मकवानपुर / जल उत्पन्न प्रकोप जोखिम न्यूनिकरण तथा व्यवस्थापन सम्बन्धी प्रदेश स्तरीय सुझाव संकलन कार्यक्रम हेटौंडामा सम्पन्न भएको छ ।
जल उत्पन्न प्रकोप जोखिम न्यूनिकरण तथा व्यवस्थापनको लागि तयारी पारिएको प्रशिक्षण पुस्तिकामाथी सुझाव संकलन गरिएको हो । प्रदेशको सरोकारवालाहरूसंग राष्ट्रिय सिंचाइ जल उपभोक्ता महासंघ नेपालले प्रकाशन गरेको प्रशिक्षण हाते पुस्तक माथी छलफल तथा सुझाव संकलन गरिएको हो ।
कार्यक्रममा उर्जा खानेपानी तथा सिचाइ मन्त्रालयका सचीव मोहन शाक्यले किसानले अपनत्व गर्नेगरी कार्यक्रम बनाउन र सोही अनुसारको प्रशिक्षण सामग्री बनाउन आग्रह गरे । प्रकोपबाट सबैभन्दा बढी पीडित किसानहरू नै हुने भएकोले यसले तल्लो तहको किसानले पनि राहत पाउने अपेक्षा आफूले गरेको शाक्यले बताए । सिचाइ तथा नहर निर्माणकार्य गर्दा भविश्यमा आईपर्ने जोखिम बारे पनि सचेत गराउन शाक्यले आग्रह गरे ।
कार्यक्रममा सिचाइ महाशाखा प्रमुख नवराज अवस्थिले स्थानीयको समस्यालाई सम्बोधन हुनेगरी सिपको बिकास गर्न ध्यान दिनुपर्ने बताए । प्रकोपको कारण, यसबाट उब्जने समस्या समाधानको उपाय, बिद्यमान जल,जमिनको अवस्था बारे पनि जानकारी चाहिने आन्तरिक मामिला तथा कानुन मन्त्रालयका उपसचिव नारायणप्रसाद पोख्रेलले बताए । यसैगरी किसानलाई नहर, सिचाइको थोरै प्रयोगबाट धेरै फाइदा लिने सीप ज्ञानबारे पनि जानकारी समेट्न उपसचिव पोख्रेलले बताए ।
स्थानीय स्तरमा हुने प्रकोपबाट बच्ने उपाय, प्रकोपको लेखाजोखा गर्ने विधि, तथ्यांक संकलनको तरिका बारे प्रशिक्षणमा जानकारी गराइने बिषयबस्तु समाबेश गरिएको राष्ट्रिय सिंचाइ जल उपभोक्ता महासंघका सामाजिक परिचालक पुण्यप्रसाद सुबेदीले बताए ।
बिपद व्यवस्थापन चक्र, बिपद जोखिम व्यवस्थापन र विपद व्यवस्थापन चरणवद्व कार्य, रणनीतिक योजनाको प्राथमिकताहरू, बिषयगत अवधारणाहरू, प्रकोप संकटासन्न तथा क्षमता लेखाजोखा सबन्धी अवधारणा तथा औजारहरू बारे जानकारी दिने गरि स्थानीय तहमा प्रशिक्षण गराइने महासंघका सामाजिक परिचालक पुण्यप्रसाद सुबेदीले बताए । तालिमपछि स्थानीय स्तरको किसानहरूले जल उत्पन्न प्रकोप नियन्त्रण समस्या र समाधान बारे सीप हासिल गर्ने अपेक्षा गरिएको छ ।
स्थानीय क्षेत्रको समस्या र चुनौतीलाई सम्बोधन गर्ने गरि काम सुरु गरेको महासंघको प्रदेश कोषाध्यक्ष हेमलाल उप्रेतीले बताए । युएसएआडी र तायर नेपालको सहयोगमा प्रदेश स्तरीय छलफल गरिएको हो । कार्यक्रम महासंघका बागमती प्रदेश अध्यक्ष रघुनाथ महर्जनको अध्यक्षतामा भएको थियो ।
‘पाथीभरा महोत्सव एवं कोटीहोम महायज्ञ’ हुने
Tags: No Comments
मकवानपुर । हेटाैडामा रहेकाे पाथिभरा मन्दिरमा ‘पाथीभरा महोत्सव एवं कोटीहोम महायज्ञ’ हुने भएकाे छ । हेटौंडा-१ भैरवडाँडा स्थित धार्मीक पयर्टकीय स्थल पाथीभरा मन्दिरमा ‘पाथीभरा महोत्सव एवं कोटिहोम महायज्ञ’ हुने पाथीभरा मन्दिर संरक्षण समितिले जनाएको छ ।
फागुन २६ गते विहीबार अष्टमी तिथिबाट पाथीभर मन्दिरमा हुने कोटीहोम महायज्ञको तयारी अन्तिम अवस्थामा पुगेको समितिले जनाएको छ । मंगलबार मन्दिर परिसरमा पत्रकार सम्मेलनको आयोजना गरी मन्दिरका संस्थापक पुजारी भरत प्रसाद लम्सालले शान्तीका लागि विहीबारबाट २०७९ साल बैशाख १ गतेसम्म कोटिहोम गर्न लागिएको जानकारी दिए । पुजारी लम्सालले मन्दिर स्थापना भएदेखिनै वर्षेनी कोटीहोम यज्ञ गर्दै आएकोमा यस वर्ष भने बृहत रुपमा महायज्ञको तयारी गरिएको बताए ।
धार्मीक पर्यटकीय स्थलको रुपमा विकास हुँदै आएको पाथीभरामा हुने कोटीहोममा हरेक दिन बिहान हवन,दिउँसो कथा वाचन र साँझमा पितृमोक्ष आरती तथा भजन किर्तन हुने आयोजकले जनाएको छ । मन्दिर समितिका सचिव शालिकराम पुडासैनीले कोटीहोम महायज्ञ विशेष पूजाआजा गर्ने भक्तजनलाई समेटिएर आयोजना गर्न लागिएको बताए । उनले कोटीहोमका लागि कसैसँगै सहयोगको माग नगरिएको र महायज्ञमा स्वतः स्फुर्त सहयोग गर्न चाहनेलाई सहयोग गर्न दिईने जानकारी गराए ।
महायज्ञमा देशको विभिन्न मन्दिरहरुबाट दुई दर्जन गुरुहरुलाई निमन्त्रणा गरिएको समितिले जनाएको छ । महायज्ञमा दैनिक सयौ श्रद्धालुभक्तजनले अवलोकन गर्ने अनुमान रहेको छ । कोटिहोमले शान्ति, मानव कल्याण,सुस्वास्थ्य तथा पितृ उद्धार हुने पृथ्वीमा बसोवास गर्ने सवै प्रकारका प्राणीहरुका लागि वातावरण स्वस्थ हुने पनि विश्वास रहेको छ ।
प्रगतिशील साहित्यको वर्तमान अवस्थामा अन्तर्क्रिया
Tags: No Comments
मकवानपुर । मकवानपुरकाे हेटाैडामा प्रगतिशील साहित्यको वर्तमान अवस्था विषयमा अन्तरक्रिया तथा कविता वाचन भएकाे छ । प्रगतिशील लेखक सङ्घ मकवानपुर र पारिजात स्मृति केन्द्र काठमाडौकाे आयोजनामा कार्यक्रम भएकाे हाे ।
अन्तर्क्रियामा प्रगतिशील साहित्यकाे विषयमा प्राध्यापक केशब सिलवालले कार्यपत्र प्रस्तुत गरेका थिए । कार्यपत्रमाथि मकवानपुरका प्रगतिशील कविद्वय सुवाष खनाल र पुरुपाेत्तम आचार्यले टिप्पणी गरेका थिए । प्रगतिशील लेखक संघ मकवानपुर सचिव चिरञ्जीवी लामिछानेले स्वागत गरेकाे कार्यक्रममा सर्जक संजाल मकवानपुरका निमेष निखिलले शुभकामना मन्तव्य व्यक्त गरेका थिए ।
प्राध्यापक तथा समालाेचक घनश्याम घिमिरे तथा व्यङ्ग्य कवि आरसी रिजालले समेत कार्यपत्रमाथि आफ्नाे भनाई राखेका थिए । कार्यपत्र प्रस्तुती तथा साे माथिकाे टिप्पणीकाे कार्यक्रम पछी कार्यक्रम कवीहरुले कविता वाचन गरेका थिए ।
प्रलेस मकवानपुरकी अध्यक्ष शान्ती प्रीयवन्दनाकाे सभाध्यक्ष तथा पारिजात स्मृति केन्द्रका महासचिव मातृका पाेखरेलकाे विशेष आतिथ्यतामा भएकाे थियाे । कार्यक्रममा व्यङ्ग्यकार आरसी रिजाल, साहित्य सगम मकवानपुर अध्यक्ष निमेश निखिलऽ साहित्यकार मुक्ति गाेबिन्द वैद्यलगायतकाे आतिथ्यता रहेकाे थियाे ।
सञ्चारिका समूह मकवानपुरद्वारा सेनिटरी प्याड वितरण सुरु
Tags: No Comments
मकवानपुर/ सञ्चारिका समूह नेपाल मकवानपुर शाखाले महिला पत्रकारहरुका लागि निःशुल्क स्यानेटरी प्याड वितरण सुरु गरेको छ ।
११२ औं नारी दिवसको अवसरमा सञ्चारिका समूह मकवानपुरले ८ मार्चबाट प्याड वितरण सुरु गरेको जिल्ला अध्यक्ष सम्झना रिजालले बताइन् । दिवसको अवसरमा समूहले मैत्रीपूर्ण फुटसल खेल तथा प्याड वितरण कार्यक्रम गरेको हो । समूहले महिल पत्रकारलाई फिल्डमा शसक्त भएका काम गर्न सहजता प्रदान होस् भनेर यस्तो कार्यको थालनी गरेको रिजालले बताइन् ।
फुटसल खेलको समान तथा सेनिटरी प्याड वितरण कार्यको सुरुवात गर्दै हेटौंडा उपमहानगरपालिकाकी उपमेयर मीनाकुमारी लामाले महिलाहरुको नेतृत्व र शसक्तिकरणका लागि राजनीतिक दलहरुले नै अग्रसरता देखाउनु पर्ने बताइन् ।

उनले दलहरुले अहिले महिला नेतृत्वलाई अघि आउने अवसर नै नदिएको भन्दै संविधानमा नै व्यवस्था भएको ३३ प्रतिशत महिला सहभागिता नै सुनिश्चित नभएको बताइन् । महिलाहरुलाई सधै दोस्रो पदमा मात्र राख्दै आएको तितो यथार्थका विरुद्ध आगमी दिनमा संघर्ष गर्नुपर्ने लामाले बताइन् । महिला पत्रकारहरुले सुरु गरेको प्याड वितरण कार्यक्रमलाई अझै प्रभावकारी बनाउन सहयोग गर्ने लामाले प्रतिवद्धता समेत व्यक्त गरिन् ।

कार्यक्रममा पत्रकार महासंघ बागमती प्रदेश उपाध्यक्ष सम्झना कार्की, पत्रकार महासंघ मकवानपुर अध्यक्ष मणिराज गौतम, उपाध्यक्ष धु्रव अधिकारी, सञ्चारिका समूह बागमती प्रदेश अध्यक्ष सरिता दाहाललगायतले महिला र पुरुषको साथ र सहकार्यले मात्रै समानताको कार्यान्वन संभव भएको बताएका थिए ।
‘महिलाकाे सवाललाई साझा रुपमा स्वीकाराैं’
Tags: No Comments
मकवानपुर । महिलाको सवाललाई साझा सवालको रुपमा स्वीकार्न पूर्व राज्य मन्त्री जुनेली श्रेष्ठले अनुरोध गरेकी छन् । महिलाको विषय भनेर पुरुषहरुले बेवास्ता गर्ने हो भने यसको असर पुरुषहरुलाई पनि प्रत्यक्ष रुपमा पर्ने बताइन् ।
११२ औं अन्तराष्ट्रिय महिला दिवसको अवसरमा बागमती प्रदेश सभा सदस्य श्रेष्ठले यस्तो बताएकी हुन् । प्रदेश सभा सदस्य एवम् सामाजिक विकास पुर्व राज्यमन्त्री श्रेष्ठले आफू मन्त्रालयको जिम्मेवारीमा हुँदा महिलाको सवालमा धेरै काम गरेको स्मरण गराइन् ।
अन्तराष्ट्रिय महिला दिवसको अवसरमा ‘लैंगिक समानता सामाजिक समावेसिकरण नीति विषयक’ अन्तर संवाद कार्यक्रममा उनले भनिन् ‘हामीले धेरै राम्रा कामहरु घान हालेर आएका थियौ, ति काम कहाँ पुग्यो थाहा छैन ।’
डेभलपमेन्ट एक्स्चेन्ज सेन्टर (डेक नेपाल) र मानव अधिकार संरक्षण तथा मानव बेचबिखन विरुद्धको संजाल मकवानपुरको संयुक्त आयोजनामा भएको थियो । कार्यक्रममा पूर्वराज्य मन्त्री श्रेष्ठले अझै पनि समाजमा महिला हिंसाको समस्याहरु रहेको बताईन् । उनले आफूले सधै महिला हकहितको सुनश्चिताको लागि राजनीतिमा महिला सहभागिता,सामाजिक क्षेत्रमा महिलाहरुको समानुपातिक सहभागिता लागि सधै बहस उठाईरहेको बताएकी थिइन् ।
मानव अधिकार,महिला अधिकार तथा महिला हिंसा विरुद्धको अभियानमा निरन्तर सक्रिय श्रेष्ठले बागमती प्रदेशको राज्यमन्त्रीको ४९ दिनको जिम्मेवारी लिँदा महिला तथा बालबालिकाको लागि विभिन्न कार्यक्रम तयार पारिरहेको तर राजनीतिक घटनाक्रमको कारण जिम्मेवार मुक्त हुँदा काम अपुरै रहेको बताईन् । बागमती प्रदेश सरकारले ४ वर्ष बित्दा पनि महिला,बालबालिका,यौनिक तथा लैङ्गिक अल्पसंख्यक समुदायकोे लागि कुनै पनि नीति निर्माण गर्न नसकेकोमा उनले गुनासो गरिन् ।
नीति तथा कार्ययोजना नबन्दा अझै पनि हिंसाका घटनाहरु उत्तिकै रहेको उनले जिकिर गरिन् । उनले आफू नीति निमार्ण गर्ने स्थानमा पुग्दा पहिलो प्राथमिकता बालबालिकाको हकहित,विकास तथा संरक्षणको लागि नीति तथा बजेट छुट्याएर काम गर्ने तयारी अवस्थामा रहँदा सरकारको जिम्मेवारीबाट पद मुक्त हुँदा काम अपुरो रहेको दुःख व्यक्त गरिन् ।
महिला हकहित अधिकारको लागि महिलानै राजनीतिमा आउनुपर्ने उनले बताईन् । उनले राजनीतिक क्षेत्रमा महिला अघि नबढेसम्म महिला हकहित तथा संरक्षणको नीति निर्माण हुन नसक्ने दाबी गरिन् । उनले जुनसुकै रानीतिक पार्टीमा आस्था राख्ने भएपनि महिलाले महिलालाईनै सहयोग गर्नुपर्ने बताईन् । उनले भोलि ८ मार्च अन्तरराष्ट्रिय महिला दिवसको कार्यक्रम भव्यताको साथ मनाउन समेत अनुरोध गरिन् ।

यसैगरि,कार्यक्रममा इन्सेक बागमतीका कार्यकारी निर्देशक विजयराज गौतमले हिंसा सम्बन्धी हुने अपराधमा ६० प्रतिशत महिला हिंसा सम्बन्धी अपराध हुने गरेको बताए । उनले आफुहरु पनि महिला हिंसा विरुद्धकै अभियानमा साथ रहेको बताउँदै मानव अधिकार तथा संरक्षणमा लागि इन्सेक सदैव साथमा रहिरहेको र रहने बताए । यस्तै कार्यक्रममा बोल्दै शान्तिका लागि साझा अभियान (कोक्याप) का केन्द्रीय कोषाध्यक्ष अर्जुन ढकालले महिला हक हितका लागि कोक्याप सधै साथमा रहेको रहने प्रतिबद्धता व्यक्त गरे ।
मानव अधिकार संरक्षण तथा मानव बेचबिखन विरुद्धको संजाल मकवानपुरका अध्यक्ष आरती पाठकको अध्यक्षतामा भएको कार्यक्रममा मकवानपुरगढी गाउँपालिकाको उपाध्यक्ष हर्कमाया रुम्बा,मनहरी गाउँपालिकाको उपाध्यक्ष मनिला विष्ट,गैसस महासंघ केन्द्रीय सचिव बुद्धशरण लामा,सदस्य ईन्दिरा न्यौपाने, डेक नेपालका निर्देशक कोपिला डंगोल,संचारिका समूहको बागमती प्रदेश संयोजक सरिता दाहाललगायत विभिन्न संघसंस्थाका प्रतिनिधि,मानव अधिकारकर्मीहरुको सहभागिता रहेको थियो ।
मार्च ८ को सन्दर्भमा जिल्लाको विभिन्न दलहरु, गैरसरकारी संघसंस्थाहरुले महिला हिंसा विरुद्ध सचेतना तथा महिला नीतिबारे बहस तथा अन्तरक्रिया कार्यक्रम गरिरहेका छन् ।
कार्यक्रममा गैसस महासंघको केन्द्रीय सचिव बुद्धशरण लामा र केन्द्रीय सदस्य इन्द्रीरा न्यौपानेलाई सम्मान गरीएको सञ्जालका सचिव जगन्नाथ सुवेदीले बताए । हालै सम्पन्न गैसस महासंघको निर्वाचनमा मकवानपुरबाट प्रतिनिधित्व गर्न सफल भएकोमा उनीहरुलाई सम्मान गरिएको सञ्जाल अधक्ष्य पाठकले बताइन् ।