मकवानपुर । आसन्न प्रनितिधि सभा र प्रदेश सभा सदस्य निर्वाचनकाे लागि गठबन्धनकाे तर्फबाट पनि उम्मेदवारी दर्ता भएकाे छ ।
निर्वाचन अधिकृतको कार्यालयमा र्याली सहित उपस्थित भएका गठबन्धन दलका नेताहरुले एकैसाथ उम्मेदवारी दर्ता गराएका हुन् ।
गठबन्धनका तर्फबाट प्रतिनिधि सभा क्षेत्र नम्वर १ मा नेपाली काँग्रेस महामन्त्री महालक्ष्मी उपाध्याय डीना र क्षेत्र नम्वर– २ मा एकिकृत समाजवादीका विरोध खतिवडाले उम्मेदवारी दर्ता गराएका हुन् ।
त्यस्तै गठबन्धनको तर्फबाट मकवानपुर १ प्रदेश सभातर्फ क बाट प्रेमबहादुर पुलामीले उम्मेदवारी दिएका छन् भने ख मा नेपाली काग्रेसका आनन्द पराजुलीले उम्मेदवारी दिए । प्रतिनिधि सभा क्षेत्र नम्वर २ काे प्रदेश सभातर्फ क बाट कुमारी मोक्तान र ख बाट इन्द्रबहादुर बानियाँले उम्मेदवारी दिएका हुन् ।

