मकवानपुर / नेपाल पत्रकार महासंघको आउँदो चैत २५ निर्वाचनमा प्रेस चौतारी नेपाल मकवानपुर शाखाले नेपाल पत्रकार महासंघ मकवानपुर शाखाको निर्वाचनमा बालकृष्ण अधिकारीको नेतृत्वमा निर्वाचनमा जाने भएको छ।
शुक्रबार राति पूर्वी मकवानपुरको बागमती-६ को फेर्सीनीमा भएको प्रेस चौतारी मकवानपुरको विस्तारित बैठक तथा भेलाले चौतारीका प्रदेश सस्दस्य अधिकारीलाई आउँदो निर्वाचनमा अध्यक्षको पदमा उठाउने निर्णय गरेको हो।
विगत २० वर्ष देखि विभिन्न संचारमाध्यममा आबद्ध प्रदेश सदस्य पत्रकार अधिकारी हाल कान्तिपुर टेलिभिजनको मकवानपुर संवाददाता र हेटौंडा स्थित टिम टेलिभिजको समाचार प्रमुखको जिम्मेवारीमा रहेका छन्
शुक्रबारको बैठकमा बोल्दै चौतारीका प्रदेश सदस्य अधिकारीले आफ्नो टिम नेपाल पत्रकार महासंघ मकवानपुर शाखाको नेतृत्वमा आउँदा श्रमजीवि पत्रकारहरुको हकहितको लागि काम गर्न तयार रहेको बताए । उनले आफु नेतृत्वमा आउँदा आफ्नो पहिलो एजेन्डा श्रमजीवि पत्रकारहरुको पृष्ठपोषण गर्ने र संचारगृहहरुको सवलिकरण गर्ने कार्ययोजना रहेको बताए । अधिकारी भन्छन्,‘संचारगृहहरुको सवलिकरण भएनन् भने ति संचारगृहहरुले श्रमजीवि पत्रकारहरुलाई तलब दिनसक्ने वातावरण बन्दैनन् ।’
मकवानपुरको सन्दर्भमा मकवानपुरमा श्रमजीवि पत्रकारहरुले संचालन गरेको संचारगृहहरुमा व्यक्ति,संघसंस्थाहरुले विज्ञापन छाप्न लगाउने तर विज्ञापनको भुक्तानी समयमा नगर्ने परिपाटीले सास्ती खेप्नु परेको समस्या रहेको बताउँदै उनले आफ्नो नेतृत्वमा आएको टिमले त्यो समस्यालाई आफै गएर भुक्तानी उठाउने काम गर्ने समेत बताए । उनले सम्बन्धितहरु संग सम्झौता गरेर मात्र विज्ञापन छाप्नुपर्ने बताए ।उनले भने,‘संचार गृहहरुलाई सवलिकरण गर्छौ । त्यो संचारगृहले पत्रकार आचारसंहिता अनुसार नेपाल सरकारले लागू गरेको श्रम ऐन अनुसार तलब दिदैन्न भने ति संचारमाध्यमहरुलाई के गर्नु पर्छ ? अब श्रमजीवि पत्रकारहरुको पक्षमा बोल्नुपर्छ । श्रमजीवि पत्रकारहरु सबैले नियुक्ति पत्र लियर काम गर्नुस् । तलब रोकिन्छ भने श्रम अदालतमा उभिनु पर्छ भने पनि हामी उभिन तयार छौ ।’
उनले आफु महासंघको नेतृत्वमा आउँदा संचारगृहरुले विज्ञापनको पैसा उठानन नसक्ने र श्रमजीवि पत्रकारलाई श्रममा लगाएर तलब दिन नसक्ने परिपाटीको अन्त्य गर्न अग्रसर हुने बताए ।
उनले पत्रकारिता क्षेत्रलाई मर्यादित ढङ्गले अगाडी बढाउनु पर्ने बताउँदै पत्रकारलाई समाजले हेर्ने दृष्टिकोण बदल्न जरुरत रहेको बताए । उनले भने: पत्रकार आउने बित्तिकै आतंकवादी आयो भनेर हाम्रो समाजले महशुस गर्नु हुदैनन् । किनभने हामीले पब्लिक र प्राईभेट म्याटरबीचको भिन्नता छुट्याउनु पर्छ । कसैका व्यक्तिगत कमिकमजोरी खोज्ने हैन ,व्यक्तिगत कमिकमजोरले यदि कसैको समुदायलाई असर पर्छ भने त्यो हाम्रो एजेन्डा हुनुपर्छ । समाचार बाहिर ल्याउनुपर्छ ।
उनले पत्रकारिता क्षेत्रमा आएका नयाँ पुस्तालाई क्षमता अभिवृद्धिको तालिमको आवश्यक रहेको भन्दै त्यस तर्फ आफुहरुको ध्यान गएको बताए । उनले हालको महासंघको नेतृत्वले सुरु गरेको पत्रकार उपचार कोष हाल पत्रकारले मात्र काषबाट उपचार गर्न पाउने अवस्था रहेको बताउँदै उनले आफु नेतृत्वमा आउँदा आउँदो दिनमा कोषलाई बढाएर कोषबाट पत्रकारको परिवारको सदस्यलाई समेत उपचार दिनसक्ने वातावरण बनाउने योजना रहेको बताए ।
उनले श्रमजीवि पत्रकारहरुले तलब नपाएको र परिवारको सदस्यहरु बिरामी पर्दा उपचार गर्न समस्या पर्ने गरेको समस्याहरु आईपर्ने बताउँदै महासंघले त्यस समस्या समाधान गर्न तर्फ ध्यान जाने बताए । उनले जिल्लामा रहेका पत्रकारहरुको व्यक्तिगत समस्यामा व्यक्ति÷संघसंस्थासंग सार्वजनिक विषयमा कुनैपनि सम्झौता गर्दैनन् आचारसंहितामा हिड्छन् भन्ने सन्देश समाजमा दिनुपर्छ भन्ने बाटो तर्फ बढाउन पत्रकारको हरेक समस्यलाई समाधान तर्फ लैजान महासंघलाई संगै अगाडी बढाउने आफ्नो कार्ययोजना रहेको बताए ।
उनले हाल जिल्लामा महिला पत्रकारहरु पेशाबाट पलाएन भईरहेको अवस्था रहेको बताउँदै पत्रकारिता क्षेत्रमा टिकाईराख्ने वातावरण आफ्नो नेतृव्वको महासंघले काम गर्न कार्ययोजना तयार रहेको बताए । उनले हाल नेपाल पत्रकार महासंघ मकवानपुर शाखाले स्थापना गरेको जेष्ठ पत्रकार पेन्सन कोषको कार्यविधि बनाउन आफुले महत्वपूर्ण भूमिका निर्वाह गरेको समेत बताए । उनले हाल महासंघको आफ्नै भवन र पुस्तकालय रहेको बताउँदै त्यसलाई व्यवस्थित र मर्यादित गरेर महासंघलाई अगाडी बढाउनुको साथै संचारगृहहरु संग समन्वयकारी भूमिकामा रहँदै श्रमजीवि पत्रकारहरुको हकहितको लागि काम गर्न आफुलाई विजयी बनाउन सम्पूर्ण मकवानपुरका संचारकर्मीहरुलाई आग्रह गरे ।
भेलाले नेपाल पत्रकार महासंघको निर्वाचनमा गत निर्वाचनमा जस्तै चौतारीको नेतृत्वलाई विजयी गराउन अभियान सञ्चालन गर्ने समेत निर्णय गरेको प्रेस चौतारी नेपाल,मकवानपुरका सह–संयोजक पुष्पराज अधिकारीले जानकारी दिए । सह–संयोजक अधिकारीले अध्यक्षको उम्मेदवारी तय गरेको बताउँदै अन्य पदबारे भने केही दिनमै टुङ्गो लगाइने बताए । भेला तथा बैठक प्रेस चौतारी नेपाल, मकवानपुर शाखाका अध्यक्ष धर्मेन्द्र दाहालको अध्यक्षतामा भएको हो । ( खबरब्रेकबाट)
मकवानपुर / पत्रकारिताले समाजमा सकारात्मक सन्देश दिनुपर्ने बागमती प्रदेशको प्रमुुुख सचिव डा. मानबहादुर बिकले बताएका छन् । आमसन्चारले स्थानीय क्षेत्रको दुरदराजको खोजमुलक समाचारलाई उच्चप्राथमिकता दिनुपर्ने प्रमुख सचिव बिकले बताए ।
सञ्चार रजिष्टार कार्यालय बागमती प्रदेशको समन्वय तथा आन्तरिक मामिला तथा कानुन मन्त्रालय बागमती प्रदेशको आयोजनामा मल्टिमिडिया तथा अनलाइन पत्रकारिता सम्बन्धि मकवानपुरगढी गाउँपालिकामा बिहिवारबाट सुरु भएको तालिमको उद्घाटन गर्दै प्रमुख सचिब बिकले यस्तो बताएका हुन् ।
कहिलेकहि सकारात्मक समाचारले पनि नकारात्मक छाप छाड्न सक्ने भएकोले यस्ता त्रुटी प्रती चनाखो हुनुपर्ने उनले बताए । ब्रेकिङ्ग न्युजको होडबाजीको कारण पत्रकारितामा समस्या भएको बिकले बताए । “फ्याक्ट चेक गर्ने धैर्यता चाहियो” बिकले भने “सोसल मिडियाको लागि सबै व्यक्ति पत्रकार भए,अब यसलाई कसरी व्यवस्थित गर्नेभने तर्फ सोच्नुपर्छ ।”
कार्यक्रममा आन्तरिक मामिला तथा कानुन मन्त्रालयका सचिब मदन भुजेलले पत्रकारितामा धेरै कमजोरी पाटाहरु भएकोले सच्याउन तर्फ लाग्नु पर्ने बताए । पत्रकारलाई टिकाउनको लागि सीप अत्यावश्यक पाटो भएको पत्रकार महासंघ बागमती प्रदेश अध्यक्ष प्रताप बिष्टले बताए । निरन्तरता र कृयाशिलता भएमा पत्रकारितामा भविष्य धेरै राम्रो भएको बिष्टले बताए । सञ्चार माध्यम र सन्चारकर्मीले आमपाठकसामु बिश्वासनियता कायम राख्नुपर्ने उनले बताए । “हाम्रो समाचार समाजमा बिकाउनको लागि विश्वासनीयता चाहिन्छ” बिष्टले भने “हामी साझा जीवनशैली बिताऔं ।”
यसैगरी प्रदेशको सञ्चार रजिष्टार रेवती सापकोटाले पत्रकारको सीप र दक्षता वृद्धिको लागि तालिम उपयोगी भएको बताए । पत्रकारको लागि साना साना लाग्ने तर जीवनपयोगी सीप सिकाइने सापकोटाले बताए । नेपालको ५० प्रतिशतभन्दा बढी पत्रकार बागमती प्रदेशमा कृयाशिल रहेकोले देशलाई नै निर्देशित गर्न जिम्मेवार पत्रकार बन्न सापकोटाले अनुरोध गरे । कार्यालयले प्रदेशमा हालसम्म १ सय २० जना पत्रकारलाई यो तालिम प्रदान गरिसकिएको सापकोटाले बताए ।
तालिममा बागमती प्रदेशको ११ जिल्लाका २० जना पत्रकारहरु सहभागी रहेको आन्तरिक मामिला तथा कानुन मन्त्रालय बागमती प्रदेश शाखा अधिकृत ज्ञानदीप राई जानकारी दिए ।
मकवानपुर । मकवानपुर उद्योग वाणिज्य संघको चैत २१ गतेबाट सुरू हुने ५४ औं वार्षिक साधारणसभा तथा निर्वाचनमा अध्यक्ष पदका उम्मेदवार राजकुमार न्यौपाने समूहकाे चुनाव प्रचार प्रसार तथा सम्पर्क सचिवालय शुभारम्भ गरेका छ्न्।
चैत २ गते सोमबार हेटौंडामा एक कार्यक्रमको आयोजना गर्दै उम्मेदवार न्यौपानेले हेटौंडा ४ बालकुमारी पार्टी प्यालेसमा सम्पर्क कार्यालयकाे शुभारम्भ गरेका हुन् । सचिवालय शुभारम्भ गर्दै न्याैपानेले केही दिनमै आफ्नो प्यानलमा सदस्यहरुको समेत उम्मेदवार सार्वजनिक गर्ने बताए ।
गत फागुन २८ गते शुत्रफबार उद्योग वाणिज्य महासंघका पूर्व केन्द्रीय सदस्य समेत रहेका न्यौपानेकाे नेतृत्वमा ४ उपाध्यक्ष सहित उम्मेदवारी घोषणा गरिसकेका छन् । न्यौपानेको समूहमा उपाध्यक्ष पदमा वाणिज्यतर्फ रामप्रसाद न्यौपाने, उद्योगतर्फ प्रतिमा श्रेष्ठ,एसोसियटतर्फ उज्वल चौलागाई र वस्तुगततर्फ राजु अधिकारीको उम्मेदवारी रहेको छ ।
मकवानपुर / हेटौंडानगर भित्रका महिलाहरुलाई व्यवसायीक बनाउने उदेश्यसहित आयोजना गरिएको ब्युटिपार्लर सम्बन्धि एक महिने तालिम समापन गरिएको छ ।
हेटौंडा उपमहानगरपालिकाको आर्थिक सहयोग तथा महिला बालबालिका तथा असहाय कल्याण समुहको आयोजनामा भएको तालिम शुक्रबार समापन गरिएको हो । समापन कार्यक्रममा तालिममा सहभागी २० जना महिला र प्रशिक्षक इन्दिरा गुरागाईंलाई प्रमाणपत्र प्रदान गरिएको थियो। उनीहरुलाई हेटौंडा उपमहानगरपालिकाका मेयर हरिबहादुर महतले प्रमाणपत्र प्रदान गरेका थिए ।
तालिम समापन कार्यक्रम बोल्दै उपमहानगरपालिकाका मेयर महतले महिलाहरु जबसम्म आर्थिक रुपले सबल हुदैनन् तबसम्म महिला हिंसामा कमि नआउने बताए । महिलाहरु जन्मेदेखी बृद्धअवस्थासम्म अरुमा निर्भर बन्नुपर्ने अवस्था भएको उनले बताए । ‘महिलाहरुलाई तालिम दिएर व्यवसायिक बनाई आर्थिक रुपले सबल बनाउन उपमहानगरपालिका हरदम तयार छ’ उनले भने । यस्तै मेयर महतले महिलाहरुलाई आवश्यक पर्ने सेनेटरी प्याड निर्माण गर्न समेत आग्रह गरे । बजारमा पाईने सेनेटरी प्याडहरुमा केमिकल प्रयोग हुने हुँदा महिलाहरुलाई त्यसले असर गर्ने बताउदै समुहमार्फत सेनेटरी प्याड उत्पादन गर्न सुझाव दिदै उपमहानगरपालिकाले आर्थिक सहयोग गर्ने समेत बताए ।
कार्यक्रममा वेपा ग्रुप नेपालकी अध्यक्ष इन्दिरा न्यौपानेले विभिन्न निकायबाट दिइने तालिमहरुलाई छुट्टाछुट्टै भन्दापनी सबैसङ्ग समन्वय गरेर दक्ष जनशक्ति उत्पादन गर्नेतर्फ ध्यान दिन आग्रह गरिन । उनले छुट्टाछुट्टै व्यक्तिलाई तालिम दिनुभन्दापनी एउटै व्यक्तिलाई सामान्यदेखी एडभान्स तालिमसम्म प्रदान गरि व्यवसायिक बन्नसक्ने सम्मको सहयोग गर्नुपर्ने बताइन् ।
यस्तै सन्जिवनी बचत तथा ऋण सहकारी संस्थाकि अध्यक्ष जानकी चौधरीले एड्भान्स तालिम लिएका इच्छुक महिलाहरुलाई व्यवसाय स्थापना गर्न ऋण सहयोग गर्ने बताइन् ।
कार्यक्रममा महिला बालबालिका तथा असहाय कल्याण समुहकी अध्यक्ष अम्बिका खतिवडाले महिलाहरुको आर्थिक आयाअर्जन वृद्धिका लागि संस्थाले सिपमुलक र आयमुलक तालिमको आयोजना गर्दै आएको बताईन ।
मकवानपुर । राष्ट्रिय प्रजातन्त्र पार्टीको हेटौँडा उपमहानगरपालिका कार्यसमितिकाे अध्यक्षमा प्रेमलाल श्रेष्ठ निर्विरोध निर्वाचित भएका छन् । आइतबार भएको निर्वाचनमा श्रेष्ठकाे अध्यक्षतामा २१ सदस्यीय नगर कार्यसमितिको निर्वाचन भएकाे हाे ।
निर्वाचनबाट हेटौँडा नगरसमितिमा कवीन्द्रराज भट्टराई, नवराज पौडेल, बिशभ अधिकारी, गुरुप्रसाद सापकोटा, उदयनारायण दङ्गाल, केशवप्रसाद तिमल्सिना, राजुबाबु श्रेष्ठ, इन्दिरा बानियाँ, ध्रुवप्रसाद सञ्जेल, भगवान् बर्तौला, होमबहादुर थापा मगर, टीका कार्की, गुञ्जनबहादुर न्यौपाने, लक्ष्मण दाहाल, सागर थापा, टीकाबल्लभ ढुङ्गाना, सरस्वतीकुमारी थिङ, ध्रुवबहादुर गिरी, हीरा चौरेल र उर्मिला घिमिरे निर्विरोध निर्वाचित भएका छन् ।
निर्वाचन पछी समापन समारोहमा नब निर्बाचित समितिलाई पार्टीका नेताहरु मधु अधिकारी, राजाराम बर्तौला, बालकृष्ण कार्की, रामहरी न्यौपाने, निबर्तमान नगर अध्यक्ष गुरु प्रसाद सापकोटा, दामोदर वाग्ले लगायतले बधाई शुभकामना दिएका थिए । आइतबार भएको निर्वाचनमा उपमहानगरपालिका क्षेत्रका वडाका निर्वाचित २ सय २४ प्रतिनिधिको सहभागिता रहेको राप्रपा मकवानपुरले जनाएको छ ।