मकवानपुर । बागमती प्रदेशको निर्माणधिन प्रदेश सभा सचिवालय अपाङमैत्री बनाउन माग गरिएको छ । राष्ट्रिय अपाङ्ग महासंघ बागमती प्रदेशले प्रदेशसभा सचिवालयको संरचना अपाङ्गमैत्री बनाउन माग गरेको हो ।
महासंघले प्रदेशसभा सचिवालयका सचिव कृष्णहरि खड्कालाई ध्यानाकर्षण पत्र बुझाउँदै प्रदेशसभाको संरचनालाई अपांगमैत्री बनाउन माग गरेको हो । हालको सचिवालय अपाङगमैत्री छैन । प्रदेश सभामा हाल रहेको भवन न्यूनतम पूर्वाधार समेत पुरा नभएको कारण समस्या भएपछि अहिले नयाँ भवन निर्माण कार्य जारी छ ।
महासंघका अध्यक्ष अश्विन लम्सालले बागमती प्रदेश सभामा पनि शारीरिक अपांगता भएका ह्विलचियर प्रयोगकर्ता सदस्यलाई सहज हुने गरी प्रदेशसभाको संरचना निर्माण हुनुपर्ने माग गरेका हुन् ।
४ मंसिरमा सम्पन्न प्रदेशसभा सदस्य निर्वाचनबाट बागमती प्रदेशमा समानुपातिकतर्फबाट १ जना सदस्य अपाङ्गता भएको व्यक्ति छन् ।
स्पाइनल कर्ड इन्जुरीको कारण ह्विलचियर प्रयोगकर्ता सांसदलाई समेत सहज हुने गरी सचिवालय निर्माण गर्न ध्यानाकर्षण गराइएको हो ।
महासंघको ध्यानाकर्षणपत्रमा भनिएको छ, ‘यस प्रदेशमा पनि यसपटक शारीरिक अपांगता भएका प्रदेश सभा सदस्य निर्वाचित भएकाले प्रदेश सभा कार्यस्थल मापदण्डसहित निर्माण गरी प्रदेश सदस्यलाई सम्मानजनक, मर्यादित र स्वतन्त्रतापूर्वक संसद् सचिवालयसम्म आवतजावत गर्ने वातावरण मिलाउन माग गर्दछौँ ।’
यस्तै, ध्यानाकर्षणपत्र बुझ्दै प्रमुख सचिव खड्काले नयाँ बन्ने प्रदेशसभा बैठकको निर्माण कार्य तिब्र गतिमा भइरहेको र उक्त भवनलाई अपाङ्गमैत्री बनाउनतत्काल पहल थाल्ने प्रतिबद्धता ब्यक्त गरे ।
यसपटक बागमती प्रदेश सभामा रामेछापबाट समानुपातिकतर्फ प्रदेशसभा सदस्यमा राष्ट्रिय प्रजातन्त्र पार्टीबाट लक्ष्मी घिमिरे निर्वाचित भएकी छन् । बागमती प्रदेश सभाको सचिवालय गत बैशाखमा निर्माण सम्पन्न हुनुपर्नेमा काम नसिएपछि आगामी जेठसम्मको लागि म्याद थप गरिएको छ ।
मकवानपुर । कृषि शिक्षा प्रसार तथा अनुसन्धानबीच समन्वययात्मक गोष्ठी हेटौंडामा भएको छ ।
कृषि तथा पशुपन्छी विकास मन्त्रालय कृषि बिज्ञान निर्देशनालय बागमती प्रदेशको आयोजनामा गोष्ठी गरिएको हो । कार्यक्रममा बागमती प्रदेशको कृषि मन्त्री बसुन्धरा हुमगांईले मन्त्रालयले ऐन र कार्यबिधिहरु धेरै निर्माण गरेको र कार्यान्वयन चरणमा गइसकेको बताए । चाहेमा धेरै काम गर्न सकिने बताउंदै कामको लागि इच्छा शक्ति महत्त्वपुर्ण भएको उनले बताए ।
कार्यक्रममा बिषय बिज्ञ चित्रबहादुर कुंवर, प्रा. डा अर्जुनकुमार श्रेष्ठलगायतले कार्यपत्र प्रस्तुत गरेका थिए । हाल नेपाल १४० वटा बिद्यालयमा कृषि बिषय पढाइ हुने गरेको र उनीहरूले बिदेशमा समेत कृषि शिक्षाको लागि अवसर लिने गरेका छन् । प्रती बर्ष २ हजार ६७० जना कृषि अध्ययनको लागि विश्वविद्यालयमा भर्ना हुने गरेको कार्यपत्र प्रस्तुतकर्ता श्रेष्ठले बताए । कृषि अध्ययनमा आकर्षण बढेकोले आशावादी हुने ठाउँ रहेको उनले बताए ।
नेपालको विश्वविद्यालयमा आन्तरिक र बाह्य समस्या रहेको उल्लेख गर्दै कृषि तथा वन विश्वविद्यालयलाई सरकारले कृषि मन्त्रालय अन्तरगत राख्नु पर्ने उनले बताए । अन्य संकाय जत्तिको लगानीले कृषि, वनमा नपुग्ने भएकोले शिक्षा मन्त्रालयले सम्बोधन गर्न नसकेको उनले बताए ।
यसैगरी कार्यपत्र प्रस्तुतकर्ता कुंवरले माटोको शक्ति बढाउनको लागि ध्यान दिनुपर्ने, कृषकको भौगोलिक क्षेत्रको समस्या पहिचान गर्ने, समाधान खोज्ने, अनुगमन, निरीक्षण, निराकरण गर्ने तर्फध्यान दिनुपर्ने बताए ।
कार्यक्रम मन्त्री हुमगाईले प्रदेशका सबै जिल्लामा कृषि र पशुका कार्यालयहरु खोलेर नागरिकलाई सहज रुपमा सेवा दिने तयारीका साथ लागिपरेको बताए । राजनीतिक अस्थिरताका कारण पनि काम दु्रतगतिमा अगाडि बढ्न नसकेको उनले बताए । तीन तहका सरकारले आफ्ना अधिकार लिएर काम गरेमा सफल हुने बताए ।
कार्यक्रम बागमती प्रदेशका कृषि तथा पशुपन्छी विकास राज्यमन्त्री इन्द्रमायाँ गुरुङले शिक्षालाई सिपमा जोड्नुपर्ने बताइन् ।
यसैगरी मकवानपुरका प्रमुख जिल्ला अधिकारी राजेन्द्र देव पाण्डेले नेपाललाई चाहिने खाद्यान्न अहिले पनि विदेशबाट ल्याउनुपर्ने बाध्यता रहेकोले कृषिमा संभावना खोजी अनिवार्य रहेको बताए ।
मकवानपुर । मकवानपुर जिल्ला हेटौंडा उपमहानगरपालिका २ मा चक्कु प्रहार गरेर दुईजना युवा फरार भएका छन् ।
बागमती प्रदेशको अर्थ मन्त्रालय गेटैमा सामान्य भनाभनपछि हातपात भएको थियो । भनाभनपछि हेटौंडा ५ सिँचाई टोल बस्ने अन्दाजी ३५ बर्षको दानिल न्यौपानेलाई चक्कु प्रहार गरेर हेमन्त थापा मगर र असिम बर्तौला फरार भएको प्रहरीले जनाएको छ ।
घटनाको कारणमाथी अनुसन्धानको भैरहेको र घाइतेको मकवानपुर सहकारी अस्पतालमा अस्पतालमा उपचार भई रहेको बताईएको छ । घाइते न्यौपानेको अवस्था गम्भिर रहेको मकवानपुर प्रहरीले जनाएको छ । न्यौपानेको कन्चट, कोखालगायको भागबाट रगत बगेको देखेको प्रत्यक्षदर्शीले बताए ।
बागमती प्रदेशको आर्थिक मामिला मन्त्रालय गेटैमा दुईपक्षबिच हानहान भएको थियो । मन्त्रालयसंगै रहेको पुनरावेदन अदालत पाटन हेटौंडा इजलास, जिल्ला अदालत मकवानपुर,जिल्ला मालपोत कार्यालयमा सुरक्षाकर्मी खटिरहेको अवस्थामा घटना भएको हो । प्रदेशको मुख्यमन्त्रीको क्वाटर घटना स्थलबाट २० मिटरको दुरीमा छ ।
- अधिवक्ता जगन्नाथ सुवेदी / हेटौंडा
नेपाल त्यस्तो देश हो जो संसारका अरु धेरै मुलुकहरु साम्राज्यवादको अधिनमा पर्दा पनि आफू स्वतन्त्र रहिरह्यो । यो किन स्वतन्त्र नै भइरह्यो भने राज्यभित्रका सबै नागरिकमा राज्यप्रति माया थियो । देशको निम्ति जतिसुकै काम गर्नु परे पनि कुनै गुनासो थिएन । बरु हरेक कामलाई इमान्दारिताले गर्दथे । त्यो इमान्दारिता र त्यो जागरुकता किन थियो भने उनीहरुमा कुनै पनि असल नागरिकमा हुनुपर्ने निश्चित स्तरको चेतना थियो ।
अहिले बिस्तारै मारिदै लगिएको त्यो चेतना विवेकमा आधारित थियो । मौलिक ज्ञान र दर्शनमा आधारित शिक्षाले निर्माण भएको त्यो चेतनाले नैतिकतालाई जोगाएको थियो । जब आयातित शिक्षा भित्रियो अनि चेतना हरायो, नैतिकता हरायो । अझ यथार्थमा भन्नुपर्दा शिक्षाको नाम दिइएको आवरण भित्र कुनियतका लावालस्कर भित्रियो ।
अब लाज संकोच डर सबै त्यागेकाहरुले देशलाइ घात पर्ने गरि दुष्कर्म गर्दै जाने, निजी स्वार्थका निम्ति बिक्दैजाने चलन नै बनाए । राज्य शक्तिको दुरुपयोग गर्दै पछिल्लो निसानामा नेपालको न्यायालयलाई निसानामा पारेका छन् ।
कुनै अदालतबाट कानुनी अपब्याख्या भएको भए वा कुनै ब्याख्याले निम्त्याएको कानुनी भ्रमसम्मको कुरा भए त्यसलाई प्रकृयामा लगेर समाधानमा विस्तारै पुगिन सकिन्थ्यो । यहाँ त नाटकीय शैलिमा कानुनी क्षेत्रमा जे जस्ता प्रवृत्तिहरु जन्मिएका छन् त्यसले देशलाई कता लिएर जाने हो भन्ने चिन्ता बढाएको छ ।
यो क्षेत्र निकम्मा भयो भने यसले कानुनको शासनको अवधारणलाई ब्यवहारमा उतार्न छाडिदिने छ । मान्छेले अन्याय र न्यायमा कुनै भेद देख्न नै छाडिदिनेछन् । सभ्य र शान्त वातावरणमा न कोहि बस्न सक्ने छन् न योग्य ब्यक्तिले उचित स्थान पाएर काम गर्न सक्नेछन् ।
न्यायधिशको प्रवृत्ति, वकिलका प्रवृत्ति र यी दुबैथरिलाई मार्ग निर्देश हुने सल्लाह र सुझावभन्दा सत्तोसराप गरेर शब्दविष मात्र वमन गर्ने रमितेहरुको प्रवृत्ति यि सबै यो देशका निम्ति चुनौति हो । अझ महाचुनौति त राजनीतिक दलका नेताले न्यायपलिकालाइ गरिदिएको राजनीतिकरण हो ।
नेताहरु अदालतमा न्यायधिश देख्न चाहदैन उ त्यहाँ आफ्नो खेताला भर्ति गरौं भन्छ । उ त्याहाँ आचारसंहिता पालना गर्ने वकिल होइन आफूलाई दलाली गर्ने सेवक को जत्था तयार गरौं भन्छ । कतिपय न्यायधिश पनि नेतासँग काँध जोडिएकामा आफूलाई शुरक्षित र अझ धेरै अवसर उन्मुख ठान्दछ । कतिपय वकिल पनि आफ्नो दक्षताभन्दा नेताको चाप्लुसिमा भविस्यका बिभिन्न नियुक्ति र अवसरहरुको सपना देख्दछ ।
यि विकृति र कुसँस्कारभन्दा पर रहेर एउटा अन्यायमा परेको मानिसले सोच्दछ मेरो देशमा राम्रा कानुन छन् । न्यायधिश र वकिल मिलेर मलाई न्याय दिनेछन् । एउटा बिद्यार्थी सोच्दछ म कानुन पढ्ने छु वकिल र न्यायधिश बनेर मुलुक प्रतिको आफ्नो नागरिक कर्तब्य पुरा गर्नेछु । त्यो विकृति र कुसँस्कारलाइ मेटाउँदै लैजान र यो भरोसा र अठोटलाई बचाउँदै लैजान कसै न कसैले केहि न केहि गर्ने बेला आएको छ ।
विसं १९९७ साल साउन १ गते तत्कालीन प्रधानमन्त्री श्री ३ जुद्बशमशेरले एक सनद जारी गरेर नेपालमा प्रधान न्यायालयको स्थापना भयो । यस अगाडि प्रधानमन्त्रीले नै न्याय निसाफ समेतको कार्य गर्ने व्यवस्था थियो । के अहिलेका राजनीतिक क्षेत्रका मान्छेलाई अदालतमा हस्तक्षेप गरेर वि.स १९९७ साल अगाडि फर्कने रहर चलेको हो । त्यो त न कानुन थियो न नागरिक भावनाको सुनुवाइ हुन्थ्यो । अहिले त न्यायीक क्षेत्रको ब्यवस्थापनको निम्ति यसको नियमनको निम्ति संवैधानिक ब्यवस्था र संयन्त्र छ कानुनी ब्यवस्था र संयन्त्र छ र पनि किन विश्वासको अभाव छ ? भरोसा योग्य क्रियाकलाप देखिदैन । सम्मानजनक शब्दले सम्बोधन हुनुपर्नेहरुलाई आज कालाकोटेहरु जस्ता तुच्छ शब्दले सम्बोधन गरिदा रमाउने बर्गलाइ पनि के कुराको महशुस हनु जरुरी छ भने न्याय क्षेत्र निकम्मा हुनु भनेको समग्र समाजमा अराजकताको राज हुनु हो ।
यो क्षेत्र निकम्मा भयो भने यसले कानुनको शासनको अवधारणलाई ब्यवहारमा उतार्न छाडिदिने छ । मान्छेले अन्याय र न्यायमा कुनै भेद देख्न नै छाडिदिनेछन् । सभ्य र शान्त वातावरणमा न कोहि बस्न सक्ने छन् न योग्य ब्यक्तिले उचित स्थान पाएर काम गर्न सक्नेछन् । नागरिक सुरक्षाका साथसाथ देशको स्वाभिमान र हित विपरितका कुकृत्यहरुलाई टुलुटुलु हेरेर बस्न सकिदैन ।
नेपाली न्यायक्षेत्रमा ब्याप्त विकृति र फैलिदै गरेको कुसँस्कार बिरुद्ध सत् चरित्र निर्माणको बातावरण स्थापित गर्न भनि हालै स्वनिर्भर तथा सामाजिक न्याय अभियानको गठन भएको छ । यसले न्याय क्षेत्रका बिकृति बिरुद्ध सुदृढ न्यायपालिकाको निम्ति आफुलाई क्रियाशील बनाउनेछ । यो एउटा यस्तो न्याय संगत सोच र सँस्कार निर्माण गर्ने अभियान हो जसले तुरुन्तै नतिजा नदेखाउन सक्छ तर यो अभियान र यसका अभियन्ताहरु निरन्तर क्रियाशील बनिरहनेछन् अनि नयाँ नयाँ मान्छे र प्रणालीहरुपनि गाँसिदै जानेछन् ।
मिति २०७९ साल मंसिर २४ गते यसले काठमाण्डौमा प्रथम सम्मेलन गरेर आफ्नो मार्ग प्रशस्त गरेको छ । सकारात्मक सोच भएका काममा विष्वास गर्ने र कुनै दलीय नेताको अरौटे बन्न नरुचाउने कानुन ब्यवसायीहरुको पहलमा अघि सारिएको यो अभियानमा सातै प्रदेशबाट प्रतिनीधित्व रहेको छ जसको संयोजन अधिवक्ता दिनेश राज सत्याल बाट भएको छ भने श्रद्धेय गुरु प्रध्यापक डाक्टर युवराज संग्रौला सहितका कानुनविदहरु सल्लाहकारकोरुपमा रहनु भएको छ ।
स्वनिर्भर तथा सामाजिक न्याय अभियानले तत्काल थाल्नुपर्ने कामहरु :
• राजनीतिक पदीय जिम्मेवारीमा पुगेका मानिसहरुको न्यायक्षेत्र प्रतिको सोच परिवर्तन गर्न आवस्यक वहस र छलफल गर्ने ।
• योग्य न्यायधिशहरुलाई समावेश गरेर विकृति बिरुद्धका सम्भाब्य उपायहरुको बिश्लेषण गर्ने ।
• वकिलहरुलाई समावेस गराइ बारमा दलीय राजनीति नगर्न र कार्यक्षेत्रमा नागरिकले औंला उठाउने हर्कत नगर्न प्रतिवद्ध हुन प्रेरित गर्ने ।
• न्यायक्षेत्रको सम्वेदनशीलताको पक्षबाट गरिने नागरिक शिक्षाको थालनी गर्ने ।
कतार विश्वकप: सेमिफाइनल खेल मंगलबारबाट
Tags: No Comments
मकवानपुर । २२ औं संस्करणको फिफा विश्वकप फुटबल अन्तरगत सेमिफाइनल खेल मंगलबारबाट हुने भएको छ । आइतबार राति भएको अन्तिम क्वार्टरफाइनल खेलबाट फ्रान्स विजयी भए पछि सेमिफाइनल समीकरण पूरा भएको हो ।
कतारमा जारी विश्वकपमा यसपालि साविक विजेता फ्रान्स, साविक उपविजेता क्रोएसिया, अर्जेन्टिना र मोरक्कोले सेमिफाइनलको यात्रा तय गरे ।
कतार विश्वकपको पहिलो सेमिफाइनलमा अर्जेन्टिना र क्रोएसियाको प्रतिस्पर्धा मंगलबार राति १२ः४५ देखि लुसेल स्टेडियममा सुरु हुनेछ । अर्जेन्टिनाले क्वार्टरफाइनलमा नेदरल्याण्ड्सलाई पेनाल्टीमा ४-२ ले हराउँदै सेमिफाइनलको यात्रा गरेको हो । त्यस्तै, क्रोएसियाले ब्राजिललाई पेनाल्टीमै हराएर सेमिफाइनल प्रवेश गरेको हो ।
त्यस्तै, दोस्रो सेमिफाइनल मोरक्को र फ्रान्स बिछ हुनेछ । यी दुई टोलीबीचको सेमिफाइनल भिडन्त बुधबार राति १२ः४५ बजे अल बेत स्टेडियममा सुरु हुनेछ । अन्तिम क्वाटरफाइनलमा इंग्ल्याण्डलाई २-१ ले हराउँदै फ्रान्स सेमिफाइनलमा प्रवेश गरेको हो । शनिबार भएको क्वाटरफाइनल खेलबाट मोरक्को सेमिफाइनल प्रवेश गरेको छ । पोर्चुगललाई १-० ले हराउदै मोरक्को सेमिफाइनल प्रवेश गरेको हो ।