मकवानपुर । अपाङ्गता बारेको सवाल आगामी बजेट र नीतिमा समावेश गर्न माग गरिएको छ ।
राष्ट्रिय अपाङ्ग महासंघ- नेपाल, बागमती प्रदेश कार्यालय, हेटौंडाले प्रदेशको मुख्यमन्त्री शालिकराम जम्मकट्टेल, सामाजिक विकास मन्त्री कुमारी मोक्तान तथा स्वास्थ सचिब बद्रीबहादुर खड्कालाई यस्तो माग गर्दै ज्ञापन पत्र बुझाएको हो ।
अपाङ्गता भएका व्यक्तिको हक, हित र अधिकार संरक्षण, सम्बर्धन र प्रवर्धनको लक्ष्यित वर्गलाई लाभ पुग्ने गरि बजेट तथा नीति र कार्यक्रमले सम्बोधन गर्न माग गरिएको हो ।
राष्ट्रिय अपाङ्ग महासंघ नेपाल बागमति प्रदेशले स्थापनाकालदेखि नै अपाङ्गता भएका व्यक्तिको अधिकार स्थापित गर्न समन्वय, सहकार्य, क्षमता विकास र सशक्तिकरणको सवाललाई अनवरत रुपमा उठान गर्न क्रियाशिल रहेको महासंघका प्रदेश अध्यक्ष अश्विन लम्सालले बताए ।

राष्ट्रिय अपाङ्ग महासंघ नेपाल बागमती प्रदेशले समग्र अपाङ्गता भएका व्यक्तिहरुको समस्यालाई मध्ये नजर गरी प्रदेश सरकारले आगामी आर्थिक वर्ष २०८०।०८१ को लागि नीति तथा कार्यक्रमको तर्जुमा गरिरहेको सन्दर्भमा प्रदेश स्तरका नीति निर्माण तथा कार्यान्वयन, अनुगमन, मुल्याङ्कन, अपाङ्गता भएका व्यक्तिका सवालको समावेशीकरण र अपाङ्गता भएका व्यक्तिको अर्थपूर्ण सहभागिताको सुनिश्चितताको लागि यो माग गरेको हो ।
यस्ता छन् मागहरु:
१. बागमती प्रदेशको सबै मन्त्रालय तथा सरकारी कार्यालयका भवन, शौचालय, सुचना पाटी, पार्किङ स्थल र वेबसाईट आदी अपाङ्गमैत्री निर्माण गरियोस।
२. अपाङ्गता भएका भएका व्यक्तिहरु र उनिहरुको परिवारलाई निशुल्क स्वास्थ्य बिमा गरियोस् ।
३. प्रदेश स्तरको अस्पतालमा सांकेतिक भाषा दोभाषे सहितको अपाङ्गता सहायता कक्षको व्यवस्थापन गरियोस।
४. पुर्ण अशक्त र अति अशक्त अपाङ्गता भएका व्यक्तिहरुलाई व्यक्तिगत सहयोगि सेवा उपलब्ध गराईयोस।
५. स्थानिय तह र प्रदेश सरकारको समन्वयमा ११९ वटै स्थानिय तहमा अपाङ्गता सहायता कक्ष (Disability Help desk) राखियोस ।
६. आपत्कालिन अवस्थालाई मध्यनजर गरी अपाङ्गता भएका व्यक्तिहरुका लागि प्रदेशस्तरिय आपत्कालिन कोषको स्थापना गरियोस्
७. प्रदेश भित्र रहेका उच्च शिक्षा अध्ययनरत अपाङ्गता भएको विद्यार्थीहरुलाई प्रदेश स्तरबाट नै छात्रवृत्ति सहित शैक्षिक सामग्रीको व्यवस्था गरियोस।
८. अपाङ्गता भएका व्यक्तिहरुका सामाजिक समावेशीकरण र सशक्तिकरणको लागि अपाङ्गता भएका व्यक्तिहरु द्वारा सञ्चालित संघ संस्थालाई संस्थागत अनुदान कार्यक्रमलाई निरन्तरता र वृद्धि गरियोस।
९. अपाङ्गता खेलकुदको सम्वर्धन र प्रवर्धन गर्नका निम्ति प्रदेश, राष्ट्रिय तथा अन्तराष्ट्रिय स्तरबाट नै पाराखेलकुदको प्रशिक्षण र प्रतियोगिताको आयोजना र अन्तराष्ट्रिय प्रतियोगितामा सहभागी हुने व्यवस्था गरियोस
१०. अपाङ्गता व्यक्तिका सन्तानहरुलाई आधारभूत तथा उच्च शिक्षा छात्रवृति सहित निशुल्क शिक्षाको व्यवस्था गरियोस ।
११. हिंसा प्रभावित पाता भएका महिला तथा बालिकाहरुको न्यायमा पहुँच, उद्धार र पुनर्स्थापनाको लागि आवश्यक विज्ञान गरियोस ।
१२. बाल विकास कक्षा तथा पूर्व प्रा.वि. कक्षामा आएका रसाउने बालबालिकाहरूको निम्ति विद्यालयमा आधारित प्रारम्भिक शिक्षा प्रदान गर्न ती माया राई रहेका शिक्षकहरूको निम्ति अधारभूत तालिम संचालन गरियोस ।
१३. अपाङ्गता भएका व्यक्तिहरुका लागि सीपमुलक तालिम, आय आर्जन, विउपुजि वितरण, स्वरोजगार वा उद्यमी बनाउने तालिम अपाङ्गता भएका व्यक्तिहरुद्वारा सञ्चालित उद्योगबाट उत्पादित वस्तु, हस्तकलाका सामान तथा कोशेली परहरुलाई प्रोत्साहन गर्न र बजार व्यवस्थापन, लोक सेवा तयारी
कक्षा, दीर्घकालिन माइतिक भाषा शिक्षा तानिए, बेललिपि तालिम, सचित्र सरल छापा तालिम, स्पर्श संचार पुष्टिविहित अपाङ्गता भएको व्यक्तिहरुलाई गमनशिलता तालिम, कम्प्युटर तालिम आदि निरन्तर लिने गरियोस ।
१४. स्थानीय सरकार संचालन ऐन २०७४ को दफा ११ उपदफा (त) अनुसार अपाङ्गता भएको व्यक्तिहरुको तथ्याङ्कलाई व्यवम्बित गर्दै अभिमुखिकरण गर्न सबै स्थानिय तहले अनलाईन डाटा ईन्ट्री पहुँचयुक्त बनाईयोस ।
१५. अपाङ्ता भएका उनीहरुका लागी निशुल्क स्वास्थ्य उपचारको प्रत्याभूति गरियोस ।
१६. विश्व स्वास्थ्य संगठनको मापदण्ड अनुसार अपाङ्गता भएका व्यक्तिको लागि आवश्यक पर्ने सहायक सामग्रीहरुदेखी बैशाखी, वाकर, विधुतिय सुविधा सम्बन्ध ह्विललचेयर, ट्राइसाइकल, बेल्टसिटिङ चैयर स्थानिय स्वास्थ्य संस्थाबाट निःशुल्क र सहज रुपमा पाउने वातावरणको लागि कार्यक्रम तथा बजेटको व्यवस्था गरियोस ।
१७. बौद्धिक, अटिजम, डाउनसिड्रम अपाङ्गता भएको व्यक्तिहरुको अभिभावकहरुलाई स्याहार सम्बन्धि तालिमको व्यवस्था तथा सहयोगी व्यवस्थापन गरियोस।
१८. सुनाई सम्बन्धी अपाङ्गता भएका व्यक्तिहरु र श्रवणदृष्टि विहिन अपाङ्ता भएका व्यक्तिहरुकों संचारलाई सहज बनाउन सांकेतिक भाषा तथा स्पर्ष संकेतहरुको विकास तथा दोभाषेहरु उत्पादन गर्ने कार्यक्रमहरु समावेश गरियोस् ।
१९. मेरुदण्ड पक्ष घात अपाङ्गता भएका व्यत्तिहरुका लागि दैनिक रुपमा चाहिने अत्यवाश्यक स्वास्थ्य सामाग्रीहरु (जस्तैः युरिन व्याग सि.आई.सी पाईप, हाईपर जेलि आदी) वितरण कार्यक्रमहरु समावेश गरियोस ।
२०. स्वर बोलाई सम्बन्धी अपाङ्गता भएका व्यक्तिहरुका लागि Speech Therapy को लागि स्वास्थ्य सम्बन्धी कार्यक्रमहरु स्थानिय तहमा र विद्यालयस्तरवाट नै व्यवस्था गरियोस।
२१. सबै स्थानिय तहहरुमा अपाङ्गता सम्बन्धि अभिमुखिकरण तथा जनचेतनामूलक कार्यक्रमहरु आयोजना गरियोस् ।
२२. अपाङ्गताको कारणले निरन्तर औषधी सेवन गर्नुपर्ने जस्तै मनोसामाजिक अपाङ्गता, बौद्धिक अपाङ्गता अटिजम, डाउनसिड्रम मष्तिष्क पक्षघात (सेरेब्रल पाल्सी), छारेरोग (एपीलेप्सी) बाट प्रभावित व्यक्तिहरूले निरन्तर सेवन गर्नुपर्ने औषधिहरू र हेमोफेलीयाबाट प्रभावित व्यक्तिहरुलाई एन्टी हेमोफेलिक फ्यक्ट निःशुल्क र सर्वसुलभ रुपमा स्थानीय स्वास्थ्य संस्थाहरुबाट उपलब्ध गराईयोस ।
२३. विद्यालयको पहुंच बाहिर रहेका जटिल अवस्थाका बालबालिकाहरुको शिक्षाको लागि Door to Door services, Home visit program, Therapy services, nursing services a कार्यकमहरुको व्यवस्था गरियोस।
२४. अपाङ्गता भएका विद्यार्थीहरुका लागी सञ्चालित स्रोत कक्षाहरु र विशेष विद्यालयका आयाहरुका लागि हेरचाह सम्बन्धी तालिम, सांकेतिक भाषा तालिमको व्यवस्था, शिक्षकहरुलाई गुणस्तरिय शिक्षा दिनको लागि क्षमता विकासको व्यवस्था गरियोस ।
२५. अपांगता भएको व्यक्तिहरुको वित्तिय क्षेत्रमा पहुंच पुर्याउनको निम्ति सहकारी सञ्चालन कार्यक्रम ल्याईयोस।
२६. आ.वा. २०७९।८० मा रहेका सम्पूर्ण कार्यक्रमहरुलाई निरन्तरता दिईयोस् ।
मकवानपुर । मकवानपुर जिल्ला हेटौडा उपमहानगरपालिका ११ नमुना चोक भित्रि सडकमा भएको सवारी दुर्घटनामा २ वर्षिय बालकको ज्यान गएको छ ।
हेटौंडा ११ सिमलटारबाट हेटौडा बजारतर्फ आउदै गरेको बागमती प्रदेश–०३–००१ च १५९७ नं. को बोलेरो पिकअप गाडिले बुधबार बिहान पौने ८ बजे सोही स्थानमा बस्ने सुमि डिङ्डुङको २ वर्षिय छोरा समर लो लाई ठक्कर दिएको थियो ।
दुर्घटनामा घाईते भएका समरलाई हेटौडा अस्पताल ल्याएकोमा चिकित्सकले मृत घोषणा गरेको जिल्ला प्रहरी कार्यालय मकवानपुरका प्रवक्ता एवं प्रहरी नायब उपरीक्षक टेकबहादुर कार्कीले बताए । दुर्घटनापछि गाडि र चालक प्रहरीको नियन्त्रणमा लिएको छ ।
मकवानपुर / जिल्ला प्रहरी कार्यालय मकवानपुरले अफिम सहित तीन जना पक्राउ गरेको छ । पक्राउ पर्नेमा हेटौंडा–७ बस्ने ५६ बर्षीय जय बहादुर मुक्तान, बारा निजगढ नगरपालिका–१२ बस्ने २४ बर्षीय बिष्णुलाल थिङ र मकवानपुर बकैया–६ बस्ने ३२ बर्षीय दिनेश थिङ रहेका छन् ।
प्रहरीका अनुसार हेटौंडा उपमहानगरपालिका वडा नं. ७ बेलिबृज नजिकैबाट लागुऔषध अफिम २ किलो ९ सय ग्राम सहित तीन जनालाई पक्राउ गरेको हाे ।
जिल्ला प्रहरी कार्यालय मकवानपुरका प्रवक्ता एवं प्रहरी नायब उपरीक्षक टेकबहादुर कार्कीले उनीहरुमाथि अनुसन्धान भइरहेको जानकारी दिए ।
- गाेपिनी दाहाल
मकवानपुर । सूचनाको हक प्रदान गर्न प्रदेश सरकार तत्पर रहेको बागमती प्रदेशको आन्तरिक मामिला तथा कानुन मन्त्री गंगानारायणी श्रेष्ठले बताएका छन् ।
मन्त्री श्रेष्ठले सूचना प्राप्त गर्नु आम नागरिकको अधिकार रहेको र यसको कायान्वयन पक्ष केही फितलो भएको आफूले आभाष गरेको बताए । प्रदेशको आन्तरिक मामिला तथा कानून मन्त्रालयको आयोजनामा सुचनाको हक सम्बन्धी ऐन प्रवर्द्धन बारे अन्तरक्रिया कार्यक्रममा बोल्दै उनले यस्तो बताएका हुन् ।
उनले सूचनाको लागि तोकिएको सम्पर्क व्यक्तिले कार्यालय समयमा मात्र नभई अन्य समयमा पनि सूचना दिन तयार हुनुपर्ने बताए । “सूचना पाउनु सबैको हक हो, तर सूचनाको दुरुपयोग भर्न भने कसैले पाउँदैन” उनले भने ।
सूचना नदिएको खण्डमा सूचना अधिकारी विरुद्ध उजुरी दिनसम्म मिल्ने व्यवस्था रहेको छ । नेपालको संविधान २०७२ धारा २७ मा सूचनाको हक, ऐन २०६५ र नियमावली २०६५ जारी भएसँगै प्रदेश सरकारले भने प्रदेश सूचनासम्बन्धी ऐन,२०७६ जारी गरेको र नियमावली निर्माणको तयारीमा रहेको मन्त्री श्रेष्ठ बताए ।
प्रदेश सरकारले सूचना अधिकारीलाई संस्थागत रुपमा मोवाईल नम्बर दिने तयारी समेत रहेको उनले बताए ।
अन्तरक्रियामा प्रदेश सूचनाको हक सम्बन्धी ऐन र प्रदेश सूचना पुनरावेदन समितिको काम कर्तव्य र अधिकारबारे समितिका सदस्य कृष्ण थापा सारुमगरले प्रस्तुती दिएका थिए । उनले सूचना माग गरेको १५ दिनमा दिनुपर्ने कानुनी व्यवस्था, सार्वजानिक महत्वका सुचनाका विषयमा छलफल गरिएको थियो ।
अन्तरक्रियामा जिल्ला अदालत बार एशोसिएसनका अध्यक्ष अप्सरा बस्नेतले सूचनाको हकको विषयमा रहेका कानुनी व्यवस्था, उजुरी, दस्तुर जस्ता विषयमा आफ्नो कार्यपत्र प्रस्तुत गरेकी थिइन् ।
कार्यक्रममा मुख्यन्याधिवक्ताको कार्यालयका ठाकुरराम भण्डारी, उच्च अदालत बार एशोसिएसनका सुभाषचन्द्र अधिकारी, प्रदेश सञ्चार रजिष्ट्रार रेवतीप्रसाद सापकोटाले सूचनाको हक र त्यससँग जोडिएका विषयवस्तुमा आफ्नो धारणा राखेका थिए । मन्त्रालयका सचिव ध्रुव गैडालगायतको उपस्थिति रहेको थियो ।
अन्तरजेसिज वतृत्वकलामा विवेक आनन्द न्यौपाने प्रथम
Tags: No Comments
मकवानपुर । हेटौंडा जेसिजले आयोजना गरेको अन्तरजेसिज वतृत्वकला प्रतियोगितामा विवेक आनन्द न्यौपाने प्रथम भएका छन् ।
हेटौंडा जेसिजको सप्ताहव्यापी कार्यक्रम अन्तरगत सोमबार भएको अन्तरजेसिज वतृत्वकला प्रतियोगितामा न्यौपाने प्रथम भएका हुन । यसैगरी प्रतियोगितामा सुदिन पौडेल द्वितीय तथा छोइसाङ् लामा तृतीय भएका जेसिज वर्ष २०२३ का अध्यक्ष श्रवणकुमार बर्तौलाले जानकारी दिए ।
प्रतियोगितामा प्रथम, द्वितीय र तृतीय हुनेले क्रमशः १ हजार ५ सय, १ हजार र ५ सय रुपैयाँसहित प्रमाणपत्र र मेडल प्राप्त गरेका छन् । प्रथम हुनेलाई जेसिज नविकरण शुल्क ३ हजार रुपैयाँसमेत छुट हुने वतृत्वकला प्रतियोगितामा संयोजक सन्जय कुमार न्यौपाने बताए । प्रतियोगितामा सहभागी १० जनाले सकारात्मक दृष्टिकोणको लागि युवा नेतृत्व भन्ने विषयमा आ–आफ्नो धारणा राखेका थिए ।
सप्ताहव्यापी कार्यक्रम अन्तरगत वतृत्वकला प्रतियोगिता आयोजना गरिएकोमा यस्ता कार्यक्रमले युवाहरुको नेतृत्व र व्यक्तित्व विकासमा टेवा पुग्ने जेसिज अध्यक्ष बर्तौलाले बताए ।
जेसिज वर्ष २००१ का अध्यक्ष धर्म कृष्ण श्रेष्ठको प्रमुख आतिथ्यता भएको कार्यक्रममा जेसिजकै कविन सांगामी, अन्जनी कुमार पराजुली र कुश कुमार रिजालले निर्णायकको भूमिका निर्वाह गरेका थिए ।
वैशाख ३० गते शनिबारबाट सुरु भएको सप्ताहव्यापी कार्यक्रम अन्तर्गत जेठ २ गते मकवानपुर बहुमुखी क्याम्पसमा सामान्य ज्ञान प्रतियोगिता, जेठ ३ गते मुख्य बजार क्षेत्रमा ‘स्लो बाइक’ प्रतियोगिता हुने जेसिजले जनाएको छ ।
यस्तै जेठ ४ गते हेटौंडा– १५ चिप्लेटीस्थित सामुदायिक विद्यालयमा शैक्षिक सामग्री हस्तान्तरण गर्ने कार्यक्रम रहेको छ भने जेठ ५ गते समापन समारोह आयोजना गरी विभिन्न प्रतियोगितामा विजयी भएकाहरुलाई पुरस्कृत गर्ने कार्यक्रम रहेको जेसिजले जनाएको छ ।
