काठमाडौं । नेपाली कांग्रेस बागमती प्रदेशको प्रथम सम्मेलन भाेली काठमाडाैमा हुदैछ । काठमाडौंकाे सुकेधारमा पुस ७ गते हुने सम्मेलनको नेपाली कांग्रेसका केन्द्रीय सभापति एवम् पूर्वप्रधानमन्त्री शेरबहादुर देउवाले उद्घाटन गर्ने छन् ।
काग्रेस बागमती प्रदेशले सम्मेलन तयारी बारे आज पत्रकार भेटघाट गर्दै केन्द्रीय सभापति देउवाले भाेली विहान सम्मेलनको उद्घाटन गरेर सुरु गर्ने जानकारी दिएकाे छ । नेपाली कांग्रेस बागमती प्रदेश सभापति ईन्द्रबहादुर बानियाँका अनुसार सम्मेलनमा पार्टी सभापति देउवालगायत केन्द्रीय पदाधिकारी र अन्य शीर्ष नेताहरुले समेत गर्ने कार्यक्रम रहेको छ । सम्मेलनकाे तयारी पुरा भएकाे समेत उनले बताए ।
सम्मेलनमा बागमती प्रदेशका १३ जिल्लाका ६६ संघीय निर्वाचन क्षेत्रका करिब सात सय ८२ जना प्रदेश प्रतिनिधि, बागमती प्रदेशका संघीय सासंद, प्रदेशसभा सदस्य, प्रतिनिधिसभा क्षेत्रीय सभापति, नगरपालिकारगाउँपालिकामा निर्वाचित प्रमुखरउपप्रमुख, अध्यक्षरउपाध्यक्ष तथा बागमती प्रदेशका १ सय १९ पालिका सभापतिहरु सहभागी हुने कांग्रेस बागमती प्रदेश प्रवक्ता एवं प्रचारप्रसार समिति संयोजक तिलक रुवालीले जानकारी दिए । सम्मेलनमा नेपाली कांग्रेस बागमती प्रदेशका उपसभापति चन्द्र महर्जनद्वारा राजनीतिक प्रतिवेदन, महामन्त्री कन्चनचन्द्र वादेले सांगठानिक, महामन्त्री राजु श्रेष्ठले बार्षिक कार्यतालिका तथा कोषाध्यक्ष दीर्घमान श्रेष्ठले आर्थिक प्रतिवेदन प्रस्तुत गर्ने प्रवक्ता रुवालीले बताए ।
पार्टीलाई विधान बमोजिम सञ्चालन गर्न, जनतासँग जोडिने गरी नयाँ कार्यक्रम तय गर्न र पार्टीभित्रको आन्तरिक निर्वाचन प्रणाली तथा राज्यको निर्वाचन प्रणालीलाई चुस्त, दुरुस्त थप समावेशी बनाउन सम्मेलनमा छलफल हुने बताउँदै यसले पार्टीलाई गतिशील र चलायमान बनाउन बल पुग्ने सभापति बानियाँले जानकारी दिए । कांग्रेसले यसअघि लुम्बिनी, गण्डकी र मधेस प्रदेशको प्रदेश अधिवेशन गरिसकेको छ ।
मकवानपुर । निर्वाचन आयोगले राष्ट्रियसभा सदस्य निर्वाचनका लागि हेटौडाकाे भुटनदेवी माविसहित ७ मतदानस्था ताेकेकाे छ । आयाेगले विहीबार आगामी माघ ११ गते हुने निर्वाचनकाे लागि प्रत्येक प्रदेशमा एक–एक वटा मतदान स्थल र सोही मतदान स्थलमा दुई–दुई वटा मतदान केन्द्र ताेकेकाे हाे ।
प्रदेशकाे राजधानी रहेकाे जिल्ला सदरमुकाममा रहने गरी बागमती प्रदेशकाे लागि मकवानपुरकाे हेटौडास्थित श्री भुटनदेवी मा.वि. प्राविधिक शिक्षालय, ब्लक ‘एफ’ कोशी प्रदेशका लागि प्रदेश निर्वाचन कार्यालय, विराटनगर, मोरङ, मधेस प्रदेशका लागि महेन्द्र नारायण निधि मिथिला संस्कृति केन्द्र, जनकपुरधाम, धनुषा, गण्डकी प्रदेशका लागि प्रदेश निर्वाचन कार्यालय, पोखरा, कास्की, लुम्बिनी प्रदेशका लागि कर्मचारी मिलन केन्द्रको भवन, घोराही, दाङ, कर्णाली प्रदेशका लागि प्रदेश निर्वाचन कार्यालय, सुर्खेत र सुदूरपश्चिम प्रदेशका लागि प्रदेश सभा भवन, धनगढी, कैलालीलाई मतदान स्थल तोकिएको आयोगका प्रवक्ता शालिग्राम शर्मा पौडेलले जानकारी दिए ।
हेटौंडामा बृहत खेलकुद तथा व्यापार महोत्सव सुरु(संस्कृति प्रदर्शन भिडियो सहित)
Tags: No Comments
मकवानपुर । मकवानपुरकाे हेटौडामा विहीबारबाट बृहत खेलकुद तथा व्यापार महोत्सव विहीबारबाट सुरु भएको छ । मकवानपुर जिल्ला खेलकुद विकास समिति र औद्योगिक शान्ति नेपाल काठमाडौंको संयुक्त आयोजनामा सुरु भएको खेलकुद तथा व्यापार महोत्सवकाे बागमती प्रदेशका वन तथा वातावरण मन्त्री मसिना खड्काले महोत्सवको उद्घाटन गरेकी हुन् ।
हेटौंडा–१० स्थित टीसीएन खेल मैदानमा सुरु महाेत्सवकाे उद्घाटन गर्दै वन मन्त्री खड्काले खेलकुद स्वास्थ्य र राज्यको लागि अपरिहार्य रहेको बताइन् । “खेलकुदले व्यक्ति स्वस्थ्य हुनु भनेको राज्यले निरोगी र तन्दुरुस्त जनशक्ति पाउनु हो, यस्ता खेल महोत्सवले खेलाडीलाई प्रोत्साहन पनि गर्छ” उनले भनिन् । खेलकुद तथा व्यापार मेलालेआर्थिक रुपमा समेत सहयोग पुर्याउने उनले बताइन् । मेलाको क्रममा हुने विभिन्न खेलको प्रतियोगिताले खेलाडीलाई आफ्नो क्षमता देखाउने अवसर पनि हुने उनले बताइन् ।
समिति अध्यक्ष वेष खड्कीको सभाध्यक्षता तथा मन्त्री खड्काको प्रमुख आतिथ्यतामा भएको उद्घाटन कार्यक्रममा विभिन्न धर्म संस्कृतिका झाँकी तथा महिलाहरुद्धारा पञ्चेबाजा प्रदर्शनी समेत गरिएको थियो । मेला अवधिभर किनमेल, सांगीतिक प्रस्तुती, नृत्यसहित दैनिकरुपमा खेलकुद प्रतियोगिता समेत आयोजना हुनेछ ।
समिति अध्यक्षा खड्कीले महोत्सवभर राष्ट्रिय, प्रदेश तथा स्थानीय गरी १३ वटा विभिन्न विधामा खेलकुद प्रतियोगिता हुने बताए । उनका अनुसार मेला स्थलमै राष्ट्रिय महिला भलिबल प्रतियोगिता सञ्चालन हुनेछन् । महिलाको राष्ट्रिय उसु प्रतियोगिता, महिलाकै राष्ट्रिय भलिबल, कबड्डीीतर्फ महिला पुरुष दुवै विधाको प्रदेशस्तरीय प्रतियोगिता, कराँतेको जिल्लास्तरीय प्रतियोगिता, फुलकन्ट्याक्ट कराँतेको जिल्ला स्तरीय, आर्चारीको खेल प्रदर्शन, रेस्लिङको आमन्त्रित र कुस्तीको अन्तर्राष्ट्रिय प्रदर्शन गर्ने आयोजकको तयारी छ । ब्याड्मिन्टनको खुला प्रतियोगिता, आइटीएफ तेक्वान्दो र हक्कीको प्रदेशस्तरीय प्रतियोगिता र महिलाको लागि ७ ए साइड फुटबल प्रतियोगिता हुनेछ । सबै प्रतियोगिताको विजेता उपविजेताले नगदसहित ट्रफी, मेडल र प्रमाणपत्र प्राप्त गर्नेछन् ।
खेलकुद महोत्सवबाट कम्तिमा २५ लाख रुपैयाँ खेलकुद विकास समितिले बचत गर्ने लक्ष्य राखेको छ । महोत्सवबाट प्राप्त हुने रकम खेलकुद समितिमै राखेर खेल र खेलाडीको बृत्तिविकासमा लगाउने योजना रहेको छ । महोत्सवमा खेलकुदको स्पर्धासँगै कृषि, पर्यटन, हस्तकला, खेलकुद सामग्री, धार्मिक, सामुदायिक, स्वास्थ्य, जनचेतनामुलक, खानाखाजाका स्टल समेत रहनेछ । यस्तै बाल उद्दान, राष्ट्रिय तथा स्थानीय कलाकारको प्रस्तुती, खुला नृत्य प्रतियोगिता र लाइभ दोहोरी समेत आयोजना हुने आयोजकले जानकारी दिएको छ । २ सय ६० वटा स्टल रहेकाे महोत्सवमा कृषि, पर्यटन, हस्तकला,अटोमोबाइल साथै बाल उद्यान समेत राखिएको छ । महोत्सवमा दैनिक नेपालका चर्चित राष्ट्रिय कलाकारको सांगीतिक तथा मनोरञ्जनात्मक प्रस्तुती रहने आयोजकले जनाएको छ ।
कार्यक्रममा प्रदेश सभा सदस्य एकालाल श्रेष्ठ, हेटौंडा उपमहानगरका प्रमुख मीना कुमारी लामा, उपप्रमुख राजेश बानियाँ, पुर्व नगर प्रमुख हरि बहादुर महत, हेटौंडाका वडा अध्यक्षहरु, शिक्षाविद् पुरन बहादुर जोशी, सुरक्षा निकायका प्रमुखहरु, विभिन्न खेलकुदसम्बन्ध संघसंस्थाका अध्यक्षहरु, खेलका प्रशिक्षकहरु, औद्योगिक शान्ति नेपाल संस्थाका प्रमुख सन्दिप महत लगायत विभिन्न युवा क्लब तथा टोल विकास संस्थाका अध्यक्षहरुको आतिथ्यता रहेको थियो ।
संस्कृति प्रदर्शनको भिडियो यहाँ हेर्न सक्नुहुन्छ
मकवानपुर । मकवानपुरकाे हेटौडामा सडक खाना महाेत्सव हुने भएकाे छ । होटल एसोसिएसन मकवानपुरको आयोजनामा तीन दिन सडक खाना महोत्सव हुने भएको हाे ।
आगामी पुस १३ गतेदेखि १५ गते हेटौंडा–४, हुप्रचौरमा सडक खाना महोत्सव आयोजना गरिने एसोसिएसनले विहीबार पत्रकार भेटघाट गरी जानकारी गराएकाे दिएकाे हाे । २०६५ सालदेखि गरिँदै आएको महोत्सव २०७६ सालयता हुन नसकेकाेमा याे वर्ष आयाेजना गर्न लागिएकाे एसोसिएसनका कार्यवाहक अध्यक्ष विष्णुगोपाल महर्जनले जानकारी दिए ।
इस्वी सम्वतकाे नयाँ वर्षको अवसरमा एसोसिएसनले आयोजना गर्ने सडक खाना महोत्सवले स्थानीय परिकारका साथै आन्तरिक पर्यटन प्रवर्द्धन समेत हुने अपेक्षा गरिएकाे महर्जनले बताए । महोत्सवमा सहभागी व्यवसायीले आफ्नो सेवाकाे समेत प्रवर्द्धन गर्ने अवसर पाउने छन् ।
सडकमै जाऔं, सडकमै खाऔं, सडकमै रमाऔं भन्ने नारासहित आयोजना गर्न लागिएकाे महोत्सवमा ११ लाख रुपैयाँ खर्च हुने अनुमान गरिएको आयाेजकले गरेकाे छ । महोत्सव आयोजनामा ४० वटा स्टलहरु रहने बताइएकाे छ । महाेत्सवमा हेटौँडा उपमहानगरपालिकाले पनि सहयोग गर्ने महर्जनले बताए । ३० हजार भन्दा बढीकाे महोत्सव सहभागिता रहने अनुमान आयोजकले गरेकाे छ ।
मकवानपुर । मानसिक स्वास्थ्य सेवालाई प्रभावकारी बनाउन स्थानीय सरकारको भूमिका महत्वपूर्ण हुने सरोकारवालाहरुले बताएका छन् ।
स्थानीय तहबाट सञ्चालन गरिने सेवामा गुणस्तरीयताको खाँचो रहेको उनीहरुले बताएका हुन् । विद्यालय मानसिक स्वास्थ्य कार्यक्रम लागु गर्नुपर्ने, आत्महत्या रोकथाम कार्यक्रम तर्जुमा गरी कार्यन्वयन गर्ने, आत्महत्या रोकथाम गर्न सकिने घटना हो भन्ने बारेमा जनसहभागीतामा दिवस मनाउने व्यापक प्रचार प्रसार गर्ने, कृषिक्षेत्रमा प्रयोग हुने विषाधिको पहुँचमा नियन्त्रण गर्न सम्बन्धित क्षेत्रसंग समन्वय र सहकार्य गर्ने जस्ता कार्यलाई बढवा दिनु पर्ने बागमती प्रदेश स्वास्थ मन्त्रालय चिकित्सा महासाख प्रमुख वरिष्ठ खगेश्वर गेलालले बताएका छन् ।
मनोसामाजिक आयामलाई महत्व दिई सम्बन्धित सरोकारका क्षेत्रसंग सहकार्य गर्ने, आवश्यकता अनुसार टेलिमेन्टल हेल्थ सेवामा पहुँच बढाउने, यस्ता घटनाले सम्बन्धित व्यक्ति तथा परिवारमा पर्न जाने मनोसामाजिक समस्या समाधानका लागी मनोपरामर्श सेवाको व्यवस्था गर्ने, आत्महत्याको प्रयास गरेका सुपरिचित सामाजिक व्यक्तिहरु र आत्महत्या प्रयासपछी सम्मानजनक जीवन बाचेका व्यक्तिहरुलाई सामाजिक अगुवाई गर्न प्रेरित गर्ने जस्ता काम गर्नुपर्ने गेलालले बताए ।
मानसिक स्वास्थ्य तथा मनोसामाजिक अपाङ्ताको क्षेत्रमा बागमती प्रदेशको नीति तथा कार्यक्रम सम्बन्धि सरोकारवालाहरुसंग अन्तरक्रिया तथा छलफल कार्यक्रम यस्तो सवालमा चर्चा गरिएको हो । कार्यक्रममा स्वास्थ निर्देशनालय हेटौंडाका वरिष्ठ जनस्वास्थ्य प्रशासक सतिश बिष्टले गुणस्तरीय मानसिक स्वास्थ्य सेवा प्रवाह गर्नका निमित्त समस्या र चुनौतिहरु धेरै भएको बताएका थिए । मानसिक स्वास्थ्य समस्याको रोगभारको अनुपातमा संचालित कार्यक्रमहरु र विनियोजन हुने बजेट न्यून भएकोले लक्षित वर्ग, जोखिम समूहका व्यक्ति तथा समुदायलाई पूर्णरुपमा समेट्न नसकेको श्रेष्ठले बताए ।
मानसिक स्वास्थ्य समस्या भएका व्यक्ति र परिवारको सदस्यप्रति रहेको ब्यापक लान्छना, अवहेलना, विभेद र मानवाधिकारको हननलाई रोक्न र कम गर्न कार्यक्रम बनाएर कार्यन्वयनमा ल्याउन नसकिएको, दक्ष जनशक्तिको अभावलाई आवश्यकता अनुसार पूरा गरी समुदायस्तरसम्म सेवाको पहुँच स्थापित गर्न नसकिएको बारे उनले प्रस्तुती गरेका थिए । “प्रजनन उमेरका महिलाहरुमा मृत्युको पहिलो र युवाहरुमा दोस्रो कारण बनेको आत्महत्या वर्षेनी बढ्दै गएको देखिए तापनि यसलाई उपयुक्त कार्यक्रम बनाई सम्बोधन गर्न सकिएको छैन” श्रेष्ठले भने ।
नेपालमा मानसिक स्वास्थ्यको बजेट १ प्रतिशतभन्दा कम भएकोले पनि उपचारमा समस्या भएको उनले बताए । “बजेटको हिस्साले पनि मानसिक स्वास्थ्यको सुबिधा असमान रहेको कुरालाई उजागर गर्दछ” उनले भने । निम्न आर्थिक अवस्था भएका देशहरुमा ७५–९०% मानसिक समस्या भएका मानिसहरुले मानसिक स्वास्थ्यको सुबिधा लिन नपाएका उले बताए ।
स्वास्थ्य निर्देशनालय बागमती प्रदेशको आयोजना तथा कोशिशको सहयोगमा कार्यक्रम गरिएको थियो । प्रदेश सरकारद्वारा सञ्चालित मानसिक स्वास्थ्य, मनोसामाजिक अपाङ्गता तथा सुस्वास्थ्य सम्बन्धि कार्यक्रमहरु तथा निति नियमहरुको समिक्षा गर्ने, प्रदेश स्तरमा मानसिक स्वास्थ्य रणनीति तथा कार्ययोजना २००७ को कार्यन्वयनको अबस्था बारेमा छलफल गर्ने, आगामी दिनमा मानसिक सुस्वास्थ्य प्रवर्द्धनका लागि योजना बनाउने उद्देश्यले कार्यक्रम गरिएको कोशिशको कार्यक्रम अधिकृत थमकुमारी कुंवरले बताइन् । कार्यक्रममा मनोसामाजिक अपाङ्गतामा रहेका व्यक्तिहरुको अनुभवमा कार्यक्रमको प्रभाव बारे कोशिश मकवानपुर प्रमुख सुनिरा लामाले प्रस्तुती गरेकी थिइन् ।
