मकवानपुर/बागमती प्रदेशको वर्षे अधिवेशन सकिएको भोलीपल्ट अर्थात आज शुक्रबार प्रदेश प्रमुख विष्णुप्रसाद प्रसाईले दुई वटा विधेयक प्रमाणिकरण गरेका छन् ।

प्रदेश प्रमुख प्रसाईले प्रदेश सभा बैठकबाट पारित भई आएको प्रदेशमा आर्थिक कार्यविधि ऐन २०७४ लाई संशोधन गर्न बनेको विधेयक २०७७ र वातावरण संरक्षण सम्बन्धमा व्यवस्था गर्न बनेको विधेयक २०७७ प्रमाणिकरण गरेका हुन् ।
प्रदेश प्रमुख प्रसाईले नेपालको संविधानको धारा २०१ को उपधारा २ को अधिकार प्रयोग गरी प्रदेश सभाबाट पारित भई आएको ती दुई विधेयकलाई प्रमाणिकरण गरेको बागमती प्रदेश प्रमुख कार्यालयका कानुन अधिकृत राजेश तामाङले जानकारी दिए ।
कानुन अधिकृत तामाङका अनुसार दुबै विधेयक गत साउन ५ र ६ गते बसेको प्रदेश सभाको बैठकमा पारित भई आएको थियो ।
