मकवानपुर । नेकपा एमाले सचिव एवं प्रतिनिधिसभा सदस्य योगेश भट्टराईले अहिलेकाे गठबन्धनकाे सरकारले काम गर्न नसकेकाे बताएका छन् । गठबन्धनकाे सरकारले काम नसकेकाले जतिसक्दाे छिटाे ताजा जनादेश जनादेशमा जानुपर्ने उनले विहीबार हेटौंडामा प्रेस चौतारी नेपाल,मकवानपुरले गरेको पत्रकार सम्मेलनमा बताएका हुन् ।
‘अहिलेको यो गठबन्धन सरकाले चार पाँच महिनामा राज्यको सबै निकायहरुलाई ध्वस्त बनाएकाे छ’ भट्टराईले भने ‘कार्यपालिका भागबन्डामा छ, आचारसंहिता पालना भको छैन्, बेतिथिहरु बढिरहेको छ ।’ उनले भने– ‘संसदलाई बन्धक बनाईरहेका छन् र न्यायपालिकालाई सरकारले नांगैझार बनाएका छन् ।’ राज्यका सबै अंगमा नकरात्मक परिस्थिति सृजना भएकाेले छिटाे ताजा जनादेशमा जानुपर्छ । नयाँ जनादेश प्राप्त गरेर लोकतान्त्रिक स्थायीत्व निर्माण गर्नुपर्छ ।’ उनले छिटो भन्दा छिटो निर्वाचन गर्नुपर्ने पार्टीको धारणा रहेको स्पष्ट पारे । सचिव भट्टराईले एमाले अब स्थानीय एवं संघीय चुनावको तयारीमा अघि बढेको समेत बताए ।
यसैगरि सचिव भट्टराईले नेपाली कांग्रेस लामो इतिहास बोकेको तर भविष्य नभएको पार्टी रहेको टिप्पणी गरेका छन् । चितवनमा सम्पन्न एमालेको १० औँ राष्ट्रिय महाधिवेशनको सन्दर्भमा कांग्रेस नेताहरुले गरेका टिप्पणी अनावश्यक भएको भन्दै उनले कांग्रेस आफैमा भविष्य नभएको पार्टी रहेको दाबी गरे ।
केही दिनअघि हेटौंडामा कांग्रेस नेता गगन थापाले एमालेले आफ्नो विचार नारायणी नदीमा सेलाएको अभिव्यक्ति दिएका थिए । त्यसको जवाफ स्वरुप सचिव भट्टराईले कांग्रेससँग कुनै विचार नभएको दाबी गरे । कांग्रेससँग विचारको डकुमेन्ट समेत नभएको उनले बताए । ‘कांग्रेससँग अहिले कुनै विचार छैन, कांग्रेसको विचारको डकुमेन्ट कहाँ छ ? ’ उनले भने । उनले फरक पार्टीको महाधिवेशनलाई लिएर अरु दलका नेताले टिप्पणी गर्न आवश्यक नरहेको बताए ।
प्रेस चौतारी नेपाल मकवानपुरका अध्यक्ष धर्मेन्द्र दाहालको अध्यक्षतामा भएको पत्रकार सम्मेलनमा एमाले मकवानपुरका अध्यक्ष बद्री लम्साल, प्रदेश कमिटी सदस्यहरु भोजराज ढकाल,दिलबहादुर घिसिङ (फुर्वा),प्रेस चौतारी बागमती प्रदेश सह–संयोजक प्रकाश दाहाल, ब्रोडकास्टिङ एशोसिएसन अफ नेपाल (बान) का केन्द्रीय उपाध्यक्ष उज्ज्वल चौलागाईँ लगायतको आतिथ्यता रहेको थियो ।
यसैगरी, सचिव योगेश भट्टराईले नेपालका दुईवटा राजनीतिक दलहरु लोप हुने खतरामा रहेको बताएका छन् । अनेरास्ववियु बन विज्ञान अध्ययन सस्थान हेटौँडाको आयोजनामा भएको कार्यक्रममा भट्राईले नेपालमा अब एमाले र कांग्रेसको मात्र ‘पोल’ रहने बताए ।
उनले भने ‘माओवादी र समाजवादीले खाली कांग्रेससँग किन मिल्न जोड गरेका छन भने उनीहरु लोप हुने खतरामा छन्, उनीहरुलाई लोप हुनबाट जोगाउने एमाले मात्र हो, उनीहरु कि लोप हुनुपर्छ कि एमालेसँग समाहित बन्नुपर्छ ।’
पाँच दलीय गठवन्धन अप्राकृतिक रहेको भन्दै उनले यो गठवन्धन राष्ट्रियसभा निर्वाचनपछि टुटने बताए । कांग्रेसले पनि माओवादी र समाजवादीसँग मिल्दा हुने बेफाईदाको महशुस गरिसकेको भन्दै उनले अबको लडाई एमाले र कांग्रेसबिच हुनुपर्ने बताए ।
मकवानपुर / भ्रष्टाचार विरुद्धको अन्तर्राष्ट्रिय दिवसको अवसरमा हेटौंडामा विशेष कार्यक्रम गरिएको छ । लैङ्गिक हिंसा विरुद्ध १६ दिने अभियानको समेत सन्दर्भ पारेर भ्रष्टाचार विरुद्धको कार्यक्रम गरिएको हो ।
सेवा वापतको आम्दानी मात्रै नभई विभिन्न बाहानामा आम्दानी गरिने अतिरिक्त पैसाले समाजमा तडभडक बढी हुने, परिवारमा समेत अनावश्यक खर्चको दर बढ्ने र यसले अन्ततः हिंसा नै भढाउने भएकोले भ्रष्टाचारलाई पनि हिंसा कै कारण मानिन्छ ।
नागरिक समाज मन्च मकवानपुरले हिंसा उन्मुलनको लागि भ्रष्टाचारमुक्त समाज र राष्ट्र निर्माण हुनुपर्ने ठम्याईको साथ जिल्लाको ३ वटा कार्यालयमा प्रमुख सहित कर्मचारी र सेवा ग्राहीहरू समेतलाई भ्रष्टाचार नगर्ने र नगराउने प्रतिबद्धता हस्ताक्षर संकलन गरेको कार्यालय परिसरमा नै टांसेर राखेको छ ।

नागरिक समाज मञ्च मकवानपुरले डेक नेपालको सहयोगमा बिहीबार हेटौंडास्थित सेवाग्राहीको चाप र आर्थिक कारोबार बढी हुने सरकारी कार्यालयहरु जिल्ला प्रशासन कार्यालय, जिल्ला मालपोत कार्यालय र यातायात व्यवस्था सेवा कार्यालय हेटौंडामा यस्तो कार्यक्रम गरेको हो । कार्यालय प्रमुख, कर्मचारीहरु, सेवाग्राही र नागरिक अभियान्ताको उपस्थितिमा कार्यक्रम गरिएको थियो । कार्यक्रममा जिल्ला प्रशासन कार्यालय मकवानपुरका सहायक प्रमुख जिल्ला अधिकारी बाबुराम अर्याल, यातायात व्यवस्था सेवा कार्यालय हेटौंडाका कार्यालय प्रमुख भक्तबहादुर भण्डारी, सूचना अधिकारी राजु अर्याल, जिल्ला मालपोत कार्यालय हेटौंडाका प्रमुख रामचन्द्र भण्डारी लगायतले सहज सेवा र भ्रष्टाचार विरुद्ध प्रतिबद्दता जनाउँदै आमनागरिक पनि भ्रष्टाचार रोक्न सचेत हुनुपर्ने बताए ।

‘म भ्रष्टाचार गर्दिन र गर्न दिन्न’ भन्ने प्रतिबद्धता सहित कार्यालय प्रमुख, कर्मचारी, सेवाग्राही, नागरिक अभियान्ताहरुले हस्ताक्षर गरी कार्यालयहरुको परिसरभित्र हस्ताक्षरसहितको फ्लेक्स राखिएको छ । कार्यक्रममा नागरिक समाज मञ्चकी संयोजक रमिला सापकोटा, सदस्य प्रकाश खतिवडा, डेक नेपालका मानबहादुर वाईबालगायतले भ्रष्टाचार विरुद्ध सरकारी निकाय जिम्मेवार हुनुपर्ने भन्दै आमनागरिक पनि भ्रष्टाचार विरुद्ध शुन्य सहनशीलतासाथ सेवा लिनुपर्ने बताए ।

‘हाम्रो अधिकार, हाम्रो भूमिकाः भ्रष्टाचार नगर्नु, नगराउनु’ भन्ने अन्तराष्ट्रिय नाराका साथ सरकारी कार्यालयहरुसँग समन्वय गरि नागरिक समाज मञ्चले दिवस मनाएको हो । भ्रष्टाचार विरुद्धको अन्तराष्ट्रिय दिवस हरेक बर्ष डिसेम्बर ९ तारिखमा मनाउने गरिन्छ ।
मकवानपुर । थाहा नगरपालिका हुप्रचौरमा जारी अन्तरपालिका जिल्लास्तरीय पुरुष फुटबल प्रतियोगिताको फाइनलमा प्रवेश गरेको छ । प्रतियोगिता अन्तर्गत बुधबार भएको सेमिफाइनल खेलमा थाहा नगरले भीमफेदी गाउँपालिकालाई २–१ गोलअन्तरले पराजित गर्दै फाइनल प्रवेश गरेको हो । जिल्ला समन्वय समिति मकवानपुरको आयोजनामा अन्तरपालिका जिल्लास्तरीय पुरुष फुटबल प्रतियोगिता भएकाे हाे ।
थाहानगरलाई जीत दिलाउन खेलको ३५ औँ मिनेटमा रोशन बलले सुरुवाती गोल गरेको थिए । यस्तै दोस्रो हाफको पहिलो मिनेटमै सन्देश बलले गोल गर्दै थाहालाई २–० गोलको अग्रता दिलाएका थिए । भीमफेदीका सबिन गोलेले खेलको दोस्रो हाफमा गोल गरे पनि टिमलाई हारबाट जोगाउन भने सकेनन् । म्यान अफ द म्याच थाहाका गोलरक्षक निशान थापा घोषित भए ।
प्रतियोगिताको शनिबार हुने फाइनलमा हेटौंडा उपमहानगरपालिका र बागमती गाउँपालिका बीचको विजेतासँग थाहानगरले प्रतिस्पर्धा गर्नेछ । दोस्रो सेमिफाइनल खेल मंशिर २३ गते बिहिबार हुनेछ ।
प्रतियोगिताको उपाधि विजेताले २ लाख रुपैयाँ र उपविजेताले १ लाख रुपैयाँ प्राप्त गर्ने छ । प्रतियोगितामा विधागत रुपमा उत्कृष्ट खेलाडीले ५ हजार रुपैयाँ तथा अन्य विधागत खेलाडीले ३ हजार रुपैयाँको दरले पुरस्कार प्राप्त गर्ने आयोजकले जनाएको छ ।
मकवानपुर / अधिकारमाथी हस्तक्षेप गर्नु सबैभन्दा ठूलो हिंसा भएको सामुदायिक वन उपभोक्ता महासंघ केन्द्रिय अध्यक्ष भारती पाठकले बताएकी छन् । कानुनमा दुरगामी सोच भए पनि व्यवहारमा त्यो नहुंदा ग्रामिण महिलाहरूमाथी शोषण भएको केन्द्रिय अध्यक्ष पाठकले बताइन् ।
महिलाले बचाएको वन, जोगाएको जलासय, जमिनमा महिलाकै निर्णय लागू नहुनु महिलाको माथीको शोषण भएको पाठकले बताइन् । “लैङ्गिक हिंसा विरुद्धको अभियान मनाईरहदा सामुदायिक वन जोगाउन लागिपर्दा दुख भोगेका महिलाको सवाल किन नउठाउने ? ” उनले प्रश्न गरिन ।
लैङ्गिक हिंसा विरुद्ध १६ दिने अभियान अन्तरगत आज हेटौंडामा आयोजित जिल्ला स्तरीय कार्यक्रममा पाठकले यस्तो बताएकी हुन् । सरकारले सामुदायिक वनलाई बेवास्ता गर्नु, बजेट नछुट्याईनु पनि हिंसा भएकोले यसको विरुद्धमा पनि लाग्नुपर्ने पाठकले बताइन् ।
कार्यक्रममा जिल्ला समन्वय समिति मकवानपुरको उपप्रमुख भगवती पुडासैनीले महिलाहरूले अधिकार माग्ने हैन, समान हैसियत बनाउन लागि पर्ने बताइन् । पदमा पुगेर जिम्मेवारी निर्वाह गर्न सक्ने बन्न र निजि वनमा पनि महिलाको अधिकार सुनिश्चित गर्न एकजुट हुनुपर्ने पुडासैनीले बताइन् । सामुदायिक वन हुँदै राजनैतिक नेतृत्वमा पुग्नको लागि अग्रसर हुन उनले आग्रह गरिन ।
कार्यक्रममा डिभिजन वन कार्यालय हेटौंडा सहायक वन अधिकृत वसन्त गौतमले स्रोत माथिको अधिकार उपभोग गर्न सक्दा हिंसा कम हुने बताए ।

यसैगरी कार्यक्रममा सामुदायिक वन उपभोक्ता महासंघ बागमती प्रदेश सचिवालय सदस्य रामहरि चौलागाईंले घरमा छोराछोरी बिचमा आमा बाबाले प्रदान गर्ने संरक्षकत्वले पनि हिंसा बढाएको बताए । बालबालिकाको हुर्काइ, लालनपालनमा हुने फरक व्यवहारले विभेद निम्तने उनले बताए ।
सामुदायिक वन उपभोक्ता महासंघ मकवानपुर अध्यक्ष साधुराम चौलागाईंको अध्यक्षतामा भएको कार्यक्रममा जिल्लाको विभिन्न सामुदायिक वन उपभोक्ता समितिका पदाधिकारी तथा प्रतिनिधिको उपस्थिति रहेको थियो ।
सामुदायिक वन उपभोक्ता महासंघ नेपाल जिल्ला कार्यसमिति मकवानपुर र प्राकृतिक स्रोत महिला अधिकार सन्जालको सयुक्त आयोजनामा कार्यक्रम भएको सन्जालको राष्ट्रिय महासचिव आरती पाठकले बताइन् । हिंसा न्यूनीकरणमा पहल गरे परिवर्तन संभव भएको महासचिव आरती पाठकले बताइन् ।
मकवानपुर । हिंसा र हिंसाको प्रकार, लैगिंक हिंसाको परिभाषाले समेटेको विषयवस्तुहुरु, महिला तथा घरेलु हिंसा, किशोरिहरुको महिनावारीका बेलामा बिद्यलयमा भएको हाजिरको अबस्था र समस्याको समाधानमा अभिभाबकको भूमिका बारे चर्च गरिएको छ ।
लैङ्गिक हिंसा बिरुद्ध १६ दिने अभियान अन्तरगत शिक्षाको लागि राष्ट्रिय अभियान नेपाल जिल्ला संजाल मकवानपुरको आयोजनामा साथै एस्थर बेन्जामिन स्मृती संस्था, बाल कल्याण समाजमकबानपुर र मेन र्ईगेज एलायन्स नेपाल मकवानपुरको समन्वयमा मकवानपुर जिल्लाको मनहरी गाउपालिका ६ को डिपाटमा लैङ्गिक समानताको लागी शिक्षाको भुमिका बिषयक अन्तरकृया कार्यक्रममा यस्तो चर्चा गरिएको हो ।
कार्यक्रममा बालबालिकाको शिक्षा को अधिकार, हिंसाका कारण र निबारणको उपायहरु, बिपदको समयमाबालिकामाहुन सक्ने हिंसाको संबोधन कसरी गर्ने, हिंसा अन्त्यका लागि शिक्षाको महत्व, शिक्षामा बन्चितिकरणमा पर्नुको कारण बारे पनि चर्चा गरिएको थियो ।
यसैगरी नेपालको संबिधानमा महिलाको अधिकार र शिक्षाको अधिकार, दिगो विकास लक्ष्य ४ र ५ का बारेमा प्रस्ट्याएको थिए । घरैबाट सुरु गरौ, महिला हिंसा अन्त्य गरौ भन्ने मुल नाराका साथ संचालन भएको छलफल तथा अन्तरक्रिया कार्यक्रममा शिक्षाको लागि राष्ट्रिय अभियान नेपालका बागमती प्रदेश संयोजक प्रकाश खतिवडाको प्रमुख आतिथ्य र शिक्षाको लागि राष्ट्रिय अभियान नेपाल जिल्ला संजाल मकवनपुर का संयोजक बुद्ध बिर लामाको सभाध्यक्षतामा कार्यक्रम भएको थियो ।
कार्यक्रममा जनजाती उत्थान प्रा।बि।का प्रधानाध्यापक देबराज प्रजा, शिक्षि बिष्णु मुक्तान, डिपाट सामुदायिक बन उपभोक्ता समिती अध्यक्ष डम्बर बहादुर मुक्तान, सामाजिक अभियन्ता हरि बहादुर लोप्चन, स्थानीय महिला अधिकारकर्मी उर्मिला लो, ईश्वरि माया प्रजा, तथा अभियन्ताहरु राजन प्रजा, अनु प्रजा, को समेत उपस्थिती रहेको थियो ।
कार्यक्रममा मनहरि गाउपालिकाको लैगिंक हिंसा बढि भएका क्षेत्रका, शिक्षाबाट बन्चितीकरणमा परेका समुदाय र चेपागं, जनजाती तथा सिमान्तकृत समुदायका अगुवा ब्यक्तित्वहरुको समेत उपस्थिती रहेको थियो ।
कार्यक्रममा शिक्षाको लागि राष्ट्रिय अभियान नेपालका बागमती प्रदेश संयोजक तथा मेन ईंगेज एलायन्स मकवनपुरका संयोजक प्रकाश खतिवडाले सहजिकरण गरेका थिए ।
बालबालिकालाई बिधालय भर्ना को लागि अभिभाबकको भुमिका, बिधालयमा बालबालिकाको पढाई छोड्ने दर घटाउन अभिभाबकको भुमिका, महिला हिंसा अन्त्य गर्न र महिलालाई सम्मानित जीवन यापन गराउन पुरुषको भुमिका बारेमा समुह कार्य समेत गरिएको थियो ।