मकवानपुर । मकवानपुरमा १ हजार ६ सय ९९ जना म्यादी प्रहरी छनौट गरिएकाे छ । आगामी मंसिर ४ गते हुने प्रदेशसभा तथा प्रतिनिधिसभा सदस्य निर्वाचनका लागि जिल्ला प्रहरी कार्यालय मकवानपुरले छनौट भएका उक्त संख्यामा म्यादी प्रहरीको नाम सार्वजनिक गरेको छ ।
कार्यालयले पूर्व सुरक्षाकर्मी र पूर्व म्यादी प्रहरीतर्फ ८ सय ५ जना र खुलातर्फ ८ सय ९४ जना गरी १ हजार ६ सय ९९ जनालाई म्यादी प्रहरीकाे लागि छनौट गरेको हो । छनौट भएका म्यादी प्रहरीका लागि सफल उम्मेदवारहरुलाई बुधबारबाटै नियुक्तीपत्र प्रदान गरिएकाे जिल्ला प्रहरी कार्यालयले जनाएकाे छ । उनीहरुकाे लागि ३० गते आइतबाबाट १० दिनको तालिम दिइने बताइएकाे छ ।
परीक्षामा सहभागी उम्मेदवार मध्ये योग्यताक्रम अनुसार सफल र वैकल्पिक उम्मेदवारको नाम सार्वजनिक गरिएको छ । ३ सय ३५ जनालाई वैकल्पिक उम्मेदवारका रुपमा छनौट गरिको पनि जिल्ला प्रहरी कार्यालय मकवानपुरले जानकारी दिएको छ ।

