मकवानपुर । हेटौँडा उपमहानगरपालिकाका जनप्रतिनिधिले यातायात पूर्वाधार निर्देशनालय बागमती प्रदेशकाे ध्यानाकर्षण गराएका छन् । उपमहानगरपालिकाका ३ जना वडा अध्यक्षहरुले यातायात पुर्वाधार निर्देशनालय हेटौडामा पुगेर ध्यानाकर्षण पत्र दिएका छन् ।
हेटौँडा उपमहानगरपालिका वडा नंबर २, ४ र १० का वडा अध्यक्षहरुले निर्देशनालयमा पुगेर निमित्त निर्देशक सहदेब भण्डारीलाई ध्यानाकर्षण पत्र दिएका हुन् । हेटौडा ४ हुप्रा क्षेत्रको ४ किमि सडक कालोपत्रे गर्ने, पेटि ढल निर्माण गर्ने कार्यकाे लागि खनि छाडेको सडकमा मानविय दुर्घटना भई रहेको तथा हुन सक्ने, हेटौडा १० को टिसियन रोड, हेटौडा २ को मानस चोक देखी मनकामना चोक र वनस्खण्डी सड़क कालो पत्रे यातायात पुर्वाधार निर्देशनालय हेटौडाद्वारा बोलपत्र भई सम्झाैता भएकाेमा सम्पन्न हुन नसकेकेा लगायतकाे विषयमा ध्यानाकर्ष गरिएकाे हाे ।
उक्त कार्य सप्तकोशी जलाधार ओम साई, जे भि तिनकुने काठमाण्डौले २०७८ मंसिर २ गते सम्म निर्माण कार्य सम्पन्न गर्ने सम्झौता गरे पनि हालसम्म काम सुरु नगरेको वडा नंबर ४ का वडा अध्यक्ष नविन सिग्देलले बताए । वडा अध्यक्षले पेश गरिएको ज्ञापनपत्रमा भनिएको छ ‘ उक्त सडक क्षेत्र अत्यन्त जिर्ण भई मानिस आवत जावत गर्न समस्या परेको, बातावरणीय प्रतिकुलता उत्पन्न भएको र दुर्घटना ग्रस्त क्षेत्र रहेकोले तत्काल निर्माण कार्य अगाडि बढाउनुको लागl आवश्यक कार्वाहीको प्रकृया अगाडि बढाउन सम्बन्धित कार्यालयको गम्भिर ध्यानाकर्षण गर्दछौं साथै सरकारी नीति नियम अनुसार आवश्यक कार्वाहीको प्रकृया अगाडि बढाउन समेत अनुरोध गर्दछौ ।’
ज्ञापनपत्र लिदै निमित्त निर्देशक भण्डारीले तत्काले ति ठेकेदार कम्पनीका प्रतिनिधिलाई बोलाएर बैठक गरिने बताए । सरकारले पनि कोरोनाको कारण यो वर्षको अन्तिमसम्म काम गर्न समय दिएको भन्दै उनले निर्माण कम्पनीले आफुहरुले दिएको तालिका बमोजिम काम गरेको नपाईएमा तुरुन्तै कारबाहीको प्रक्रिया सुरु गर्ने बताए ।
ज्ञापनपत्र बुझाउने कार्यक्रममा वडा नंबर २ का वडा अध्यक्ष हरि राउत, १० का वडा अध्यक्ष कितापसिंह लामा सहितका वडा सदस्य, टोल विकास सस्थाका प्रतिनिधिहरु लगायतकाको उपस्थिति रहेको थियो ।

मकवानपुर/२० नोभेम्वर अन्तराष्ट्रिय बालअधिकार दिवसको अवसरमा अन्तरक्रिया गरिएको छ ।
सिविन नेपालको आयोजना तथा जिल्ला प्रहरी कार्यालय मकवानपुरको समन्वयमा बालअधिकार, बालसंरक्षण, बालमैत्री सेवा प्रवाहमा नेपाल प्रहरी एवं बालहेल्पलाइन १०९८ को भुमिका विषयमा एकदिने अन्तकृयात्मक कार्यक्रम गरिएको हो ।
कार्यक्रममा बालअधिकार, बाल संरक्षण, बाल विवाह, अनलाईनमा बालबालिकाहरुको प्रयोग एव दुरुपयोग, बालबालिकाहरुको उद्धार, संरक्षण, परामर्श, पुर्नस्थापना, शारिरीक दण्ड, हिंसा, यौनदुर्व्यवहार, हराएका तथा फेला परेका बालबालिकाहरुको सन्दर्भमा कसरी बालहेल्पलाइन १०९८ र नेपाल प्रहरीसँग समन्वय गरि कार्य गर्दा प्रभावकारीता बारे चर्चा गरिएको थियो ।
यसै सन्दर्भमा मकवानपुर जिल्लाका विभिन्न प्रहरी चौकि, इलाका तथा जिल्ला प्रहरीमा कार्यरत कर्मचारीसँग अन्तरकृया भएको बाल हेल्पलाइन जिल्ला संयोजक झबिन्द्र ज्ञवालीले बताए ।
मकवानपुर जिल्लामा सिविन महिला, बालबालिका तथा जेष्ठ नागरिक मन्त्रालय, राष्ट्रिय बालअधिकार परिषदको सहकार्यमा सिविन नेपालले संचालन गरेको बालहेल्पलाइन संचालन कार्यविधि २०७६ को बारेमा समेत जानकारी गराउनुका साथै प्रहरी र बालहेल्पालाइनको समन्वयमा विगतमा भएका बालबालिकाका घटनाकाको सन्र्दभमा समेत छलफल भएको थियो ।
पछिल्लो समयमा बालबालिका कसरी सामाजिक संजालको लतमा परि समस्यामा परेका छन र सामाजिक संजालको दुरुपयोगका कारण दुर्व्यवहार, बालविवाह तथा विद्ययालय समेत जान छोडि कुलतमा फसेका विषयमा सहभागि विचमा छलफल भएको थियो ।
कार्यक्रमा सहभागिहरुलाइ सम्बोधन गर्दे डि.एस.पि.जयश्वर रिमालले यस कार्यक्रमबाट सहभागिहरुले बालअधिकार तथा बालसंरक्षणका विषयमा धेरै बुझ्ने अवसरमिलेको र यस अवसरलाइ ब्यवहारमा लागु गर्न सबैलाइ अनुरोध गर्दे आगामि दिनमा बालहेल्पलाइनसँग थप सहकार्य गरि अगाडि बढ्ने जानकारी गराए ।
कार्यक्रममा ४५ जना विभिन्न दर्जाका प्रहरी कर्मचारीको उपस्थिति रहेको थियो । कार्यक्रमको सहजीकरण सिविन नेपालका जिल्ला संयोजक झबिन्द्र ज्ञवालीले गरेका थिए ।
मकवानपुर/कवि तथा व्यङ्ग्यकार बासुदेव गुरागाईं (पिँडालु पण्डित) को २ वटा भजन युटुबमा सार्वजनिक भएको छ ।
‘भेटी चढाउँ छैन प्रभु मन चढाएँ’ र ‘कृष्ण आउनु भो,हेर हेर हाम्रा अघि कृष्ण आउनु भो’ बोलका २ वटा भजन युटुबमार्फत सार्वजनिक गरिएको हो । ‘भेटी चढाउँ’ बोलको भजनमा मेनुका पौडेलले स्वर दिएकी छन् भने सङ्गित मनराजा नमर्कीले भरेका छन् ।
सर्टकट इन्टरटेन्टमेन्टले बनाएको लिरिकल भिडियोमा एरेञ्जर भुपेन्द्र रायमाझी रहेका छन् । यो भजन २०७५ सालका रेडीयो नेपालमा रेकर्ड भएको हो । यसैगरी ‘कृष्ण आउनु भो,हेर हेर हाम्रा अघि कृष्ण आउनु भो’ बोलको भजनमा गायिका सुजता बर्माले स्वर दिएकी छन् भने नकर्मीकै सङ्गित रहेको छ ।
सर्टकट इन्टरटेन्टमेन्टले नै यो लिरिकल भिडियो बनाएको हो । यो भजन भने २०७४ सालका रेडीयो नेपालमा रेकर्ड भएको थियो ।
यि दुबै भजन सङ्गितकार नकर्मीको युटबुट च्यानबाट सार्वजनिक गरिएको हो ।
कविता, मुक्तक, हाइकु तथा व्याङग्य साहित्यमा कलम चलाउँदै आएका पण्डितको भजन विधा नयाँ हो । पण्डित नेपाल सरकारको सह–सचिव पदबा सेवा निवृत कर्मचारी हुन् । अवकाश प्राप्त जीवनमा आफ्नो अधिकत समय साहित्यमा लगाउने गरेको उनले बताए । पण्डित विभिन्न विधामा कमल चलाए वापत विभिन्न संघसंस्थाहरुबाट सम्मानित तथा पुरस्कृत भइसकेका छन् भने दर्जनौ साहित्यक संस्थाहरुमा नेतृत्व गर्दै आएका छन् । उनले २०६४ मा बास उठेका चराहरु ( कविता संग्रह) र २०५९ सालमा नेता ‘चिरन्जिवि भव’ (व्याङ्गय कविता) बजारमा ल्याइसकेका छन् ।
मकवानपुर । हेटाैडा उपमहानगरपालिकामा सवारी दुर्घटनामा १ जनाकाे मृत्यु भएकाे छ । पूर्वपश्चिम राजमार्ग अन्तरगत हेटौंडा उपमहानगरपालिका वडा नम्वर–९ हनुमानगेट नजिकै बाेलेराे गाडीले माेटरसाइकललाई ठक्कर दिंदा कैलाश गाँउपालिका ४ कालिकाटारका अवबरल रिजालकाे ज्यान गएकाे मकवानपुर प्रहरीले जनाएकाे छ ।
पथलैयाबाट हेटौंडातर्फ आइरहेको ना ३ च ११९३ नम्वरको बाेलेरो गाडीले राति १२ः४५ बजेको समयमा हेटौंडाबाट पथलैयातर्फ जाँदै गरेको ना ३४ प ६०४४ नम्वरको मोटरसाइकललाई ठक्कर दिएको थियो । बोलेरोको ठक्करबाट मोटरसाइकल चालक कैलाश गाउँपालिका वडा नम्वर ४ कालिकाटार निवासी २४ बर्षीय रिजाल घाइते भएका थिए ।
घाइते रिजाललाई उपचारको लागि मदन भण्डारी स्वास्थ्य विज्ञान प्रतिष्ठान हेटौंडा अस्पतालमा लगिएकाेमा चिकित्सकले मृत घोषणा गरेको जिल्ला प्रहरी कार्यालय मकवानपुरका प्रहरी नायव उपरिक्षक जयश्वर रिमालले जानकारी दिएका छन् । मृतक रिजालको शव पोष्ट मार्टमको लागि अस्पतालको शव गृहमा राखिएको र घटनाबारे थप अनुसन्धान भइरहेको प्रहरीले जनाएको छ ।
मकवानपुर / पेट्रोलियम पदार्थमा भएको मूल्यवृद्धि फिर्ताको माग गर्दै नेत्रविक्रम चन्द ‘विप्लव’ नेतृत्वको नेकपाले गरेको नेपाल बन्दका कारण बागमती प्रदेशको राजधानी हेटौंडा बजार बिहानैदेखि सुनसान देखिएको छ ।
बन्दको कारण लामो तथा दुरीका सवारी संचालन नहुँदा यात्रुले सास्ती पाएका छन् भने बजार बन्दले सर्वसाधारणको जनजीवन प्रभावित भएको छ । विशेषगरी हेटौंडा बजार क्षेत्रका पसलहरु खुलेका छैनन् । बन्दकर्ताहरूले बिहानै बजारको मुख्य चोकमा झण्डा सहित बन्द आव्हान गर्दै आफ्नो उपस्थिति देखाईरहेका छन् ।
मकवानपुर हुंदै चल्ने पूर्वपश्चिम राजमार्ग, त्रिभुवनराजपथ, कान्तिराजपथमा सवारीका साधनहरु चलेका छैनन् । हालसम्म कुनै अप्रिय घटना नभए पनि जनजीवन प्रभावित भएको जिल्ला प्रहरी कार्यालय मकवानपुरका प्रहरी नायब उपरिक्षक जयश्वर रिमालले बताए । बन्दको प्रभाव कम गर्न हेटौंडाका चोक चोकमा प्रहरी परिचालन गरिएको छ । चोकचोकमा प्रहरीको उपस्थिति बाक्लो छ । प्रहरीले फाट्टफुट्ट सार्वजनिक गाडी चलिरहेको पनि जनाएको छ ।




तस्विरहरुः सम्झना घिमिरे/ सहिखबर