आसन्न स्थानीय तहको निर्वाचनको तयारीमा उम्मेदवारहरु अहिले घरदैलोमा व्यस्त छन् । निर्वाचनमा प्रतिनिधिको उम्मेदवार बनेकाहरुसँग प्रतिवद्धता लिन हामीले म बनाउँछु मेरो वडा /पालिका स्तम्भ सुरु गरेका छौ । यसै अन्तरगत हेटौंडा उपमहानगरपालिका वडा ५ मा एमालेबाट वडा सदस्यको उम्मेदवार रञ्जिता सिलवालसँग सोधेका छौं तपाईलाई नै किन जिताउनु पर्ने, वडाको विकासमा तपाईको संकल्प के छ ?
सर्वप्रथमतः अघिल्ला जनप्रतिनिधिहरुले गरेर बाँकी रहेका काम पुरा गर्ने प्रतिवद्धता हामी गर्दछौ । निर्वाचन नजिकिदै गर्दा हामीलाई हाम्रो वडावासीले थप हौसला र उत्साह प्रदान गर्नु भएको । यसको लागि वडावासीलाई यस्तै माया र हौसला भोलीका दिनमा पनि दिनुहोस् भन्न चाहन्छु ।
नेकपा एमालेबाट उम्मेदवार बनेको हाम्रो टीमले वडाको समग्र क्षेत्रको विकास निर्माणको योजनाबारे संकल्प पत्र सार्वजनिक गरिसकेको अवस्था छ । म महिला भएको कारणले पनि वडाको विकासमा विशेषतः महिलाको क्षेत्रमा मेरो ध्यान हुनेछ । महिलालाई सशक्तिकरण गराउने, महिला मैत्री पार्क निर्माण गर्ने वृद्धा महिलाहरुको लागि स्वास्थ्य सेवा, उहाँहरुको सामाजिक सुरक्षाको लागि आवश्यक कार्यहरु गर्नेमा मेरो ध्यान रहने छ । म महिला भएकोले पनि मैले महिलाको धेरै समस्यालाई नजिकबाट देखेको छु, सुनेको छु, भोगेको पनि छु ।
महिलाको नितान्त व्यक्तिगत समस्यालाई साझा समस्याको रुपमा समाधान गर्नेमा मेरो पहल हुने छ । महिलाको सशक्तिकरण, महिला सुरक्षा र महिला नेतृत्वको लागि म लाग्नेछु । महिलाहरुले आफ्नो पीडाहरु भन्नुहुन्न, उहाँहरुको लागि धेरै काम गर्नु छ । स्वास्थ्य समस्या झेलेर बस्ने महिलालाई स्वास्थ्योपचारको लागि काम गर्नुछ । घरैमा बसेर समय बिताउने धेरै महिलाहरु हुनुहुन्छ, जो घर बाहिर निस्कन चाहनुहुन्छ तर अवसुर नहुँदा घरैमा मोवाइल र टीभि हेरेर बस्न बाध्य हुनुहुन्छ । उहाँहरुलाई घर बाहिर ल्याएर स्वरोजगार बन्ने अवसरको खाँचो छ । उहाँहरुको लागि पनि उहाँहरुको सिप विकास गरी क्षमता अनुसारको लघु उद्यमहरुको व्यवस्था हुनु पर्नेछ ।
म प्रतिनिधि भएर आएपछि यस्ता यस्ता काममा पहल गर्ने छु । जसले गर्दा हाम्रो वडाका सबै महिला सशक्त हुनुहोस् र कुनै प्रकारको हिंसाबाट प्रताडित नहुनुहोस् । हामी हाम्रो वडालाई महिलाहिंसा मुक्त वडा बनाईने सपना पनि देखिरहेका छौ । यसका लागि चेतनात्मक तालिम एवम् जागरण अभियान संचालन गरिनेछ ।
महिलासँगै बालबालिकाको लागि खेल्न र रमाउन सक्ने, प्रकृति र कलाले मिश्रित सिर्जनशिल पार्क निर्माण गरिनेछ । वडाबाट प्रदानगरिने सेवाहरुमा बालबालिका सम्बन्धिकामहरु विशेष प्राथमिकता साथ छिटो छरितोरुपमा प्रदान गरिनेछ । यस वडामा विद्यालय जाने उमेर भएका सबै बालबालिकाहरु विद्यालय भर्ना हुने अवस्था सिर्जना गरिनेछ । कक्षा ८ सम्म पढि पढाई छोडेका बालबालिकालाई खुल्ला विद्यालयमा भर्ना गरि एसईई परिक्षा दिने ब्यवस्था गरिनेछ ।
अर्को कुरा म आफूले मात्रै जितेर त्यहाँ पुग्दा मैले बनाएको योजनाहरु लागु नहुन सक्छन्, मेरो मात्रै बलले योजनाहरु पुरा नहुनसक्छन्, यसको लागि टीमकै खाँचो छ । हाम्रो टीम भएमात्रै हामीले चाहेको काम गर्न सक्नेछौ । विगतमा नै देखिएको छ कि वडाको एक वा दुई सदस्यहरुले मात्रै चाहेर समग्र काम गर्न सकिदैन । एमालेको टीम आएमा मात्रै हामीले बनाएका संकल्पहरु पुरा गर्न सक्छौ ।

हाम्रो वडावासीले हामीलाई अवसर दिनुहुने छ भन्ने हाम्रो आशा छ, र आव्हान पनि यहि हो । यो पटकको निर्वाचनमा हाम्रो टीमलाई विजयी गराइदिनुहोला । मसंगै मेरो टीममा रहनु भएका अध्यक्षका उम्मेदवार सुशिल घिमिरे र सदस्यहरु रामबहादुर राई, ज्ञानबहादुर थापा र भगवती बिकलाई जिताइदिनु हुन मेरो अनुरोध छ ।
आसन्न स्थानीय तहको निर्वाचनको तयारीमा उम्मेदवारहरु अहिले घरदैलोमा व्यस्त छन् । निर्वाचनमा प्रतिनिधिको उम्मेदवार बनेकाहरुसँग प्रतिवद्धता लिनको लागि हामीले म बनाउँछु मेरो वडा/पालिका स्तम्भ सुरु गरेका छौ । यसै अन्तरगत हेटौंडा उपमहानगरपालिका वडा ५ मा एमालेबाट वडा सदस्यको उम्मेदवार ज्ञानबहादुर थापासँग सोधेका छौं तपाईलाई नै किन जिताउनु पर्ने, वडाको विकासमा तपाईको संकल्प के छ ?
हेटौंडा ५ वडाका मतदातहरुसँग एक चरणको घरदैलो अभियान सकेका छौ । यो अभियानले हामीलाई साह्रै उत्साही पनि बनाएको छ । उहाँहरुलाई घरभेटमा आफ्नो प्रतिबद्धताबारे जानकारी गराएका छौ । उहाँहरुले पनि एकदम राम्रो रेस्पोन्स गर्नु भएको छ ।
विगतमा पनि उहाँहरुको माया पाएकै हौं, यस पटक झनै धेरै माया र सहयात्राको लागि साथ पाउनेमा हाम्रो टीम ढुक्क छ । नेकपा एमालले विगतमा गरेको काम नै उहाँहरुले अहिले हाम्रो टीमलाई विश्वास गर्ने दरीलो आधार हो । हामी हिजो पनि वडावासीसँगै उहाँहरुको दुख सुखमा साथै थियौ, आज पनि छौं, र भोली पनि उहाँहरुकै साथमा रहने छौ ।
हेटौंडा ५ को वडावासीहरु एमालेसँग एकदमै सकारात्मक हुनुहुन्छ । एमाले जनताको पार्टी हो, एमालेले जित्दा मात्रै जनताको भलाई र वडाको विकास संभव छ भन्नेमा वडावासीहरु जानकार हुनुहुन्छ । निर्वाचनमा मतदान गर्ने समय अझै बाँकी छ । हामी यो बाँकी समय मतदाता शिक्षा बारे सचेतना कार्यक्रम गर्दैछौ । हामीलाई अझै केही मतदाताहरुले घरघरमा बोलाउनु भएको छ, आफ्नो प्रतिवद्धता बारे अझै प्रष्ट हुनको लागि बोलाइराख्नु भएको छ । हामी यो बाँकी समयमा उहाँहरुको सल्लाह सुझाव लिनेछौ । वृद्धवृद्धाहरु, महिलाहरु, बालबालिकाहरुको लागि हाम्रो टीमले गर्ने र गर्नुपर्ने योजना तथा कामबारे उहाँहरुको सल्लाह र सुझावको लागि हामी घरघर जाँदैछौ ।
वडालाई विभिन्न क्लस्टरमा विभाजन गरी सामाजिक अमनचयन र सुरक्षाका लागि निगरानी समुहहरु बनाई परिचालनदेखि भौतिक पूर्वाधारको कार्यक्रम हामीले ल्याएका छौं । वडाका सुरक्षार्थ मुख्यमुख्य स्थानहरुमा सिसिटिभिबाट निगरानी गरिने ब्यवस्था गरिनेछ, वडाका वासिन्दाहरुको रोजगारी, विदेशमा रहेको संख्या, महिला पुरुष, बालबालिका, जेष्ठ नागरिक, श्रमिक, कृषकहरुको लगायत सम्पुर्ण जानकारीहरुको डिजिटल रेकर्ड राख्यो योजना हामीले बनाएका छौ । जसले गर्दा वडाको तथ्यगत वस्तुस्थिती पत्ता लगाउन सकिन्छ ।
प्रविधिमैत्री वडा बनाउने योजनाहरु पनि हामीसँग छ । वडाको प्रत्येक टोलमा फ्रि वाईफाईको व्यवस्था गरिनेछ, सार्वजनिक स्थानमा शौचालयको व्यवस्था गरिनेछ । वडा भित्र पर्यापर्यटन विकासको लागी साईकल ट्रयाक निर्माण तथा कर्रा खोलामा करिडोर निर्माण गर्ने कार्यक्रम पनि हाम्रो टीमको योजनामा छ । वडामा रहेका भएका बाटोहरु सार्वजनिक गरिने छ भने, सार्वजनिक भवनहरू मन्दिर, सामुदायिक भवन, पुस्तकालय, वन समितको सभाहल, प्रतिक्षालय, कृयापुत्री भवन मर्मत सुधार, रंगरोगन गरिनेछ । शान्ति पार्कको निर्माण र विस्तार गरिनेछ ।

अन्तमा मतदाताहरुलाई भन्न चाहन्छु कि, तपाईहरुले हाम्रो क्षमता र योग्यतालाई चिन्नु नै भएको छ । हाम्रो नेतृत्वलाई जिताउनको लागि तपाईको अमुल्य मत दिएर हामीलाई अवसर दिनुहोस् भोलीको काम तपाइहरुकै सल्लाह र निर्देशन अनुसार नै हुने छ । मसंगै मेरो टीममा रहनु भएका अध्यक्षका उम्मेदवार सुशिल घिमिरे र सदस्यहरु रामबहादुर राई, रञ्जिता सिलवाल र भगवती बिकलाई जिताइदिनु हुन मेरो अनुरोध छ ।
आसन्न स्थानीय तहको निर्वाचनको तयारीमा उम्मेदवारहरु अहिले घरदैलोमा व्यस्त छन् । हामीले निर्वाचनको संघारमा प्रतिनिधिको उम्मेदवार बनेकोहरुसँग प्रतिवद्धता लिनको लागि हामीले म बनाउँछु मेरो वडा/पालिका स्तम्भ सुरु गरेका छौ । यसै अन्तरगत हेटौंडा उपमहानगरपालिका वडा ५ मा एमालेबाट वडा अध्यक्षका उम्मेदवार बनेका सुशिल घिमिरेसँग सोधेका छौं तपाईलाई नै किन जिताउनु पर्ने, वडाको विकासमा तपाईको संकल्प के छ ?
वडाको भौतिक पूर्वाधारसँगै समाजिक तथा वातावरणीय सवालमा हाम्रो टीमले धेरै राम्रा राम्रा कार्यक्रहरु अघि सारेको छ । उपयुक्त स्थान पहिचान गरी ज्येष्ठ नागरिक पार्क स्थापना गरिने, उहाँहरुको निुशल्क स्वास्थ्य जाँच गरिने योजनाहरु हामीसँग छन् । यसैगरी ज्येष्ठ नागरिकको अनुभव र कथा बालबालिकालाई सुनाउने र बालबालिकाको प्रश्न र जिज्ञासा ज्येष्ठ नागरिकलाई सोध्न पहिलो पुस्ता र तेस्रोबीच माया, सम्मान र हार्दिकता बढाउन विशेष प्रकारको कार्यक्रमका योजनाहरु हामीसँग छन् ।
दुर्घटना, आगलागि वा अन्य विपद् वा संकटको बेला आकस्मिक उद्वार एवम् प्राथमिक उपचारको कार्य गर्न आकस्मिक उद्वार वा रेस्पोन्स टिम तयार गर्ने, वडालाई वातावरण मैत्री हरित वडा बनाईने, सार्वजनिक जमिनको खोजी एवम् पहिचान गरि संरक्षण गर्ने, शहरी सौन्दर्य वृद्धिका लागि अस्तब्यस्त तारहरुको व्यवस्थापन गर्ने, जोखिममा रहेका जिर्ण विद्युतका पोलहरुको सट्टामा नयाँ पोलहरुको व्यवस्था गर्ने, वडाभित्र रहेका मठमन्दिर, पाटी पौवाहरुको संरक्षण गर्ने धेरै महत्वपूर्ण र दुरगामी महत्व राख्ने योजनाहरु हामीले अघि सारेका छौ ।
हामीले हाम्रो वडाको लागी ५ वर्षे योजना बनाएका छौ । छरपस्ट रुपमा रहेको वस्तिलाई प्लानिङ गरेर व्यवस्थित बस्ति बनाउने योजना हामीमा छ । अपार्टमेन्ट जस्तो बसाउन सकियो भने, बस्तिहरुको जमिन अनावश्यक रुपमा दुरुपयो हुँदैन, बस्तिको विकासमा सहजता हुनेछ, कृषि भूमिहरु रहने छन्, प्रयाप्त खालि ठाउँहरु रहने छन् । बस्तिमा सबै पूर्वाधार पुरा गर्न सकिन्छ ।
यि त भए केही प्रतिवद्धता तथा योजनामा रहेका कुराहरु । अब मतदानको लागि केही समय मात्रै बाँकी छ । अबको हाम्रो अभियान भनेको मतदाता शिक्षाको हो । बितेको घरदैलोमा छुटेका घरघरहरुमा हामी जाने छौ ।
वडावासीहरुलाई मेरो आग्रह, हामीलाई एक चान्स दिनुस्, हामी तपाईको आशालाई निराशा हुने मौका दिने छौनौ, वडामा आउँदा तपाईलाई आफ्नो घरको वातावरण प्राप्त हुनेछ, तपाईहरुको आग्रह, आदेश र निर्देशन अनुसार नै हाम्रो टीमले सिङ्गो वडाको विकासमा लाग्ने छौ ।

तपाईहरुको साथ बिना यो संभाव छैन । हर जनताको दुख सुखमा हामी साथ हुने विश्वास दिलाउन चाहन्छौ, हाम्रो चाहानालाई व्यवहारमा उतारेर देखाउने सुनौलो अवसर हाम्रो टीमलाई मतदान गरेर बाटो खुल्ला गरिदिनुहोस । मसंगै मेरो टीममा रहनु भएका ज्ञानबहादुर थापा, रामबहादुर राई, रञ्जिता सिलवाल र भगवती बिकलाई जिताइदिनु हुन मेरो अनुरोध छ ।
मकवानपुर । नेकपा एमालेबाट हेटौंडा उपमहानगरपालिका वडा नंबर १८ का वडा अध्यक्ष उम्मेद्वार अनिल बाँनियाले निर्वाचनको मुखमा एमालेको नाम जोडेर कांग्रेस कार्यकर्ताहरुले आफू विरुद्ध गलत प्रचार गरेको बताएका छन् ।
निर्वाचन आचारसंहिता विपरित हेटौंडा १८ को लालभित्ते,सुकौरा,घट्टे खोला क्षेत्रमा जस्तापाता वितरण गर्न लागेको आरोप लागेपछि वडा अध्यक्षका उम्मेद्वार बाँनियाले निर्वाचन नजिकिदै गर्दा कांग्रेसले पराजितको मानसिकताले गलत प्रचार गरेको बताए ।
हेटौंडा १८ का निवर्तमान वडा अध्यक्ष समेत रहेका बाँनियाले आफू वडा अध्यक्षमा रहँदा फागुनमा उपभोक्ता समिति मार्फत हेटौंडा १८ को सुकौराको टोलको स्थानीयहरुलाई जस्तापाता लागि बजेट छुट्टाएको बताए ।
‘कांग्रेसले अतिरंजित गरेर गलत प्रचार गर्यो,हामीले गत असारमै जस्तापाता दिने भनेर निर्णय गर्यौ,फागुनमा उपभोक्तासंग सम्झौता गरेका थियौ । जेठसम्म सम्झौता अवधि रहेको थियो । बाँनियाले भने,समितिको अध्यक्ष र कोषाध्यक्षले जस्तापाता आज लैजानुभएछ । जस्ता समातेर एमालेले बाढ्यो भनेर भ्रम फैलाए । यो आरोप गलत हो,खेदजनक छ ।’
उनले आफू वडा अध्यक्ष रहँदा उक्त कार्यक्रमको लागि वडाले ५ लाख, उपमहानगरपालिकाले ३ लाख र २ लाख उपभोक्ता समितिले उठाएको बताउँदै एमालेको नाम जोडेर निर्वाचनको मुखमा गलत प्रचार गरेको बताए । उनले आफूले वडाको गाउँगाउँमा विकासका लहरहरु ल्याएको र काम गरेको बताउँदै बैशाख ३० गते हुने निर्वाचनमा पुनः निर्वाचित हुनेमा विश्वास व्यक्त गरे ।
मकवानपुर । राष्ट्रिय प्रजातान्त्र पार्टीबाट हेटौँडा उपमहानगरपालिकाका मेयर दिपकबहादुर सिंहले पत्रकार सम्मेलन गरि योजना सार्बजनिक गरेका छन। उन्ले आफू मेयरमा विजयी भए भने हेटौँडालाई भ्रष्ट्राचारमुक्त सहर बनाउने बताएका छन् । मेयरमा उम्मेद्वारी दिएपछि पहिलो पटक पत्रकार सम्मेलनको आयोजना गरि सिंहले आफ्ना योजनाहरु सार्बजनिक गर्दै भ्रष्ट्राचार न्युनिकरणलाई जोड दिएका हुन ।
भ्रष्ट्राचार नहुने वित्तिकै विकासका कामहरु तिब्र ढंगले बढने भन्दै सिंहले आफूलाई मतदान गर्नको लागि अनुरोध गरेका छन् । उनले भने ‘मैले र मेरो परिवारले बेईमानी गरेको पैसा एक कौडी पनि खाँदैन र एक कौडी पनि कसैलाई बेईमानी गर्न दिँदैन् ।’
हेटौँडा उपमहानगरको स्वास्थ्य क्षेत्र निकै कमजोर रहेको भन्दै उनले विशेषज्ञ सेवा सहितको सुविधायुक्त अस्पताल निर्माण गर्ने, हेटौँडाको चक्रपथलाई पुरा गर्ने, घरघरमा बृद्धाभत्ता पुर्याउने ब्यवस्था गर्ने लगाएतका कामहरु गर्ने बताए ।
हेटौँडालाई चार वर्षभित्र महानगरपालिका बनाउने सोच आफूले गरेको भन्दै राप्रपा विजयी भए विज्ञहरु नियुक्त गरि हरेक क्षेत्रको विकासमा आफ्नो पूर्ण ध्यान हुने बताए । उनले हेटौँडालाई सुन्दर, सभ्य, सफा तथा विकासको दृष्टिकोणले देशकै नमुना सहर बनाउने भिजन आफूसँग भएको दाबी गरे । मेयरमा विजयी भए कुनैपनि सरकारी सबारीसाधन नलिने भन्दै आफ्नो सेवासुविधाबापत आएको तलबभत्ता शिक्षा, स्वास्थ्य तथा विकासमा खर्च गर्ने उनले बताए ।
पत्रकार सम्मेलनमा बोल्दै उपमेयरकी उम्मेद्वार इन्दिरा न्यौपाने डल्लाकोटीले आफूहरु विजयी भए भ्रष्ट्राचार उन्मुलन, घरदैलो सेवा, विकासको कामलाई तिब्रता दिने बताईन् ।
