मकवानपुर । झण्डै चार वर्षपछि देशभरका यातायात संस्था नवीकरण गरिने गरी सरकारले निर्णय गरेपछि यातायात संस्थाहरु पुनः सामाजिक संस्था ऐन अन्तरगत सञ्चालनमा आउने भएका छन् ।
देशभरका यातायात संस्था पुनः सामाजिक संस्था ऐन अन्तर्गत सञ्चालन हुने भएको हुन् । नेपाल सरकारले चार वर्षअघि गरेको देशभरका यातायात संस्थाहरुको खारेजी र कम्पनीमा जानुपर्ने बाध्यात्मक निर्णय उल्टिएसँगै देशकै ठुलो यातायात संस्था नारायणी यातायात संस्था ४ वर्षपछि नविकरण गरिएको छ । संस्थाले आज हेटौंडामा पत्रकार सम्मेलन गर्दै यस्तो जानकारी गराएको हो ।
वर्तमान सरकारले सबै यातायात संस्थाहरुलाई साविककै संस्था दर्ता ऐन २०३४ अन्तर्गत पछिल्लो चारवर्षको समेत नवीकरण गर्ने निर्णयपछि देशभरका यातायात संस्थाहरु नवीकरण भएर साविककै अवस्थामा फर्केका छन् । देशभै ठूलो यातायात संस्था नारायणी यातायात व्यवसायी संघले पनि असोज ४ गते चारवर्षपछि नवीकरण भएको पत्रकार सम्मेलन गरेर संस्थाकै नाममा सामाजिक कार्य अघि बढाउने जानकारी दिएको छ ।
कार्यक्रममा पूर्व स्वास्थ्यमन्त्री विरोध खतिवडाले तत्कालीन केपी ओली सरकारबाट यातायात संस्थामाथि भएको प्रहारलाई वर्तमान सरकारले सच्याएको र शक्ति र सत्तामा रहँदा बदमासी गर्नेहरु जनताको नजरमा गिर्ने बताए । उनले आगामी दिनमा पनि संघलाई सशक्त र सक्रिय बनाउन आग्रह गर्दै सहयोग रहने बताए ।
बागमती प्रदेशका सामाजिक विकास मन्त्री कुमारी लामाले मकवानपुरको सामाजिक क्षेत्रमा क्रियाशील संस्थामाथि सरकारबाटै प्रहार हुँदा सहयोग गरिएको स्मरण गरिन् । कार्यक्रममा प्रदेश सभाका निवर्तमान सांसदहरु मुनु सिग्देल, प्रेमबहादुर पुलामीले पनि नारायणी यातायातसँगै देशभरका यातायात संस्थाहरु नवीकरण भएकामा बधाई दिँदै सामाजिक योगदानमा सहकार्य गर्न अपिल गरि ।
नेकपा एमालेका नेता अनन्त पौडेल, मकवानपुर अध्यक्ष एकालाल श्रेष्ठले विगतलाई बिर्सेर आगामी दिनमा सहकार्य गरेर जाने प्रतिवद्धता व्यक्त गरे । नारायणी यातायात व्यवसायी संघका अध्यक्ष हीरालाल श्रेष्ठले यातायात व्यवसायीका पक्षमा सरकारले गरेको निर्णयको स्वागत गरे ।
सरकारले २०७४ चैत १८ गते याताया संस्था कम्पनीमा दर्ता गर्ने निर्णयसँगै २०७५ बैशाख ४ गते यातायात संस्था नवीकरण नगर्ने निर्णय गरेको थियो । पछिल्लो पटक भदौ २० गते यातायात संस्थाको नवीकरण गर्ने निर्णय गरेको थियो । गृह मन्त्रालयले भदौ २९ गते जिल्ला प्रशासनहरुलाई यातायात संस्था नवीकरणका लागि पत्राचार गरेपछि नारायणी यातायात कार्यालयले असोज ४ गते नवीकरण भएको अध्यक्ष श्रेष्ठले बताए ।
देशभर २६ वटा यातायात संस्था नवीकरण हुँदा ६५ हजार ट्रकका धनीहरु कम्पनी छाडेर पुनः सामाजिक संस्थामा आवद्ध हुने अध्यक्ष श्रेष्ठले बताए ।
मकवानपुर । बागमती प्रदेश प्रहरीले नजिकिदै गरेको बडा दशै, शुभ दिपावली र छठलगायत चाडपर्व लक्षित विशेष सुरक्षा योजना बनाएको छ ।
बुधबार प्रत्यक्ष एवं भर्चुअल माध्यमबाट उपस्थित मातहत कार्यालय प्रमुख समेतको उपस्थितिमा बागमती प्रदेश प्रहरी प्रमुख प्रहरी नायव महानिरीक्षक किरण बज्राचार्यद्वारा विशेष सुरक्षा योजना सार्वजनिक गरिएको हो । चाडपर्वको समयमा हुने अपराधिक गतिविधिहरुलाई न्युनिकरण एवं नियन्त्रण गरी बागमती प्रदेश अन्तर्गतका आम नागरिकले सुरक्षित रुपमा चाडपर्व मनाउने बातावरण तयार गर्ने अभिप्रायले विशेष सुरक्षा योजना तयार गरी बुधबारबाट लागु गरिएको प्रदेश प्रहरीले जनाएको छ ।
चाडपर्व लक्षित विशेष सुरक्षा योजना अनुरुप बागमती प्रदेश अन्तर्गतका १० वटा जिल्लाहरुमा प्रभावकारी सुरक्षा व्यवस्थापनका निमित्त अन्तराष्ट्रिय एवं प्रदेश प्रवेश गर्ने सिमा नाकामा तालिम प्राप्त प्रहरी कुकुर सहित नियमित तथा सरप्राईज चेकजाँचको व्यवस्था मिलाउने भएको छ ।
यसैगरी नियमित नियमित मोवाईल गस्ति परिचालन गर्ने, नियमित पिकेट डिउटीमा थप परिचालन गर्ने, प्रमुख धार्मिक स्थल, बैंकिङ तथा वित्तिय संस्थामा प्रहरी परिचालन गर्ने, जिल्ला प्रशासन कार्यालयसंगको समन्वयमा कालो बजारी तथा कृतिम अभाव सिर्जना गर्नेलाई नियन्त्रण गर्न बजार अनुगमनको व्यवस्था मिलाइने छ ।
चाडपर्वको बेलामा हुनसक्ने झैझगडा तथा जुवातास एवं घरेलु मदिरा नियन्त्रण गर्ने, लागु पदार्थ तथा मादक पदार्थ सेवन सम्बन्धित चेकजाँचको व्यवस्था मिलाउने, बसपार्कमा महिला प्रहरी र ट्राफिक प्रहरी सहितको यात्रु सहायता कक्ष स्थापना गरी २४ औं घण्टा प्रहरी परिचालन गर्ने तयारी भएको प्रदेश प्रहरी कार्यालयका प्रवक्ता प्रहरी बरिष्ठ उपरीक्षक दिपक रेग्मीले बताए ।
सवारी दुर्घटना न्यूनिकरणका लागि नियमित राजमार्ग गस्ति परिचालन गर्ने, सवारी साधनहरुका गति नियन्त्रणका लागि राडरगन सहितको विशेष ट्राफिक चेकिङ गर्ने, प्रमुख राजमार्गहरुमा रात्रीकालिन वेश स्थापना गर्ने, साथै सुरक्षा योजना अनुसार मातहत कार्यालयबाट काम कारवाही भए नभएको सम्बन्धमा प्रदेश प्रहरी कार्यालयबाट नियमित अनुगमन एवं सुपरिवेक्षणको व्यवस्था मिलाइने रेग्मीले बताए । चाडपर्व लक्षित सुरक्षा योजना अनुरुप जनपद, ट्राफिक तथा सादा पोशाकमा समेत गरी जम्मा ५ हजार ३ सय ३२ जना प्रहरी टोली परिचालित हुनेछन ।
यसै कार्यक्रममा प्रदेश प्रहरी प्रमुख प्रहरी नायव महानिरीक्षक किरण बज्राचार्यले विशेष सुरक्षा योजनामा उल्लेख गरिएका गतिविधिहरुलाई प्रभावकारी कार्यान्वयन गर्नुका साथै चाडपर्वको समयमा हुन सक्ने संभावित अपराधहरुको न्युनिकरणमा आ–आफ्नो कार्यालयले तोकिएको संख्यामा प्रहरी परिचालनको लागि आवश्यक निर्देशन दिएका छन् ।
मकवानपुर । हेटौडामा विहीबारबाट उपमेयर कप भलिबल प्रतियोगिता हुने भएकाे छ । चौथो संस्करणको उपमेयर कप महिला तथा पुरुष भलिबल प्रतियोगिता–२०७९ असोज ६ गते विहीबारबाट हेटौंडामा सुरु हुने भएको हाे । आयोजक केशवलाल श्रेष्ठ स्मृति केन्द्रीय प्रतिष्ठानले बुधबार हेटौंडामा पत्रकार सम्मेलन गरेर प्रतियोगिताका बारेमा जानकारी दिएको हाे ।
असोज ९ गते शनिबारसम्म हेटौंडा–४, हुप्रचौर (लोकतान्त्रिक मैदान) सञ्चालन हुने प्रतियोगितामा महिलातर्फ ९ वटा र पुरुषतर्फ १२ टिमले सहभागी हुने आयोजक केशवलाल श्रेष्ठ स्मृति केन्द्रीय प्रतिष्ठान महासचिव बसन्तकुमार सिटौलाले जानकारी दिए । सिटौलाका अनुसार प्रतियोगितामा पुरुष र महिलातर्फको विजेता र उपविजेताले क्रमशः नगद ५० र २५ हजार रुपैयाँ प्राप्त गर्नेछन् । प्रतियोगिताको सेमिफाइनलमा प्रवेश गर्ने टिमले पाँच/पाँच हजार रुपैयाF नगद प्राप्त गर्ने छन् ।
हेटौंडा उपमहानगरपालिकाको आर्थिक सहयोगमा वर्षेनी प्रतियोगिता सञ्चालन हुँदै आएको छ । प्रतियाेगिता सञ्चालनकाे लागि उपमहानगरपालिकाले २ लाख ५० हजार रुपैयाँ बजेट उपलब्ध गराएको महासचिव सिटौलाले जानकारी दिए केशवलाल श्रेष्ठ स्मृति केन्द्रीय प्रतिष्ठानको आयोजना तथा जिल्ला खेलकुद विकास समिति मकवानपुरको सहकार्यमा प्रतियोगिता सञ्चालन हुने छ ।
यस्तै प्रतिष्ठानले असोज १० गतेबाट दोस्रो संस्करणको जिल्लास्तरीय महिला भलिबल प्रतियोगिता आयोजना गर्ने भएकाे छ । प्रतियोगितामा १० वटा टिमको सहभागिता रहने महासचिव सिटौलाले जानकारी दिंए ।
प्रतियोगिताको विजेताले ५० हजार रुपैयाँ र उपविजेताले ३० हजार रुपैयाँ प्राप्त गर्नेछ । जिल्लास्तरीय महिला भलिबल प्रतियोगिताको संयोजक ईन्द्रप्रसाद सञ्जेल रहेका छन् भने उपमेयर कप भलिबल प्रतियोगिताको संयोजकमा राजु घले रहेकाे प्रतिष्ठान अध्यक्ष प्रताप विष्टले जानकारी दिए ।
मकवानपुर । राष्ट्रपतिको घमण्डले व्मायवस्थापिकामा हस्तक्षेप भएकाे जनता समाजवादी पार्टीका केन्द्रीय अध्यक्ष उपेन्द्र यादबले बताएका छन् । यसरी कार्यकारी प्रमुखले व्यवस्थापिकामा हस्तक्षेप गर्न नहुने उनले बताए ।
आफ्नै देशमा अनागरिक भएर बस्नु पर्दा नेपाली नागरिकको मानवअधिकार खोसिएको र याे कार्यमा कार्यकारी प्रमुखले व्यवस्थापिकामा हस्तक्षेप भएकाे यादबले बताए ।
अध्यक्ष यादवले सरकारले न्यायपालिकाको विवाद मिलाउने विषयमा चासो राखेको भए पनि त्यसलाई हस्तक्षेप गरेको भन्न नमिल्ने बताए । कार्यपालिकाले न्यायपालिकामाथि हस्तक्षेप गरे त्यो स्वतन्त्र न्यायपालिका रहन नसक्ने उनले बताए ।
नागरिकता विधेयकलाई पारित नगरेर राष्ट्रपति विद्यादेवी भण्डारीले नेपाली नागरिकमाथि अपराध गरेको समेत अध्यक्ष यादबले बताएका छन् ।
“यो उनिहरुको अधिकारको बर्खिलाफ हो” यादबले भने । ‘नागरिकता नदिनु भनेको त अन्तराष्ट्रिय कानुनकै ब्याख्या गर्ने हो भने पनि मानवतावादी कानुनको उलंघन हो, कसैलाई नागरिकता र राष्ट्रियताविहिन बनाईराख्ने कार्य अपराध हो” उनले भने ।
उनले केपी ओली सरकारको समयमा हुबहु पारित भएको विधेयकलाई अहिले आएर प्रमाणिकरण नगर्नु आश्चार्यको विषय रहेको बताए ।
राष्ट्रपति भण्डारीको घमण्डको कारण नेपाली नागरिकको सन्तान अनागरिक हुनपर्ने अवस्था भएको भन्दै यादबले कहिलेसम्म राष्ट्रपतिको कदमकै कारण नागरिक भएर पनि अनागरिक रहनुपर्ने भन्दै प्रश्न गरे ।
बुधबार हेटौँडामा सञ्चारकर्मीहरुसँग कुरा गर्दै यादबले संविधानको संरक्षकबाटै संविधानको उलंघन हुनु लज्जाको विषय भएको बताए । राष्ट्रपति भण्डारीले संविधानलाईनै धरापमा पार्ने खेल खेलेको भन्दै यादबले आफ्नै देशका नागरिकको सन्तानलाई अनागरिक बनाएर राखिन खोजिएको जिकीर गरे ।
कार्यपालिकाले हस्तक्षेप ग¥यो भने अन्तर्राष्ट्रिय जगतमा पनि लोकतन्त्रका लागि राम्रो मानिँदैन”, उनले भने, “कार्यपालिकाले न्यायपालिकामा हस्तक्षेप गर्दै । सुझाव सल्लाह दिएर यो समस्या हल होस् भन्ने कुरा अलग विषय हुन् ।” अध्यक्ष यादवले प्रधानन्यायाधीशका विषयमा दलले भन्नुभन्दा पनि न्यायाधीश र अधिवक्ता बसेर यसको समाधान खोज्नुपर्छ बताए ।
“न्यायलयको आफ्नै पद्धति हुन्छ, न्यायलयमा अहिले देखिएको समस्या छिट्टै हल होस् र न्याय निरुपणको काम होस्” उनले भने ।
यसै विच जसपा नेपालका अध्यक्ष यादव फरक प्रसंङ्गमा हेटौंडामा २५ मिटर सडक विस्तार आवश्यक रहेको बताए । पूर्व उपप्रधानमन्त्रीसमेत रहेका यादवले बागमती प्रदेशको राजधानीसमेत रहेको हेटौंडामा सडक विस्तार अनिवार्य भएको बताए । राज्यले क्षतिपूर्ति उपलब्ध गराएर सडक विस्तार गर्न सुझाव समेत दिए ।
मकवानपुर । नेकपा एमाले मकवानपुरले पार्टी केन्द्रिय निर्वाचन परिचालन कमिटीका सदस्य अनन्त पौडेलको संयोजकत्वमा निर्वाचन परिचालन कमिटी निर्माण गरेको छ ।
एमाले मकवानपुरले पौडेलको संयोजकत्वमा ७५१ सदस्य कमिटी गठन गरेको हो । कमिटीको सह संयोजक जिल्ला अध्यक्ष एकालाल श्रेष्ठ र सचिबमा पार्टी जिल्ला सचिब नवीन सिग्देल रहेका छन् ।
कमिटीका सदस्यहरुमा नेकपा एमालेका जिल्लाबाट प्रतिनिधित्व गर्ने प्रदेश कमिटी, जिल्ला कमिटी, जिल्लाका बिभागका सदस्यहरु, भातृ सङ्गठनका केन्द्रिय सदस्य, प्रदेश कमिटी, एमालेका पालिका स्तरीय कमिटीका सदस्यहरु, जिल्ला सल्लाहकार परिषद, कम्युनिस्ट मन्च, निर्वाचित पालिका प्रमुख उप प्रमुख, जिफन्ट तथा पेशागत महासङ्घका सदस्यहरु, वडाध्यक्षहरुलगायत सदस्य रहने छन् ।
यस्तै प्रतिनिधि सभा १ नम्बर क्षेत्रको संयोजकमा रामचन्द्र राई र सचीवमा अनिल बानियाँ लाई जिम्मेवारी दिइएको छ । त्यस्तै १ को क मा दिलबहादुर घिसिङ र सचीवमा कृष्ण प्रसाद चौलागाईं र ख को संयोजकमा रघुनाथ खुलाल र सचीवमा इन्द्र नेपाललाई एमालेले जिम्मेवारी प्रदान गरेको छ ।
यस्तै प्रतिनिधि सभा २ नम्बर क्षेत्रमा सुबास चन्द्र ठकुरी संयोजक र मेम्बर लोलाई सचिब रहेका छन् । २ नम्बर क्षेत्रको क मा संयोजक बलराम बल र सचिब पार्बती राना, ख मा एकराज उप्रेती संयोजक र सचिन नरेन्द्रलाल रिजाललाई तोकिएको जिल्ला अध्यक्ष एकालाल श्रेष्ठले जानकारी दिए ।
जिल्ला निर्वाचन परिचालन कमिटी कार्यालय, प्रतिनिधि सभाका २ वटा निर्वाचन कार्यालय र १ नम्बर क्षेत्रको ख को कार्यालय जिल्ला पार्टी कार्यालयमा, १ को क को कार्यालय बकैया, २ को क को थाहामा र ख को कार्यालय मनहरीमा राखिने सचिब नवीन सिग्देलले जानकारी दिए ।
