मकवानपुर/२० नोभेम्वर अन्तराष्ट्रिय बालअधिकार दिवसको अवसरमा अन्तरक्रिया गरिएको छ ।
सिविन नेपालको आयोजना तथा जिल्ला प्रहरी कार्यालय मकवानपुरको समन्वयमा बालअधिकार, बालसंरक्षण, बालमैत्री सेवा प्रवाहमा नेपाल प्रहरी एवं बालहेल्पलाइन १०९८ को भुमिका विषयमा एकदिने अन्तकृयात्मक कार्यक्रम गरिएको हो ।
कार्यक्रममा बालअधिकार, बाल संरक्षण, बाल विवाह, अनलाईनमा बालबालिकाहरुको प्रयोग एव दुरुपयोग, बालबालिकाहरुको उद्धार, संरक्षण, परामर्श, पुर्नस्थापना, शारिरीक दण्ड, हिंसा, यौनदुर्व्यवहार, हराएका तथा फेला परेका बालबालिकाहरुको सन्दर्भमा कसरी बालहेल्पलाइन १०९८ र नेपाल प्रहरीसँग समन्वय गरि कार्य गर्दा प्रभावकारीता बारे चर्चा गरिएको थियो ।
यसै सन्दर्भमा मकवानपुर जिल्लाका विभिन्न प्रहरी चौकि, इलाका तथा जिल्ला प्रहरीमा कार्यरत कर्मचारीसँग अन्तरकृया भएको बाल हेल्पलाइन जिल्ला संयोजक झबिन्द्र ज्ञवालीले बताए ।
मकवानपुर जिल्लामा सिविन महिला, बालबालिका तथा जेष्ठ नागरिक मन्त्रालय, राष्ट्रिय बालअधिकार परिषदको सहकार्यमा सिविन नेपालले संचालन गरेको बालहेल्पलाइन संचालन कार्यविधि २०७६ को बारेमा समेत जानकारी गराउनुका साथै प्रहरी र बालहेल्पालाइनको समन्वयमा विगतमा भएका बालबालिकाका घटनाकाको सन्र्दभमा समेत छलफल भएको थियो ।
पछिल्लो समयमा बालबालिका कसरी सामाजिक संजालको लतमा परि समस्यामा परेका छन र सामाजिक संजालको दुरुपयोगका कारण दुर्व्यवहार, बालविवाह तथा विद्ययालय समेत जान छोडि कुलतमा फसेका विषयमा सहभागि विचमा छलफल भएको थियो ।
कार्यक्रमा सहभागिहरुलाइ सम्बोधन गर्दे डि.एस.पि.जयश्वर रिमालले यस कार्यक्रमबाट सहभागिहरुले बालअधिकार तथा बालसंरक्षणका विषयमा धेरै बुझ्ने अवसरमिलेको र यस अवसरलाइ ब्यवहारमा लागु गर्न सबैलाइ अनुरोध गर्दे आगामि दिनमा बालहेल्पलाइनसँग थप सहकार्य गरि अगाडि बढ्ने जानकारी गराए ।
कार्यक्रममा ४५ जना विभिन्न दर्जाका प्रहरी कर्मचारीको उपस्थिति रहेको थियो । कार्यक्रमको सहजीकरण सिविन नेपालका जिल्ला संयोजक झबिन्द्र ज्ञवालीले गरेका थिए ।
मकवानपुर/ महिलाविरुद्ध हुने सबै प्रकारका भेदभाव उन्मूलन गर्ने महासन्धि (सिड) १९७९ को छैठौं आवधिक प्रतिवेदनको सिफारिसहरुको कार्यान्वयनको अवस्था विषयक प्रदेशस्तरीय फलोअप गोष्ठी हेटौंडामा भएको छ ।
युवा सेवा समाज (युसेस) मकवानपुरले संयोजन गरेको कार्यक्रम बियोण्ड बेईजिङ्ग कमिटी नेपालले आयोजना गरेको हो ।
उदघाटन कार्यक्रम जिल्ला समन्वय समिति मकवानपुरका प्रमुख रघुनाथ खुलालको प्रमुख आतिथ्य तथा युवा सेवा समाज(युसेस) मकवानपुरका अध्यक्ष बुद्धशरण लामाको अध्यक्षतामा भएको थियो ।
कार्यक्रममा महिलाविरुद्ध हुने सबै प्रकारका भेदभाव उन्मूलन गर्ने महासन्धि (सिड)को परिचय, बिशेषता, अविभेदको सिद्धान्त, समानताको सिद्धान्त, समानता सम्बन्धि दृष्टिकोण, सिड महत्त्वपूर्ण हुनुको मुख्य कारण, विभिन्न अधिकारहरु, उजुरी गर्ने कार्यविधि, राज्यको दायित्व, प्रतिवेदन सम्बन्धि संयन्त्र, सिड समितिमा प्रस्तुत गरिने प्रतिवेदनको स्वरुपहरु, छायाँ प्रतिवेदनको परिचय, आवधिक प्रतिवेदन, महिलाको यौन, प्रजनन स्वास्थ्य तथा अधिकार सम्बन्धि सिफारिसहरु, सरकारी प्रतिवेदनमा प्रस्तुत तथ्यांकहरु, स्वास्थ्य सम्बन्धि सुझावहरु प्रस्तुत गरिएको थियो ।
कार्यक्रममा सहभागीहरुको ५ समूह बनाई विद्यमान नीतिगत तथा कार्यक्रमिक व्यवस्था र अवस्था, उदयमान मुद्दाहरु, चुनौतिहरु, सिफारिसहरुको कार्यान्वयनको अवस्था र आगामी कार्यदिशाबारे छलफल गरि प्रस्तुतिकरण पनि गरिएको थियो । कार्यक्रममा बागमती प्रदेशका मकवानपुर, चितवन, काठमाडौं लगायत ९ जिल्लाका सरकारी/गैरसरकारी निकायका प्रतिनिधिको सहभागिता रहेको थियो ।
कार्यक्रम हेटौंडा उपमहानगरपालिका योजना, बजेट तथा तथ्यांक महाशाखा प्रमुख भीमप्रसाद तिमल्सिना, मदन भण्डारी स्वास्थ्य विज्ञान प्रतिष्ठानका रजिस्ट्रार राजेश शर्मा, बागमती प्रदेश सामाजिक विकास मन्त्रालय महिला तथा बालबालिका महाशाखा अधिकृत चन्द्रकुमारी व्यञ्जनकार, गैरसरकारी संस्था महासंघ बागमती प्रदेश उपाध्यक्ष आरती पाठकलगायतको आतिथ्य रहेको थियो ।
बियोण्ड बेईजिङ्ग कमिटी नेपालकी कार्यक्रम अधिकृत रेयुशा चालिसेले स्वागत तथा कार्यक्रमको उदेश्यमाथि प्रकाश पारेको कार्यक्रममा स्रोतव्यक्ति बेनुमायाँ गुरुङले प्रस्तुतिकरण गरेकी थिईन् ।

मकवानपुर /हेटौंडा उपमहानगरपालिका भित्रको १९ वटै वडाबाट ३८ जना किशोरीहरूले आफूले बाल विवाह नगर्ने र बाल विवाह हुन लागेमा रोक्ने सामूहिक प्रतिबद्धता व्यक्त गरेका छन् ।
सिविन बाल हेल्प लाईन मकवानपुरको अभिमुखिकरण कार्यक्रममा सहभागी भएपछि उनीहरूले यस्तो प्रतिबद्धता व्यक्त गरेका हुन् ।
“बालिका सशक्तीकरण गरौ” भन्ने नाराका साथ सिविन बाल हेल्प लाईन मकवानपुरले आयोजना गरेको नगर किशोरी भेलामा सहभागी भएपछि उनीहरूले यस्तो बताएका हुन् । कार्यक्रममा हेटौंडा उपमहानगर उपप्रमुख मिना कुमारीले सामाजिक नेतृत्वको सवालमा बालबालिकाहरू पनि अग्रसर हुनुपर्ने बताइन् । बालबालिका स्वयमले सामाजिक गतिविधि बारे चासो राख्ने हो भने बाल विकासमा पहुँच पुर्याउन सकिने उनले बताइन् ।
कार्यक्रममा हेटौंडा उपमहानगरपालिका महिला बालबालिका महाशाखा प्रमुख जगन्नाथ सापकोटाले बाल विकासको सवालमा नगरले गरेको कार्यक्रम बारे जानकारी गराएका थिए ।
हेटौंडा उपमहानगरपालिकाको सबै वडाबाट प्रतिनिधि मुलक रुपमा बालिकाहरूको सहभागीता रहेको कार्यक्रममा बाल अधिकार, बाल संरक्षण, बाल विवाह तथा अनलाइन दुर्व्यवहारको बारेको अभिमुकरण गरिएको कार्यक्रम अधिकृत संझना अधिकारीले बताइन् ।
नगर किशोरी सन्जाल अध्यक्ष रनिस्ला अर्यालको अध्यक्षतामा भएको कार्यक्रममा सिविन बाल हेल्प लाईनका प्रमुख झविन्द्र ज्ञवली, अधिकृत संझना अधिकारी र परियोजना अधिकृत दुतकुमार स्यङ्तानले सहजीकरण गरेका थिए । कार्यक्रममा सहभागी किशोरीहरूले २० बर्ष उमेर नपुगी आफूले विवाह नगर्ने र बाल विवाह हुन नदिन स्वयमसेवी रूपमा भूमिका निर्वाह गर्ने प्रतिबद्धता व्यक्त गरेका थिए । कार्यक्रममा नगरका ३८ जना किशोरीहरूको सहभागीता रहेको थियो ।
एलिसा खड्काकाे अध्यक्षतामा सन्जाल गठन
यसैबिच हेटाैडा उपमहानगरपािलका वडा न १८ की एलिसा खड्काकाे अध्यक्षतामा नगर किशोरी सन्जाल गठन गरिएकाे छ । २१ सदस्यीय सञ्जालकाे उपाध्यक्ष रनिस्ला अर्याल (हेटाैडा १७), सचिव पुष्पा तामाङ (हेटाैडा २), सह सचिव पुष्पा थापा (हेटाैडा १), काेषाध्यक्ष सुजिता न्याैपाने (हेटाैडा ७) चयन भएका छन् ।
मकवानपुर / कानुन बनाउदा दीर्घकालीन सोच र पुर्व तयारीका साथ कानुन बनाउनु पर्ने बागमती प्रदेश सामाजिक विकास मन्त्री कुमारी मोक्तानले बताएकी छिन् ।
महिला कानुन र विकास मन्चको आयोजनामा हेटौंडामा आयोजित मानव वेचबिखन पुनर्स्थापना कोष र ऐन निर्माण बारे प्रदेश स्तरीय परामर्श कार्यक्रममा उनले यस्तो बताएकी हुन् ।
कानुन बनाईसकेपछी संशोधन गर्न समय र आर्थिक खर्च गर्नु भन्दा गहिरो गरि अध्ययन गरेर कानुन बनाउन पर्ने उनले बताइन् । लैङ्गक हिंसा निवारण कोष,संरक्षण नीति निर्माण र व्यवस्थापन गर्नेबारे परामर्श बैठक गरिएको थियो ।
कार्यक्रममा बागमती प्रदेश निवर्तमान सामाजिक विकास राज्यमन्त्री जुनेली श्रेष्ठले राष्ट्रिय नीतिलाई टेकेर बन्ने नीति आफ्नो परिवेशमा आधारीत बनाउन पर्ने बताइन् । मानव बेचबिखन बिरूद्वको अभियानलाई सरकारले आफ्नो कर्तव्यको रूपमा ग्रहण गर्नुपर्ने श्रेष्ठले बताइन् । नीति बनाउँदा सम्बन्धित क्षेत्रमा काम गरिरहेका बिज्ञहरूलाई समितीमा राख्नुपर्ने श्रेष्ठले बताइन् ।
यसैगरी सभा सदस्य प्रेमबहादुर पुलामीले सबैले आवश्यकता महसुस गरेपछि त्यही अनुसारको लगाबले राम्रो कानुन बन्ने बताए ।
सामाजिक विकास मन्त्रालय बागमती प्रदेश यो नीतिको लागि तयारीमा रहेको बताईएको छ । यसको लागि १० वटा समितिले काम गरिरहेको मन्त्रालयले जनाएको छ । प्रदेशको कानून नभएको कारण कार्यक्रम प्रभावकारी नभको कारण मन्त्रालयको पनि ध्यानाकर्षण भएको जनाएको छ ।
सम्बन्धित क्षेत्रमा कार्यरत ब्यक्तिहरूको सुझावलाई समेटेर नीति बनाउन लागिएको उनले बताए । संरक्षणको नीति बनाउन यहि क्षेत्रमा काम गरेका, संघर्ष गरेका योगदान महत्त्वपूर्ण हुने उनले बताए । कार्यक्रममा हेटौंडा उपमहानगरपालिका उपप्रमुख मिनाकुमारी लामाले स्थानीय तहमा यस्तो नीति तथा ऐन आवश्यक भएको बताइन् ।
यसैगरी पीडितलाई न्याय दिलाउने बेलामा मुद्दा होल्टाइल हुने, कानुन रूपमा क्षतिपूर्ति दिलाउन नसक्ने गरेको माइती नेपाल मकवानपुर प्रमुख माया लामाले बताइन् । बेचबिखन प्रभावितले आफ्नो ठेगाना नै भन्न नसकेको कारण उद्वारमा समस्या भएको लामाले बताईन । यस्तै केन्द्र सरकारसंगको समन्वय गरेर प्रदेश र स्थानीय तहले धेरै काम गर्न सक्ने अधिवक्ता मनप्रसाद भट्टराईले बताए ।

पीडितलाई संरक्षण गर्दै अपराधमा संलग्नलाई कारवाही गर्न, उद्वार गर्न स्थानीय तथा प्रदेश सरकारले बिशेष योजना र प्रभावकारी नीति बनाउनु पर्नेमा सहभागीले जोड दिएका थिए । कार्यक्रममा बागमती प्रदेश कानुन तथा बिधेयक महाशाखाका प्रवक्ता बिनोद अमात्य, मन्त्रालय महिला विकास महाशाखा प्रमुख चन्द्रकुमारी व्यन्जनकार, अभियन्ता प्रकाश खतिवडालगायतले पनि सुझाव दिएका थिए । कार्यक्रममा मन्चका अधिवक्ता सबिन श्रेष्ठले विभिन्न प्रदेशमा हालसम्म बनेका नीति तथा ऐन बारे कार्यपत्र प्रस्तुत गरेको अधिवक्ता ललिता श्रेष्ठले बताइन् ।
नेपाली महिला समाज पोर्चुगलले एक महिने नि:शुल्क ब्युटिसियन तालिम संचालन गर्ने भएको छ ।
पोर्चुगलका नेपाली महिला दिदीबहिनीहरूलाई सीपमूलक प्रदान गरी आत्मनिर्भर गराउने उद्देश्यले समाजले तालिमको आयोजना गर्न लागेको समाजकी अध्यक्ष माया खरेलले जानकारी दिईन । रोजगारीको खोजीमा रहेका पोर्चुगलमा रहेका नेपाली महिलाहरुको लागि उक्त तालिम नोभेम्बर १ तारिख देखि ३१ नोभेम्बरसम्म संचालन हुने अध्यक्ष खरेलले बताईन ।
तालिममा बिशेष गरी सौन्दर्य सम्बन्धी बेसिक कोर्षको साथै Menicure, Pedicure, Threading, Jelino and haircut सम्बन्धी सीपहरू सिकाईने अल्मदामा संचालित लुक्स ब्युटिपार्लरकी प्रोपाईटर निशु खड्काले बताईन ।
यस अघि पनि समाजले लिस्बन हेयर एण्ड ब्युटी पार्लरको सहयोगमा १० जना महिलालाई यस्तै खालको सीपमूलक तालिम प्रदान गरिसकेको छ । तालिम लिएका अधिकांश महिलाहरूले सम्बन्धित क्षेत्रबाट सोचे भन्दा राम्रो अवसर र उपलब्धी प्राप्त गरेको प्रतिक्रिया दिएका थिए ।
यसपटक बढीमा १५ देखि २० जनालाई सहभागी गराई सीप सिकाउने लक्ष्य राखेको महिला समाजले पोर्चुगलमा नयाँ आउनु भएका बेरोजगार र सिक्न अति ईच्छुकलाई पहिलो प्राथमिकता प्रदान दिने भएको छ । शान्ती अर्याल अधिकारी पोर्चुगल