चितवन। चितवनकाे माडी नगरपालिका वडा नम्बर ६ मा नेकपा एमाले विजयी भएकाे छ । माडी नगरपालिकामा एमालेले पहिलो वडा अध्यक्षमा जित हासिल गरेकाे छ ।
वडा नं. ६ को वडाध्यक्षमा नेकपा (एमाले) का उम्मेदवार दीपेन्द्रराज पौडेल ८ सय ६१ मत प्राप्त गरी निर्वाचित हुँदा उनकाे निकटतम प्रतिष्पर्धी नेपाली काँग्रेसका यमनाथ सुवेदी (रामु) ले ८ सय ३९ मत प्राप्त गर्दै पराजित भएका छन् । लामो समयसम्म शिक्षण सेवामा संलग्न पौडेलले एमालेबाट वडाध्यक्षको टिकट पाएसंगै शिक्षण पेशाबाट राजिनामा दिएका थिए ।
माडीमा अब वडा नम्बर ५ को मतगणना बाकी रहेकाे छ । गणना भएका वडा मध्ये माओवादी केन्द्रले ३, राप्रपाले २, एकीकृत समाजबादीले २ र एमालेले १ वटा वडा जितेका छन् ।

