मकवानपुर । मकवानपुर सहितका जिल्लाबाट सहभागी कथाकारहरुकाे सहभागितामा पन्जाबको पिंगलवाडा अमृतसरमा अन्तर्राष्ट्रिय लघुकथा सम्मेलन आयोजना गरिएकाे छ ।
दुई दिवसीय लुघकथा सम्मेलन आइतबारसम्म भएकाे थियाे । मिन्नी कहानी लेखक मञ्च र लोकमञ्च पन्जाबको आयोजनामा भएकाे कार्यक्रममा भारतका विभिन्न राज्य तथा प्रदेश र नेपालबाट सहभागी भएका लघुकथाकारहरूले लघुकथा वाचन गरेका थिए ।
भारतका सुप्रसिद्ध लघुकथाकारहरू डा.बलराम अग्रवाल,डा.अशोक भाटिया,डा.श्यामसुन्दर दीप्ति,डा.नीरज शर्मा, कान्ता राय,अशोक दर्द, जगदीश राय कुलरियाँ राममूरत राही,सन्तोष सुपेकरले लघुकथा सम्बन्धमा मन्तव्य दिएका थिए । वरिष्ठ समीक्षक डाक्टर श्यामसुन्दर दीप्तिले सम्मेलनमा वाचन भएका लघुकथाको समीक्षा गरेका थिए ।
वरिष्ठ लघुकथाकार जगदीश राय कुलरियांको संयोजन तथा नेपालबाट हयाग्रीव आचार्यकाे अध्यक्षता भएकाे सम्मेलनमा नेपालका लघुकथाकार किशन पौडेल, रमेश मोहन अधिकारी, डीबी बर्तौला, माधव पोखरेल, मिथिला अधिकारी,विष्णु प्रसाद गौतमले आ–आफ्ना लघुकथा वाचन गरेका थिए । कार्यक्रममा नेपालबाट साहित्यकार राजबाबु पहाडी, सिताराम दाहाल,अप्सरा पुडासैनीलगायतकाे सहभागिता रहेको थियो ।

मकवानपुर । मकवानपुर हेटौंडामा रही पत्रकारितामा सक्रिय नेपाल पत्रकार महासंघ मकवानपुर शाखा अध्यक्ष मणिराज गौतमकाे पुस्तक “प्रवासका फूलहरु” विमाेचन भएकाे छ । गौतमकाे उक्त पुस्तक आइतबार बेल्जियममा बिमोचन गरिएको हाे ।
अन्तरराष्ट्रिय साहित्य समाज (अनेसास) बेल्जियम च्याप्टरले आयोजना गरेको कार्यक्रममा बेनेलक्सका लागि नेपाली राजदुत गेहेन्द्र राजभन्डारी, एनआरएनए बेल्जियमका अध्यक्ष सीता सापकोटा लगायतकाले पुस्तकको बिमोचन गरेका थिए ।
पुस्तक बिमोचन कार्यक्रममा राजदुत राजभन्डारीले बिदेशमा बस्ने नेपालीहरुका अनुभबलाई देशका नीति निर्माताहरुले बुझ्न सकेमा देश बिकासमा सहयोग पुग्ने बताए । ‘पुस्तक युरोपका नेपालीहरुको दस्ताबेजको रुपमा रहने भएकाले पनि ईतिहास बन्नेछ’ उनले भने ‘पुस्तक मार्फत बिदेशमा रहने नेपालीहरुको प्रतिनिधि भोगाइ अनि सत्य कथाबाट युवा पुस्तालाई सकारात्मक उर्जा प्रदान गर्ने विश्वाश छ ।’
यस्तै एनआरएनए बेल्जियमका अध्यक्ष सीता सापकोटाले बिदेशमा बसोबास गरिरहेका नेपालीहरुले धेरै चुनौतिका बिचमा पनि नेपाली पहिचानलाई निरन्तरता दिने र यसको प्रचार प्रसारका लागि लेखक गौतमले उदाहरणीय काम गरेको बताइन् । सापकाेटाले सबैका आ-आफ्नै भोगाई हुने, ति भाेगाइलाई पुस्तासामु जानकारी दिन पुस्तकले भूमिका खेल्ने बताइन् । नेपाल पत्रकार महासंघ बेल्जियमका अध्यक्ष ओम शर्माले गौतमकाे पुस्तकमा सुन्दर भविश्यको कल्पना गरेर देश छोडेका युरोपका नेपालीहरुका सत्य कथाहरु संकलन गरेको बताए । ‘आफ्नो जनभूमि छोडेर फरक भूगोल संस्कार र संस्कृतिमा आफूलाई स्थापित गर्न नेपालीहरुले युरोपमा गरेका संघर्षका कथाहरु प्रेरणादायी बन्नेछ’ उनले भने ।
अन्तरराष्ट्रीय नेपाली साहित्य समाज केन्द्रिय उपाध्यक्ष डिल्ली अंमाईले गौतमले युरोप भित्रका अधिकतम देशका बिभिन्न पेशा वा सेवामा कार्यरत नेपाली प्रतिनिधिहरुसँग प्रत्यक्ष सम्बाद गरेर प्रकाशन गरेकाे “प्रवासका फूलहरु” पुस्तक अभिलेखका रुपमा रहने भएकाले यसको महत्व उच्च्तम हुने बताए । अनेसास बेल्जियमका महासचिब गोपाल दाहालले निकै संघर्ष गरेर तयार गरिएको पुस्तकले आम नेपालीको कथा बोल्ने बताए ।
यस्तै अनेसास बेल्जियम अध्यक्ष सौरभ कारन्जितले प्रवासका नेपालीहरुको संघर्षको अन्तरकथामा तयार गरिएकाे पुस्तकले युरोपमा नेपालीहरुका दिब्य आशा, उन्मुक्त मनोभाब, उत्तेजना, सफलता-असफलताका कथा र संकल्पहरु समाबेश गरिएको कलात्मक कृतिका रुपमा रहकाे बताए ।
लेखक गौतमले नेपाल बाहिर रहेका असल छोराछोरीका जीवन्त कथा लेखिएको अनुभव सुनाउँदै भने ‘करिब डेढ बर्षको अन्तरालमा पुस्तक तयार गरेर बिदेशी भूमिमा बिमोचन गर्ने अबसर पाएकोमा अनेसास प्रति आभार ब्यक्त गर्दछु ।’ पुस्तकमा युरोपमा रहेका ३९ जना नेपालीहरुको बाल्यकाल,शैक्षिक अबस्था,राजनीति,परिबारिक अबस्था, बैदेशिक संघर्ष लगायतका वास्तविक कथा समावेश गरिएको उनले जानकारी दिए ।
कार्यक्रममा एनआरएनए आइसीसी सदस्य मदन दवाडी, हरी भट्टराई, उपाध्यक्ष कासी दनै, ओेएनएफ बेल्जियमका अध्यक्ष बिनोद न्यौपाने, जन सम्पर्क समिति बेल्जियमका उपसभापती बिराट जोशी लगायतले कृति सफलताको शुभकामना दिए । दुई सय अठासी पेज रहेको पुस्तक अन्तर्वार्तामा आधारित रहेकाे छ ।
पुस्तकमा लेखक संघ केन्द्रिय सदस्य हयागृब आचार्यको भाषा सम्पादन,मकवानपुरे कवि,लेखक सम्प्रस पौडेलको कथा सम्पादन, श्रीराम दहाल र बिना देबकोटाको श्रुति लेखन रहेको छ । प्रकाशन,लेआउट डिजाइन आकृति क्रियसनका राम अबिकासले गरेकाे पुस्तकको बितरकमा किताब घर हेटौंडा रहेको छ ।
मकवानपुर । अनेसास शिखर पुरस्कार–२०८० पत्रकार होम कार्कीलाई प्रदान गरिने भएको छ । अन्तर्राष्ट्रिय नेपाली साहित्य समाज, कतार च्याप्टरले कार्कीलाई अनेसास शिखर पुरस्कार प्रदान गर्ने निर्णय गरेको हो ।
कतारमा सामाजिक संस्था, गैरआवासीय नेपाली संघको स्थापना र साहित्यिक उन्नयनमा उल्लेखनीय योगदान पुर्याएका शिखर वैद्यको स्मृतिमा उक्त पुरस्कार स्थापना गरिएको हो । अन्तर्राष्ट्रिय नेपाली साहित्य समाज, कतार च्याप्टरले गठन गरेको अनेसास शिखर पुरस्कार बोर्ड अफ ट्रस्टीको शनिबार बसेको बैठकले यस वर्षको पुरस्कार कार्कीलाई प्रदान गर्ने निर्णय गरेको आइतबार प्रेस विज्ञप्तिमार्फत जानकारी दिएको हो ।
कार्कीले प्रवास र स्वदेशमै रहेर नेपाली भाषा, साहित्य, पत्रकारिता र श्रमिकको पक्षमा निरन्तर कलम चलाएको उल्लेख गर्दै पुरस्कृत गर्न लागेको जनाएको छ । अनेसास शिखर पुरस्कारको राशी उल्लेख गरिएको छैन ।
मकवानपुर हेटौंडाका स्थायी बासिन्दा कार्की कान्तिपुर दैनिकमा आवद्ध पत्रकार हुन् । खाडी क्षेत्रका श्रमिकलाई केन्द्रविन्दु बनाएर कार्कीले २०७७ साल चैतमा “सनैया” पुस्तक प्रकाशन गरेका छन् ।

अनेसास शिखर पुरस्कार फेसबुक पेजबाट
::::अनेसास शिखर पुरस्कार २०८०को घोषणा :::
आदरणीय सम्पुर्ण साहित्यकार ज्यूहरू नेपाली साहित्यलाई मायागर्नुहुने नेपाली दाजु भाइ तथा दिदीबहिनीहरू पत्रकार साथिहरू अनेसास शिखर पुरस्कारका बोर्ड आफ ट्रस्टी ज्यूहरू सल्लाहकार ज्यूहरू साथै कार्यसमितिका साथिहरू सम्पुर्णमा साहित्यिक नमस्कार !
यो बर्षको “अनेसास शिखर पुरस्कार—२०८०” प्रखर पत्रकार तथा साहित्यकार श्री होम कार्की ज्यूलाई प्रदान गरिएको छ ।
कतारी श्रमिक नेपाली ड्यास्पोरामा नेपाली श्रमिकहरुको आगमनसँगै नेपाल र नेपालीहरुको पहिचान, भाषा, साहित्य, कला संस्कृति, गीत संगीत र सामाजिक क्रियाकलापको सुरुवात भयो । यो नबिनतम सुरुवातसँगै सरल, सहयोगी साहित्यकार स्वर्गीय शिखर बैद्यको ०१ मार्च १९९८ मा कतार प्रबेश भयो । कतारमा कार्यरत नेपालीहरुको प्रतिष्ठा र पहिचानमा वहाँको आगमनले नयाँ आयाम थप्यो । सामाजिक संस्थाको स्थापना, एनआरएनएको स्थापना, साहित्यिक संस्थाको उदय, नेपाली नियोगस“गको समन्वयमा उल्लेख्यनीय भूमिका रह्यो । वहाँको यो सत्कर्मलाई सधै सम्झिरहन अथवा शिखर बैद्यलाई अजरअमर बनाई राख्नको लागि वहाँद्वारा कतारमा स्थापित र गठित अन्तर्राष्ट्रिय नेपाली साहित्य समाज, कतार च्याप्टरले वहाँको सम्मानमा “अनेसास शिखर पुरस्कार” को अवधारणा ल्याएको हो ।
कतार एक अस्थायी ड्यास्पोरा हो । अझ नेपालीहरुको लागि यो प्रवास हो । नेपालीहरु कतारमा स्थायी बसोबासका लागि कोहि आएका हैनन् । यहाको कानूनले पनि यो अनुमति दिएको छैन । तसर्थ कतार पुर्णरुपले ड्यास्पोरा हैन । यहाँ गरिने नेपाली गतिबिधिहरु प्रवासी र रेमिट्यान्स गतिबिधि हो । अनेसास कतार च्याप्टरले प्रवासमा रहेर नेपाली भाषा, संस्कृति, कला, साहित्य, गीतसंगितमा योगदान पुर्याउनु हुने एक ब्यक्तिलाई हरेक बर्ष साहित्यकार स्वर्गीय शिखर बैद्यको जन्म जयन्तिको अवसर पारेर “अनेसास शिखर पुरस्कार” घोषणा गरिने छ ।
यो पुरस्कारको उदेश्य प्रवासमा नेपाली भाषा साहित्य, कला र गीतसंगितमा समर्पित एक उत्कृष्ट श्रष्टालाई हरेक बर्ष पुरस्कृत गर्ने रहेको छ । त्यसैले अहिले हाम्रो छनौटमा पर्नु भएका सबै श्रष्टाहरु आगामी बर्षहरुमा पनि पुरस्कृत हुन सक्नु हुनेछ । तर एक पटक पुरस्कृत भईसकेको श्रष्टा फेरि पुरस्कृत हुने छैन ।
नेपाली पत्रकारीता तथा साहित्यको क्षेत्र बाट कतारको साहित्यमा पुर्याउनु भएको अतुलनीय योगदानको उच्च मुल्यांकन गर्दै यो बर्षको “अनेसास शिखर पुरस्कार—२०८०” प्रखर पत्रकार तथा साहित्यकार होम कार्की ज्यूलाई पुरस्कृत गर्ने निर्णय गरेका छौं ।
हामी वहाँको आगामी साहित्यिक साधना र सफल जीवनको कामना सहित बधाई साथै शुभ कामना ब्यक्त गर्दछौं ।
संयोजक
प्रेम प्रसाद भट्टराई
तथा
अनेसास शिखर पुरस्कार समिति कता
एउटा जरूरी सूचना मेल गर्नु थियो। प्रतापले बिर्सेछ। च्यामबरमा जीएमको गाली खाएर आयो।
-हैट! यो नाथे कम्पनीको काम ! भालुको कन्पट नै भयो।-फतफताएको मैले सुने।
-अलिक कन्सन्ट्रेशन लगाउनुहोस काममा ! मलाई नै भन्नु भएको भए भइ हाल्ने हो । एउटा क्लिक गर्नु त थियो।- मैले भने
प्रतापले मलाई हेर्यो । केही भनेन ।
यो शहरमा कही युवाहरू छन् । जिन्दगी बनाउन आएकाहरु। म छु । प्रताप छ । थुप्रै छन् । वास्तवमा मैले पनि आजसम्म लेखाजोखा नै गर्न सकिन नगरमा जिन्दगी बन्दैछ कि बिग्रिदैछ !
पानी रोकिने नाम गरेको छैन बाहिर । राती अबेर भए अटो भेटिन्न । टोटोरिक्सा रिजब गर्नु पर्छ । झण्डै एघार बज्यो । ढुक्क छु।भोलि अफ् डे हो मेरो । दार्जीलिङ मोडसम्म पुगे ढुक्क हुन्थ्यो मलाई । तर पानी अझ बडेको छ। चट्याङको कारण बिजुली छैन । आजको मौसमले धेरै रेकर्ड तोड्यो ।
प्रतापले नयाँ वाइक किनेको छ । तर मलाई कहिल्यै चडाएन । आधा बाटोसम्म हाम्रो एउटै बाटो हो । तर उसले मलाई कहिले अफर दिएन । आज पनि आश छैन मेरो उमाथि । मदेखि जुनीयर केटा हो प्रताप । एउटा निजी कम्पनीमा एक साथ काम गरेको धेरै भयो । उसको र मेरो काम बिषय माथि मात्र कुरा हुन्छ । अरू म केही जान्दिन उसको बारेमा । केटा राम्रो छ। उ अविवाहित हो।यति थाहा छ।
मध्य रातसम्म पानी रहेन ।
-जौ मसंग !!
म छक्क परे । प्रतापले मलाई भन्यो । म चडे पछितिर । बाइकमा।
आधा घण्टा जस्तो कुदे पछि बाइक एउटा अपार्टमेन्टको पार्किङ स्थलमा रोकियो।
–आज यतै बसौ । भोलि अफ् त छ तपाईको ।-उसले भन्यो । मेरोसँग अर्को अप्सन थिएन।
उसको आलिशान फ्याटको सजावट देखेर म दङ्ग भए। खुसी पनि लाग्यो।
उ निशा हो !- एउटा युवतीको परिचय गरायो प्रतापले ।
उसले सिधै आएर मसँग हात मिलाइ ।
हेलो !!- भनिन्।
आधा मुस्कान थियो उसको मुहारमा । म दङ्ग भए ।
बाथरूम पसेर म फ्रेस भए। टेबलमा खाना तयार भएछ ।
भित्र कोठाबाट मन्द आवाजमा कुनै अंग्रेजी गीतको धुन बजिरहेको थियो । यो क्षण मेरो निम्ति साँच्चै सुमधुर थियो।
खाना खायौ हामीले। आधा रात भाडाको कोठा पुगेर लटरपटर खाना बनाएर खाने मलाई आज मिठो खाना जुर्यो । प्रतापलाई हेरेर मुसुक्क हाँसी दिए । उ पनि हाँस्यो । उनीहरू खासखुस गर्दै थिएँ ।
अहिले गीतको धुन पनि बन्द भयो।रूम फ्रेसरको खै कुन गन्ध हो तर बडो मिठो थियो ।
-गुड नाइट !-प्रतापले भनेर जादै थियो । मैले रोकेर सोधे-तपाई त मेरिड हुनुहुदो रहेछ त !(?)
-हैन नी!-उसले भन्यो।
-के हो त यो?- मैले सोधें।
-लिभिङ रिलेसनसिप!!- उसले भन्यो र ड्याम ढाेका लगायो।
एकक्षण टाउको कनाएको जस्तै गरे ।
यता अर्को कोठाको ढाेका मैले लगाए ।
दार्जिलिङ, भारत