पुष्पा नेपाल सुवेदी
उदाए तिमीले बिहानी बनेर ।
म फुल्ने छु तिम्रो जवानी बनेर ।
सफरमा तिमी साथ छौ जिन्दगीको,
रहोस् प्रेमगाढा निशानी बनेर ।
भयौ फेरि टाढा छ पर्खाइ मेरो,
दुखेको छु आफैं कहानी बनेर ।
रुँदैछन् यी आँखा सधैँ सम्झनामा,
बिना मूल्य भो आँसु पानी बनेर ।
रुवाएर जस्ले दियो चोटघाउ.
उहीँ बस्छ आँखाको नानी बनेर ।
ईलाम
गीता ढुङ्गाना (फुयाँल)
१.
निरोगी मन घाइते बनाइ मुटु भित्रै बस्ने भयौ
यता आश्वासन दिलाएर अन्तै चित्र कस्ने भयौ
चर्किएको आलो घाउमा नुनको बर्षा छर्किएर
आँखा छली थाहै नदी सर्पले झै डस्ने भयौ ।
२.
यो मन भित्र जति नै पीडा भएपनी बाच्नु पर्दो रहेछ
खुशीका आँशु आउदो दुःखका लागी साच्नु पर्दो रहेछ
कहीले घाँमपानी त कहीले आँधी-हुरीको यो जिन्दगी
भाग्य खोटो हुदा एक्लो जिवन पनि काट्नु पर्दो रहेछ ।
३.
मेरो यो दील भित्र खास भयौ तिमी
संगै मर्ने संगै बाच्ने आश भयौ तिमी
छोडी गयौ भने खै कसरी बाचुला र ?
चम्कीरहने तारा जस्तै रात भयौ तिमी ।
४.
तिम्रो दीलको वरिपरी घुमीरहन देउ है मलाइ
हर साझ हर बिहान चुमीरहन देउ है मलाइ
बाचुन्जेल खुशी हुने हो प्यारा मरेपछी के नै छ र
मेरै नाममा चल्ने त्यो धड्कन सुनीरहन देउ है मलाइ ।
५.
लाग्छ सधै प्यासमात्र पानीले नमेटिने
मन भित्रका तरंगहरु जवानीले नमेटिने
नदी तर्दा डुङ्गा संगै सारथी नै भेटे पनि
मनको लड्डु मनमै हुने सिरानी नमेटिने ।
काठमाडौँ
मकवानपुर । झरना साहित्यिक परिवार मकवानपुरकाे २७१ औं साहित्य शृङ्खला सिक्किमकाे गान्ताेकमा आयाेजना गरिएकाे छ ।
सिक्किमेली “चिया कविता” नामक संस्थासँगकाे सहकार्यमा आयाेजित कार्यक्रममा सिक्किमेली तथा झसापका भ्रमण टाेलीमा सहभागी दर्जन बढी कवि साहित्यकारहरूले कविता विधाका रचना वाचन गरेका थिए ।
सिक्किममा रहेर नेपाली भाषा तथा साहित्यकाे उन्नयन तथा सिर्जनामा साधनारत जीविका “अश्रु”, तेजमान बराइली एवम् “चिया कविता” समूहका संयाेजक प्रवीण खालिङलाई आयाेजना सहकार्यकाे वातावरण निर्माणमा सहयाेग गरेकाेले झरना परिवारले धन्यवाद तथा आभार व्यक्त गरेकाे छ ।
कार्यक्रममा मकवानपुरे नेपाली कविहरू आँचल साहित्य कला पुञ्ज मकवानपुरकी सचिव भावना सापकाेटा, झसापका उपाध्यक्ष चिरञ्जीवी लामिछाने, संस्मरण एवम् नियात्राकार अप्सरा पुडासैनी, प्रलेस मकवानपुरकी अध्यक्ष शान्तिप्रिय वन्दना, प्रलेस नेपालका केन्द्रीय पार्सद सुवास खनाल, झसाप सल्लाहकारहरू जनार्दन खनाल, संस्थापक अध्यक्ष एवम् सल्लाहकार रमेशमाेहन अधिकारी, झसाप अध्यक्ष दीपक गाैतम लगायत उपस्थिति रहेकाे झसाप अध्यक्ष दीपक गाैतम बताए ।
यसै गरी सिक्किमेली नेपाली कविहरू दीपा राई, राधा पाण्डे, लुइस बिष्ट, सिक्किम गजल मञ्चकी संस्थापक अध्यक्ष जीविका ‘अश्रु, अग्रज कवि प्रवीण राई ‘जुमेली’, प्राध्यापक तेजमान बराइली, चिया कविता समूहका संयाेजक प्रवीण खालिङ लगायत उपस्थिति रहेकाे थियाे ।
नेपाली साहित्य परिषद्, सिक्किमलाई साहित्यिक कार्यक्रम तथा पर्यटन अवलाेकन तथा अन्तरक्रियाकाे अवसरका निम्ति झसाप अध्यक्ष गाैतमले विशेष आभार व्यक्त गरेका छन् ।
शम्भु प्रसाद भट्टराई
पत्याउन गाह्रो भयो मानिसको कुरा ।
सानो ठूलो जोसुकै होस् चलाउँछन् छुरा।
मनभित्र यौटा कुरा बाहिर छ अर्को
अभिमत बाझ्नै हुन्न पसिहाल्छन् धुरा।
चरित्रको कुरा छोडौँ पैसा भयो ठूलो
बोटै सके नपुगेर चाट्न थाले पुरा।
राजनीतिले कल्याण बिर्स्यो वैश्विक छ चाला
नेतृत्वको सहारा भो आमोद प्रमोद सुरा।
सम्बन्धले रूप फेर्यो हार्दिकता बिर्स्यो
स्वार्थ मिल्न छाडेपछि बन्छ काँचको चुरा।
बिराटनगर, माेरङ

मखमली फुल ओईलिन्छ भाई,घर फर्की चाँडो आउ
गरिब दिदीको कमजोर मनलाई,कहिले नि नदुखाउ
घरको धन्दाले बाँधिएको हुन्छु सधैं,उम्किनै पाउदिन
अघिपछि भन्ने उस्तै हुन्छ बाबू! तिहारमा भेट्ने दाउ।
खोटाङ

सबैतिर खुसियाली छाएको समाचार होस
आहा! दशैं भन्दा पनि रमाइलो तिहार होस
सकिँदैन कसैले केही लिन र दिन पनि कहिले
केवल दिदीबैनीको हात,दाजुभाइको निधार होस ।
भरतपुर चितवन

सधैं भरी ऋणको भार परदेशी लाई
छैनकेही रमाउने आधार परदेशी लाई
गाउँ घर छोडेर परदेशी हुनु परेको छ
बिरानो ठाउँमा दशैं न तिहार परदेशी लाई ।।
धनगढी कैलाली

दाइ आउछा भन्दै दिन गुनी बसेकी होउली
देउसी भैलोका गीत सुनी बसेकी होउली
एस्तै हुदो रहिछ अर्कको नुन पानी खाए पछि
यो साल नि आइन मख्मली फुलबुनी बसेकी होउली ।
सिरानचोक ३ गोरखा

सबको मन झिलिमिली बत्ति झैँ बनोस् शुभकामना
माइती चेलीको सम्बन्ध प्रगाढ होस् शुभकामना
धनकी देवी लक्ष्मीमाताको कृपाले यो तिहारमा
सबले आँटे अनि सोचेको सबै पुगोस् शुभकामना ।
सोलुखुम्बु

माइती जाँदा मैले लगाएका फूलले पनि मलाइ भुले होलान्
आजसम्म त ती फूलहरू पक्कै ढकमक्क भएर फुले होलान्
भनेको बेला फ्याट्ट निस्कन नपाई घरमै अलमलमा परे म !
उता माइतमा सङ्गी देउसी भैलो खेल्न गाउँमा डुले होलान् ।
चन्द्रागिरि, काठमाडौँ