आसन्न स्थानीय तहको निर्वाचनको तयारीमा उम्मेदवारहरु अहिले घरदैलोमा व्यस्त छन् । निर्वाचनमा होमिएका पार्टी नेतृत्वहरुको प्रतिवद्धता लिन हामीले केही प्रतिनिधिमुलक आवाज उठाउने जमर्को गरेका छौ । यसै अन्तरगत हेटौंडा उपमहानगरपालिका वडा ५ का एमाले वडा अध्यक्ष पदम बजगाईंसँग गरिएको कुराकानीको सार:
म पदम बजगाईं, नेपाल कम्युनिष्ट पार्टी एमाले हेटौंडा उपमहानगरपालिका ५ को पार्टी अध्यक्ष । हामी स्थानीय तह सदस्य निर्वाचनको एक मुखैमा आइपुगेका छौ । हामीले चुनावी प्रचारको रुपमा घरदैलो कार्यक्रम जारी नै राखेका छौ । अभियानकै रुपमा थालिएको घरदैलो सकिएपनि हामी सुस्ताएका छौनौ । जित्नको लागि मात्रै त हामीसँग चुनौति छैन, हामीले आफ्नो वडाबासीको सल्लाह सुझाव लिनको लागि पनि भेटघाटको कार्यक्रमलाई निरन्तरता दिएका हौ ।
एमालेको एजेण्डाकै कुरा गर्नु पर्दा चाही सबैभन्दा पनि पहिले काममा विश्वास गर्ने पार्टी हो । हामीले भोली यो गर्छौ, उ गर्छौ भनेर भाषण दिन भन्दा हाम्रो नेतृत्व रहदा हामीले गरेकै कारण एमाले चिनिदै आएको छ । हेटौंडाको यही ५ नम्बर वडामा होस् वा अन्य क्षेत्रमा एमाले नेतृत्वले गरेको विकास निर्माणका काम नै एमाले कस्तो पार्टी हो भनेर जनताले चिनेका छन् ।
फेरी पनि हामीले जित्नको लागि केही एजेण्डाहरु बजारमा छरेका छौंनौ, हामीसँग जे छ, हामी जे भनिरहेका छौ, हाम्रा प्रतिनिधिले आगामी ५ वर्षमा गर्ने र गर्नै पर्ने कामको खाका मात्रै हो ।
अबको ५ वर्षमा हेटौंडाको यो वडालाई कस्तो बनाउने भन्ने योजना हो हाम्रो । वडाको समग्र विकासको योजनाहरु हाम्रो टीमले अघि सारेको छ । वडाको सार्वजनिक भवनहरू मन्दिर, सामुदायिक भवन, पुस्तकालय, वन समितको सभाहल, प्रतिक्षालय, कृयापुत्री भवन मर्मत सुधार, रंगरोगन तथा संरक्षणदेखि नयाँ पर्यटकीय गन्तव्यको खोजि हाम्रो टीमको योजना हो । शान्ति पार्कको निर्माण तथा विस्तार, महिलाको सशक्तिकरण तथा आत्मनिर्भरताको खोजिमा हाम्रो टीमको योजना छ ।
वडाको नमुना स्कुल बालज्योति मा.विलाई प्रविधि मैत्री बनाउने योजना हामीले ल्याएका छौ । यो स्कुलमा स्थानीय आवश्यकता र विद्यार्थीको रुचि संम्भाव्यता अध्ययन गरी दश जोड दुई (प्लस टु) संचालन गरिनेछ । यहाँ अध्ययन गर्दै आएका दृष्टिविहिन विद्यार्थीहरुको आवासीय भवन, बर्षाको समयमा हुने डुबानको समस्यालाई हामीले समाधानको योजना बनाएका छौ ।
खेलकुद, संगित, कलाकारितालगायतका विषयहरुमा प्रतिभा भएका विद्यार्थीको रोष्टर अनुसार उनीहरुका लागि उपयुक्त तालिम, क्षमता अनुसारको कार्यक्रम ल्याउने छौ । यसैगरी स्वास्थ्य सेवालाई प्रभावकारी बनाउने योजनाहरु छन् । युवा तथा खेलकुदका कार्यक्रहरु छन् ।
वडाको भाषा, कला, संस्कृतिको संरक्षण, विभिन्न सचेतनात्मक अभियान, राष्ट्रिय भावनाको जागृति, मानवीय मुल्य, सदाचार र नैतिकताको प्रवद्र्धन गरिने कार्यक्रमहरु हाम्रो योजनामा छन् ।

वडावासीलाई मेरो विनम्र अनुरोध छ कि हामीले अघि सारेको टीमलाई एक पटक चान्स दिनुहोस्, फेरी फेरीको कुरा हाम्रो टीमले गरेको कामले नै बताउने छ यहाँहरुलाई । यस पटक हेटौंडा ५ मा हाम्रो युवा उम्मेदवारहरुको टीम सुशिल घिमिरे, रञ्जिता सिलवाल, ज्ञानु थापा, रामबहादुर राई र भगवती बिकलाई मतदान गरिदिनु हुन मेरो अनुरोध छ ।
मकवानपुर । राप्रपा नेपालका केन्द्रीय अध्यक्ष राजेन्द्र लिङ्देलले ठुलापार्टीहरुमा घमण्ड बढी भएको कारण अब जनताले सुधार्न नसक्ने अवस्था आएको बताएका छन् ।
मकवानपुरको हेटौंडामा आयोजित चुनावी सभालाई सम्बोधन गर्दै लिङ्देलले ठुला पार्टीलाई सुधार गर्ने एउटै उपाय भनेको चुनावमा उनीहरुको बाकस खाली गरिदिने विकल्प रहेको बताए ।
घुस खाने खुवाउने भनेको सामान्य कुरा नभएकोले यसलाई उन्मुलन गर्नुपर्ने उनले बताए । भ्रष्टचारको अन्त्यको लागि राप्रपाले नै जित्नुपर्ने उनले बताए । देशमा भ्रष्टचार अन्त्य गरेरै छाड्ने उनले बताए ।
उनले देशको विकासको लागि अब पार्टीहरुले आफ्नो आचारण सुधार गर्नुपर्ने बताउँदै भने “यहाँ राप्रपा मात्रै सुध्रेर देश बन्ने वाला छैन, काँग्रेस एमाले माआवादी पनि सुध्रनु पर्छ, उनीहरुलाई अब सुधार्नको लागि अरु कुनै उपाय छैन, चुनावको दिन उनीहरुको बाकस खाली गर्ने हो ।”
ठुला दलका नेताहरुले अहिले कोट्याइ कोट्याइ नमस्कार गर्ने र मतदात गरिसकेको केही पलबाटै नमस्कार गर्ने हैन, नमस्कार फर्काउने मान्छे पनि नभेटिने उनले बताए । ठुला दलमा नातावाद मौलाएको प्रसङ्गलाई कोट्याउँदै उनले भने “५ वर्षमा एक दिन मतदान गर्दाको दिन मात्रै जनता माथि हो, अरु दिन संधै जनता हेपिएर चेपिएर बस्नुपर्छ, आफूलाई हेप्ने चेप्नेलाई तपाइले पनि धुलो चटाइदिनुहोस्, किन हेप्न चेप्नको लागि माथि पुर्याउनु हुन्छ ।”
चुनावी सभालाई सम्बोधन गर्दै लिङ्गदेनले भने “भोट हाल्ने भनेको चानचुने कुरा हैन, हात काटेर दिए सरह हो, त्यो आफूले काटेर दिएको त्यो हात तपाईलाई परेको बेलामा मद्दत गर्ने हैन, घाँटी अठ्याउने भयो भने के काम ।”
उनले अर्को प्रशंगमा भने “भोट दिनु भनेको छोरी दिनु जस्तै हो, बुझेर दिनुहोस्, भोली छोरीले दुख नपाओस् भनेर हामी कति विचार गर्छौ, भोट हाल्दा पनि हामीले त्यसरी नै गहिरीयर विचार गर्नुपर्छ ।”
राप्रपाले हेटौंडा उपमहानगरको मेयरको लागि उम्मेदवार बनाएको दीपकबहादुर सिंह र उपमेयरको लागि उम्मेदवार बनाएको इन्द्रीरा न्यौपानेलाई मतदान गर्न आग्रह गर्दै उनले भने “हलो बाहेकका साथीहरुले आफ्नो पार्टीका नेतालाई आफू एमालेमै छु भन्नुहोस् काँग्रेसमै छु भन्नुस, माओवादीमै छु भन्नुस, घरमा झण्डा पनि उही पार्टीको राख्नुस्, तर आफ्नो मत इमान्दार व्यक्तिलाई हाल्नुहोस् ।”
राप्रपाले सबै नागरिकलाई स्वास्थ्य बीमा गर्ने, वृद्धवृद्धालाई घरैमा स्वास्थ्य उपचार गर्ने जस्ता पुरा गर्न सक्ने कामको योजनाहरु मात्रै प्रतिवद्धताहरुको रुपमा अघि सारेको उनले बताए । “हामीले भन्नको लागि मात्रै योजना देखाएका छैनौ” उनले भनेका हैनौं ।
राप्रपाको नेतृत्व भएको अवस्थामा नगरको हरेक वडामा सस्तो औषधि पसलको व्यवस्था गरिने उनले बताए ।
आसन्न स्थानीय तहको निर्वाचनको तयारीमा उम्मेदवारहरु अहिले घरदैलोमा व्यस्त छन् । निर्वाचनमा होमिएका पार्टी नेतृत्वहरुको प्रतिवद्धता लिन हामीले केही प्रतिनिधिमुलक आवाज उठाउने जमर्को गरेका छौ । यसै अन्तरगत हेटौंडा उपमहानगरपालिका वडा ५ का एमाले वडा सचिव सुरेश लामिछानेसँग गरिएको कुराकानीको सार:
म सुरेश लामिछाने, नेपाल कम्युनिष्ट पार्टी एमाले हेटौंडा ५ को वडा सचिव । हामी निर्वाचनको संघारमा आइपुगेका छौ । स्थानीय तहको निर्वाचनको संघारमै आइपुग्दा हामीले हाम्रो वडामा जितको लागि अभियान जारी राखेका छौ । मतदातालाई प्रशिक्षित गर्ने, उहाँहरुको सुझाव र अपेक्षाहरु संकलन गर्ने काम हामीले गरिरहेका छौ ।
यो अन्तिम अन्तिम अवस्थामा आइपुग्दा हामीले निर्वाचन प्रचारको लागि २ चरणको घरदैलो कार्यक्रम सकेका छौ । सँगै हामीले मतदातालाई भोट गर्ने तरीकाहरु पनि सिकाइरहेका छौं । कसैलाई आशा र प्रभावमा परेर चुनाव जित्ने संकल्प हामीलसँग छैन । हामीले हाम्रो पार्टीले गर्न सक्ने कामको बारेमा मात्रै कुरा गरिरहेका छौ हाम्रो चुनावि एजेण्डा पनि गर्न सक्ने कामकै बारेमा मात्रै छन् ।
हामीले हाम्रो वडाको समग्र विकास र समृद्धिको लागि संकल्प तयार गरेका छौ । नेकपा एमाले भनेर मात्रै हैन गरेर देखाउने पार्टी हो । हामीले भौतिक पूर्वाधारसँगै सामाजिक तथा वातावरणीय सवालमा गर्ने कामहरुको विषयमा कुरा उठाएका छौ । वडामा ज्येष्ठ नागरिक पार्क बनाउने योजना हामीसँग छ । अपाङ्गता मैत्री, महिला मैत्री, बालमैत्री वडा बनाउने हाम्रो योजनाहरु छन् ।
दुर्घटना, आगलागि वा अन्य विपद् वा संकटको बेला आकस्मिक उद्वार एवम् प्राथमिक उपचारको कार्य गर्न आकस्मिक उद्वार वा रेस्पोन्स टिम तयार गर्ने, वडालाई वातावरण मैत्री हरित वडा बनाईने, सार्वजनिक जमिनको खोजी एवम् पहिचान गरि संरक्षण गर्ने, शहरी सौन्दर्य वृद्धिका लागि अस्तब्यस्त तारहरुको व्यवस्थापन गर्ने, जोखिममा रहेका जिर्ण विद्युतका पोलहरुको सट्टामा नयाँ पोलहरुको व्यवस्था गर्ने, वडाभित्र रहेका मठमन्दिर, पाटी पौवाहरुको संरक्षण गर्ने धेरै महत्वपूर्ण र दुरगामी महत्व राख्ने योजनाहरु छन् ।

अब मतदानको लागि केही समय मात्रै बाँकी छ । आजसम्मको घरदैलो अभियान तथा कोणसभाहरुको प्रतिक्रियाबाट हामी एकदम उत्साही पनि छौं । हाम्रो वडाबाट उम्मेदवार रहनु भएको शुसिल घिमिरे, रञ्जिता सिलवाल, ज्ञानबहादुर थापा, रामबहादुर राई र भगवती बिक एकदम सक्षम र उर्जाशिल युवाहरु हुनुहुन्छ । उहाँहरुको टिमले वडाको नेतृत्व गर्न पाउँदा अवश्य पनि वडाको समृद्धि संभव छ । त्यसैले नेकपा एमालेको यो टिमलाई जिताउनको लागि मेरो वडावासीलाई हार्दिक अपिल छ ।
मकवानपुर । राष्ट्रिय प्रजातन्त्र पार्टी (राप्रपा) मा रहेर सक्रिय राजनीति गरेका मधु अधिकारी राप्रपा परित्याग गरेसँगै गठबन्धनकाे पक्षमा उभिएका छन् । चार दशक भन्दा बढी समयदेखि राप्रपामा रही काम गरेका अधिकारी हेटौंडा–४ मा गठबन्धनले प्रदर्शन गरेको ¥यालीपछिकाे कोणसभालाई सम्बोधन गर्दै गठबन्धनकाे पक्षमा उभिएका हुन् ।
शुक्रबार राप्रपा परित्याग गरेका अधिकारी गठबन्धनको पक्षमा उभिँदै गठबन्धनका उम्मेदवारहरुलाई अत्याधिक मतसहित विजयी गराउन आग्रह गरेका थिए । कोणसभालाई सम्बोधन गर्दै उनले गठबन्धनको जित भनेको संविधानको जित हुने बताए । गठबन्धनले जितेमा संविधानको रक्षा हुने र त्यसका लागि पनि गठबन्धनको जित आवश्यक रहेको अधिकारीले दाबी गरे । ‘संविधानलाई संकटमा लैजान खोज्ने एमालेले चुनाव जित्न सक्दैन ।’ उनले भने, ‘एमालेलाई सँधैका लागि पाखा लगाउन र संविधानको रक्षाका लागि पनि गठबन्धनले जित्न जरुरी छ ।’
गठबन्धनले एकजुट भएर एमालेलाई पत्तासाफ गर्नुपर्ने उनले बताए । हेटौंडा उपमहानगरको मेयरका उम्मेदवार मिना कुमारी लामा, उपमेयरका उम्मेदवार राजेश बानियाँले जितेमा र गठबन्धनका सबै उम्मेदवारले जितेमा सहरको विकासलाई तीब्र गतिसँगै योजनासहित अघि बढाउन सकिने उनको भनाइ थियो ।
मकवानपुर । नेपाली कांग्रेस मकवानपुरले स्थानीय तह सदस्य निर्वाचनमा गठवन्धन बाहेको ब्यक्ति वा उम्मेदवारको प्रचारप्रसारमा सहभागी भएका आफ्ना कार्यकर्तालाई कारवाही गर्ने भएकाे छ । कांग्रेसले गठवन्धन बाहेको ब्यक्ति वा उम्मेदवारको सामजिक सञ्जालमा प्रचार गर्ने आफ्ना कार्यकर्तालाई कारबाहीको चेतावनी दिएको छ ।
स्थानीय तह सदस्य निर्वाचनमा केन्द्रीय गठवन्धनको निर्णयबाट तिब्र असन्तुष्ट कार्यकर्ताहरुले स्वतन्त्र, बागी तथा अन्य उम्मेदवारको प्रचार गर्न थालेपछि कांग्रेस मकवानपुरको चेतावनी आएको हो । शनिबार हेटौँडामा पत्रकार सम्मेलनको आयोजना गरि कांग्रेसले चुनावमा गठवन्धनका उम्मेद्वारलाई विजयी गराउन आफ्ना कार्यकर्तालाई निर्देशन समेत दिएको छ ।
पत्रकार सम्मेलनमा बोल्दै नेपाली कांग्रेस मकवानपुरका प्रवक्ता अर्जुनप्रसाद चौंलागाईले जिल्लाको १० वटै स्थानीय तहमा उम्मेदवार बनेका गठबन्धनका व्यक्तिलाई विजयी गराउन कार्यकर्तालाई निर्देशन दिएका छन् । पार्टीको नीति र निर्णय बिरुद्ध कांग्रेसका कार्यकर्ता लाग्न नहुने भन्दै उनले यस्ता क्रियाकलापमा सहभागी भएको थाहा भए विधान बमोजिम कारबाही हुने बताए ।
पत्रकार सम्मेलनमा कांग्रेस मकवानपुर जिल्ला अनुशासन समितिका संयोजक प्रभातकुमार दाहालले कांग्रेसको सदस्यहरु गठवन्धनको विषयमा भ्रममा पर्न नहुने भन्दै पार्टी हित विपरित कार्य गरे कारबाहीमा पर्ने बताए । पत्रकार सम्मेलनमा नेपाली कांग्रेस मकवानपुरका सचिव भीमसेन महत लगायतकाे सहभागिता थियो ।