मकवानपुर । बागमती प्रदेशको रसुवा जिल्लामा चिनको तिब्बत क्षेत्रबाट अकास्मात बाढी आएको छ। भोटेकोशी नदीमा अचानक ठूलो बाढी आउँदा टिमुरे भन्सार कार्यालय र स्याफ्रुबेसीमा ठूलो क्षति बताइएको छ ।
रसुवाका सहायक प्रमुख जिल्ला अधिकारी ध्रुवप्रसाद अधिकारीका अनुसार भोटेकोशीमा चिनियाँ क्षेत्रबाट आएको ठूलो बाढीले गोसाइँकुण्ड गाउँपालिका- २ को टिमुरे र वडा ५ को स्याफ्रुबेसीमा धेरै ठूलो क्षति भएको देखिन्छ ।
भन्सार विभागमा के के भयो भन्ने कुरा जानकारीमै आएको छैन। भन्सारमा कार्यरत ७ जना सम्पर्कमा रहेको र अरुसँग सम्पर्क कोशिस जारी रहेको बताइएको छ । त्यहा कति कर्मचारी थिए भन्ने समेत हालसम्म एकिन छैन ।
सहायक सिडियो अधिकारीले तल्लो तटीय क्षेत्रमा पनि खबर गरिसकेको बताउनु भयाे । उहाँका अनुसार नुवाकोट र धादिङलाई पनि खबर गरिदिएको छ। बाढी अकल्पनीय र ठूलो रहेको अधिकारीले बताउनु भयो ।
मुख्मन्त्रीको अपिल
यसै बीच बागमती प्रदेशका मुख्यमन्त्री किरण थापा मगरले आफ्नो सामाजिक सञजाल फेस बुक मार्फत सार्वजनिक अपिल गर्नु भएको छ । उहाँको अपिल यस्तो छ:
मकवानपुर । कानुनको ज्ञान तथा जानकारी कम भएकोले कार्यान्वयनको पाटो पनि कमजोर रहेको बताईएको छ ।
“कानुन निर्माणकै क्रममा नागरिक सहभागीता कम रहेकोले कार्यान्वयनमा समस्या छ” बागमती प्रदेश न्यायधिवक्ता अप्सरा बस्नेतले बताउनुभयो ।
सरकारमा भएको वा नागरिक समाजले भ्रष्टाचार गर्दिन र भ्रष्टाचार हुनै दिन्न भनेर लाग्ने हो भने यसको न्यूनीकरण संभव रहेको बस्नेतले बताउनुभयो। “नीतिगत भ्रस्टाचार, पदीय दुरुपयोग नगर्न सबैको हातेमालो आवश्यक छ” उहाँले भन्नुभयो ।
अन्तर्राष्ट्रिय युवा दिवस २०२६ को सन्दर्भमा गैरसरकारी संस्था महासंघ बागमती प्रदेशको आयोजनामा भएको सुशासन, भ्रष्टाचार नियन्त्रण, निर्वाचन प्रणाली र राजनीतिक तथा शासकीय संयन्त्रमा युवा सहभागिता बिषयक बहसमा यस्तो सवाल उठाईएको हो ।
प्रदेशस्तरीय सुशासन, भ्रष्टाचार नियन्त्रण, निर्वाचन प्रक्रिया र राजनीतिक तथा शासकीय संयन्त्रमा नव युवा सहभागिता बारे गैसस बागमती प्रदेश सचिब नरेश कुमार श्रेष्ठ प्रस्तुति गर्नुभएको थियो ।
बहसको क्रममा मानव अधिकार आयोग बागमती प्रदेश प्रमुख चन्द्रकान्त चापागाईंले मानव अधिकार आयोगले अनुगमन तथा अनुसन्धान कडाई भए पनि कार्यान्वयनको पाटो कमजोर भएको स्वीकार गर्नुभयो ।
आयोगले संस्थागत हिसाबले युवा सशक्तीकरण लक्ष्यित गर्दै कार्यक्रम जारी राखेको बताउनुभयो। “युवा नीतिको कार्यान्वयनको पाटो अनुगमन गरिरहेको छ” चापागाईंले भन्नुभयो “अनुगमन, निगरानी तथा सुझाव दिइरहेका छौ ।”
यसैगरी अभियन्ता अर्पण पराजुलीले कतिपय ब्यक्तिलाई आफूलाई अन्याय भएकै थाहा नहुने पीडादायी अवस्था रहेको बताउनु भयो ।
भ्रष्टाचारमुक्त समाज निर्माण गर्न व्यक्ति व्यक्ति शिक्षित हुनु पर्ने बताउनु भयो । निर्वाचन प्रणाली र प्रक्रियालाई पारदर्शी बनाउन अत्यावश्यक रहेको उहाँले बताउनु भयो ।
“युवाको सहभागीताको सवाल नै जटिल छ” पराजुलीले भन्नुभयो “निर्वाचनमा हुने खर्च नै डरलाग्दो छ ।”
युवालाई राजनीतिमा प्रोत्साहन गर्नु जरुरी रहेको उहाँले बताउनुभयो । युवाले राजनीति बुझ्नु अत्यावश्यक रहेको उहाँले बताउनुभयो । जसले सामाजिक रुपान्तरण र आर्थिक सवलिकरण हुने व्यक्ति छान्ने क्षमता हुनुपर्ने अनुगमन गर्ने प्रणालीमा सुधार आवश्यक रहेकोे उहाँले बताउनु भयो ।
बहसमा युवा बिशब अधिकारीले जति शासकीय प्राणाली प्रविधिमैत्री जति भयो उति नै सुशासन प्रवर्द्धन हुने बताउनुभयो ।
कार्यक्रममा गैसस केन्द्रिय समिती सचिब बुद्धशरण लामा, कार्यवाहक प्रदेश अध्यक्ष कमलकुमार विक, निवर्तमान अध्यक्ष आरती पाठक, जिल्ला अध्यक्ष रमिला सापकोटा, अधिकारकर्मी कुमारी वाइबा, युवा अभियन्ताहरू बिशाल महत, सन्तोष पौडेल, बिनोद सापकोटालगायतले बहसमा प्रश्न राख्नु भएको थियो ।
प्रदेश तहमा वरिष्ठ राजनीतिक नेतृत्व, प्रदेश सरकार, निवाचन आयोग, र जनजी/युवा प्रतिनिधिबीच सोझो, सम्मानजनक र नतिजामुखी संवाद स्थापित गर्ने, सुशासन र भ्रष्टाचार नियन्त्रणसम्बन्धी प्रदेश-विशिष्ट समस्या, अनुभव र सुझावहरू संकलन गर्ने, आगामी स्थानीय तथा प्रदेश निर्वाचन प्रक्रियामा युवाको सहभागिता बढाउने उपायहरू पहिचान गर्ने उदेश्यका साथ प्रदेश स्तरीय अन्तरपुस्ता कार्यक्रम गरेको गैसस प्रदेश समिति कार्यवाहक अध्यक्ष बिकले बताउनुभयो।
मकवानपुर । नेपाली सेनाले मकवानपुरको युवाहरूलाई राष्ट्रिय सेवा दल (एनसीसी) तालिम सुरु गरिएको छ ।
हेटौंडा ५ मा रहेको जेनिथ सेकेण्डरी स्कूलमा आइतबारबाट यो तालीम सुरु गरिएको हो ।
अनुशासन नै राष्ट्र सेवाको मूल जग हो भन्ने आदर्श वाक्य रहेको राष्ट्रिय सेवा दलको मुख्य लक्ष्य युवा वर्गलाई अनुशासित, इमान्दारिता, बफादारिता, राष्ट्र समर्पण र राष्ट्रिय एकताको भावना र नेतृत्व क्षमताको विकास गराउन नेपाली सेनाले यो तालिम सन्चालन गर्दै आएको छ ।
गोरख बहादुर गणका गणपति रबिन्द्र कुमार श्रेष्ठले तालिमको सुरुवात गर्नु भएको हो । जसमा १५ छात्रा र १५ छात्र गरि ३० जना सहभागी छन् ।
विपद्को समयमा उद्धार तथा राहत वितरण कार्यमा समेत स्वयंसेवकको भूमिका निर्वाह गर्न सक्ने दक्ष युवा दस्ता तयार गर्नमा आफूहरू लागिपरेको श्रेष्ठले बताउनुभयो ।
करिब एकसय दिन अवधिमा सिकाइने विविध सैद्वान्तिक कक्षा तथा व्यवहारिक तालिम / अभ्यासहरुले सहभागी युवामा व्यक्तित्व विकास तथा क्षमता अभिवृद्धि गरी असल नागरिक बनाइ राष्ट्र विकासमा सहयोग हुने गणपति श्रेष्ठले बताउनुभयो ।
मकवानपुर जिल्लामा हाल २ वटा एनसीसी जुनियर डिभिजन छन् । जसमा ३० जनाको दरले ६० जना विद्यार्थीले तालिम लिइरहेका छन् ।
आगामी दिनमा अन्य विद्यालयमा थप गर्ने योजना रहेको बताईएको छ । साथै नेपाली सेनाले हालसम्म करिब ९० हजार युवालाई यस किसिमको तालिम प्रदान गरेको जनाइएको छ ।
आईतबार सुरु गरिएको तालिमको उद्घाटन कार्यक्रममा विद्यालयका प्रिन्सिपल, व्यवस्थापन प्रमुख, शिक्षक तथा अभिभावकहरुको उपस्थिति थियो ।
बिहीबार बागमती प्रदेशको मुख्यमन्त्री नियुक्त हुनुभएको किरण थापा मगरको जीवन छोटो चर्चा
मुख्यमन्त्री किरण थापा मगरको जन्म वि.सं. २०३३ साल भदौ १४ गते भक्तपुरको सूर्यविनायक नगरपालिका–८ मा भएको हो। उहाँका पिता भैरवबहादुर थापा मगर र माता ललिता थापा मगर हुनुहुन्छ। सामान्य पारिवारिक पृष्ठभूमिमा जन्मिनुभएका मुख्यमन्त्री थापा मगर वि.सं. २०४७ सालदेखि नै राजनीति तथा सामाजिक सेवामा निरन्तर सक्रिय हुनुहुन्छ। उहाँको शैक्षिक योग्यता आइए तहसम्मको रहेको छ।
राजनीतिक तथा नेतृत्व अनुभव
मुख्यमन्त्री किरण थापा मगर नेकपा (एमाले) को भक्तपुर जिल्ला कमिटी सदस्य हुँदै हाल जिल्ला कमिटी उपाध्यक्षको जिम्मेवारीमा हुनुहुन्छ। उहाँ वि.सं. २०७४ सालमा सूर्यविनायक नगरपालिका–८ को वडाध्यक्षमा निर्वाचित हुनुभएको थियो। वडाध्यक्षको कार्यकालमा उहाँले सूर्यविनायक नगरपालिकाको सामाजिक विकास समितिको संयोजकको जिम्मेवारीसमेत निर्वाह गर्नुभएको थियो। वि.सं. २०७९ सालमा भक्तपुर निर्वाचन क्षेत्र नं. २ (१) बाट प्रदेश सभा सदस्यमा निर्वाचित हुनुभएको हो।
उहाँले वि.सं. २०८१ साल साउन ९ गतेदेखि २०८३ साल असारसम्म बागमती प्रदेशको स्वास्थ्य मन्त्रीका रूपमा दुईपटक जिम्मेवारी सम्हाल्नुभएको थियो। जनप्रतिनिधि तथा मन्त्रीका रूपमा उहाँले स्वास्थ्य, सामाजिक विकास, युवा तथा रोजगारीका क्षेत्रमा सक्रिय भूमिका निर्वाह गर्दै आउनुभएको छ।
सामाजिक सेवा तथा संघसंस्थामा संलग्नता
मुख्यमन्त्री थापा मगर सामाजिक सेवाका क्षेत्रमा लामो समयदेखि सक्रिय हुनुहुन्छ। केदारनाथको शिर डोलेश्वर महादेव मन्दिर संरक्षण समितिमा सचिव, उपाध्यक्ष हुँदै कार्यवाहक अध्यक्षसम्मको जिम्मेवारी सम्हाल्नुभएको उहाँ विभिन्न सामाजिक तथा धार्मिक संस्थामार्फत समुदायसँग निरन्तर जोडिनुभएको छ।
उहाँ नेपाल रेडक्रस सोसाइटीको एस्कर सदस्य हुनुका साथै नेपाल रेडक्रस सोसाइटी सिपाडोल उपशाखाको सभापति पदमा तीन कार्यकाल र नेपाल रेडक्रस सोसाइटी भक्तपुर शाखाको उपसभापति पदमा दुई कार्यकाल रहनुभएको छ। त्यस्तै, नेपाल तेक्वान्दो संघ बागमती प्रदेशको कोषाध्यक्ष, सूर्यविनायक उद्योग वाणिज्य संघको अध्यक्ष तथा विभिन्न खेलकुद र युवा क्लबहरूको संरक्षकका रूपमा समेत उहाँले जिम्मेवारी निर्वाह गर्नुभएको छ।
उहाँ सिपाडोल क्षेत्र परोपकार समाज, सूर्यविनायक नगरपालिका–८, सिपाडोलका संरक्षक तथा आफ्नो घर आश्रम, सूर्यविनायक नगरपालिका–८, सिपाडोलका विशेष संरक्षकका रूपमा सामाजिक सेवामा संलग्न हुनुहुन्छ।
रोजगारी तथा आर्थिक योगदान
निजी व्यवसायमार्फत मुख्यमन्त्री थापा मगरले ५०० भन्दा बढी नेपाली नागरिकलाई प्रत्यक्ष रोजगारीको अवसर उपलब्ध गराइरहनु भएको छ। उहाँ युवा स्वरोजगारका लागि तालिम, सहजीकरण तथा लगानी प्रवर्धनका क्षेत्रमा समेत सक्रिय रहँदै आउनुभएको छ।
वडाध्यक्षका रूपमा कार्यरत रहँदा उहाँले आफूलाई प्राप्त हुने सरकारी भत्ता, पेट्रोल, फोनलगायतका सेवा–सुविधा नलिई सार्वजनिक सेवामा उदाहरण प्रस्तुत गर्नुभएको थियो। वडाबाट प्राप्त सेवा–सुविधाबाट बचत भएको रकमसमेत सामाजिक हितमा प्रयोग गर्दै उहाँले १५ लाख बराबरको अक्षय कोष स्थापना गर्नुभएको थियो। उक्त अक्षय कोष हाल ४० लाख पुगेको छ।
विपद् तथा महामारीका समयमा नेतृत्व
मुख्यमन्त्री थापा मगरले विभिन्न विपद्का समयमा अग्रपंक्तिमा रहेर उद्धार तथा राहत कार्यमा सक्रिय भूमिका निर्वाह गर्नुभएको छ। वि.सं. २०७२ सालको विनाशकारी भूकम्प तथा वि.सं. २०७५ सालको हनुमन्ते बाढीका क्रममा उहाँ उद्धार तथा राहत कार्यमा अग्रपंक्तिमा खटिनुभएको थियो।
कोरोना महामारीका समयमा समेत उहाँले संक्रमित तथा प्रभावित नागरिकको सहयोगमा सक्रिय भूमिका निर्वाह गर्नुभएको थियो। निःशुल्क पीसीआर परीक्षणको व्यवस्था तथा समन्वयमा सक्रिय रहनुभएका उहाँले संक्रमितहरूका लागि घरमै अक्सिजन तथा औषधि पुर्याउने, टोल–टोलमा स्वास्थ्यकर्मी तथा स्वयंसेवक परिचालन गर्ने र १०० शैयाको क्वारेन्टाइन स्थापना गर्ने कार्यमा नेतृत्वदायी भूमिका निर्वाह गर्नुभएको थियो। त्यस्तै, अलपत्र परेका तथा घर फर्किन चाहने श्रमिकहरूका लागि यातायातको व्यवस्थासमेत मिलाउनुभएको थियो।
सामान्य पारिवारिक पृष्ठभूमिबाट सामाजिक सेवा हुँदै सक्रिय राजनीतिमा प्रवेश गर्नुभएका किरण थापा मगरले स्थानीय तहको नेतृत्वदेखि प्रदेश सभा सदस्य तथा प्रदेश सरकारको मन्त्रीसम्मको जिम्मेवारी सम्हाल्दै आउनुभएको छ। जनप्रतिनिधिका रूपमा स्थानीय विकास, सामाजिक सेवा, स्वास्थ्य तथा विपद् व्यवस्थापनका क्षेत्रमा सक्रिय रहनुभएका उहाँले विभिन्न सामाजिक संघसंस्थाको नेतृत्वमार्फत समेत समुदायसँग नजिक रहेर काम गर्दै आउनुभएको छ। राजनीतिक तथा सामाजिक यात्रामा प्राप्त अनुभवलाई प्रदेशको विकास, जनसेवा र सामाजिक रूपान्तरणमा उपयोग गर्ने उहाँको प्रयास निरन्तर रहँदै आएको छ।
७ सदस्यीय मन्त्रिमण्ल बिस्तार, राप्रपा संसदीय दलका नेता उद्धव थापा पार्टी सदस्यसमेत नरहने गरी निष्काशित, कमल थापाको आपत्ति
मकवानपुर । बागमती प्रदेश सरकारको मुख्यमन्त्रीमा नेकपा एमालेका किरण थापा मगर नियुक्त हुनु भएको छ । बागमती प्रदेश प्रमुख दीपक प्रसाद देवकोटाले नेकपा एमाले, नेपाली कम्युनिस्ट पार्टी -नेकपा) र राप्रपाका संसदीय दलका नेताको समर्थनमा थापालाई मुख्यमन्त्री नियुक्त गर्नु भएको हो । नेपालको संविधानको धारा १६८-२) अनुसार थापालाई मुख्यमन्त्रीमा नियुक्त गरिएको हो ।
नियुक्ति लगत्तै प्रदेश प्रमुख दिपक प्रसाद देवकोटाले मुख्यमन्त्री किरण थापा मगरलाई पद तथा गोपनियताको सपथ गराउनु भएको छ । संविधानको धारा १६८ को उपधारा -२) बमोजिम प्रदेश सभामा प्रतिनिधित्व गर्ने दुई वा दुईभन्दा बढी दलको समर्थनमा बहुमत प्राप्त गर्न सक्ने प्रदेश सभा सदस्यलाई ४ भदौ बिहीबार अपराह्न ४ बजेसम्म मुख्यमन्त्रीमा नियुक्तिका लागि दाबी पेस आव्हान गर्नु भएको थियो । बुधबार दाबी पेश गरिए अनुसार नै थापा नियुक्त हुनु भएको हो । १०४ जना सभासद रहेको बागमतीमा थापाले तीन दलका ६३ जनाको समर्थनमा बुधबार दाबी पेस गरेका थियो ।
सपथ ग्रहण कार्यक्रम बागमती प्रदेश उपसभामुख अप्सरा चापागाइ, प्रथम मुख्यमन्त्री डारमणि पोेडेल, प्रदेश प्रमुख सचिव कमल प्रसाद भट्टराई, पुर्व मुख्यमन्त्री शालिकराम जमर्कटेल, प्रदेश सभा सचिव रामकुमार पौडेल, प्रदेश महान्यायाधिवक्ता अप्सरा बस्नेत, नेकपा एमाले प्रदेश इन्चार्ज महेष बस्नेत, नेकपा एमाले बागमती प्रदेश संसदीय दलका नेता जगनाथ थपलिया, सुरक्षा निकायका प्रदेश स्तरिय प्रमुखहरु, सुरक्षा निकायका जिल्ला प्रमुखहरुको उपस्थिति रहेको थियो ।
प्रदेमा नेकपाबाट सरल सहयात्री पौडेल आर्थिक मामिला तथा योजना मन्त्री, नेकपा एमालेबाट भरत केसी भौतिक तथा पुर्बाधार मन्त्री र ज्ञान बहादुर तामाङ विना विभागिय मन्त्री, राष्ट्रिय प्रजातन्त्र पार्टी -राप्रपा) बाट राजु विष्ट खानेपानी, उर्जा तथा सिंचाइ मन्त्री, राजेन्द्र प्रजापति उधोग पर्यटन श्रम तथा रोजगार मन्त्री, गिरबहादुर तामाङलाई स्वास्थ्य तथा सामाजिक विकास मन्त्रीमा नियुक्त भइ सपथ लिएका छन् ।
नयाँ सरकार गठनमा राप्रपाको समर्थनलाई लिएर राप्रपाभित्र पनि विवाद भएको छ । राप्रपा संसदीय दलका नेता उद्धव थापालाई राप्रपाले पार्टी सदस्यसमेत नरहने गरी निष्काशन गरिसकेको छ। पार्टीको केन्द्रीय निर्देशनबीना प्रदेश संसदीय दलबाट गरिएको निर्णय पार्टीको आधिकारिक निर्णय नभएको भन्दै केन्द्रले असहमति जनाएको थियो। यद्यपि राप्रपाले आफ्नो समर्थन यथावत रहेको बताएको छ ।
राप्रपाले प्रदेशमा कुनै दललाई समर्थन गर्ने निर्णय नभएको स्पष्ट पार्दै राप्रपा केन्द्रले बुधवार नै प्रदेश प्रमुख देवकोटालाई पत्र पठाएको थियो। प्रदेश प्रमुख कार्यालयले भने आज विज्ञप्ति जारी गर्दै मुख्यमन्त्रीको नियुक्ति र शपथ कार्यक्रम तय गरेको जानकारी गराएको थियो।
२०७४ मंसिरदेखि दोस्रो कार्यकालको अन्तिम वर्षसम्म आइपुग्दा बागमती प्रदेश सभाको पहिलो कार्यकालमा एमालेबाट २०७४ मा डोरमणि पौडेल, ०७८ मा अष्टलक्ष्मी शाक्य, एमाले विभाजनपछि बनेको तत्कालीन नेकपा (एकीकृत समाजवादी) बाट ०७८ सालमा नै राजेन्द्रप्रसाद पाण्डे मुख्यमन्त्री भए। दोस्रो कार्यकालमा ०७९ मा तत्कालीन नेकपा माओवादी केन्द्रबाट शालिकराम जम्कट्टेल, कांग्रेसबाट ०८१ मा बहादुर सिंह लामा, कांग्रेसबाटै ०८२ मा इन्द्रबहादुर बानियाँ मुख्यमन्त्री भएका हुन्।
राप्रपा भित्र किचलो
नयाँ सरकार गठनमा राप्रपाको समर्थनलाई लिएर राप्रपाभित्र भने विवाद भएको छ । राप्रपा संसदीय दलका नेता उद्धव थापालाई राप्रपाले पार्टी सदस्यसमेत नरहने गरी निष्काशन गरिसकेको छ।
पार्टीको केन्द्रीय निर्देशनबीना प्रदेश संसदीय दलबाट गरिएको निर्णय पार्टीको आधिकारिक निर्णय नभएको भन्दै केन्द्रले असहमति जनाएको थियो। यद्यपि राप्रपाले आफ्नो समर्थन यथावत रहेको बताएको छ । राप्रपाले प्रदेशमा कुनै दललाई समर्थन गर्ने निर्णय नभएको स्पष्ट पार्दै राप्रपा केन्द्रले बुधवार नै प्रदेश प्रमुख देवकोटालाई पत्र पठाएको थियो।
यता राष्ट्रिय प्रजातन्त्र पार्टी -राप्रपा)का नेता कमल थापाले बागमती प्रदेश सभाका सदस्य एवं संसदीय दलका नेता उद्धव थापालाई गरिएको कारबाहीप्रति आपत्ति जनाएका छन् । बिहीबार बसेको राप्रपाको कार्यसम्पादन समितिको बैठकपछि सञ्चारकर्मीसँग कुरा गर्दै नेता थापाले उद्धव थापालाई जबरजस्ती कारबाही गरेको भन्दै असहमति रहेको बताउनु भयो ।
संसदीय दलका नेता उद्धव थापामाथि गरिएको कारबाहीको निर्णय पार्टीको विधि, विधान र पद्धति विपरीत हतारमा र जबरजस्ती लादिएको कमल थापाले बताउनु भयो ।
æविस्तृत रुपले छानबिन गरी विगतमा भएका त्रुटि र कमजोरीलाई समेत सच्याउँदै अध्ययन गरेर समिति बनाएर अध्ययन गरौं र त्यो समितिको प्रतिवेदन अनुसार जे जस्तो निर्णय गर्नुपर्छ गरौं भनेर हामीले आग्रह गर्यौं उहाँले भन्नुभयो । यसै सवालमा आफू लगायत केही नेताहरूले उक्त निर्णयको विपक्षमा लिखित रूपमै फरक मत दर्ता गराएको कमल थापाले जानकारी दिनुभयो ।
‘हामी केहीले नोट अफ डिसेन्ट राखेका छौ’ उहाँले भन्नुभयो । नेता थापाले विगतका अभ्यास, पार्टी विधान र कमजोरीहरूको समग्र अध्ययन गर्न पहिले एक निष्पक्ष छानबिन समिति गठन गर्नुपर्ने बताउनु भयो । पार्टी नै संकटमा रहेको अवस्थामा हैकमवादी शैलीले पार्टी संगठन थप ध्वस्त हुने उहाँले बताउनु भयो ।