मकवानपुर । नेपालमा पछिल्लो २४ घण्टामा ६ हजार ६ सय ३६ जना काेराेना संक्रमणमुक्त भएका छन् ।
यसैगरी ३ हजार ४ सय ७९ जनामा काेराेना संक्रमण पुष्टि भएको स्वास्थ्य तथा जनसंख्या मन्त्रालयले जनाएकाे छ । मन्त्रालयका अनुसार १० हजार ४ सय ७१ पीसीआर परीक्षणबाट ३ हजार २४ र ३ हजार २ सय ६२ एन्टिजेन परीक्षणमा ४ सय ५५ जना गरी ३ हजार ४ सय ७९ जनामा संक्रमण पुष्टि भएको हो ।
यस्तै पछिल्लो २४ घण्टामा थप ९९ जना संक्रमितका मृत्यु भएको छ । यो संगै नेपालमा कोरोनाबाट मृत्यु हुनेको संख्या ७ हजार ८ सय ९८ पुगेको छ ।
मकवानपुरमा थप ८४ जनामा कोरोना भाइरस संक्रमण पुष्टि
मकवानपुरमा थप ८४ जनामा कोरोना भाइरस संक्रमण पुष्टि भएको छ ।
१ सय ५७ जनमा पिसिआर र ९० जनामा एन्टीजेन परीक्षणमा थप ८४ जनामा कोरोना पुष्टि भएको हो ।यो संगै मकवानपुरमा हालसम्म कोरोना पुष्टि हुनेको संख्या ९ हजार ३ सय ३१ पुगेको छ ।
यस्तै मकवानपुरमा पछिल्लो २४ घण्टामा थप १ सय ८३ जनाले कोरोना संक्रमण मुक्त भएका छन् ।होम आइसोलेसनबाट १ सय ५० जना र संस्थागत आइसोलेसनबाट ३३ जना गरी थप १ सय ८३ जनाले कोरोना मुक्त भएका हुन् । यो संगै जिल्लामा कोरोना मुक्त हुनेकाे संख्या ७ हजार १ सय ९३ पुगेको स्वास्थ्य कार्यलय मकवानपुरले जनाएको छ ।
यसैगरी मकवानपुरमा कोरोना भाइरस संक्रमण पुष्टि भएका थप ३ जनाको मृत्यु भएको छ ।
हेटौंडा अस्पतालमा उपचारको क्रममा थप ३ जना संक्रमितको मृत्यु भएको हो । मृत्यु हुनेमा जिल्ला भित्रका २ जना र जिल्ला बाहिरका १ जना रहेका छन् ।
मकवानपुर । विश्व वातावरण दिवसकाे अवसर पारेर हेटाैडामा ‘फोटोग्राफी कन्टेस्ट’ कार्यक्रम भएकाे छ । हेटौंँडा ४ मा रहेको नवोदय शिशु सदन विद्यालयमा ‘नवोदय फोटोग्राफी कन्टेस्ट’ कार्यक्रम शनिबार सम्पन्न भएको हाे ।
विश्व वातावरण दिवसको अवसरमा आयोजना गरिएकाे भर्चुअल फोटोग्राफी कन्टेस्टमा ५२ जना प्रतियाेगीले सहभागिता जनाएकोमा रोनश उप्रेती प्रथम भएका छन् भने सुम्निमा राई द्वितीय भएकी छिन् ।
‘सिए (क्रियटिभ आर्ट)’ शिक्षकको समन्वयमा भएको कार्यक्रममा प्रमुख अतिथि रहेका हेटौंडा उपमहानगरपालिका प्रशासन महाशाखा प्रमुख रामकृष्ण थापाले हावा र पानी स्वच्छ सफा भएमा मात्र मानिस स्वस्थ्य रहनेमा जोड दिए । ‘विद्यार्थीको प्रतिभाको प्रस्फोटन यसरी वातावारणसँग जोडिएर गराएकोमा तारिफ योग्य छ ।’ उनले भने –‘वातावरण स्वच्छ राख्नलाई कुरा मात्र होइन काम पनि गर्नुपर्दछ । जुन काम आज नवोदयले गरेको छ । ’
३० प्रतिशत फेसबुक लाइक, ३० प्रतिशत भोटिङ र ४० प्रतिशत निर्णायकको आधारमा नतिजा तयार पारिएको विद्यालयका शिक्षक इशाक राईले जानकारी दिए ।
वातावरण प्रदूषण हुदाँ प्रकृतिसँगै मानिसलाई कस्तो असर पु¥याउँछ भन्ने विषयलाई विद्यार्थीहरुले नाटकमार्फत प्रस्तुत गरेका थिए । वातावरण दिवसको अवसरमा फोटो प्रदर्शनी, वातावरणसम्बन्धी गीत प्रस्तुत गरेका थिए । विश्व वातावरण दिवसको अवसरमा नवोदय विद्यालयले विविध कार्यक्रम गर्दै आइरहेको छ ।
कार्यक्रममा सिएका शिक्षक प्रलय चौलागाईले धन्यवाद ज्ञापन व्यक्त गरेका थिए ।
केही दिनयता कोरोना परीक्षण दर घटेको पाइएको छ । स्वास्थ्य तथा जनसंख्या मन्त्रालयको पछिल्लो एक साताको तथ्याकं विश्लेषण गर्दा दैनिक सरदर १४ हजार ४ सय ५८ जनाको पीसीआर परीक्षण हुँदै आएको छ ।
गत आइतबारदेखि हिजो शनिबारसम्म कुल १ लाख १ हजार २ सय ८ जनाको पीसीआर विधिबाट कोरोना परीक्षण भएको छ । यसरी हेर्दा दैनिक १४ हजार ४ सय ५८ जनाको पीसीआर परीक्षण भएको देखिन्छ ।
यसअघि, २२ हजार जनासम्मको कोरोना परीक्षण हुने गरेको थियो । देशभरका ९० बढी अस्पताल तथा प्रयोगशालाबाट परीक्षण गरिँदै आए पनि परीक्षण दर केही दिनयता न्यून देखिएको छ ।
नमुना संकलन नै कम भएकाले परीक्षणमा कमी आएको स्वास्थ्य मन्त्रालयका अधिकारी बताउँछन् । जनस्वास्थ्य विज्ञले समुदायस्तरमा निकै न्यून मात्रामा परीक्षण हुने गरेको बताएका छन् । परीक्षण दर कम हुँदा संक्रमित संख्यासमेत घटेको छ ।
मन्त्रालयका प्रवक्ता डा. कृष्णप्रसाद पौडेलका अनुसार केही प्रयोगशाला तथा अस्पतालले परीक्षण ‘रिपोर्टिङ’ नदिँदा पनि संख्या कम देखिएको हो । ‘अस्पताल जानेको संख्या पनि कम हुँदै गएको छ,’ डा.पौडेलले भने, ‘रिपोर्टिङ कम भएर पनि संख्या घटेको हुन सक्छ ।’
स्वास्थ्य मन्त्रालयका अनुसार वीर अस्पताल, गौर अस्पताल, सशस्त्र प्रहरी अस्पताललगायतले हिजो शनिबार कोरोना परीक्षण रिपोर्टिङ नै गरेनन् ।
डा. पौडेलले अस्पतालमा आउनेको संख्यामा पनि कमी भएका जानकारी दिए । पीसीआर परीक्षण घटे पनि एन्टिजेन दायरा बढाइएको मन्त्रालयले जनाएको छ ।
गत आइतबारदेखि हिजो शनिबारसम्म पीसीआर विधिबाट १ लाख १ हजार २ सय ८ र एन्टिजेन विधिबाट २५ हजार १ सय ८५ जनाको कोरोना परीक्षण गरिएको छ । जसमा ३९ हजार ५२ जनामा संक्रमण पुष्टि भएको छ ।
गत आइतबार १० हजार ९ सय ८६ जनाको पीसीआर र १ हजार ४ सय ८४ जनाको एन्टिजेन, सोमबार १५ हजार ५५ जनाको पीसीआर र २ हजार ४ सय २५ जनाको एन्टिजेन विधिबाट परीक्षण गरिएको छ ।
स्वास्थ्य मन्त्रालयका अनुसार गत मंगलबार १७ हजार १ सय ४७ जनाको पीसीआर र ३ हजार १८ जनाको एन्टिजेन, बुधबार १३ हजार ८ सय ५ जनाको पीसीआर र ३ हजार ७३ जनाको एन्टिजेन विधिबाट कोरोना परीक्षण भएको छ ।
गत बिहीबार १८ हजार ५ सय ६२ जनाको पीसीआर र ३ हजार २ सय ११ जनाको एन्टिजेन, शुक्रबार १४ हजार १ सय ८२ जनाको पीसीआर र ६ हजार ६ सय ३१ जनाको एन्टिजेन विधिबाट परीक्षण गरिएको छ ।
यसैबीच, देशभर शनिबार ५ हजार ४२ जनामा संक्रमण देखिएको छ । स्वास्थ्य मन्त्रालयका अनुसार देशभरका प्रयोगशालामा ११ हजार ४ सय ७१ जनाको पीसीआर र ५ हजार ३ सय ४३ जनाको एन्टिजेन परीक्षण गर्दा पीसीआरमार्फत ३ हजार ५ सय ४० जना र एन्टिजेटमार्फत १ हजार ५ सय २ जनामा संक्रमण देखिएको हो ।
त्यस्तै, पछिल्लो २४ घण्टामा देशभर ८ हजार २ सय ४३ जना संक्रमित निको भएका छन् । हालसम्म नेपालमा ४ लाख ८४ हजार ३ सय ७३ संक्रमित निको भएका छन् ।
पछिल्लो २४ घण्टामा देशभर ६८ संक्रमितको मृत्यु भएको छ । योसँगै नेपालमा कोरोनाबाट मृत्यु हुनेको संख्या ७ हजार ७ सय ९९ पुगेको छ । राजधानीबाट
मकवानपुर । आज आइतबार देशका केही स्थानमा हल्का वर्षाको सम्भावना रहेको छ । प्रदेश १ लगायत अन्य प्रदेशका पहाडी भू-भागहरुमा आंशिक देखी सामान्य बदली रहने जल तथा मौसम विज्ञान विभाग, मौसम पूर्वानुमान महाशाखाले जनाएकाे छ ।
अन्य स्थानहरूमा सामान्यतया मौसम सफा रहनेछ भने पहाडी भूभागका थोरै स्थानहरूमा मेघगर्जन/चट्याङ्ग सहित हल्का वर्षाको सम्भावना रहेकोले आवश्यक सतर्कता अपनाउन महाशाखाले अनुरोध छ।
हाल पश्चिमी वायु र स्थानीय वायुको सामान्य प्रभावका कारण आइतबार बिहान प्रदेश १ र कर्णाली प्रदेशमा सामान्य बदली रही बाँकी प्रदेशहरुमा आंशिक बदली रहेको छ। आज दिउँसो प्रदेश १ र अन्य प्रदेशका पहाडी भू–भागहरुमा आंशिकदेखि सामान्य बदली रहे पनि अन्य स्थानहरूमा मौसम सामान्यतया सफा रहनेछ।
यस्तै, राती पहाडी भू–भागहरुमा आंशिकदेखि सामान्य बदली रही अन्य स्थानहरूमा सामान्यतया माैसम सफा रहने छ।
मकवानपुर । नेपालमा पछिल्लो २४ घन्टामा ८ हजार २ सय ४३ जना काेराेना भाइरस संक्रमणमुक्त भएका छन् । याे सँगै हालसम्म ४ लाख ८४ हजार ३ सय ७३ जना काेराेना संक्रमणमुक्त भएकाे स्वास्थ्य तथा जनसंख्या मन्त्रालयले जनाएकाे छ ।
मन्त्रालयका अनुसार सोही अवधिमा ५ हजार ४२ जनामा कोरोना भाइरस संक्रमण पुष्टि भएको छ । ११ हजार ४ सय ७१ पीसीआर र ५ हजार ३ सय ४३ जनाको एन्टीजेन परीक्षण गरिएकाेमा उक्त संख्यामा काेराेना पुष्टि भएकाे हाे । याे सँगै अहिलेसम्म नेपालमा ५ लाख ९८ हजार २ सय ४ जनालाई काेराेना संक्रमण पुष्टि भएको छ ।
निको हुने बढेसँगै सक्रिय संक्रमित संख्या पनि घटेको छ । अहिले ९२ हजार ९ सय २८ संक्रमित आइसोलेसनमा छन् ।
नेपालमा पछिल्लो २४ घन्टामा ६८ जना संक्रमितको मृत्यु भएको छ । यससँगै हालसम्म कोरोनाबाट ज्यान गुमाउनेको संख्या ७ हजार ७९९ जनाको मृत्यु भएको स्वास्थ्य मन्त्रालयले जानकारी दिएकाे छ ।
मकवानपुरमा थप ५ जना काेराेना संक्रमितको मृत्यु
यसै गरी पछिल्लो २४ घण्टामा हेटौंडा अस्पातलमा उपचारत ५ जना संक्रमितको मृत्यु भएको जिल्ला स्वास्थ्य कार्यलय मकवानपुरले जनाएको छ । मृत्यु हुनेमा मकवानपुर भित्रका ३ जना र जिल्ला बाहिरका २ जना रहेका छन् ।
मृत्यु हुनेहरुमा मकवानपुर थाहा नगरपालिकाका-१ का ५५ वर्षीय पुरुष, हेटौंडा उपमहानगरपालिका-४ का ५६ वर्षीय पुरुष, हेटौंडा उपमहानगरपालिका-५ का ७२ वर्षीय पुरुष रहेका छन् ।
यसैगरि बारा जिल्लाका ४२ वर्षीय र सिन्धुीका ६६ वर्षीय पुरुषको पनि हेटाैडा अस्पतालमा उपचारको क्रममा मृत्यु भएको छ । यो संगै मकवानपुरमा मृत्यु हुनेको संख्या १ सय ३ पुगेको स्वास्थ्य कार्यलय मकवानपुरले जनाएको छ ।