मकवानपुर । स्थानीय तह सदस्य निर्वाचन २०७९ अन्तरगत मकवानपुरको हेटौंडा उपमहानगरपालिका, थाहा नगरपालिका र ८ वटा गाउँपालिकाको मतगणना कार्य भइरहेकाे छ ।
मुख्य निर्वाचन अधिकृतको कार्यालयले दिएको जानकारी अनुसार हालसम्म मकवानपुरको ३६ वडाको मतगणना पूर्ण रुपमा सम्पन्न भइसकेको छ ।
हालसम्म मतगणना सम्पन्न भएको ३६ वटा वडामध्ये नेपाली कांग्रेस पहिलो स्थानमा रहेको छ । मकवानपुरमा माओवादीले १० वटा र एमालेले ७ वटा वडामा विजयी भएको छ । कांग्रेसले भीमफेदी, मनहरी, कैलाश राक्सिराङमा ३/३ वटा वडा, इन्द्रसरोबर, गढी, वकैया गाउँपालिकामा २/२ वटा र हेटौंडाको एउटा वडामा जितेको छ ।
माओवादीले थाहा नगरपालिकामा चारवटा, वकैयामा २ र भीमफेदी, कैलाश, राक्सिराङ र वागमतीमा एउटा/एउटा वडामा विजयी भएको छ । एमालेले भीमफेदीमा ३, इन्द्रसरोबरमा २, कैलाश र राक्सिराङमा १ वडामा जित हात पारेको छ । जिल्लाको दशवटा स्थानीय तहमध्ये नौवटामा सत्तारुढ गठबन्धन र इन्द्रसरोबरमा एमालेले प्रमुखमा अग्रता कायम गरेको छ ।
मकवानपुर । मकवानपुरको मनहरी गाउँपालिका वडा नम्बर-३ मा नेपाली कांग्रेस विजयी भएको छ ।
मनहरी-३ मा कांग्रेस नेतृत्व प्यानलनै विजयी भएको छ। मनहरी-३ अन्तिम नतिजा अनुसार नेपाली काँग्रेसको तर्फ बाट वडा अध्यक्ष पदमा अनन्त अर्याल विजयी भएका हुन।
अर्यालले १ हजार ४२ मत प्राप्त गरि विजयी हुँदा उनका निकटतम प्रतिस्पर्धी माओवादीका सञ्जीव पाठकले ७ सय २० मत प्राप्त गरेका हुन।
वडा सदस्यमा पनि कांग्रेसका सबै उम्मेदवार विजयी भएका छन्।
मकवानपुर । हेटौंडा उपमहानगरपालिकाको मेयर पदमा राप्रपाले पहिलो स्थान टेकेको छ ।
मतपरिणामता लगातार तेस्रो स्थानमा रहेको राप्रपा हेटौंडा उपमहानगरपालिका वडा २ को मत गणना जारी रहदा पहिलो स्थानमा आएको हो ।
हेटौंडा उपमहानगरपालिका–२ सिदार्थ माविमा मतगणना जारी छ । हेटौँडा उपमहानगरपालिकामा मेयरमा त्रिपक्षीय रोचक प्रतिस्पर्धा देखिएको छ ।
९०२९ मतगणनाको मतपरिणाममा राप्रपाबाट मेयरका उम्मेदवार दीपकबहादुर सिंह पहिलो स्थानमा आएका हुन् । उनले २७१० मत ल्याएका छन् । उनलाई पछ्याउँदै गठबन्धनको उम्मेदवार मिना कुमारी लामा दोस्रो स्थानमा छिन् भने यस अघि पहिलो र दोस्रोमा लगातार प्रतिस्पर्धी रहेका एमालेका अनन्त पौडेल तेस्रोमा पुगेका छन् । लामाको २६६९ मत पुगेको छ भने पौडेलको २४३४ मत छ । उपमेयरमा एमाले ३०१६ गठबन्धन ३९८२ र राप्रपा ८०३ मत रहेको छ ।
मकवानपुर । हेटाैडा उपमहानगरपालिका वडा नम्बर १ मा नेपालीका कांग्रेसका सविन न्याैपाने अध्यक्षमा विजयी भएका छन् । स्थानीय तह निर्वाचन २०७९ अन्तरगत शनिबार विहानबाट सुरु भएकाे हेटाैडाकाे मतगणनाकाे आइतबार वेलुका प्राप्त मतपरिणाम अनुसार न्यौपानेले १ हजार ४ सय ४२ मत ल्याइ निर्वाचित भएका हुन् ।

उनका निकटतम प्रतिष्पर्धी नेकपा एमालेका उत्तमप्रसाद पौडेलले १ हजार ३ सय ११ मत ल्याएका छन् । त्यस्तै राष्ट्रिय प्रजातन्त्र पार्टी राप्रपाका सुजन शाहीले २ सय ७ मत ल्याएका छन् । हेटौंडा-१ मा ३ हजार २ सय ९३ मत खसेको थियो।
न्याैपाने २०७४ सालकाे स्थानीय तहकाे निर्वाचनमा पनि साेही वडाबाट अध्यक्षमा निर्वाचित भएका थिए ।
मकवानपुर । मकवानपुरकाे ईन्द्र सराेवर गाउँपालिका वडा नम्बर ४ मा नेकपा एमाल विजयी भएकाे छ । ईन्द्रसराेवर ४ काे वडा अध्यक्षमा एमालेका उम्मेदवार चन्द्र कुमार बलले ८ सय ५ मत सहित निर्वाचित भएका हुन् ।
बलका निकटतम प्रतिस्पर्धी नेकपा माओवादी केन्द्र र नेपाली कांग्रेसको गठबन्धनबाट माओवादीका उम्मेद्वार विष्णु बहादुर डिम्डुङ २ सय ५ मत मात्र प्राप्त गरे ।
