मकवानपुर। नेपाल कम्युनिष्ट पार्टी (एमाले) मकवानपुरको १२ औं जिल्ला अधिवेशन पार्टी अध्यक्ष केपी शर्मा ओलीले गर्ने भएका छन् ।
एमाले मकवानपुरको जेठ १८ र १९ गते हुने १२ औं जिल्ला अधिवेशनको उद्घाटन गर्न ओली हेटौंडा आउने कार्यक्रम तय भएको मंगलबार पत्रकार सम्मेलन गर्दै आयोजक कमिटीले जानकारी दिएको हो।
जिल्ला अधिबेशनको तयारी अन्तिम चरणमा पुगेको समेत पत्रकार भेटघाटमा बताइएको छ । अधिवेनका लागि विभिन्न समितिहरु गठन गरिएको छ । कुल ७६९ जना अधिवेशन प्रतिनिधिले जिल्ला कमिटीका पदाधिकारी र सदस्यहरु चयन गर्ने एमाले मकवानपुर अध्यक्ष एकालाल श्रेष्ठले जानकारी दिए ।
अधिवेशनमा जिल्लाका १० वटै पालिकाबाट प्रतिनिधि, पर्यवेक्षक र विभिन्न क्षेत्रसंग सम्बन्धित व्यक्तित्व, पार्टीको जनवर्गीय संगठनहरुबाट सहभागीता रहने एमाले मकवानपुरका इन्चार्ज देवि ज्ञवालीले बताए।
अधिवेशनमा मकवानपुर जिल्लाका ११ हजार ६ सय ८४ जना पार्टी सदस्यहरुबाट अधिवेशनको लागि प्रतिनिधि चयन गरिएको एमाले मकवानपुर सचिव नवीन सिग्देलले जानकारी दिए ।
अधिवेशनमा मजदुर, पेशागत जनसंगठन, जेष्ठ कम्युनिष्ट मञ्च, सल्लाहाकार परिषद समेतबाट छानिएर ७ सय ६९ प्रतिनिधीहरुले सहभागीता जनाउने छन् । अधिवेशनले १०५ सदस्यीय जिल्ला कमिटी चयन गर्ने सिग्देलले बताए । त्यसपछि जिल्ला कमिटीले १० प्रतिशत सदस्य मनोनीत गर्नेछ ।
अधिबेशनको लागि दुई सय जना स्वयंसेवक परिचालन गरिनुको साथै १२ वटा समितिहरु बनाई सम्पूर्ण तयारीको काम भईरहेको अध्यक्ष श्रेष्ठले बताए । उद्घाटन सत्रमा पार्टीका केन्द्रीय नेताहरु समेतको सहभागिता रहने बताइएको छ।
मकवानपुर । ५२ औ विश्व वातावरण दिवस २०८१ को अवसरमा हेटौंडा ११ मा रहेका टोल विकास संस्थाहरुको सहभागीता टोल स्तरीय सचेतना मुलक प्रदर्सनी, सम्मान एवम् पुरस्कार वितरण कार्यक्रम गरिएकाे छ ।
यस वडामा रहेकाे २३ वटा टाेल विकास सँस्थाहरुकाे सहभागितामा र्यालि तथा सचेतनामुलक कार्यक्रम गरिएकाे हाे । वडा कार्यालयको आर्थिक सहयोगमा टोल विकास संस्था वडा समन्वय समितिको आयोजनामा कार्यक्रम भएको हो । सहिद स्मारककाे प्रवेशद्वारबाट सुरु भएको सचेतना मुलक र्याली हेटौंडा ११ मा रहेको बिपन्न बचत तथा ऋण सहकारी परिसरमा पगेर पुरस्कार वितरण कार्यक्रममा परिणत भएको टाेल विकास संस्था नगरसमन्वय समितीका उपमहासचिव देवकुमार श्रेष्ठले जानकारी दिए ।
टोल विकास संस्था वडा समन्वय समितिका अध्यक्ष यज्ञबहादुर आचार्यको सभाध्यक्षता भएको कार्यक्रममा उप मेयर राजेश बानियाँ वडा अध्यक्ष जुना दहाल, नगरसमन्वय समितीका अध्यक्ष धुर्वप्रसाद अधिकारी, सचिव चन्द्रवती पनेरु, वडा सदस्य गोपिनी सापकोटा, विकास नेपाल, सन्जय बिडारी, गिता सुनार, सामाजिक विकास महाशाखा अधिकृत गोपिनी गौतम, वातावरण ईन्जिनियर चन्दा खड्कालगायतका संघ संस्था एवं टोल विकास संस्थाहरुको उपस्थिति रहेकाे थियाे ।
कार्यकमा सिमलटार टोल विकास संस्था प्रथम,शान्ति चोक टोल विकास संस्था द्वतीय, झोलुङ्गेपुल टोल विकास संस्था तृतीय, र्योदय टोल विकास संस्था र लालिगुरास टोल विकास संस्था सान्त्वना भएका थिए । उनीहरुलाई प्रमाण पत्र र क्रमश : ७ हजार, ५ हजार, ३ हजार र २/२ हजार नगद प्रदान गरिएकाे थियाे ।
यसैगरी कार्यक्रमा कृषि दूध उत्पादनमा टेवा पुर्याउने मधुसुदन अर्याल, शेषराज रिमाल, पुर्णकुमारी बस्नेत, रमेश बर्तौला र निरज गौत्तमलाई पनि नगद २/२ हजार सहित सम्मान पत्र प्रदान गरिएको उपमहासचिव श्रेष्ठले जानकारी दिए ।
मकवानपुर । बागमती प्रदेशको मन्त्रालयहरुमा अपाङ्गता मैत्री संरचना नहुदा अपाङ्गता भएकाहरुले समस्या झेल्नु परेकाे बताइएकाे छ । प्रदेशको मन्त्रालय भवन, शौचालय, सुचना पाटी आदीमा अपाङ्ता भएकाहरुलाई समस्या हुने गरेकोले छ ।
अपाङ्गता भएकाहरुलाई स्वास्थ्य सेवा लिनको लागि विभिन्न जाटीलटा हुने गरेकोले प्रत्येक प्रादेशिक अस्पतालहरुमा दोभाषेको अनिवार्य व्यवस्था गरिनुपर्ने माग समेत गरिएको छ । यसैगरी अपाङ्गता भएका व्यक्तिहरुको सहायक सामग्री बारे आवश्यक तथ्याङ्क संकलन गरी प्रादेशिक अस्पतालहरुबाट उत्पादन गरी स्थानीय तहबाट वितरण गरिनु पर्ने माग गरिएको छ ।
अपाङ्गता भएका व्यक्तिहरुद्वारा निर्मित सामग्रीहरु प्रदेश तथा स्थानीय तहले नै बजाजिकरण गरिदिनु पर्ने, अपाङ्गताको अवस्था हेरि विविधता र क्षमताको आधारमा स्थानीय तहमा हुने कृयाकलाप सकरात्मक अबलम्बन गर्दै रोजगारमा समावेश गराउनु पर्ने, अपाङ्ता भएका व्यक्तिहरुलाई थेरापी सेवाहरु सर्व सुलभ बनाउन घुम्ति शिविरहरु सञ्चालन गर्नुपर्ने, अतिअशक्त, अटिज्म, बौद्धिक अपाङ्गता भएका ब्यक्तिहरुलगायतका अभिभावकहरुलाई बालबालिकालाई हेरचाह तालिम प्रदान गर्नुपर्ने माग गरिएको छ ।
स्थानीय सरकार संचालन ऐन २०७४ को दफा ११ उपदफा (त) अनुसार अपाङ्गता भएको व्यक्तिहरुको तथ्याङ्कलाई व्यवस्थित गर्दै अभिमुखिकरण गर्न सवै स्थानीय तहले अनलाईन डाटा ईन्ट्री गर्नेको लागि पहुचयुक्त बनाउनको लागि प्रदेश सरकारले अपन्त्व लिनु पर्ने माग गरिएको छ ।
अटिजम,वौद्धिक र श्रवणदृष्ट्रिविहिन,मनोसामाजिक अपाङ्कता भएका व्यक्तिको प्रारम्भिक पहिचान गर्ने कार्यक्रम तथा सचेतना कार्यक्रमहरू सञ्चालन गरिनुपर्ने, अतिअशक्त,अटिज्म,बौद्धिक अपाङ्गता भएका ब्यक्तिहरुलगायतका अभिभावकहरुलाई आÇना बालबालिकालाई हेरचाह तालिमहरु सरकारी तथा निर्माण क्षेत्रमा काम गर्न प्राविधिकहरुलाई पहुँचयुक्त सम्बन्धि तालिम आवश्यक भएको बताइएको छ ।
अपाङ्ताको कारणले निरन्तर औषधी सेवन गर्नुपर्ने औषधिहरू र हेमोफेलीयाबाट प्रभावित व्यक्तिहरूलाई एन्टी हेमोफेलिक फ्यक्टर नि:शुल्क स्वास्थ्य संस्थाहरूबाट उपलब्ध गराईनु पर्ने माग गरिएको छ । आर्थिक वर्ष २०८१–०८२ कार्यक्रममा अपाङ्गता भएका व्यक्तिहरुको सवाल समावेशको लागि सरकारी निकायसंग छलफल बैठकमा यस्तो माग गरिएको हो ।
बागमती प्रदेश संस्थागत उपलब्धि नीति तथा कार्यक्रममा अपाङ्गता भएकाहरुको साझा अपेक्षा, प्रतिवद्धता, भुमिका तथा हालसम्मको वहस पैरवीपछि प्राप्त उपलब्धिहरुमाथि छलफल गरिएको अपाङग महासंघ बागमती प्रदेश व्यवस्थापक सिता मल्ल ठकुरीले बताइन् ।
बागमती प्रदेश सरकारले अपाङ्गता भएका व्यक्तिको अधिकार सम्बन्धी महासन्धीको धारा ९ र राष्ट्रिय मापदण्डलाई टेकेर खासै कामहरू नभएको पाइएको बताइएको थियो । प्रदेश सरकारका धेरैजसो सरकारी निकायहरू आफै पनि पहुँचयुक्त नभएको कार्यक्रममा छलफल गरिएको थियो ।
विपद् व्यवस्थापन, न्यूनिकरण, राहत, उद्दारलगायतका विषयमा कामहरू गर्दा, सूचना तथा जानकारी दिँदा, तालिम वा अभिमुखीकरणहरू दिँदा हालसम्म अपाङ्गताका सवालहरू समेटेर अपाङ्गतालाई नै लक्षित गरेर कुनै काम नभएको गुनासो गरिएको थियो ।
अपाङगता भएका व्यक्तिहरुको खण्डिकृत तथ्याङ् कुनै पनि मन्त्रालयहरुमा छैन, पहुँचयुक्त सूचना तथा सञ्चारसँग जोडिएका कतिपय विषयहरू जस्तै सार्वजनिक सूचनाहरूलाई विभिन्न वैकल्पिक ढाँचा (जस्तै ब्रेल, अडियो, अडियोभिजुअल, सांकेतिक भाषा, चित्रात्मक विधि, क्याप्सनिङ, स्पर्श संकेत) मा उत्पादन र संप्रेषण गर्नुपर्ने विषयमा भने मन्त्रालयले खासै काम नगरेको मल्लले बताइन् ।
कार्यक्रममा प्रदेशको सामाजिक विकास मन्त्रालय, कृषि मन्त्रालय, प्रदेशको नीति तथा योजना आयोग, हेटौंडा उपमहानगरपालिका, राष्ट्रिय अपाङग महासंघ केन्द्रीय समिति, प्रदेश समितिलगायतका प्रतिनिधिहरुको उपस्थिती रहेको थियो ।
मकवानपुर । हातेमालो बचत तथा ऋण सहकारी संस्था हेटौंडा २ ले १८ औं स्थापना दिवसको अबसरमा २ जेठदेखि १४ सम्म सेयर सदस्य लक्ष्यित विभिन्न सिर्जनात्मक तथा रचनात्मक कार्यक्रम गरि स्थापना दिवस रुपमा मनाएको छ ।
सहकारीले वार्षिक उत्सव कार्यक्रम अन्तरगत सेल्फ मेक अप कार्यक्रम, साँचो जीवन निर्माण अभियान कार्यक्रम, भान्सा सुधार तथा स्वस्थ्य रहने तरिका बारे कार्यक्रम, आर्थिक बर्ष २०८०/ २०८१ को प्रगति समिक्षा तथा आगामी वर्षको योजना तर्जुमा गोष्ठी, असल बचत कर्ता र असल ऋणी सदस्यहरु बिच अन्तर्कृया जस्ता कार्यक्रम गरिएकाे सचिव सिताराम दाहालले बताए ।
यसैगरी हातेमालो साकोसको १८ औं स्थापना दिवस र गणतन्त्र दिवसको सन्दर्भमा बागमती प्रदेश स्वास्थ मन्त्रालय , जु रे स मकवानपुर ,र सन्चो अस्पतालको प्राबिधिक सहयोगमा स्वास्थ्य परिक्षण गरि तथा रक्तदान कार्यक्रम गरेकाे थियाे । यसैगरी वेदविद्यालय हेटौंडा १० लाई आर्थिक सहयोग, सहकारी संस्था परिसरमा दिप प्रज्वलन कार्यक्रम समापन गरिएकाे दाहालले बताए ।
सहकारीकाे सप्ताहव्यापि कार्यक्रमहरुमा प्रदेश सरकारका स्वास्थ मन्त्री रामेश्वर श्रेष्ठ , बागमती प्रदेश सहकारी विकास बोर्ड कार्यकारी उपाध्यक्ष नारायण देवकोटा , हेटौंडा २ का वाडध्यक्ष बिष्णु गोपाल महर्जन , जिल्ला बचत संघका अध्यक्ष कल्पना श्रेष्ठ , हेउमनपा सहकारी महाशाखा प्रमुख हिम पौडेल , नेप्सकुन फिल्ड कार्यालय प्रमुख बिदुर खड्का तथा विभिन्न कार्यक्रमका प्रशिक्षक, सहभागी, कर्मचारी, समिति उपसमितिकाे सहभागीता तथा सुझाव प्राप्त भएकाे सचिव दाहालले बताए ।
अनलाईन बाल सुरक्षाबारे सचेत बनाैं
Tags: No Comments
मकवानपुर । बालबालिकाहरुलाई अनलाइन सुरक्षा प्रदान गर्न अभिभावकदेखि विद्यालय, समुदाय र जनप्रतिनिधिहरुले ध्यान दिनुपर्ने बताइएको छ ।
बालबालिकाहरुको मनमा के बितिरहेको छ ? उनीहरु समस्यामा छन् कि ? अनलाइनमा मात्रै रमाउन चाहने र सामाजिक सम्बन्धमा वास्ता नगर्ने बानीमाथि अभिभावकहरुले शंका गर्नुपर्ने हो की ? यसतर्फ ध्यान दिनु जरुरी भएको सिविन बाल हेल्प लाइन सिविन काठमाडौका परियोजना ब्यवस्थापक माधव लोहनीले ध्यानाकर्षण गराएका हुन् ।
सिविन बाल हेल्प लाइन मकवानपुरको आयोजनामा भएको अनलाइन सुरक्षा, पहिचान, रिपोर्टिङ तथा सामुदायिक योजनाहरुको प्रगती समीक्षा कार्यक्रममा सहभागीहरुले बालबालिकाहरुलाई अनलाइनबाट ज्ञान हासिल गर्न रोक्न नहुने तर अनलाइनमा के कस्ता भिडियो, हेरिरहेका छन् भन्नेमा निगरानी राख्नु पर्नेमा मत राखे ।
कार्यक्रममा बाल संरक्षण गृह, अभिभावकहरु, बालक्लबका प्रतिनिधिहरु, जनप्रतिनिधिहरु, शिक्षकहरु समेतको उपस्थितीमा अनलाइन बाल सुरक्षाबारे कार्यक्रम गरिएको थियो ।
जथाभावि व्यक्तिलाई अनलाइनमा साथी बनाउँदा बालबालिकामाथि विभिन्न दुरुपयोग हुने संभावना रहन्छन् । बालबालिकालाई अश्लिल फोटो तथा भिडियो सामाजिक संजालमा शेयर गर्ने धम्क्याएर पैसा असुल्ने, मेसेन्जरमा अश्लिल म्यासेज, फोटो पठाउने, धम्क्याउने, डरत्रास देखाउने, पीडितको सामाजिक संजालको पासवर्ड परिवर्तन गरेर वा ह्यक गरेर जथाभावी कुरा वा अश्लिल फोटो पोष्ट गरिदिने जस्ता कारण बालबालिकाहरुमा असर पुर्याउन सक्ने लाेहनीले बताए ।
यसैगरी पीडितको सामाजिक संजालको फेक अकाउण्ट खोलेर जथाभावी कुरा पोष्ट गरिदिने, अफ लाइनमा गरेको यौन हिंसा तथा शोषणका घटनाको फोटो वा भिडियो खिचेर अनलाइनमा ल्याउने धम्की दिने वा अपलोड गरिदिने, पीडितको अनुहारलाई नाङ्गो फोटोसँग जोडी अनलाइनमा ल्याउने धम्की दिने वा अपलोड गरिदिने जस्ता कार्य हुनसक्छन् ।
बालबालिका अनलाइन यौन शोषणमा परेपछि विद्यालय छोड्न बाध्य गरेको छ र उनीहरूको दैनिक जीवन तथा मानसिक स्वास्थ्यमा समेत असर परेको छ सिविन बाल हेल्प लाइन मकवानपुरका प्रबन्धक झविन्द्र ज्ञावलीले बताए ।
धेरै जसो बालबालिकाहरु रातको समयमा अनलाइन बसेर पीडकको फन्दामा पर्ने गरेको ज्ञावलीले बताए । बालबालिकालाई उचित डिजिटल शिक्षा प्रदान गर्नुपर्ने उनले बताए । बालबालिका भविष्यमा सुसूचित र जिम्मेवार नागरिक बनाउन अभिभावक र विद्यालयले नै बढी ध्यान दिनु पर्ने लोहनीले बताए ।
शिक्षकहरु, अभिभावकलाई यस विषयमा स्थानीय सरकार मार्फत अविभावक तथा शिक्षक र व्यवस्थापन समितिलाई सचेतना अभियान मार्फत जानकार गराउनु पर्ने उनले बताए ।
अनलाइन बालयौन शोषणबाट बालबालिकालाई जोगाउन के गर्नेः
स्थानीय तहले
नागरिक समुदायलाई स्थानीय वडाहरूबाट अनलाइन बाल संरक्षणसम्बन्धी सचेतना मुलक स्टीकर, पर्चा पोष्टरमार्फत जनचेतना फैलाउने ।
सम्बन्धित वडा मार्फत नगरपालिका भित्र रहेका सबै सामुदायिक एवं निजी आवासिय विद्यालयहरूले अनलाइन बालसंरक्षणको विषयमा आ–आफ्नो विद्यालयमा बालबालिकाहरूलाई अभिमुखीकरण गर्नका लागि निर्देश गर्ने ।
आफ्नो वेभसाइटमा अनलाइन बालसंरक्षणको विषयलाई प्राथमिकताका साथ राखेर अनलाइन संरक्षणको विषयलाई सबैको चासोको विषय बनाउने ।
स्थानीय तहले अनलाइन बालसंरक्षणको विषयमा आफ्नो भूगोल भित्र अध्ययन अनुसन्धान गर्ने ।
पालिका स्तरीय अनलाइन बालसंरक्षण नीति बनाएर लागू गर्ने।
अनलाइनबाट पीडित भएका बालवालिकाको लागि कानूनी सहायता तथा संरक्षणका लागि नजिकको प्रहरी वा बाल हेल्पलाइन (१०९८) सँग समन्वय गर्ने ।
शैक्षिक संघ संस्थाहरुले
कम्प्युटर कक्षाहरूमा इन्टरनेट अनलाइनको सुरक्षा विषय समावेश गर्ने ।
विद्यालय बालमा बालसंरक्षण तथा सुरक्षा नीतिमा अनलाइन सुरक्षाको विषय समावेश गरी यो नीतिको पूर्ण पालना गर्ने ।
विद्यालयमा अनलाइन दुव्र्येवहार बारेको सूचना गर्ने सयन्त्रको विकास गर्ने ।
बाल हेल्पलाइन नेपाल १०९८ जस्ता बालसरक्षणका संयन्त्रहरूसँग सहकार्य र समन्वय बढाउने ।
अभिभावक, विद्यालय व्यवस्थापन र शिक्षकहरुबीच अनलाइन सुरक्षाबारे सचेतना फैलाउने वातावरण मिलाउने ।