मकवानपुर । मकवानपुरको हेटौंडामा जारी चौथो संस्करणको स्थानीय तह सहीद स्मृति अन्तराष्ट्रिय मकवानपुर गोल्डकप २०७९ अन्तर्गत आजबाट दोस्रो चरण अर्थात क्वाटरफाइनल तर्फको खेल सुरु हुँदैछ ।
आजको प्रतियोगितामा दुई बिभागिय टिम भिड्दै छन् । अघिल्लो संस्करणको विजेता टिम त्रिभुवन आर्मी फुटबल क्लबलाई उपाधी रक्षा गर्ने पहिलो जिम्मेवारी रहनेछ । नकआउट प्रतियोगितामा साबिक विजेता आर्मीलाई नेपाल एपिएफ क्लबले चुनौती प्रदान गरेको छ । रनिङशिल्ड प्रतियोगिताकाको लगातार दोस्रो पटक उपाधी जित्ने लक्ष्यलाई जिवित राख्न विभागीय टिम आर्मीलाई आजको खेल जित्नुपर्ने दबाब छ ।
एपिएफले आफ्नो पहिलो खेलमा फ्रेन्डस् क्लब काठमाडौं बिरुद्ध ३–० गोलको सहज जीत हात पार्दै क्वाटरफाइनल प्रवेश गरेको थियो । खेल आज दिउँसो ४ बजेबाट सुरू हुंदैछ ।
३० गते सम्म जारी रहने प्रतियोगितामा विजेता टोलिले शिल्ड,मेडल र प्रमाणपत्रसहित १५ लाख र उपविजेता टोलिले १० लाख प्राप्त गर्ने छन् । प्रतियोगितामा १२ वटा क्लबले सहभागिता जनाउने छन् ।
प्रतियोगितामा विभागीय क्लबहरु नेपाल आर्मी क्लब, नेपाल पुलिस क्लब, सशस्त्र प्रहरीको (एपीएफ) क्लब, मनाङ मस्र्याङ्दी क्लब, फ्रेण्डस्, खुमलटार युथ क्लब, सिमरा, सर्लाहीको बागमती युवा क्लब, विजय युथ क्लब हेटौंडा, चितवन–११, चर्च ब्वाइज क्लब र क्यामरुनको एभिनियर एफसी सहभागी रहको आयोजकले बताएको छ ।
प्रतियोगिताको विजेताले १५ लाख र उपविजेताले १० लाख रुपैयाासहित ट्रफी प्राप्त गर्नेछन् । अघिल्लो बर्षको भन्दा यस बर्ष पुरस्कारर राशी बृद्धि गरिएको छ । अघिल्लो बर्ष विजेताले १० र उपविजेताले ५ लाख रुपैयाा प्राप्त गरेका थिए । प्रतियोगिताको लागि करिब १ करोड १७ लाख रुपैयाँ खर्च हुने अनुमान गरिएको आयोजकले बताएको छ । अघिल्लो संस्करणमा नेपाल आर्मी च्याम्पियन हुँदा घरेलु टिम उपविजेता बनेको थियो ।
प्रतियोगिताको उत्कृष्ट गोलरक्षक, डिफेन्डर, मिडफिल्डर, फरवार्ड, सर्वाधिक गोलकर्ता तथा उत्कृष्ट प्रशिक्षकलाई जनही २५ हजार रुपैयाँ तथा प्रत्येक खेलको म्यान अफ द म्याचलाई नगद १० हजार रुपैयाासहित ट्रफी प्रदान गरिनेछ । प्रतियोगिताको सर्वोत्कृष्ट खेलाडलाई बुलेट मोटरसाइकल प्रदान गरिने प्रतियोगिता संयोजक प्रताप विष्टले जानकारी दिए ।
अघिल्लो बर्षझैं यस बर्ष पनि सर्वोत्कृष्ट खेलाडीका लागि हेटौंडाको हेटौंडा स्कुल अफ म्यानेजमेण्ट एण्ड सोसियल साईन्सेज कलेजका संयोजक पुरणबहादुर जोशीले बुलेट मोटरसाइकल उपलब्ध गराउने भएका हुन् । प्रतियोगितामा एक करोड १७ लाख ९२ हजार रुपैयाँ कुल लागत लाग्ने अनुमान गरिएको आयोजकले बताएको छ ।
मकवानपुर । ५० औं विश्व वातावरण दिवसको सन्दर्भमा आयोजित सचेतना र्यालिमा टोल विकास संस्था तर्फ हेटौंडा ५ को अब्बलडाँडा टोल विकास संस्था र विद्यालय तर्फ हेटौंडा १ को अमर माबि पहिलो भएको छ।
टोल विकास संस्था नगर समन्वय समितिको आयोजनामा भएको कार्यक्रममा बिद्यालय तर्फ भुटदेवी स्काउट र नवज्योति माबि क्रमश द्वितीय र तृतीय भएका छन् । यसैगरी टोल विकास संस्थातर्फ हेटौंडा ८ को विकास टोल विकास संस्था द्वितीय तथा हेटौंडा ४ को सुर्यभैरव टोल विकाससंस्था तृतीय भएको छ । यसैगरी हेटौंडा ४ कै चिसापानी टोलविकास संस्था र हेटौंडा ११ को झोर्लुङ्गेपुल टोल विकास संस्था चौथो भएको संस्थाको सचिव शिवहरी दाहालले बताए ।

कार्यक्रममा बागमती प्रदेशका वन मन्त्री विशाल खड्काले बिचार र राजनीतिलाई पर्यावरणसँग जोडेर अघि बढ्नु पर्ने बताए । वातावरण जोगाउन मानवमैत्री विकास आवश्यक भएको भन्दै मन्त्री खड्काले जलवायु परिवर्तनको पीडा सबैले भोग्नु पर्ने भएकोले यसको सुरक्षामा चासो राख्नुपर्ने बताए ।
कार्यक्रम प्रदेश सभा सदस्य मुनु सिग्देलले पर्यावरण बचाउन सबैले आफ्नो स्थानबाट लागिपर्नु पर्ने बताइन् । यसैगरी मेयर मिना लामा तथा उपमेयर राजेश बानिँयाले टोल विकास संस्थाले वचत संकलनमा भन्दा टोलको सरसफाइ र विकासमा चासो दिनुपर्ने बताए । कार्यक्रम समितिका अध्यक्ष ध्रुव अधिकारको सभाध्यक्षमा भएको हो ।
मकवानपुर । मकवानपुर फुटबल संघको आयोजनामा जारी स्थानीय तह शहिद स्मृति अन्तर्राष्ट्रिय मकवानपुर गोल्डकपको शनिबारको खेल स्थगित भएको छ ।
हेटौंडा–५ स्थित पिप्ले क्याम्पा रंंगशालामा भइरहेको प्रतियोगिता अन्तर्गत शनिबारको खेल हेटौडामा भारी बर्षा भएपछि स्थगन गरिएको खेल संयोजक प्रताप बिष्टले बताए । बर्षाको कारण खेल मैदानमा पानी जमेर आल बनेपछि शनिबारको खेल स्थगन भएको हो। खेल तालिका अनुसार शनिबार आजको खेल एपीएफ र फ्रेण्डस क्लब बिच रहेको थियो ।
शनिबार दिउँसो हेटौंडामा भारी बर्षा भएको थियो । खेल मैदानमा पानी जमेर खेल्न सक्ने अबस्था नरहेका कारण शनिबारको खेल आईतबार बिहान ८:३० बजे देखी आयोजना गरिने बिष्टले बताए । साथै आईतबार अपरान्हको प्रतियोगिता नेपाल पुलिस र खुमलटार क्लब बिच हुने तालिका रहेको छ ।
३० गते सम्म जारी रहने प्रतियोगितामा विजेता टोलीले शिल्ड,मेडल र प्रमाणपत्रसहित १५ लाख र उपविजेता टोलिले १० लाख प्राप्त गर्ने छन् । प्रतियोगितामा १२ वटा क्लबले सहभागिता जनाएका छन् । अघिल्लो बर्षको भन्दा यस बर्ष पुरस्कारर राशी बृद्धि गरिएको छ । अघिल्लो बर्ष विजेताले १० र उपविजेताले ५ लाख रुपैयाा प्राप्त गरेका थिए । प्रतियोगिताको लागि करिब १ करोड १७ लाख रुपैयाँ खर्च हुने अनुमान गरिएको आयोजकले बताएको छ । अघिल्लो संस्करणमा नेपाल आर्मी च्याम्पियन हुँदा घरेलु टिम उपविजेता बनेको थियो ।
प्रतियोगिताको उत्कृष्ट गोलरक्षक, डिफेन्डर, मिडफिल्डर, फरवार्ड, सर्वाधिक गोलकर्ता तथा उत्कृष्ट प्रशिक्षकलाई जनही २५ हजार रुपैयाँ तथा प्रत्येक खेलको म्यान अफ द म्याचलाई नगद १० हजार रुपैयाासहित ट्रफी प्रदान गरिनेछ । प्रतियोगिताको सर्वोत्कृष्ट खेलाडलाई बुलेट मोटरसाइकल प्रदान गरिने प्रतियोगिता संयोजक प्रताप विष्टले जानकारी दिए ।
अघिल्लो बर्षझैं यस बर्ष पनि सर्वोत्कृष्ट खेलाडीका लागि हेटौंडाको हेटौंडा स्कुल अफ म्यानेजमेण्ट एण्ड सोसियल साईन्सेज कलेजका संयोजक पुरणबहादुर जोशीले बुलेट मोटरसाइकल उपलब्ध गराउने भएका हुन् । प्रतियोगितामा एक करोड १७ लाख ९२ हजार रुपैयाँ कुल लागत लाग्ने अनुमान गरिएको आयोजकले बताएको छ ।
मकवानपुर । सप्ताहव्यापी रूपमा विश्व वातावरण दिवसका मनाउने सन्दर्भमा आज हेटौंडामा वातावरणीय सचेतना मूलक सन्देश सहितको साइकल र्याली गरिएको छ ।
हेटौंडा उपमहानगरपालिका कार्यालयबाट सुरु भएको साइकल र्यालीले हेटौंडा बजार परिक्रमा गरेको थियो । टोल विकास संस्था नगर समन्वय समितिको हेटौंडा उपमहानगरपालिकाको आयोजनामा कार्यक्रम गरिएको हो ।
उपमहानगरपालिका कार्यालयबाट सुरु भएको र्याली चौघडा, हटिया, रातोमाटे, बजार क्षेत्र हुँदै पुन उपमहानगरपालिका कार्यालयमा आएर समापन गरिएको थियो । उपमहानगरपालिका प्रमुख मेयर मिना कुमारी लामाले साइकल र्यालीको उद्घाटन गरेकी थिइन् ।
कार्यक्रममा हेटौंडा–२ का वडा अध्यक्ष बिष्णु गोपाल महर्जन, उपमहानगरपालिका सामाजिक विकास महाशाखा प्रमुख विष्णु कुमारी लामिछाने लगायतकाको आतिथ्यता रहेको थियो । टोल विकास संस्था नगरसमन्वय समिति हेटौंडाका अध्यक्ष धुर्ब अधिकारीको अध्यक्षतामा कार्यक्रम भएको हो ।
अध्यक्ष अधिकारीले टोल बिकास संस्था नगर समन्वय समिती हेटौंडा उपमहानगरपालिकाको हरेक बर्षको जेठ २२ गते बिश्व बाताबरण दिवसलाई सप्ताहब्यापी रुपमा बाताबरण संरक्षणका बिबिध कार्यक्रमको आयोजना गरेर मनाउने गरेको बताए । भोलि बृहत र्याली तथा झाँकी सहित वातावरण संरक्षण बारे जनचेतना र्याली गर्ने तयारी भएको अध्यक्ष अधिकारीले बताए ।
हेटौंडा उपमहानगरपालिका भित्रका ४ सयबढि टोल विकास संस्था, सामाजिक संघसंस्था तथा वन समितिहरूले र्यालीमा सहभागिता जनाउने छ । र्यालीमा सर्वोत्कृष्ट हुनेलाई प्रोत्साहन स्वरुप १५ हजार प्रदान गरिने सचिब ज्ञानबहादुर थापाले बताए ।
मकवानपुर । रोटरी क्लब अफ हेटौंडाले ३ जनालाई सम्मान गरेको छ । शनिबार रोटरीले मकवानपुरमा जन्मिएर विभिन्न पेशा व्यवसायमा संलग्न रहेका ३ जनालाई भोकेस्नल एक्सिलेन्स अवार्ड तथा नगद २५ हजार मार्फत सम्मान गरेको हो ।
रोटरीले शनिबार आयोजना गरेको कार्यक्रम बागमती प्रदेशका मुख्यमन्त्री राजेन्द्र प्रसाद पाण्डेले उनीहरुलाई सम्मान गरेका हुन । कोभिड १९ का कारण प्रदान गर्न नसकिएका अवार्डहरु पनि आजै प्रदान गरिएको छ ।
सम्मानित हुनेमा मकवानपुरमा जन्मिएका न्युरो सर्जन डा. गोपालरमण शर्मा भोकेस्नल एक्सिलेन्स अवार्ड २०२० बाट, एसियाकै पहिलो महिला फिफा रेफ्री कल्पना शर्मा भोकेस्नल एक्सिलेन्स अवार्ड २०२१ बाट र २०२२ को मुटुरोग विशेषज्ञ प्रा.डा प्रेमराज वैद्य भोकेस्नल एक्सिलेन्स अवार्ड २०२० बाट रहेका छ्न । डा. वैद्य हेटौंडाको पहिलो मुटुरोग विशेषज्ञ हुन् । उनी नेपाल हर्ट फाउन्डेसनका प्रमुख हुन् ।
सम्मान कार्यक्रममा मुख्यमन्त्री पाण्डेले रोटरीले स्वास्थ्य र शिक्षामा सेवा प्रवाह गर्दै आइरहेको प्रति धन्यवाद दिदैं प्रदेश सरकारले हेटौंडा अस्पताललाई चाहिने इकुमेन्ट खरिद गर्ने बताए । त्यसका लागि आवश्यक प्राविधिक सहयोगमा सम्मानित व्यक्तित्व जस्ता प्राध्यापक डाक्टरहरुको सहयोग चाहिन्छ उनले भने । उनले हेटौंडामा किड्नी प्लान्ट सेवा सुरु गरिने र मध्ये नेपालको हवको रुपमा हेटौंडालाई विकास गरिने बताए ।
रोटरी क्लब अफ हेटौंडाका अध्यक्ष रामप्रसाद शर्माको अध्यक्षतामा भएको कार्यक्रममा हेटौंडा उपमहानगरका मेयर मिना कुमारी लामा, उपमेयर राजेश बानियाँ, प्रा. बसन्त विडारी लगायत वडा अध्यक्ष, रोटरीका पूर्व अध्यक्ष तथा सदस्यहरुको उपस्थिती रहेको थियो ।