मकवानपुर । मकवानपुरको मकवानपुरगढी गाउँपालिका अध्यक्षमा नेपाली काग्रेसका दोर्जे लामा स्याङ्तान र उपाध्यक्षमा मान कुमारी पाख्रिन विजयी भएका छन । स्याङ्तान र पाख्रिन ५ दलिय गठबन्धनबाट उमेदवार रहेका थिए ।
मंगलबार सार्वजनिक मत परिणाम अनुसार गठबन्धनबाट अध्यक्षमा कांग्रेसका स्याङतान ६ हजार ७ सय ६ मत सहित विजयी भएका छन् । उनका प्रतिस्पर्धी नेकपा एमालेका निर्वतमान गाउँपालिका अध्यक्ष विदुर हुमागाईले ५ हजार ६ सय ४५ मत ल्याए ।
यसैगरि, अध्यक्ष पदमा राष्ट्रिय प्रजातन्त्र पार्टीका विजय सिंह ठकुरीले १ सय ५० मत ल्याउँदा मंगोल नेशनल अर्गनाइजेसनका युवराज लामाले २४ मत,स्वतन्त्र उम्मेद्वारहरु कृष्ण प्रसाद कंडेल १२ र नवराज तिमल्सिनाले १ मत प्राप्त गरे ।
यसैगरि,उपाध्यक्षमा गठबन्धनबाट नेकपा माओवादीकी मान कुमारी पाख्रीन ६ हजार १ सय १० मत सहित विजयी भएकी छन् । उनका प्रतिस्पर्धी सन्तु थिङले ५ हजार २ सय ४ मत ल्याउँदा राप्रपाकी हिरा देवी हुमागाईले २ सय ७ मत प्राप्त गरिन ।
यसअघि,२०७४ को स्थानीय निर्वाचनमा मकवानपुरगढीको अध्यक्ष र उपाध्यक्ष दुबै पदमा नेकपा एमाले विजयी भएको थियो ।
मकवानपुरगढी गाँउपालिकामा रहेका ८ वटा वडाहरु मध्ये ६ वटा वडा काग्रेश र २ वडामा नेकपा एमालेका उमेदवार वडा अध्यक्षमा बिजयी भएकाछन् ।
वडा नम्बर १ मा आइतसिं लो नेपाली कांग्रेस
वडा नम्बर २ मा बखान सिं पाख्रिन नेपाली कांग्रेस
वडा नम्बर ३ मा भागवत घिमिरे नेकपा एमाले
वडा नम्बर ४ मा अर्जुन प्रसाद तिमल्सिना नेकपा एमाले
वडा नम्बर ५ मा दिपेश दाहाल नेपाली कांग्रेस
वडा नम्बर ६ मा कृष्ण बजगाईं नेपाली कांग्रेस
वडा नम्बर ७ मा सुर्य बहादुर रुम्बा नेपाली कांग्रेस
वडा नम्बर ८ मा कुमार घिसिङ नेपाली कांग्रेस
मकवानपुर । मकवानपुरको बागमती गाउँपालिका वडा नम्बर ५ मा नेकपा माओवादी केन्द्र विजयी भएकाे छ । माओवादीबाट वडाध्यक्षमा बिजय कुमार भोलन निर्वाचित भएका हुन् ।
सार्वजनिक मत परिणाम अनुसार ६ सय ४७ मत ल्याएर भोलन विजयी हुँदा उनका निकटतम प्रतिष्पर्धी नेकपा एमालेका डिजन लामाले ५ सय ४० र काङ्ग्रेसका तिलक माझीले ४ सय १६ मत प्राप्त गरेका छन् ।
यस अघि बागमती १ मा यहुन्ना राई, २ मा जनक पहरी, ३ मा कमान सिं पाख्रिन र ४ मा दन्तलाल माझी विजयी भइसकेका छन् । बागमतीको अहिले ६ नम्बर वडाको मत गणना भइरहेको छ । अब ७, ८ र ९ नम्बर वडाको मत गणना गर्न बाँकी छ ।
मकवानपुर । मकवानपुरको बकैया गाउँपालिका वडा नंबर ४ मा नेकपा एमाले विजयी भएकाे छ । एमालेबाट बकैया ४ काे वडा अध्यक्षका उम्मेदवार राजन दंगाल सहित प्यानलनै निर्वाचित भएको हाे ।
सार्वजनिक अन्तिम मतपरिणाम अनुसार दंगाल १ हजार १ सय ११ मत सहित निर्वाचित हुँदा उनकाे निकटतम प्रतिष्पर्धी नेकपा माओवादी केन्द्रका विमल नेपालले ७ सय ८९ र नेपाली कांग्रेसका अर्जुन प्रसाद तिमल्सिनाले ६ सय ५६ मत ल्याएका छन् ।
यसैगरि,राप्रपाबाट वडा अध्यक्षका उम्मेदवार तेज प्रसाद चौलागाईले ३८ मत ,जनता समाजवादी पार्टी, नेपालका वाल कुमार माझीले ५ मत पाए । दंगाल वडामा दोस्रो कार्यकालका लागि निर्वाचित भएका हुन् । २०७४ मा भएको स्थानीय तहकाे निर्वाचनमा पनि उनि नेकपा एमालेबाट वडा अध्यक्षमा विजयी भएका थिए ।
यसैगरि,बकैया ४ को वडा सदस्यहरुमा पनि एमालेका उम्मेदवार विजयी भएका छन् ।
मकवानपुर । मकवानपुरगढी गाउँपालिका वडा नम्वर ४ मा नेकपा एमाले विजयी भएको छ । अन्तिम मत परिणाम अनुसार एमालेका अर्जुन प्रसाद तिमल्सिना ६ सय २५ मत प्राप्त गरि निर्वाचित भएका हुन् ।
त्यस्तै उनका निकटतम प्रतिस्पर्धी नेपाली कांग्रेसका देवनारायण लामिछानेले ४ सत ७० मत र माओवादीका हेमबहादुर योञ्जनले ३ सय ९६ मत प्राप्त गरेका छन् । वडामा जम्मा १ हजार ५ सय ८६ मत खसेकोमा१३ मत पूर्ण बदर भएको छ ।
मकवानपुर । मकवानपुरको हेटौंडा उपमहानगरपालिका वडा ४ मा एक मतदाताले ‘नो भोट’ गरेका छन् ।
सर्वोच्च अदालतले नो भोट लागू गर्न सरकारलाई निर्देशनात्मक आदेश दिएको भए पनि यो कार्यान्वयनमा छैन । जनतामा माग भए अनुसारको नो भोट व्यवस्था कार्यान्वयन नभएको भए पनि मकवानपुरमा यस्तो संकेत गरिएको हो ।
राजनीतिक दल र दलका नेताहरुदेखि दिक्क भएका एक मतदाताले मतपत्रमा क्रस चिन्ह लगाएर ‘नो भोट’ लेखेको पाईएको छ ।
मकवानपुरको हेटौँडा-४ को मतगणना भैरहेको समयमा एक मतपत्रमा ‘नो भोट’ लेखिएको पाईएको हो । उक्त वडाको १ हजार ५ सय मतगणना हुँदा ‘नो भोट’ लेखिएको मतपत्र पाईएको मुख्य निर्वाचन अधिकृत डिल्लीरत्न श्रेष्ठले बताए ।
पछिल्लो समयमा ‘नो भोट’को माग बढिरहेको अवस्थामा हेटौँडामा भेटिएको उक्त मतपत्रले आगामी निर्वाचनमा ‘नो भोट्स राईड्स’बारे सोच्न वाध्य बनाएको मतगणनामा सहभागि रहेको प्रतिनिधिहरुको भनाई रहेको छ ।
