मकवानपुर / जिल्ला बचत तथा ऋण सहकारी संघ लिमिटेड मकवानपुरको १६ औं बार्षिक साधारणसभा हेटौंडामा भएको छ ।
१ सय ४० वटा बचत तथा ऋण सहकारी संस्था आवद्ध संघमा ४ करोड ६ लाख ५५ हजार रुपैयाँ सेयर पुँजी रहेको छ । संघको बचत ६६ करोड ७९ लाख ७८ हजार रुपैयाँ रहेको छ भने ऋण लगानी ३३ करोड ९७ लाख ३० हजार रुपैयाँ रहेको छ ।
संघ अध्यक्ष कल्पना श्रेष्ठको अध्यक्षतामा भएको साधारणसभा प्रदेश सहकारी बोर्डका कार्यकारी उपाध्यक्ष एवम् मकवानपुर जिल्ला सहकारी संघका अध्यक्ष नारायणप्रसाद देवकोटाको प्रमुख आतिथ्य रहेको थियो । साधारणसभाको उद्घाटन समारोहमा संघका संस्थापक अध्यक्ष सुलोचना स्याङ्तान, निवर्तमान अध्यक्ष तथा प्रदेश बचत संघ उपाध्यक्ष राधा सिंतान जिल्ला सहकारी संघ मकवानपुरका पूर्वअध्यक्ष बद्रिप्रसाद लम्सालको पनि आतिथ्य रहेको थियो ।
कार्यक्रममा पुर्व अध्यक्ष लम्सालले सहकारीले सर्वसाधारणको अफ्ट्यारोमा साथ दिने गरेको बताए । ‘जहाँ संकट त्यहा सहकारी छ’ लम्सालले भने ‘त्यसैले सहकारी आपतको साथी हो ।’
कार्यक्रम भिमफेदी गाउँपालिका उपाध्यक्ष पार्वती रानाले सहकारीको अभियानकर्मी समाजमा सकारात्मक परिवर्तन गर्नमा महत्त्वपूर्ण भूमिका निर्वाह गरेको बताइन् । भौगोलिक रूपमा फरक फरक रहेका सहकारीहरूले फरक फरक भूमिका निर्वाह गर्दै आएको रानाले बताइन् । सहकारीको अभियानमा लाग्नेले राजनीति लडाइँ गर्न नहुने उनले बताइन् । पालिका भित्र स्थानीय सरकारले भन्दा राम्रो काम सहकारीले गरेको उनले बताइन् ।
संघमा ४ करोड ६ लाख ५५ हजार शेयर पुँजी तथा ६६ करोड ७९ लाख ७८ हजार बचत रहेको सहकारीको प्रतिवेदनमा उल्लेख छ ।
साधारणसभामा विभिन्न बिधामा उत्कृष्ट सहकारी संस्था तथा व्यक्तिहरूलाई सम्मान तथा पुरस्कृत गरिएको सचिब बिरेन्द्रप्रसाद ढुंगानाले बताए ।
यी हुन् सम्मानित व्यक्ति तथा संस्थाहरू:


मकवानपुर । नेकपा (एकिकृत समाजवादी) का स्थायी समिति सदस्य विरोध खतिवडाले एकिकृत कम्युनिष्ट आन्दोलनलाई पुर्नगठन गरेको दावी गरेका छन् । मकवानपुरको फाखेल गाँउपालिकामा पार्टी कार्यकर्ता भेलालाई सम्वोधन गर्दै उनले आफुहरु टुटेको र फुटेको नभई एकिकृत कम्युनिष्ट आन्दोलनलाई भ्रष्टिकरणबाट जोगाउन युगको माग अनुसार पुर्नगठन गरिएको बताए ।
स्वास्थ्य तथा जनसंख्यामन्त्री समेत रहेका नेता खतिवडाले आफुहरु गफका लागि आएका होइनौं, विगतको सरकारले गरेको विकृतिलाई हटाउछौं, जुन काम सुरु समेत भइसकेको छ ।’ ‘प्रत्येक वडामा आधारभुत स्वास्थ्य चौकी र हरेक पालिकामा एउटा अस्पताल बनाउने र जनतालाई स्वास्थ्यमा सहज रुपमा पहुँच दिने गरी सरकारले योजना बनाइरहेको छ’ कार्यकर्ता भेलालाई सम्वोधन गर्दै उनले भने ।
कुन्साङ लामाको अध्यक्षतामा भएको कार्यक्रममा नेकपा एकिकृत समाजवादी केन्द्रीय निर्वाचन आयोगका सदस्य रामचन्द्र बल, प्रदेश समिति सदस्य तथा जिल्ला अध्यक्ष श्रीधर पोखरेल, प्रदेश समिति सदस्य गौतमवुद्ध लामा, इन्द्रसरोवर गाँउपालिका अध्यक्ष तथा जिल्ला कमिटीका उपसचिव जीवन लामा, जिल्ला सचिवालय सदस्य तथा स्वास्थ्य मन्त्री खतिवडाका प्रमुख स्वकीय सचिव माधव तिमल्सिना, जिल्ला सचिवालय सदस्य तथा युवा संघका जिल्ला अध्यक्ष किरणमान बल लगायतको आतिथ्यता रहेको थियो ।
भेलाले कुन्साङ लामाको अध्यक्षतामा ६५ सदस्यीय नेकपा एकिकृत समाजवादीको गाँउ पालिका स्तरीय कमिटी तथा विष्णु महर्जनको अध्यक्षतामा ५५ सदीयीय युवा संघको पालिका स्तरीय कमिटी गठन गरेको छ ।
मकवानपुर /मकवानपुरगढी गाउँपालिका अध्यक्ष तथा युवा बचत तथा ऋण सहकारी संस्था लिमिटेडका सल्लाहकार बिदुर हुमगाईंले सहकारी कृषि विकासको आधार भएको बताउँदै युवालाई स्वरोजगार बनाउन सहकारीले ध्यान दिनुपर्ने बताएका छन् ।
युवा बचत तथा ऋण सहकारी संस्था लिमिटेडको १५ औं बार्षिक साधारणसभामा उनले यस्तो बताएका हुन् । कृषिप्रधान देशलाई आत्मनिर्भर बनाउन सहकारीले योगदान गर्नुपर्ने उनले बताए । युवालाई वैदेशिक रोजगारमा जानबाट रोक्ने तथा स्वरोजगार बन्नको लागि प्रेरित गर्नुपर्ने हुमगाईले बताए ।
कार्यक्रममा नेफ्स्कुन फिल्ड प्रमुख गितादेवी न्यौपानेले युवा साकोसले गर्दै आएको कार्यक्रम राम्रो रहेको बताइन् । संस्थाले सदस्यको हित मात्रै नभै सर्वसाधारणको समेत हितमा काम गर्नुपर्ने उनले बताइन् । उत्पादनमुलक कार्यमा अझै ध्यान दिनुपर्ने उनले बताइन् ।
अध्यक्ष राजु गौतमको अध्यक्षतामा भएको कार्यक्रममा कृषि विकास बैंकका प्रमुख नुरप्रसाद गौतम, हातेमालो बचत तथा ऋण सहकारी संस्थाका कोषाध्यक्ष सिताराम दाहाल,अधिवक्ता केशव गौतमलगायतको उपस्थिति रहेको थियो ।

मकवानपुर । मकवानपुरगढी गाउँपालिकामा १ जना ३० जना नेपाली कांग्रेस प्रवेश गरेका छन् । कांग्रेस मकवानपुरगढी गाउँपालिका ६ अदालत डाँडा र मकवानपुरगढी-३ देविडाँडामा भएकाे कार्यकर्ता भेटघाट कार्यक्रममा उनीहरु कांग्रेस प्रवेश गरेका हुन् ।
मकवानपुरगढी गाउँपालिका ६ अदालत डाँडामा नेपाली कांग्रेस बागमती प्रदेश संसदीय दलका नेता ईन्द्रबहादुर बानियाँको प्रमुख आतिथ्यता एवं वडा सभापति केदारनाथ चौलागाईंको सभाध्यक्षतामा कार्यकर्ता भेटघाट कार्यक्रम भएको हो । कार्यक्रममा एमाले जिल्ला सदस्य श्यामप्रसाद ढंगाना, समाजसेवी रमेश धितालसहित एमाले र माओवादीबाट ९६ जना नेपाली कांग्रेसमा प्रवेश गरेका छन् ।
कार्यक्रममा संघीय सभापति यतिराज सापकोटा, हेटौंडा नगरका निवर्तमान सभापति आनन्दराम पराजुली, वडा अध्यक्षका प्रत्यासी कृष्णप्रसाद बजगाई, उपसभापति सुशिला फुयाँल लगायतकाे उपस्थिति रहेकाे थियाे ।
त्यसैगरी, मकवानपुरगढी-३ देविडाँडामा नेपाली कांग्रेस बागमती प्रदेश संसदीय दलका नेता बानियाँको प्रमुख आतिथ्यता एवं वडा सभापति बिजय लामा थोकरको सभाध्यक्षतामा कार्यक्रम भएको हो । कार्यक्रममा एमाले, राप्रपा र माओवादीबाट ३४ जना कांग्रेसमा प्रवेश गरेका छन् ।
कार्यक्रममा संघीय सभापति यतिराज सापकोटा, गाउँपालिका सभापति राजबिर मोक्तान, रुक्मणी ढुंगाना, कमल फुयाँल लगायतकाे उपस्थिति रहेकाे थियाे । दुबै स्थानमा भएकाे कार्यक्रममा कांग्रेस संसदीय दलका नेता एवं जिल्ला सभापति बानियाँले पार्टी प्रवेश गरेका नवप्रवेशीहरूलाई स्वागत गरेका थिए ।
मकवानपुर । मकवानपुरगढी गाउँपालिकामा रहेकाे जनहित स्वावलम्बन बचत तथा ऋण सहकारी संस्थाको १६ औं वार्षिक साधारणसभा भएको छ ।
मकवानपुरगढी वडा नम्बर ५ मा रहेको सहकारीकाे अध्यक्ष श्रीराम दाहालको सभाध्यक्षता तथा मकवानपुरगढी वडा नम्बर ५ का वडा अध्यक्ष जीतबहादुर घिमिरेको प्रमुख अतिथ्यतामा १६ औ साधारणसभा भएको हो।
साधारण सभामा सहकारीले जेष्ठ शेयर सदस्य भोजराज दाहाल, असल ऋणीतर्फ शुभद्रा दमाई र भीम बहादुर दोङ, उत्कृष्ट बचतकर्ता असिम घलान, देवेन्द्र दुलाललाई पुरस्कृत गरिएको थियो। त्यसैगरी उत्कृष्ट शेयर खरिदकर्ता पुण्यप्रसाद दाहाल र विजुलीमाया थिङलाई पुरस्कृत गरिएको थियो ।
यसैगरी संस्थामा आवद्ध जनज्योती आयआर्जन समूह प्रथम,अन्नपूर्ण आयआर्जन समूह द्वितीय, गुँरास आयआर्जन समूह तृतीय र हिमचुली आयआर्जन समूह सान्त्वना स्वरुप नगद सहित पुरस्कृत भएका छन। सहकारीमा ४ सय ३३ जना शेयर सदस्य रहेका छन भने १० लाख ३७ हजार ९ सय शेयर पुजीँ रहेको बताइएकाे छ ।
जिल्ला बचत तथा ऋण सहकारी संघका लेखा समिति संयोजक सुलोचना स्याङ्तानको विशेष अतिथ्यतामा भएको साधारणसभामा संस्थाका संस्थापक अध्यक्ष गुणनिधि ढकाल, पूर्व अध्यक्ष थलनाथ घिमिरे, महिला कल्याण साकोसका पार्वती फुँयाल, स्वरोजगार साना किसान कृषि सहकारी संस्थाका अध्यक्ष धनकुमारी खड्का, संस्थाका लेखा समिति संयोजक चण्डिका पौडेल,आधारभूत शिक्षा प्राविका प्रअ प्रह्लाद घिमिरे लगायतको उपस्थित रहेको थियो ।