मकवानपुर । मानव अधिकार संगठन बागमती प्रदेश कार्यालयले यौन हिंसा सम्बन्धि अन्तरसंवाद कार्यक्रम गरेको छ ।
राष्ट्रिय मानव अधिकार आयोग बागमती प्रदेश प्रमुख यज्ञ अधिकारीको प्रमुख आतिथ्यमा भएको कार्यक्रममा लैङ्गक हिंसा अन्तरगत यौन हिंसा सम्बन्धि अन्तरसंवाद गरिएको थियो । लैङ्गिक हिंसा विरुद्ध १६ दिने अभियानको सन्दर्भमा अन्तरसंवाद गरिएको हो ।
मानव अधिकार संगठन बागमती प्रदेश प्रमुख अप्सरा बस्नेतको अध्यक्षतामा भएको कार्यक्रममा महिला बालबालिका तथा ज्येष्ठ नागरिक सेवा केन्द्र मकवानपुरको प्रहरी निरीक्षक चुडाकुमारी खड्का, मानव अधिकार संगठन मकवानपुर संस्थापक अध्यक्ष कृष्णप्रसाद दाहाल, वरिष्ठ अधिवक्ता केशवप्रसाद काफ्ले, नागरिक समाज मन्च संयोजक रमिला सापकोटा, माइती नेपाल मकवानपुर फिल्ड सुपरभाइजर, मन लामा, इन्द्रबहादुर मानव अधिकार स्मृति कोष अध्यक्ष बिजेन्द्र अग्रवाललगायतले यौन हिंसा को सवालमा बढ्दो चुनौति तथा समस्या बारे चर्चा गरेका थिए ।
कार्यक्रममा डिएलए मकवानपुर अध्यक्ष कृष्णप्रसाद भण्डारी,अधिवक्ता आर के मैनाली, इन्सेक बागमती प्रदेश प्रतिनिधि, सानाहातहरू नेपालको प्रतिनिधिलगायतको उपस्थिति रहेको कार्यक्रम संयोजक सर्मिला श्रेष्ठले बताइन् ।

