मकवानपुर । जिल्ला प्रहरी कार्यालय मकवानपुरले १ सय ६ किलाे अवैध लागु औषध गाँजा सहित ४ जान व्यक्ति र एउटा ट्रक नियन्त्रणमा लिएको छ ।
प्रहरीका अनुसार ९५ किलो गांजा सहित ना ८ ख २५४२ नम्बरको ट्रक नियन्त्रणमा लिएको हो । बिशेष सुचनाको आधारमा जिल्ला प्रहरी कार्यालय मकवानपुरबाट खटिएको प्रहरी टोलीले मकवानपुर जिल्ला हेटौंडा उपमहानगरपालिका ११ बाट ना ८ ख २५४२ नम्बरको ट्रक नियन्त्रणमा लिएको हो ।
ट्रकको पछाडीको भाग भित्र ६ वटा पोकामा ९५ किलो लागु औषध गांजा फेला परेको प्रहरीले जनाएको छ । ट्रक चालक फरार रहेको र प्रहरीले जनाएको छ ।
यसैबिच प्रहरीले ११ किलो २०० ग्राम लागु औषध गांजा सहित ३ जनालाई नियन्त्रणमा लिएको छ । हेटौंडाको ११ बाटै गाँजा बरामद गरेको हो । ना २ ह २३६३ नम्बरको अटोलाई रोकी चेकजांच गर्दा उक्त अटोको सिट पछाडीको खाली भागमा तयारी गांजा फेला परेको प्रहरीले जनाएको छ ।
प्रहरीले अटो चालक हेटौंडा १९ बस्ने ६० बर्षिय प्रेम बहादुर थिङ र सोही अटोमा रहेका हेटौंडा ३ का अन्य दुई जना महिलालाई नियन्त्रणमा लिएको छ ।
यसैगरी १५० मिलि ग्राम लागु औषध खैरोहेरोईन जस्तो देखिने कालो धुलो पदार्थ सहित मकवानपुर प्रहरीले अर्को १ जनालाई नियन्त्रणमा लिएको छ ।
हेटौंडा ११ नमुना टोल स्थित सडक खण्डमा शंकास्पद रुपमा हिडिरहेका स्थानीय २४ वर्षिय बिशाल बिश्वकर्मालाई प्रहरीले नियन्त्रणा लिएको हो । विश्वकर्मामाथि अनुसधान भैरहेको प्रहरीले जनाएको छ ।
मकवानपुर । आजबाट नेपालीहरुकाे महान पर्व दशै सुरु भएकाे छ । दशैंलाई बडादशैं पनि भनिन्छ । दशहरा, विजया दशमी, नवरात्र आयुध-पूजा समेतकाे नामले चिनिने दशैं नेपालीहरूको प्रमुख चाड हो । राष्ट्रिय चाड समेत मनिने दशैं हिन्दु धर्मवलम्बीले आश्विन महिनाको शुक्ल प्रतिपदाका दिनदेखि नवमीसम्म (नवरात्रभर) शक्तिको आराधना गर्ने गर्छन् । दशौँ दिन विहान दशमीका दिन आफूभन्दा ठुला मान्यजनहरूको हातबाट टीका-प्रसाद ग्रहण गरेर विशेष रूपमा पुर्णिमासम्म (प्रसाद ग्रहणका लागि) मनाउने गर्छन्।
विभिन्न पेशा, व्यवसाय एवं अध्ययनका लागि घरबाट टाढा रहेका परिवारका सदस्य आ–आफ्नो थातथलोमा जम्मा भएर मनाइने भएकाेले दशैलाई बडादशैँ पर्व भनिने गरिएकाे हाे । प्रत्येक वर्ष आश्विन शुक्ल प्रतिपदादेखि सुरु हुने नेपालीको महान् पर्व बडादशैँ आज घर घरमा घटस्थापना गरेसँगै सुरु हुन्छ । यो पर्व आश्विन शुक्ल पूर्णिमासम्म १५ दिन धूमधामका साथ मनाइन्छ ।
आसुरी एवं राक्षसी प्रवृत्तिबाट मानवलाई जोगाएकाले समस्त मानव जातिले नै दुर्गादेवीको पूजा आराधना गर्ने शास्त्रीय नियम छ । दुर्गा पूजा र दशैँ पर्व कुनै जात एवं धर्म विशेषको नभएको शास्त्रीय प्रमाण रहेको धर्मशास्त्रविद् बताउँछन् । दशैँ पर्वलाई असत्यमाथि सत्य र आसुरी शक्तिमाथि दैवी शक्तिको विजयको प्रतीकका रुपमा मनाउने गरिन्छ ।
घटस्थापना
देवी भागवत महापुराणमा अनुसार मर्यादा पुरुषोत्तम श्रीरामचन्द्रले नवरात्रको व्रत विधिपूर्वक सम्पन्न गरी दशमीका दिन विजय यात्रा गरेर रावण माथि विजय प्राप्त गरेको वर्णन आउँछ । आश्विन शुक्लपक्षको नौ अहोरात्रलाई नवरात्रव्रत भनी प्रतिपादन गरिएको छ । यस व्रतको दिनहरूमा निश्चित तिथिमूलक देवी-देवताहरूको अनुष्ठान समेत हुने भएकाले नवरात्रका दिनहरूलाई छोट्याउन वा बढाउन न मिल्ने हुन्छ । प्रतिपदाको दिनलाई घटस्थापना भनिन्छ । यसै दिनदेखि नवरात्रि आरम्भ हुन्छ । क्रमशः दशमीका दिन प्रातः काल मात्र यस व्रत समापन हुन्छ । यसै दिन जमरा राखिन्छ ।
घटस्थापनाकाे दिन घट कलशको स्थापना गरी देवी-देवतालाई आवाहन गरिन्छ । यस दिन झिसमिसे बिहानी मै आत्मशुद्धि पश्चात् नदी, खोला, बगर वा आफूलाई पायक पर्ने ठाउँमा गई चोखो बालुवा अथवा पञ्चमाटो ल्याई दसैँ घर वा पूजाकोठामा राखी जमरा उमार्न जौ अथवा गाउँ घरमा चलिआएको अन्न छरिन्छ । जौ अथवा अन्नलाई वैदिक यज्ञको लागि अत्यावश्यक वस्तु मानिन्छ । माता भगवतीलाई मन पर्ने वनस्पतिमा जमरा पनि एक भएकोले भगवतीलाई खुसी पार्नको लागि जमरा उमार्ने गरिएको हो । पूजाकोठाको नजिकै माटोको विशुद्ध जलपूर्ण घडा (कलश)को वरिपरि नौ वटा देवीको स्वरूपको प्रतिमूर्ति मानी गाईको गोबरले नौवटा देवीको वेदी बनाई लेपन गरिन्छ र घडाको वरिपरि जौ पनि गाडिन्छ । अनि जलपूर्ण कलशमा पञ्चपल्लवको पात चढाई अनन्त शक्तिस्वरूपा महाकाली (संहार), महालक्ष्मी (सुरक्षा) र महासरस्वती (सृष्टि)को पञ्चोपचारले पूजा-आजा गरिन्छ।
ब्रह्मवैवर्त पुराण अनुसार दिशा अनुसार प्रकति-पूर्व, चण्डिका-आग्नेय, भद्रकाली-दक्षिण, सर्वमङ्गला-वायव्य, वैष्णवी- उत्तर, शिवप्रिया-ईशान, जगदम्बिका- जल, थल र आकाश मानिन्छ। पहिलो दिन शैलपुत्रीदेवीकाे पुजा आराधाना गरी क्रमशः ब्रह्चारिणी, चन्द्रघन्टा, कुस्मान्डा, स्कन्दमाता, कात्यायनी, कालरात्री, महागौरी तथा सिद्धिदात्री यी नौ रूपको पूजा गरिन्छ । षष्ठी तिथिमा बेलको हाँगामा तेल, हर्दी लेपन गरी देवीबोधन गरिन्छ । सप्तमीका दिन दसैं घरमा नवपत्रिका प्रवेश गराई भद्रकाली, सरस्वतीको पूजा गरिन्छ । अष्टमीमा कालरात्रीको विधिवत् पूजा गरी भगवतीको वाहन बाघको पनि पूजा गरिन्छ ।
यसै गरी महानवमीमा नवदुर्गा स्वरूप नौ जना कन्याको र दशमीका दिन विहान अपराजिता देवीको पूजा गरिन्छ । हाम्रो धर्म, संस्कृति अनुसार घट कलशमै सम्पूर्ण देवी-देवता सप्तसागर, सप्तद्वीप, सम्पूर्ण नदी एवं तीर्थहरू निहित रहेका छन् । उक्त कुरा कालीका पुराण ग्रन्थमा उल्लेख भएको पाइन्छ। यसका अतिरिक्त घटकलश अष्टमङ्गलका शुभ चिन्हहरूद्वारा समाहित गरिएको पाइन्छ। घट कलश स्थापना गरी त्यसमै सम्पूर्ण देवी देवता, तीर्थ, पावनतम नदी नाला, सप्त सागर, सप्त द्वीप आदि सबैलाई समाहित गरी दसैँ पूजाको थालनी गरिएको हो। गहुँ तथा जौको नवअंकुर लगाउनाले सुख, शान्ति, समृद्धि र स्वास्थ्य लाभ हुने शास्त्रीय मान्यता छ । नौ रात्रिसम्म पूजा गरेर दशौँ दिन विहान टीका-प्रसाद ग्रहण गरे पछि बचेका अंकुरित जमराको रस बनाएर खानाले असाध्य रोगहरू पनि निको हुने कुरा औषधिविज्ञ बताउँछन् । जौका जमरालाई महौषधि भनिएको छ ।
निधारमा विजयादेवीको प्रसादस्वरूप टीका लगाएर जमरा शिरमा राख्यो भने शिरको पीडा, मानसिक अशान्तिबाट बच्न सकिन्छ । जमराबाट शीतलता प्राप्त हुन्छ । विभिन्न रोग व्याधि र कष्टहरू मेटिएर जान्छन् । अंकुरित अन्नबाट भिटामिन, प्रोटिन, क्याल्सियम आदि प्राप्त हुन्छ । स्वास्थ्यको लागि अति उत्तम मानिन्छ । यसै दिनदेखि नवमीसम्म प्रत्येक नेपालीहरूका घरघरमा र देवीका मन्दिरहरूमा पहिलो दिनकै बमोजिम भगवती दुर्गाको पूजा,आराधना र प्रार्थना गरिन्छ । शङ्ख, डमरू, घण्टी आदि बजाइ दुर्गासप्तशती -चण्डी, स्त्रोत्र रत्नावली, कालीका स्तोत्र, दुर्गा कवच, श्रीमद्देवीभागवत् आदि पाठ पनि पढिन्छ। पूजा गरिसकिएपछि प्रत्येक दिन बलि चाहिँ अनिवार्य दिनुपर्ने कुरा शास्त्रीय विधानमा उल्लेख गरिएको छ। पूजक अनुसार वलि दुई प्रकारको हुन्छ | श्रौतयज्ञानुसारको पशु वलि र साकाहारीहरूले प्रदान गर्ने नरिवल ऊखु कुभिण्डो आदि स्मार्तवलि |वलि प्रदान गरिसकेपछि यस दिनको कार्य समापन गरिन्छ।
आजैको दिन विधिपूर्वक घट अर्थात् घडा स्थापना गरी त्यही घडामाथि शक्तिस्वरुपा दुर्गाको पूजा आराधना गरिने भएकाले आजको दिनलाई घटस्थापना भन्ने गरिएको हो । आज घटस्थापनाको साइत बिहान १० : २३ बजे रहेको नेपाल पञ्चाङ्ग निर्णायक विकास समितिले जनाएकाे छ । ।
विजयादशमीको साइत असोज १९ गते ११ : ५१ बजे
नवरात्र भनेर समेत चिनिने दशैँ नौ रात र दश दिनको हुन्छ । कुनै वर्ष तिथि घटेर आठ रात र नौ दिनको मात्र हुने गर्छ । आज विधिपूर्वक घर घरमा आह्वान गरी पूजा आराधना गरिने दुर्गा देवीलाई असोज १९ गते विजयादशमीका दिन विसर्जन गरी मान्यजनबाट प्रसादका रुपमा टीका, जमरा र फूल प्रसाद ग्रहण गर्ने गरिन्छ । असोज १९ गते देवी विसर्जनको साइत बिहान १० : ३४ बजे रहेको समितिले जनाएको छ । टीका प्रसाद ग्रहणका लागि साइत खोज्नेका लागि भने ११ः ५१ बजेको साइत उत्तम छ । विजयादशमीदेखि कोजाग्रत पूर्णिमा अखिल बलि पूर्ति नभएसम्म देवीको प्रसाद लगाउने शास्त्रीय विधि छ ।
विजया दशमीदेखि कोजाग्रत पूर्णिमाका दिनसम्म आफ्ना मान्यजनबाट देवीको प्रसाद र आशीर्वाद ग्रहण गरिन्छ । पूर्णिमाका दिन धनधान्यकी प्रतीक महालक्ष्मीको व्रत बसी रात्रीमा जाग्राम रहेर पूजा लगाई धन ऐश्वर्य प्राप्तिको कामना गर्ने गरिन्छ । यस दिन जाग्राम बस्ने मानिसलाई लक्ष्मीले धन धान्य दिई सम्पन्न बनाइदिने धार्मिक विश्वास छ ।
आजको दिन घटस्थापना गरेर राखेको जमरा कोजाग्रत पूर्णिमाकै दिन चोखो स्थानमा लगी विसर्जन गरिन्छ । यस वर्ष असोज २३ गते आइतबार कोजाग्रत पूर्णिमा पर्व परेको छ ।
मकवानपुरमा समेत दशैंकाे चहल पहल बढ्न थालेकाे छ । बजारमा दशैं किनमेल गर्नेहरुकाे भीड बढ्दै गएकाे छ भने बैं तथा वित्तिय संस्थामा समेत आर्थिक जाेहाे गर्नेहरु बढेका छन् । मकवानपुर हेटौडामा रहेकाे शक्तिपीठ भुटनदेवी मन्दिर , बनष्खण्डी मन्दिर चुरियामाइ मन्दिर मनकामना मन्दिर लगायतका शक्ति पिठहरुमा दर्शनार्थीकाे भीड बढ्न थालेकाे छ । याे क्रम दशैकाे नवौं दिन महानवमीसम्म चल्ने गर्छ ।
धेरैजसो शैक्षिक संस्थाले दशैँका अवसरमा आजैदेखि सार्वजनिक बिदा दिएका छन् । शैक्षिक संस्था बिदा भएसँगै विद्यार्थी, शिक्षक, प्राध्यापकलगायत समेत कर्म क्षेत्रबाट आजैदेखि आ–आफ्ना जानेछन् । देश विदेशबाट गाउँ फर्कनेहरु बढ्न थालेसँगै देशका ग्रामीण भेगमा पनि बडादशैँको चहलपहल सुरु भएकाे छ । विशेष गरी दशैंमा हालिने लिङ्गे पिङ राेटे पिङ्गहरु विस्तारै लाेप हुन थालेकाे छन् ।
मकवानपुर । मकवानपुरको हेटौंडा उपमहानगरपालिकामा भएको उपमेयर कप भलिबल प्रतियोगिताअन्तर्गत महिलातर्फको उपाधि १७ नम्बर वडाले जितेको छ ।
केशवलाल श्रेष्ठ स्मृति केन्द्रीय प्रतिष्ठान मकवानपुरको आयोजनामा आइतबार भएको खेलमा हुप्रचौरमा ५ नम्बर वडालाई ३–१ को सेटमा पराजित गर्दै १७ नम्बर वडाले उपाधि जितेको हो ।
पहिलो सेट २४–२६ ले गुमाएको १७ नम्बर वडाले पछिल्लो तीन सेट २५–१३, २५–९ र २५–१५ ले आफ्नो पक्षमा पार्दै उपाधि जितेको हो । उपाधिसँगै १७ नम्बर वडाले ५० हजार रुपैयाँ जितेको छ भने ५ नम्बर वडाले २५ हजार रुपैयाँ पाउने भएको छ । पुरुषतर्फको फाइनल खेल भने अनिर्णित बनेको छ ।
१७ नम्बर वडा र १९ नम्बर वडाबीच भएको फाइनल खेलमा अँध्यारो भएपछि अनिर्णित बनेको हो । ४ सेटको खेल सकिँदा २–२ को बराबरी भएपछि फाइनल खेल अनिर्णित बनेको हो ।
पहिलो सेट २५–२१ ले आफ्नो पक्षमा पारेको १९ नम्बर वडाले दोस्रो र तेस्रो सेट १९–२५ र १७–२५ ले गुमाएको थियो । चौथो सेट १९ नम्बर वडाले २५–२१ ले आफ्नो पक्षमा परेपछि खेल बराबरीमा सकिएको हो ।
पुरुषतर्फको फाइनल खेल सोमबार बिहान ८ बजेबाट खेलाइने उपमेयर कप भलिबल प्रतियोगिताका संयोजक राजु घलेले जानकारी दिए । उपमेयर कप भलिबल प्रतियोगिताको पुरुषतर्फ १२ टिम र महिलातर्फ १० टिमको सहभागिता रहेको थियो ।
प्रतियोगिताको विजेताले ५० हजार रुपैयाँ र उपविजेताले ३० हजार रुपैयाँ प्राप्त गर्नेछ ।
मकवानपुर । जिल्ला समन्वय समिती मकवानपुर सभापति ललित घलानले महिला हिंसाको विरुद्ध मकवानपुर महिला समूहले गरेको काम धेरै प्रभावकारी रहेको बताउँदै महिला सशक्तीकरणको लागि आफ्नो साथ रहने बताएका छन् ।
एच आई भि संक्रमित प्रभावितहरूलाई आफैंसंग समेत संघर्ष गर्नुपर्ने अवस्था अझै रहेकोले जिल्ला समन्वय समितिको सहकार्य गर्ने उनले बताए । “एच आई भि पोजेटिभ वा संक्रमित प्रभावित हुने अवस्था आउनै नदिन महिलालाई स्वरोजगार, व्यवसायीक तथा आत्मनिर्भर बनाउन हामी सहकारीको लागि तयार छौ” उनले भने ।
मकवानपुर महिला समूहको १९ औं साधारण सभामा घलानले यस्तो बताएका हुन । पढेलेखेको नभए पनि कृषिबाट पनि जीवन व्यवस्थित हुने भएकोले यसतर्फ पनि योजना बनाउन घलानले आग्रह गरे ।
कार्यक्रममा हेटौंडा उपमहानगरपालिका सामाजिक विकास महाशाखाका प्रबन्धक भिमप्रसाद तिमल्सिनाले गैससहरुले सामाजिक रुपान्तरणमा महत्त्वपूर्ण भूमिका निर्वाह गरेको बताए । संक्रमित प्रभावितहरूको क्षेत्रमा आवश्यक सवालमा नगरपालिकाले सहकार्य गर्दै आएको प्रबन्धक तिमल्सिनाले बताए । एचआईभी एड्सको क्षेत्रहरू उत्थानका लागि काम गर्न नगरपालिकाले साथ रहने उनले बताए ।
“सामाजिक पुन:एकीकरण गर्न आवश्यक छ, समाजको विविधतालाई स्वीकार गर्न,जागरुक र संगठित हुंदै साझेदारी र सहकार्य गर्न सकियोस् समस्यामा रहेकालाई सम्मानपूर्ण रूपमा बांच्न सक्ने बनाउ” तिमल्सिनाले भने ।
कार्यक्रममा समूहको संस्थापक अध्यक्ष राधिका चौलागाईंले संक्रमित प्रभावितहरूसंगै जोखिममा रहेका अन्य महिलालाई पनि आत्मानिर्भर बनाउन संस्थाले जहल गरिरहेको बताइन् ।
अध्यक्ष कमला सुबेदीको अध्यक्षतामा भएको कार्यक्रममा सचिब सावित्रले संस्थागत प्रतिवेदन तथा र कोषाध्यक्ष मन्जु लामाले आर्थिक प्रतिवेदन पेश गरेका थिए । अध्यक्ष सुबेदीले संक्रमित तथा प्रभावितहरू संस्थागत रूपमा खुले पनि बाहिर संसारमा धेरै संघर्ष गर्नुपर्ने अवस्था अझै रहेको बताइन् ।
“श्रीमानलाई संक्रमण हुंदा समेत श्रीमतीलाई थाहा नहुने अवस्था अझै छ, सामाजिक भेदभाव अझै जारी छ” सुबेदीले भनिन् । पछिल्लो समय एच आई भि संक्रमित हुनु सामान्य हो भनेर सरकारले समेत वास्ता गर्न छाडेको सुबेदीले गुनासो गरिन ।
मकवानपुर । आफ्नो टोल र समुदायमा सामुदायिक कुकुरको कारण रेबिज फैलने त्रासमा हुनुहुन्छ ? रेबिज उन्मुलनको लागि यस्ता कुकुरहरुलाई रेबिज विरुद्धको खोप लगाउने अभियानमा पशुस्वास्थ्यकर्मीहरुलाई सहायता गरौं ।
विश्व रेबिज दिवस २०७९ को अवसरमा सामुदायिक कुकुरलाई रेबिज विरुद्धको खोप अभियान हेटौंडामा जारी छ । पशुपन्छी तथा मत्स्य विकास निर्देशनालय बागमती प्रदेश र भेटेरिनरी अस्पताल तथा पशु सेवा विज्ञ केन्द्र मकवानपुरको सहकार्यमा रेबिज सप्ताह कार्यक्रम अन्तरगत कुकुरलाई खोप लगाउने अभियान सुरु गरिएको हो ।

विज्ञकेन्द्रले असोज ६ गतेदखि १२ गतेसम्म यो अभियान जारी राख्ने जनाएको छ । कार्यक्रम अन्तर्गत आज हेटौंडा उपमहानगरपालिका वार्ड नं २, र १० वडामा सामुदायिक रुपमा छाडिएका ५० वटा कुकुरहरुमा रेबिज रोग बिरुद्वको खोप लगाइएको केन्द्रका सहायक स्तर पाँचौ प्रदीप सापकोटालगायतको बताए ।
आफ्नो टोलमा सामुदायिक कुकुरहरु नियन्त्रण्मा लिएर कसैले बोलाएमा हामी त्यहीँ पुगेर कुकुरलाई रेबिज विरुद्ध खोप लाउने छौ” सापकोटाले भने । “खोप लगाएको कुकुरलाई विशेष चिन्ह लगाउँछौ, ताकी त्यो कुकुरले टोकीहालेमा रेबिज विरुद्धको खोप लगाएको कुकुर भनेर ढुक्क हुने अवस्था बनोस्।”
छाडा कुकुरहरुद्धारा रेबिज रोग फैलन सक्ने संभावनालाई मध्य नजर गर्दै यो खोप लगाइएको उनले बताए । ६ गतेबाट सुरु गरिएको अभियान अन्तरगत हालसम्म ११० वटा कुकुरमा रेबिज विरुद्धको खोप लगाइएको छ ।
खोप लगाउने समूहले सामुदायिक कुकुरहरुलाई डग क्याचरको सहयताले नियन्त्रण्मा लिएर खोप रेबिज विरुद्धको खोप लगाउने गरेको सापकोटाले बताए । हामलसम्म हेटौंडाको बसपार्क, हेटौंडा ४ कर्रा, बसस्खण्डी मन्दिर परीसरमा खोप लगाइएको केन्द्रले जनाएको छ । रेजिब रोग उन्मुलन अभियान अन्तरगत यो कार्यक्रम गरीएको हो ।
