मकवानपुर । बागमती प्रदेश सभा बैठक जेठ १३ गते शुक्रबार (भोलि) बस्ने भएको छ । प्रदेश सभा भवन हेटौंडामा बस्ने बैठकमा ५ वटा अध्यादेश पेश हुने कार्यसुची रहेको छ ।
विभूषण सिफारिस तथा सम्मान र पदक सम्बन्धी ऐन २०७६ लाई संशोधन गर्न बनेको अध्यादेश, मदन भण्डारी स्वास्थ्य विज्ञान प्रतिष्ठान ऐन २०७६ लाई संशोधन गर्न बनेको अध्यादेश, प्रदेश युवा परिषद ऐन २०७६ लाई संशोधन गर्न बनेको अध्यादेश पेश हुने भएका छन् । यसै गरि प्रदेश निजामती सेवा अध्यादेश २०७८ र स्थानीय सेवा (गठन तथा सञ्चालन) अध्यादेश २०७८ पनि संसदमा पेश हुने भएको प्रदेश सभा सचिवालयले जानकारी दिएको छ ।
यी अध्यादेशहरु संसद संचालन नभएको समयमा प्रदेश सरकारले ल्याएको थियो ।
