मकवानपुर । सिस्नुपानी नेपाल मकवानपुरले हेटौंडामा हास्यव्यङ्ग्य देउसी भैलो कार्यक्रम गरेको छ । सिस्नुपानी मकवानपुरले आगामी निर्वाचन, दलका नेता र राजनीतिक दलहरुलाई व्यङ्ग्य गरेर देउसी कार्यक्रम गरेको हो ।
मुलुकको अवस्था, कर्मचारीतन्त्र, महिला माथी गर्ने थिचोमिचो लगायतका क्षेत्रलाई घोचपेच गर्दै देउसी कार्यक्रम, खैजेडी भजन, गायन लगायतका प्रस्तुतीहरु गरिएको थियो ।
कार्यक्रमको उद्घघाटन् मकवानपुरे व्यङ्ग्य कबि तथा साहित्यकार आरसी रिजालले गरेका थिए। रिजालले उद्घाट्न गर्ने बित्तिकै संख फुकेच पछि सबै चकित परेका थिए । त्यसपछी रिजालले बोल्नेक्रममा गरेको घोचपेचले कार्यक्रम थप रोचक भएको थियो ।
सिस्नुपानी नेपाल मकवानपुरका अध्यक्ष राजकुमार लामिछानेको अध्यक्षतामा भएको कार्यक्रममा गायक आसाकाजी श्रेष्ठ, प्रलय चौलागाई, मिन प्रसाद लामिछाने लगायतले कार्यक्रम अवधिभर व्यङ्ग्य प्रस्तुति गरेका थिए ।
कार्यक्रममा चुनु बानियाँ, शान्ति लामिछाने, सुभद्रा हुमागाई, ओमभक्त भण्डारी, स्वस्तिका दाहाल, सानुभाइ बिक, गहन खतिवडा लगायतकाले आफ्ना प्रस्तुती गरेका थिए । त्यसैगरी कार्यक्रममा ओमभक्त भण्डारी लगायतकाले भजन मार्फत व्यङ्ग्य समेत गरेका थिए ।
मकवानपुर । मकवानपुरमा १ हजार ६ सय ९९ जना म्यादी प्रहरी छनौट गरिएकाे छ । आगामी मंसिर ४ गते हुने प्रदेशसभा तथा प्रतिनिधिसभा सदस्य निर्वाचनका लागि जिल्ला प्रहरी कार्यालय मकवानपुरले छनौट भएका उक्त संख्यामा म्यादी प्रहरीको नाम सार्वजनिक गरेको छ ।
कार्यालयले पूर्व सुरक्षाकर्मी र पूर्व म्यादी प्रहरीतर्फ ८ सय ५ जना र खुलातर्फ ८ सय ९४ जना गरी १ हजार ६ सय ९९ जनालाई म्यादी प्रहरीकाे लागि छनौट गरेको हो । छनौट भएका म्यादी प्रहरीका लागि सफल उम्मेदवारहरुलाई बुधबारबाटै नियुक्तीपत्र प्रदान गरिएकाे जिल्ला प्रहरी कार्यालयले जनाएकाे छ । उनीहरुकाे लागि ३० गते आइतबाबाट १० दिनको तालिम दिइने बताइएकाे छ ।
परीक्षामा सहभागी उम्मेदवार मध्ये योग्यताक्रम अनुसार सफल र वैकल्पिक उम्मेदवारको नाम सार्वजनिक गरिएको छ । ३ सय ३५ जनालाई वैकल्पिक उम्मेदवारका रुपमा छनौट गरिको पनि जिल्ला प्रहरी कार्यालय मकवानपुरले जानकारी दिएको छ ।
मकवानपुर । राप्रपा नेपालका केन्द्रीय अध्यक्ष कमल थापाले सूर्य चिन्ह लिएर आसन्न निर्वाचनमा मैदान जान पाउँदा खुसी लागेकाे बताएका छन् ।
राष्ट्रिय प्रजातन्त्र पार्टी नेपालका केन्द्रीय अध्यक्ष मकवानपुर क्षेत्र नम्बर–१ बाट प्रतिनिधिसभाको उम्मेदवार बनेर मनाेनय दर्तापछि यस्ताे प्रतिक्रिया दिएका हुन् । उनले पार्टीका महामन्त्री राजाराम बर्तौला, भाइ गणेश थापासँगै निर्वाचन अधिकृतको कार्यालयमा पुगेर उम्मेदवारी दर्ता गराएका हुन् ।
यस अघि आफ्नै पार्टीकाे चुनाव चिन्ह गाई लिएर चुनावी मैदानमा उत्रेका थापाकाे आठौं पटक संसदीय निर्वाचन हाे । थापाले यसअघि २०३१, २०३८, २०४३, २०४८, २०५१, २०५६,२०६४,२०७० र २०७४ मा संसदीय उम्मेदवार बनेका थिए ।
उनी अघिल्लो निर्वाचनमा यसै निर्वाचन क्षेत्रमा लोकतान्त्रिक गठबन्धनबाट उम्मेदवार बनेका थिए । थापा तत्कालिन समयमा नेकपा एमालेकै उम्मेदवार कृष्ण प्रसाद दाहालसँग पराजित भएका थिए । उनी अहिले भने एमालेबाट उम्मेदवार दर्ता गरेर चुनावी मैदानमा होमिएका हुन् ।
मकवानपुर । आसन्न प्रनितिधि सभा र प्रदेश सभा सदस्य निर्वाचनकाे लागि गठबन्धनकाे तर्फबाट पनि उम्मेदवारी दर्ता भएकाे छ ।
निर्वाचन अधिकृतको कार्यालयमा र्याली सहित उपस्थित भएका गठबन्धन दलका नेताहरुले एकैसाथ उम्मेदवारी दर्ता गराएका हुन् ।
गठबन्धनका तर्फबाट प्रतिनिधि सभा क्षेत्र नम्वर १ मा नेपाली काँग्रेस महामन्त्री महालक्ष्मी उपाध्याय डीना र क्षेत्र नम्वर– २ मा एकिकृत समाजवादीका विरोध खतिवडाले उम्मेदवारी दर्ता गराएका हुन् ।
त्यस्तै गठबन्धनको तर्फबाट मकवानपुर १ प्रदेश सभातर्फ क बाट प्रेमबहादुर पुलामीले उम्मेदवारी दिएका छन् भने ख मा नेपाली काग्रेसका आनन्द पराजुलीले उम्मेदवारी दिए । प्रतिनिधि सभा क्षेत्र नम्वर २ काे प्रदेश सभातर्फ क बाट कुमारी मोक्तान र ख बाट इन्द्रबहादुर बानियाँले उम्मेदवारी दिएका हुन् ।
मकवानपुर । आगामी ४ मंसिरमा हुने प्रतिनिधि सभा र प्रदेश सभा निर्वाचनको लागि मकवानपुरमा पनि मनोनय दर्ता कार्यक्रम उल्लाषका साथ भएको छ । मनोनयन दर्तापछि सबै उम्मेवारहरुले आफ्नो जित सुनिश्चित भएको प्रतिक्रिया दिएका छन् । २ प्रतिनिधि सभा र ४ प्रदेश सभा निर्वाचन क्षेत्र रहेको मकवानपुरमा कुनै क्षेत्रमा दुई पक्षिय त कुनै क्षेत्रमा त्रिपक्षिय प्रतिष्पर्धा हुने भएको छ । नेकपा एमाले, राप्रपा र गठबन्धनबिच सबैभन्दा बढी प्रतिष्पर्धा हुने देखिएको छ ।
मकवानपुर जिल्लाको प्रतिनिधी सभा र प्रदेशसभाको निर्वाचन क्षेत्रमा नेपाल कम्युनिष्ट पार्टी एमाले मकवानपुरले ५ जना आफ्ना नेतालाइ उम्मेदवार बनाएको छ भने एक जना राप्रपा नेपालका केन्द्रीय अध्यक्ष कमल थापालाई अध्यक्ष बनाएको छ ।
गत स्थानीय तहको निर्वाचनमा अनपेक्षित हार बेहोरेको नेकपा एमालेले आगामी निर्वाचनबाट भने सोधभर्ना गर्ने बताएको छ । निर्वाचन अधिकृतको कार्यालयमा प्रतिनिधीसभा र प्रदेशसभाका उम्मेदवारहरुले उम्मेदवारी दर्ता गराएपछि पार्टी नेताहरुले यस्तो बताएका छन् ।
एमालेले मकवानपुर प्रतिनिधिसभा क्षेत्र नम्बर–१ मा एमालेका तर्फबाट राप्रपा नेपालका अध्यक्ष कमल थापाले उम्मेदवारी दर्ता गराएका छन् ।
प्रतिनिधी सभा क्षेत्र नम्बर–२ मा एमाले बागमती प्रदेशका उपसचिब तथा प्रचार विभागका प्रमुख महेश कुमार बतौलाले उम्मेदवारी दर्ता गराएका छन् ।
यसैगरी क्षेत्र नम्बर–१ को क मा एमालेका बागमती प्रदेश सदस्य कमल बहादुर विष्ट र ख मा एमाले मकवानपुरका अध्यक्ष एकालाल श्रेष्ठले उम्मेदवारी दर्ता गराएका छन् ।
यसैगरी प्रतिनिधीसभा क्षेत्र नम्बर–२ को क मा बिष्णु ढुकाल र ख मा लालबहादुर थापाले उम्मेदवारी दर्ता गराएका छन् ।
