको टिमले गराएको थियो । यो शोका ३ जना निर्णायक प्रमोद खरेल, तृष्णा गुरुङ र दीप श्रेष्ठलाई कोरोना संक्रमण पुष्टी भएको थियो । जसमध्ये, प्रमोद र तृष्णा कोरोनामुक्त भैसकेका छन् । दीप श्रेष्ठको भने अस्पतालमा उपचार भैरहेको छ । साथै केही प्रतिस्पर्धीहरुलाई कोरोना संक्रमण भएपछि शो नै प्रभावित भएको थियो ।
आज बेलुकी प्रशारण हुने भागमा नकआउट चरण अन्तरगत प्रतिस्पर्धीहरुले प्रतिस्पर्धा गर्नेछन् ।
तिम्रो मन्द मुस्कानको नजिकै
बलिरहेको त्यो हरियो बत्तिले
मलाई यो सूचित गरिरहन्छ किः
तिमी सकुशल छौं
र,
मैले झै, मेरो याद गरिरहेकै छौ सायद ।
तिमी शान्त छौ, यै तस्बिर जस्तै
सालिन छौ, गहिरो महासागर जस्तै,
मायालु यति छौ, कि म निशब्द छु बताउँन,
वर्षौदेखि मनमा अथाह प्रेम भरेर,
कतै नडगमगाइकन,
कतै पोखिन नदिइकन,
कतै छचल्किन नदिएर,
कतै कुडिन र टुक्रिन नदिइकन,
कति यत्न पुर्वक राख्यौ होला त्यो मनलाई चोखो गरी ।
र, म
कुन साहसले अघि बढुँ त्यो
शान्त तलाउमा ढुङ्गा हान्न,
कसरी हिम्मत गरु त्यो
चोखो मनमा ढसमस्स भरिएर बस्न,
वर्षौदेखि ढलपल नगरीकन भरिएर बसेको
त्यो प्रेमिल, त्यो मायालुपन किन पाेखिन दिउँ
किन डगमगाइ दिउँ,
किन छचल्किन दिउँ ?
नकुडाइकन, नटुक्राइकन
नासो सम्झेर या उपहार संझेर
उसैगरी, उस्तै जतन पुर्वक
उही मन्दिरमा त्याे चाेखाे मन सुरक्षित राख ।
हेटौंडा–५ सिंचाइटोल, रचनाकाल २०७८ जेठ ।
- एसके. निधन
तिमीले,
अन्तिम पटक सास फेर्नु भन्दा
एकाध घण्टा अघि नै
सनसनीपूर्ण समाचार छापियो:
वैकल्पिक राजनीतिको एउटा सुर्य अस्तायो ।
बिडम्बना !
कति हतार छ लेखि टोपल्न
कति हतार छ छापिहाल्न
कति हतार छ हतारको पछी दगुर्न ।
—
–
सत्य एउटा मात्रै छ
सुर्य न उदाउछ न अस्ताउछ
फिलिली घुमिरहने ग्रह-डल्लोका बुख्याँचाहरु
अलिक नजिक पुग्दा उदायो भन्छन
अलिक कोल्टे पर्दा अस्तायो भन्छन ।
—
एउटा पागल भिड
तुरुक्क सान्त्वना रुन्छ : उज्वल मर्यो !
बकवासको पनि हद हुन्छ नि
एउटा भरोसा
एउटा बिश्वास
एउटा आस्था
एउटा बिचार
कसरी खुम्चिन सक्छ मान्छेको आयुमा ?
—
–
ओ ! सम्पादक
अक्षरमा ब्याकरण मात्र होईन बिचार लेख्ने भए
त्रुटी सच्च्याउनु र लेख्नु –
दिर्घजिवी भव:
उज्वल थापा
अर्थात बैकल्पिक राजनीतिको एउटा सुर्य ।
- जगन्नाथ सुवेदी
सडकमा मान्छे र धुलो दुबै उत्तिकै व्यस्त छन् ,
मान्छे नाक र आँखा छोपेर धुलोलाई अस्विकार्छ,
धुलो मान्छेका कपालमा चढेर आफ्नो प्रभाव पार्छ ,
मान्छेको गन्तब्य र धुलोको कुनै ठेगाना यी दुबैको छैन,
धुलो र मान्छे उस्तै उस्तै छन् फरक थोरै छ,
धुलो को छुटै नाम छैन मान्छेले केहि अक्षर बोकेको छ,
समयको चक्रले नामका अक्षर मेटिदिंदा,
मान्छे एउटा अल्ली ठुलो धुलो झैं हुन्छ ।
धुलो हावामा त मान्छे कल्पनामा उड्छ,
एउटा पानीमा त अर्को नशामा भिज्छ,
हिलो बनेर धुलो नालीमा पुग्छ,
मान्छे मति अनुसाको गतीमा पुग्छ,
धुलो र मान्छे उस्तै उस्तै छन्
फरक थोरै छ,
हिलो उ सुकेपछि फेरी धुलो नै हुन्छ,
गन्तव्यको ज्ञान बिना मान्छे मान्छे हुदैन,
कपाल फुलेको इन्द्रिय गलेको एउटा अशक्त धुलो झैं हुन्छ ।
रचनाकाल २०५१
मकवानपुर । नवसर्जक साहित्य चौतरीले आयोजना गरेको राष्ट्रिय कविता प्रतियोगितामा ३ जना उत्कृष्ट कवि घोषित भएका छन् । गत वर्ष जेठ १ गतेदेखि सुरु भएकाे नवसर्जककेन्द्रित अनलाइन साहित्यिक प्रशिक्षणकाे प्रथम वार्षिकाेत्सवकाे अवसरमा आयाेजित प्रतियोगितामा सहभागी देशभरका ३० कविमध्येबाट छानिएका १० उत्कृष्ट कविहरूकाे कविता वाचन भएकाे हाे ।
राष्ट्रव्यापी माध्यमिक तह (कक्षा ६–१२) स्तरीय कविता प्रतियोगितामा मकवानपुरका रोश्नी चौलागाई (म फर्कनेछु), कपिलवस्तुकी जोशिका कँडेल (नेपाल मेरो घर) र कपिलवस्तुका शिरीष बन्जाडे (हो मेरो देश पनि) हुन् उत्कृष्ट भएका हुन्। प्र
भर्चुअल माध्यमबाट गरिएकाे कविता प्रतियाेगितामा ३० जना सहभागीहरु भएका थिए । सहभागी मध्य सफल भएका उत्कृष्ट १० जनालाइ कविता वाचनकाे अवसर दिएको थियो । त्यस मध्य तीन उत्कृष्ट कविहरुलाई नगद ३/३ हजार रुपियाँसहित सम्मान गरिएको छ । कविहरू प्राेल्लास सिन्धुलीय, टीका आत्रेय र सुदेश सत्यालकाे ३ सदस्यीय निर्णायक समितिले उत्कृष्ट १० कविबाट ३ जनालाई उत्कृष्ट घोषित गरिएको हो ।

कार्यक्रममा सर्जक सञ्जाल मकवानपुरका संयाेजक निमेष निखिल, प्रतियोगिताकी पुरस्कार व्यवस्थापक बिन्दा पराजुली बराल, रेडियाेकर्मी राम अविकास, चाैतारीका संरक्षक एवम् परिकल्पनाकार दीपक गाैतम, सल्लाहकारहरू रमेशमाेहन अधिकारी, डिबी बर्ताैला, ओमकुमारी बन्जारा रानाभाट, अर्चना दाहाल, जयन्ती आचार्य, गजल मञ्च मकवानपुरका अध्यक्ष देवराज तिवारीलगायत प्रतियाेगी १० कविहरूकाे उपस्थिति रहेकाे थियाे ।
डा. नेत्र एटमको प्रमूख अतिथ्यतामा र नवसर्जक साहित्य चौतरी नेपालका अध्यक्ष प्रशन्ना चौलागाईको सभाध्यक्षतामा कार्यक्रम भएको हो । स्थापनाको छोटो समयमै नवसर्जक साहित्य चौतारी नेपालले राष्ट्रव्यापी माध्यमिक तह (कक्षा ६–१२) स्तरीय कविता प्रतियोगिता आयोजना गरेकाे हाे ।