मकवानपुर । बागमती प्रदेशका मुख्यमन्त्री बहादुर सिंह लामा संयुक्त अरब इमिरेट्सको (युएई) को दुवई प्रस्थान गरेका छन् । उनले आफ्नाे अनुपस्थितिमा कृषि तथा पशुपन्छी विकास मन्त्री प्रकाश श्रेष्ठलाई कार्यवाहक मुख्यमन्त्रीको जिम्मेवारी दिएका छन् ।
विश्व सरकार सम्मेलन–२०२५ मा सहभागी हुन मुख्यमन्त्री लामा ३० माघमा दुवई प्रस्थान गरेकाे हुन् । मुख्यमन्त्री लामाकाे सिफारिसमा प्रदेश प्रमुख दीपक प्रसाद देवकोटाले कृषि तथा पशुपन्छी विकास मन्त्री श्रेष्ठलाई कार्यवाहक मुख्यमन्त्री तोकेका हुन् । ३० माघ बुधबारदेखि मन्त्री श्रेष्ठलाई कार्यवाहक मुख्यमन्त्री तोकिएकाे प्रदेश प्रमुखकाे पत्रमा उल्लेख गरिएकाे ।
मुख्यमन्त्री तथा मन्त्री परिषद् कार्यालयका अनुसार लामा ३ फागुनमा स्वदेश फर्किने कार्यक्रम रहेको छ ।

