मकवानपुर । स्थानीय तह सदस्य निर्वाचन २०७९ को नतिजा सार्वजनिक भएको २ सातापछि मकवानपुर कांग्रेसले जिल्ला समन्वय समिति मकवानपुरमा आफ्नो नेतृत्व हुनुपर्ने दावी गरेको छ ।
नेपाली कांग्रेस मकवानपुर जिल्ला पार्टी सभापति बुद्ध लामाले आज पत्रकार सम्मेलन गर्दै मकवानपुरमा कांग्रेस सबैभन्दा ठूलो दल भएकोले जिल्ला समन्वयमा आफ्नो दावी रहेको बताए ।
स्थानीय तह सदस्य निर्वाचनमा १० स्थानीय मध्ये थाहा नगरपालिका र हेटौंडा उपमहानगरपालिकाको नेतृत्व माओवादी केन्द्र र एकिकृत समाजवादीलाई दिएका कारण पनि जिल्लाको नेतृत्व दावी गर्ने अधिकार कांग्रेससँग रहको लामाले बताए ।
उनले जिल्ला समन्वय समितिको निर्वाचनमा काँग्रेसकै नेतृत्वमा अघि बढ्ने गरी गठबन्धन दलहरुबीच छलफल भइरहेको समेत बताए । जिल्ला समन्वय समितिको निर्वाचनमा मकवानपुरको हेटौंडा उपमहानगरपालिका, थाहा नगरपालिका र ८ वटा गाउँपालिकाका प्रमुख र उपप्रमुख गरी कूल २० जनाले मतदान गर्न पाउँछन् । नेपाली कांग्रेसका ९ जना, नेकपा माओवादी केन्द्रमा ७ जना, नेकपा एमालेका ३ जना र नेकपा एकीकृत समाजवादीको १ जना मतदाता रहेका छन् ।
सयैबिच मकवानपुर कांग्रेसले हालै निर्वाचित जनप्रतिनिधिहरूलाई जनभावना अनुरूप स्थानीय तहको विकास निर्माण तथा अन्य काम गर्न निर्देशन दिएको छ ।
मकवानपुर । हेटौंडामा जारी स्थानीय तह सहिद स्मृती अन्तराष्ट्रिय मकवानपुर गोल्डकप फुटबल प्रतियोगिता अन्तर्गत आज साेमबारकाे खेलमा त्रिभुवन आर्मी क्लब काठमाडाैं सेमिफाइनलमा प्रवेश गरेको छ । साविक विजेता विभागीय टोली आर्मी क्लब अर्काे विभागीय क्लब शसस्त्र प्रहरीकाे एपीएफलाई हराउँदै सेमिफाइनल प्रवेश गरेकाे हाे ।
हेटौंडा–५ स्थित पिप्ले क्याम्पा रंगशालामा साेमबारबाट सुरु भएकाे प्रतियोगिताको पहिलो क्वाटरफाइनल खेलमा आर्मीले एफिएफलाई ट्राइब्रेकरमा ५–४ गोल अन्तरले हराउँदै सेमिफाइनलमा प्रवेश गरेको हो । निर्धारित ९० मिनेटको खेलमा १–१ गोलको बराबरी भएपछि खेल ट्राइब्रेकरमा धकेलिएको थियो । खेलको पहिलो हाफमा डिबक्सभित्र एपिएफका कप्तान टोपबहादुर विष्टको हातमा बलले लागेपछि आर्मीले पेनाल्टी पाएपनि एपिएफका गोलरक्षक राजु नगरकोटीले रोकेका थिए ।
त्यस्तै दोस्रो हाफकोको ६७ औँ मिनेटमा एपिएफका खेलाडीले डिबक्सभित्र फाउल गरेपछि आर्मीले दोस्रो पटक पेनाल्टी भएको थियो । दोस्रो पटक पाएको पेनाल्टीलाई आर्मीका दिनेश हेम्जनले सहजै गाेलमा परिणत गरे। तर, त्यो अग्रता जितको लागि पर्याप्त भएन । खेलको थप समयको अन्तिम मिनेटमा एपिएफका युवराज खड्काले गोल गर्दै टोली खेलमा फर्काएका थिए । त्यसपछि खेल ट्राईब्रेकरको निर्णय ट्राईब्रेकरको साहारा लिनु परेको थियो ।
ट्राईब्रेकरमा आर्मीलाई जित दिलाउन गोलरक्षक विकेश कुथु नायक बने । उनले ४–४ गोलको स्थितीमा उनले एपिएफका मणि कुमार लामाको प्रहार रोक्न सफल भएका थिए । आर्मीका दिपक गुरुङ, सिमान्त थापा मगर, सन्तोष के.सी., कमल बहादुर थापा र दिनेश हेम्जनले गोल गरेका थिए । उता एपिएफका नविन लामा, सुदिप शिखरकार, सनिश श्रेष्ठ र नविन थिङ्गले मात्रै गोल गरेका थिए ।
ट्राईब्रेकरमा टोलीलाई जित दिलाउन महत्वपुर्ण पेनाल्टी बचाउँ गरेका आर्मीका विकेश कुथु म्यानअफ द म्यच घोषित भए । उनले नगद १० हजार सहित ट्रफि हात पारे । आर्मीले फाइनल प्रवेशको लागि चर्च ब्वाइज क्लब र एभेनिर एफसी, क्यामरुन बीचको विजेतासँग खेल्नेछ। प्रतियोगिताको दोस्रो क्वाटरफाइनल खेल भोली मंगलबार नेपाल पुलिस क्लब र स्टार खेलाडीले भरिएको मनाङ मर्स्याङ्दी क्लबबिच प्रतिस्पर्धा हुनेछ । खेल दिउँसो साढे ३ बजे सुरु हुने छ ।
प्रतियोगितामा विभागीय क्लबहरु नेपाल आर्मी क्लब, नेपाल पुलिस क्लब, सशस्त्र प्रहरीको (एपीएफ) क्लब, मनाङ मस्र्याङ्दी क्लब, फ्रेण्डस्, खुमलटार युथ क्लब, सिमरा, सर्लाहीको बागमती युवा क्लब, विजय युथ क्लब हेटौंडा, चितवन–११, चर्च ब्वाइज क्लब र क्यामरुनको एभिनियर एफसी सहभागी रहको आयोजकले बताएको छ ।
प्रतियोगिताको विजेताले १५ लाख र उपविजेताले १० लाख रुपैयाासहित ट्रफी प्राप्त गर्नेछन् । अघिल्लो बर्षको भन्दा यस बर्ष पुरस्कारर राशी बृद्धि गरिएको छ । अघिल्लो बर्ष विजेताले १० र उपविजेताले ५ लाख रुपैयाा प्राप्त गरेका थिए । प्रतियोगिताको लागि करिब १ करोड १७ लाख रुपैयाँ खर्च हुने अनुमान गरिएको आयोजकले बताएको छ । अघिल्लो संस्करणमा नेपाल आर्मी च्याम्पियन हुँदा घरेलु टिम उपविजेता बनेको थियो ।
प्रतियोगिताको उत्कृष्ट गोलरक्षक, डिफेन्डर, मिडफिल्डर, फरवार्ड, सर्वाधिक गोलकर्ता तथा उत्कृष्ट प्रशिक्षकलाई जनही २५ हजार रुपैयाँ तथा प्रत्येक खेलको म्यान अफ द म्याचलाई नगद १० हजार रुपैयाासहित ट्रफी प्रदान गरिनेछ । प्रतियोगिताको सर्वोत्कृष्ट खेलाडलाई बुलेट मोटरसाइकल प्रदान गरिने प्रतियोगिता संयोजक प्रताप विष्टले जानकारी दिए ।
अघिल्लो बर्षझैं यस बर्ष पनि सर्वोत्कृष्ट खेलाडीका लागि हेटौंडाको हेटौंडा स्कुल अफ म्यानेजमेण्ट एण्ड सोसियल साईन्सेज कलेजका संयोजक पुरणबहादुर जोशीले बुलेट मोटरसाइकल उपलब्ध गराउने भएका हुन् । प्रतियोगितामा एक करोड १७ लाख ९२ हजार रुपैयाँ कुल लागत लाग्ने अनुमान गरिएको आयोजकले बताएको छ ।
मकवानपुर / खाद्य प्रबिधि तथा गुण नियन्त्रण कार्यालय हेटौंडाले सप्ताहव्यापि रुपमा विश्व खाद्य स्वच्छता दिवस मनाइरहदा उत्पादन मितिभन्दा अगावै उत्पादन बजारमा बिक्रीवितरण गरेको पाईएको छ ।
सिमित समयमा उपभोग गरिसक्नु पर्ने खाद्य पदार्थ उपभोक्तालाई झुक्याएर बजारमा कसरी बिक्री हुन्छ भन्ने यसले छलङ्ग पारेको छ । एकैपटक धेरै उत्पादन गरेर भण्डारण गर्ने र देखावटी रुपमा उपभोग्य मिति उल्लेख गर्ने गरेको तथ्य यहि प्रस्ट देखिन्छ । मकवानपुरको थाहा नगरपालिका २ को फ्रेडसिप बेकरि उद्योगले उत्पादन गरेको केक उत्पादन मितिभन्दा अघिल्लो दिनमै बजारमा भेटिएको हो । उत्पादन मिति ७ जुन २०२२ लेखिएको र उपभोग्य मिति उत्पादन मितिले ७ दिन लेखिएको केक अघिल्लो दिन अर्थात् ६ जुन २०२२ मै बजारमा बिक्रीवितरण गरिएको भेटिएको थाहा नगरका बिर्खे अन्जानले जानकारी दिए ।

यता हेटौंडामा बजारमा खाद्य प्रबिधि तथा गुण नियन्त्रण कार्यालयले आजै बेकरी उद्योगीहरूसंग खाद्य स्वच्छता कसरी कायम गने भन्ने बारे अन्तक्रिर्या गरिरहेको बेला थाहा नगरमा यस्तो केके भेटिएको हो । उपभोक्ता हित विपरीत हुने गरि र प्रचलिन ऐन नियमका विरुद्ध हुने यस्ता उत्पादनमा निगरानि राखिने खाद्य प्रविधि तथा गुण नियन्त्रण कार्यालय हेटौंडाको प्रमुख डाक्टर क्षितिज श्रेष्ठले बताए ।
भोलिपल्ट उत्पादन मिति रहेको खाद्य पदार्थ अघिल्लो दिनमै बजार देखिनुले यस्ता उत्पादनहरू कम्तिमा ३ दिन अघिबाट अघिल्ला मितिको लेबलमा तयारी अवस्थामा उद्योगमा भण्डारण हुन्छन् भन्ने अनुमान गर्न सकिने उपभोक्ता अधिकारवादीहरू बताउँछन् ।
“उत्पादन मिति गुज्रदै जांदा ढुसिलगायतको कारण पुरानो भनेर चिनिने केक जस्ता खाद्य पदार्थ त यसरी तयार गरिन्छ भने अन्य खाद्य पदार्थको उपभोग्य मितिमा के सत्यता होला ?” एक उपभोक्ताले शंका प्रकट गरिन ।
मकवानपुर । मकवानपुरको हेटौंडामा जारी चौथो संस्करणको स्थानीय तह सहीद स्मृति अन्तराष्ट्रिय मकवानपुर गोल्डकप २०७९ अन्तर्गत आजबाट दोस्रो चरण अर्थात क्वाटरफाइनल तर्फको खेल सुरु हुँदैछ ।
आजको प्रतियोगितामा दुई बिभागिय टिम भिड्दै छन् । अघिल्लो संस्करणको विजेता टिम त्रिभुवन आर्मी फुटबल क्लबलाई उपाधी रक्षा गर्ने पहिलो जिम्मेवारी रहनेछ । नकआउट प्रतियोगितामा साबिक विजेता आर्मीलाई नेपाल एपिएफ क्लबले चुनौती प्रदान गरेको छ । रनिङशिल्ड प्रतियोगिताकाको लगातार दोस्रो पटक उपाधी जित्ने लक्ष्यलाई जिवित राख्न विभागीय टिम आर्मीलाई आजको खेल जित्नुपर्ने दबाब छ ।
एपिएफले आफ्नो पहिलो खेलमा फ्रेन्डस् क्लब काठमाडौं बिरुद्ध ३–० गोलको सहज जीत हात पार्दै क्वाटरफाइनल प्रवेश गरेको थियो । खेल आज दिउँसो ४ बजेबाट सुरू हुंदैछ ।
३० गते सम्म जारी रहने प्रतियोगितामा विजेता टोलिले शिल्ड,मेडल र प्रमाणपत्रसहित १५ लाख र उपविजेता टोलिले १० लाख प्राप्त गर्ने छन् । प्रतियोगितामा १२ वटा क्लबले सहभागिता जनाउने छन् ।
प्रतियोगितामा विभागीय क्लबहरु नेपाल आर्मी क्लब, नेपाल पुलिस क्लब, सशस्त्र प्रहरीको (एपीएफ) क्लब, मनाङ मस्र्याङ्दी क्लब, फ्रेण्डस्, खुमलटार युथ क्लब, सिमरा, सर्लाहीको बागमती युवा क्लब, विजय युथ क्लब हेटौंडा, चितवन–११, चर्च ब्वाइज क्लब र क्यामरुनको एभिनियर एफसी सहभागी रहको आयोजकले बताएको छ ।
प्रतियोगिताको विजेताले १५ लाख र उपविजेताले १० लाख रुपैयाासहित ट्रफी प्राप्त गर्नेछन् । अघिल्लो बर्षको भन्दा यस बर्ष पुरस्कारर राशी बृद्धि गरिएको छ । अघिल्लो बर्ष विजेताले १० र उपविजेताले ५ लाख रुपैयाा प्राप्त गरेका थिए । प्रतियोगिताको लागि करिब १ करोड १७ लाख रुपैयाँ खर्च हुने अनुमान गरिएको आयोजकले बताएको छ । अघिल्लो संस्करणमा नेपाल आर्मी च्याम्पियन हुँदा घरेलु टिम उपविजेता बनेको थियो ।
प्रतियोगिताको उत्कृष्ट गोलरक्षक, डिफेन्डर, मिडफिल्डर, फरवार्ड, सर्वाधिक गोलकर्ता तथा उत्कृष्ट प्रशिक्षकलाई जनही २५ हजार रुपैयाँ तथा प्रत्येक खेलको म्यान अफ द म्याचलाई नगद १० हजार रुपैयाासहित ट्रफी प्रदान गरिनेछ । प्रतियोगिताको सर्वोत्कृष्ट खेलाडलाई बुलेट मोटरसाइकल प्रदान गरिने प्रतियोगिता संयोजक प्रताप विष्टले जानकारी दिए ।
अघिल्लो बर्षझैं यस बर्ष पनि सर्वोत्कृष्ट खेलाडीका लागि हेटौंडाको हेटौंडा स्कुल अफ म्यानेजमेण्ट एण्ड सोसियल साईन्सेज कलेजका संयोजक पुरणबहादुर जोशीले बुलेट मोटरसाइकल उपलब्ध गराउने भएका हुन् । प्रतियोगितामा एक करोड १७ लाख ९२ हजार रुपैयाँ कुल लागत लाग्ने अनुमान गरिएको आयोजकले बताएको छ ।
मकवानपुर । आगामी जुन २१ र २२ मा बंगलादेशको ढाकामा हुने मैत्रीपूर्ण बंगबन्धु रग्बी सिरिज खेलका लागि मकवानपुरका विक्रम भरती छनौट भएका छन् ।
नेपालको राष्ट्रिय रग्बी टिममा मकवानपुरका विक्रम भारती दोस्रो पटक पर्न सफल भएका हुन् । नेपाली राष्ट्रिय रग्बी टिमका प्रशिक्षक विनोद तामाङ, राज टङ्क र गोपाल क्षेत्रीले यसै महिनाको सुरुमा भएको छनोट शिविरमा बोलाइएका ३५ जना खेलाडीमध्ये २८ जना खेलाडीलाई बन्द प्रशिक्षणमा बोलाएका विक्रम भारतीले जानकारी दिए ।
बंगबन्धु बंगलादेश–नेपाल मैत्रीपूर्ण सिरिजको तयारीका लागि छनोटमा मकवानपुरका ३ खेलाडी सहभागी भए पनि बन्द प्रशिक्षणमा जिल्लाबाट आफू मात्र पर्न सफल भएको उनको भनाई छ ।
मैत्रीपूर्ण खेलको क्रममा नेपाली रग्बी टिमले बंगलादेशमा दुई ‘७ साइड’ र एक ‘१५ साइड’ को खेल खेल्ने जनाइएको छ । भारती दोस्रो पटक रग्बीको राष्ट्रिय टिममा परेका हुन् । यसअघि पनि यसै प्रतियोगिताको लागि राष्ट्रिय टिममा परेका भारती प्रतियोगिताको मिति सारिएपछि पुनः छनोटबाट फर्वाडको भूमिकामा टिममा परेका हुन् ।
भारती मकवानपुर जिल्ला रग्बी टिमका प्रशिक्षक समेत रहेका छन् । बन्द प्रशिक्षणको लागि राष्ट्रिय रग्बी टिमको फर्वाडमा भारतीसहित श्रीराम श्रेष्ठ, सुमन चौलागाईं, यदु अधिकारी, रोशन घर्ती, सुजन कुमाल, रमित बहादुर मल्ल, बिवेश बसु, नवीन महर्जन, किरण गुरुङ, अमरसिंह श्रेष्ठ, रामकिशोर चौधरी, शेरबहादुर ओली, क्षितिज कार्की, सञ्जीव कुमाल पर्न सफल भएका छन् ।
यसैगरी टिमको ब्याकतर्फ कृष्ण क्षेत्री, प्रेमबहादुर कोइराला, विक्रम पुरी, सञ्जय अधिकारी, विराट श्रेष्ठ, हुत्तराज प्रधान, झुकेन राई, दिनेश ठोकर तामाङ, निरोज कार्की, सुरज चौधरी, पुजन फेवाली, भेस राजबस्तोला र सविन महत रहेका छन् ।
