मकवानपुर । मकवानपुरकाे हेटौडा उपमहानगरपालिकाकाे वडा नम्बर १९ बालमैत्री स्थानीय शासनयुक्त वडा घोषणा भएकाे छ । शुक्रबार शुक्रबार हेटौंडा १९ नम्बर वडालाई नवौं स्थानीय शासनयुक्त वडा घोषणा गरिएको छ ।
वडा कार्यालयबाट करिब १ घण्टाको दुरीमा रहेको ग्रामीण क्षेत्र ज्यामिरेको शेरशेरमा बालमैत्री वडा घोषणा कार्यक्रममा आयोजना गरिएकाे हाे । नगर प्रमुख मिनाकुमारी लामाले १९ नम्बर वडालाई नगरकाे नवौं निकृष्ट बालश्रम मुक्त, बाल बिबाहमुक्त तथा स्थानीय शासनयुक्त वडा घोषणा गरिन् ।
बालमैत्री वडा घोषणा गर्दै नगर प्रमुख लामाले वडाको आधा भन्दा बढी भूभाग ग्रामीण क्षेत्रमा रहेकाे भएपनि कार्यक्रम ग्रामीण भेगमा गर्दा फरक सन्देश दिएको बताइन् । उनले घोषणा मात्र प्रमुख नभएको भन्दै यस्को कार्यान्वयन महत्वपुर्ण भएको बताइन् । ‘घोषणा भएको कार्यले निरन्तर पाउनु महत्वपूर्ण हाे’ उनले बनिन् । नगरकाे विकट क्षेत्रलाईउपमहानगरले सन्तुलित बिकासको अबधारण अघि सारेको उनकाे भनाई रहेकाे छ ।
‘ग्रामीण भेगको कच्चिबाटोबाट डाँडापाखा चड्दै औपचारीक कार्यक्रम पुग्ने कुरा आम मानिसको सोच भन्दा बाहिरकै कुरा हो’ वडाध्यक्ष नरनाथ सुवेदीले भने ‘संघ/सस्था वा सरकारी निकायका औपचारीक कार्यक्रम शहर केन्द्रीत भैरहेको समयमा १९ नम्बर वडाले ग्रामीण क्षेत्रमा कार्यक्रम गरेकाे नयाँ सन्देश दिएको छ ।’
पूर्ण खोपयुक्त, पूर्ण साक्षर, खुल्ला दिसामुक्त वडा घोषणा भई सकेको १९ नम्बर वडालाई बालमैत्री स्थानीय शासन घोषणा गर्न आवश्यक ५१ वटा सूचक पुरा भएकाेले बालमैत्री वडा घोषणा गरिएकाे हाे । ५१ वटा सूचकहरुमध्ये ४४ वटा सूचकहरु १०० प्रतिशत, १ वटा सूचक ९८ प्रतिशत्, ३ वटा सूचक ९५ प्रतिशत र १ वटा सूचक ९० प्रतिशत, १ वटा सूचक ८५ प्रतिशत, १ वटा सूचक ८० प्रतिशतसम्म नतिजा हासिल भएकाेले बालमैत्री स्थानीय शासनयुक्त वडा घोषणा गरिएकाे हाे ।
वडामा घरधुरी तथ्याङ्ग संकलन सर्वेक्षण, २०७९ अनुसार १८ वर्ष मुनिका बालबालिकाको जनसंख्या ३,३५० रहेको बताइएकाे छ । बालबालिकाकाे संख्या मध्ये १ हजार ७२७ बालक र १ हजार ६२३ बालिका रहेकाेमा ४८.४४ प्रतिशत बालिका र ५१.५५ प्रतिशत बालक रहेका वडा कार्यालयले जनाएकाे छ । यसैगरी १८ वटा बालसमूह र एउटा वडा बाल सञ्जालमा ४५० जना बालबालिकाहरु आवद्ध छन् भने विभिन्न संरचनागत समितिहरुमा समेत गरी जम्मा ४९१ जना बालबालिकाहरुको प्रत्यक्ष सहभागिता रहेका छन् ।
यसैबीच शेरशेर ज्यामिरे क्षेत्रका लामा गुरुहरुले बालबिवहमा सहभागी नहुने प्रतिबद्धता जनाएका छन् । लामाहरुले वडा बालश्रम र बालबिवाहमुक्त घोषणा भएकोले गाउँमा हुने कुनैपनि बालबिवाहको कार्यक्रममा सहभागी नहुँने प्रतिबद्धता जनाएका हुन् । बालमैत्री घोषणामा बौद्ध धर्मको बिधी अनुसार पुजा गर्दै स्थानीय लामा तथा पोन्बो समुहले २० बर्ष मुनीका बालबालिका बिच हुने बैवाहिक कार्यक्रममा सहभागिता जनाउने प्रतिबद्धता जनाएकाे ध्यूमिग्य छोलिङ गुम्वाका दोर्जे लामाले जानकारी दिए ।
हेटौंडा १९ का अध्यक्ष नरनाथ सुवेदीको अध्यक्षतामा भएको कार्यक्रममा हेटौंडा उपमहानगरपालिकाका नगर उपप्रमुख राजेश बानियाँ, प्रमुख प्रशासकिय अघिकृत सुर्यप्रसाद गौतम, उपमहानगरका प्रवक्ता एवम् १ नम्बर वडाका अध्यक्ष सबिन न्यौपाने, उपमहानगरपालिकाका बिभिन्न वडाका अध्यक्षहरु, सामाजिक संघ/सस्थाका प्रतिनिधीहरुको सहभागिता रहेको थियो ।
यसअघि नगरका ८ वटा वडा स्थानीय शासनयुक्त घोषणा भएका छन् । हेटौंडाकाे ८,२,७,१७,९,४,१० र ११ वडा बालमैत्री स्थानीय शासनयुक्त वडा घोषणा भइसकेका हुन् ।
मकवानपुर । मकवानपुरकाे हेटौंडा उपमहानगरपालिका वडा नम्बर ७ मा संचालनमा रहेकाे सीआशा फाउण्डेसनमा कानकाे परीक्षण शिविर संचालन भएकाे छ । शुक्रबार फाउण्डेसनका बालबालिका र अभिभावकको कानकाे परीक्षण शिविर भएकाे हाे ।
किवानिज क्लब मकवानपुरको आयोजनामा विद्यालयमा अध्ययन गर्ने बालबालिका तथा अभिभावकाे कानकाे परीक्षण शिबिर संचालन गरिएकाे थियाे । क्लब मकवानपुरका वर्ष २०२४/२५ का अध्यक्ष पवन खड्काको सभाध्यक्षतामा भएको कार्यक्रमको उद्घाटन गर्दै किवानिज क्लव नेपालका निवर्तमान गभर्नर तीर्थकुमार सिंहले बालबालिकाको क्षेत्रमा काम गर्ने उक्त संस्था सन् २०१५ देखि नेपालमा सक्रिय रहेको बताए ।
‘संस्थाले १८ वर्ष मुनीका बालबालिकालाई शिक्षा,स्वास्थ्य,खेलकुद,नेतृत्व विकास लगायतका क्षेत्रमा सघाउँदै आएकाे छ’ उनले भने । मानिसका लागि आँखा, कान, मुटु जस्ता महत्वपूर्ण अंगको अवस्थाबारे समयमै जानकारी लिन सके भविश्यमा ठूलो नोक्सानी हुनबाट जोगिाउने बताउँदै सिंहले भने–‘यस्तो शिबिर दुर्गम क्षेत्रका बालबालिकालक्षित गरी संचालन गर्नु जरुरी छ ।’
हेटौंडा उपमहानगरपालिका वडा नम्बर २ का अध्यक्ष बिष्णुगोपाल महर्जनले बालबालिकालाई आफ्नो कान कमजोर छ भन्ने कुरा थाहा नहुने भएकोले शिबिर आवश्यक रहेको बताए । उनले बालबालिकाको आँखा, कान जस्ता अंगको परीक्षण गर्ने शिबिरको आयोजना गरी विद्यालयले पुण्यको काम गरेको बताए ।
कार्यक्रममा किवानिज नेपालका भाइस गभर्नर रामहरि सुबेदी, किवानिज नेपालका सचिव शिबबहादुर काफ्ले, किवानिज चाइल्ड फण्ड चियरपर्सन गोपीमान श्रेष्ठ, डिभिजन ३ का साउथ एलटी गभर्नर डा. अनुपमा श्रेष्ठले यस्ता शिबिरले बालबालिकालाई स्वस्थ्य रहन सहयोग पुर्याउने जानकारी दिएका थिए । शिविरमा मकवानपुर सहकारी अस्पतालका इएनटी बिशेषज्ञ डा. इन्क्लव ढुंगानाको टोलीले सहजीकरण गरेकाे हाे ।
शिविरमा कान परीक्षण गरिएका बालबालिका तथा अभिभावकलाई निःशुल्क औषधि वितरण गरिएको थियो । नेपालगंजस्थित आइडियल फर्मासिटिकल्स प्रालिले औषधि सौजन्य गरेको किवानिज क्लबका मकवानपुरका संस्थापक अध्यक्ष तीर्थराज पराजुलीले जानकारी दिए । किवानिज क्लब मकवानपुरका कोषाध्यक्ष ईश्वर रिजालले सहजीकरण गरेको कार्यक्रममा किवानिज क्लव हेटौंडाका अध्यक्ष गंगाप्रसाद पौडेल, किवानिज क्लब मकवानपुरका उपाध्यक्ष भानुभक्त आचार्य, सचिव भीमप्रसाद फुँयाल (दिनेश), केसीएफ चियरपर्संन रामचन्द्र बर्तौला, पीआर मार्केटिङ रीता पराजुली, मकवानपुर सहकारी अस्पतालका प्रशासन प्रमुख रामचन्द्र रेग्मी, सी आशा फाउण्डेसनका शैक्षिक संयोजक शान्ति चौलागाईलगायतको उपस्थिति रहेको थियो ।
१९ नम्बर वडामा ४४ वटा सूचक सतप्रतिशत
Tags: No Comments
मकवानपुर । मकवानपुरकाे हेटौंडा उपमहानगरपालिकाकाे वडा नम्बर १९ वडाले ४४ वटा सुचक सतप्रतिशत पुरा गर्दै बालमैत्री स्थानीय शासनयुक्त वडा घोषणा हुने भएकाे छ । मंगलबार हेटौंडा १९ वस्तिपुर स्थित वडा कार्यालयमा पत्रकार भेटघाट गरी वडालाई १४ मंसिरमा निकृष्ट बालश्रम मुक्त, वालविवाह मुक्त तथा बालमैत्री स्थानीय शासनयुक्त वडा घाेषणा गरिने जनाकारी दिइएकाे हाे ।
वड़ा अध्यक्ष एवम् बालमैत्री स्थानीय शासनयुक्त वडा घोषणा मुल समारोह समिति संयोजक नरनाथ सुवेदीले “बालबालिकामा लगानी, सुनिश्चित भविष्यको थालनी” भन्ने मुल नाराका साथ आगामी शुक्रबार १४ मंसिरमा वडालाई निकृष्ट बालश्रम मुक्त, बाल विवाह मुक्त तथा बालमैत्री स्थानीय शासनयुक्त वडा घोषणा गरिने जानकारी दिए ।
पत्रकार भेटघाटमा वडा अध्यक्ष सेवेदीले पूर्ण खोपयुक्त, पूर्व साक्षर, खुल्ला दिसामुक्त वडा घोषणा भई सकेको १९ नम्बर वडालाई बालमैत्री स्थानीय शासन घोषणा गर्न आवश्यक ५१ वटा सूचक पुरा भएकाे बताए । ५१ वटा सूचकहरुमध्ये ४४ वटा सूचकहरु १०० प्रतिशत, १ वटा सूचक ९८ प्रतिशत्, ३ वटा सूचक ९५ प्रतिशत र १ वटा सूचक ९० प्रतिशत, १ वटा सूचक ८५ प्रतिशत, १ वटा सूचक ८० प्रतिशतसम्म नतिजा हासिल भएकाेले बालमैत्री स्थानीय शासनयुक्त वडा घोषणा गर्न लागिएकाे अध्यक्ष सुवेदीले जानकारी दिए ।
अधिकांश भागहरु ग्रामिणस्तरका रहेकाे वडामा घरधुरी तथ्याङ्ग संकलन सर्वेक्षण, २०७९ अनुसार १८ वर्ष मुनिका बालबालिकाको जनसंख्या ३,३५० रहेको बताइएकाे छ । बालबालिकाकाे संख्या मध्ये १ हजार ७२७ बालक र १ हजार ६२३ बालिका रहेकाेमा ४८.४४ प्रतिशत बालिका र ५१.५५ प्रतिशत बालक रहेका अध्यक्ष सुवेदीले जानकारी दिए । वडामा सामुदायिक र संस्थागत गरी बाल विकास केन्द्र सहितका १० वटा विद्यालयहरु संचालनमा रहेकाे बताइएकाे छ ।
यसैगरी १८ वटा बालसमूह र एउटा वडा बाल सञ्जालमा ४५० जना बालबालिकाहरु आवद्ध छन् भने विभिन्न संरचनागत समितिहरुमा समेत गरी जम्मा ४९१ जना बालबालिकाहरुको प्रत्यक्ष सहभागिता रहेको उनले बताए । आजका बालबालिका भोलिका कर्णधार हुन् भन्ने भनाईलाई मनन् गर्दै २१ औं शताब्दीका बालबालिकालाई उक्त भनाईमाथि नै परिमार्जित गर्दै बालबालिकालाई आजैका साझेदार बनाउन सोही अनुसारका कामहरुमा सक्रिय बनाउने प्रयास रहेने उनले बताए ।
‘भोलिका कर्णाधार हुन भन्दै गर्दा हामीले उनीहरुलाई सही बाटो देखाएनौ, उचित वातावरण र असल संस्कारयुक्त शिक्षा दिन सकेनौ भने जीवन उपयोगी शिक्षा सहितको सिप सिकाईमा उनीहरुलाई सहभागी गराएनौ भने उनीहरु कसरी भोलिका कर्णाधार बन्न सक्लान? त्यसैले आजका बालबालिकालाई हामी अभिभावक, शिक्षक र जनप्रतिनिधिले उनीहरुलाई नैतिक तथा असल संस्कारयुक्त शिक्षा आर्जन गर्न सक्ने वातावरण बनाई उनीहरुलाई सामाजिक कार्यमा पनि सहभागिता गराउन जरुरी देखिन्छ’ उनले भने । ‘बालबालिकाको सवल भविष्य निर्माणमा घरपरिवारको साथै वडाको ठूलो जिम्मेवारी र दायित्व हुन्छ’ अध्यक्ष सुवेदीले भने ‘भविष्यमा वडा सञ्चालनको महत्वपूर्ण हिस्सा ओगटेको आजको बालबालिकाको क्षेत्रमा वडाले आवश्यक लगानी गर्नै पर्छ ।’
बालबालिकाको बाच्न पाउने अधिकार, संरक्षणको अधिकार, विकासको अधिकार र सहभागिताको अधिकारको विषयमा सबै सरोकारवाला निकाय जिम्मेवार बन्दै गर्दा बालबालिकाले अधिकारको माग सँगै उनीहरुलाई कर्तव्यबोध पनि गराउनु समेत अभिभाकीय दायित्व भएकाे उनले बताए ।अध्यक्ष सुवेदीले १६ मंसिर २०७१ काे निर्णयबाट हेटौडा नगरपालिकालाई उपमहानगरपालिका बनाइएकाे तथा बागमती प्रदेशको राजधानी समेत रहेको उपमहानगरपालिकाको वडा १९ साविकको बसामाडी गाविसको वडा नम्बर १,२,४,६ र ७ मिलेर बनेको जानकारी दिए । ४७,०४ वर्ग किलोमिटर क्षेत्रफलमा फैलिएको वडा क्षेत्रफलको आधारमा सबै भन्दा ठूलो वडाको पूर्व सिमानामा हेटौडाकाे वडा नम्बर १ र ३, पश्चिममा मनहरी गाउँपालिका र राक्सिराङ गाउँपालिका, उत्तरमा कैलाश गाउँपालिका र भिमफेदी गाउँपालिका र दक्षिणमा मनहरी गाउँपालिका रहेकाे उनले बताए ।
कार्यक्रममा सहायक महिला विकास निरिक्षक मिना देवकाेटाले वडाकाे प्रगति विवरण प्रस्तुत गर्दै २०७९ साल भाद्र महिनादेखि बालबालिका सम्बन्धि कार्य गर्दै ५१ वटा सुचक पूरा गरिसकेकाेले बालमैत्री वडा घोषणा गर्न लागिएकाे जानकारी दिए । ‘बालमैत्री वडा घोषणा कार्यक्रम समारोह तथा सम्पूर्ण अभियानमा ऐक्यबद्धता जनाई दिनुहुन सम्पूर्ण वडाबासी, सरोकारवाला निकायलगायतमा वडा कार्यालय हार्दिक अपिल गर्दछौं’ वडाले प्रकाशन गरेकाे विज्ञप्तिमा उल्लेख छ । १९ वडामा बालमैत्री स्थानीय शासन वडा समिति, वडा बालअधिकार समिति, बालसमूहरु, बालसमूह संजाल, टोल विकास संस्थाहरु, युवा क्लब, आमा समूह, वन समिति लगायतका विभिन्न सामुदायिक संस्थाहरु क्रियाशील छन् ।
मंगलबार नै वडा कार्यालयले सार्वजनिक सुनुवाई कार्यक्रम समेत गरेकाे छ । सार्वजनिक सुनुवाई तथा पत्रकार भेटघाट कार्यक्रम वडा अध्यक्ष नरनाथ सुवेदीकाे सभाध्यक्षतामा भएकाे थियाे । कार्यक्रममा वडा सचिव दिपेन्द्र ढकाल, बालमैत्री नगर सहजकर्ता सपना ढुङ्गाना, वडा सदस्य तथा स्थानीय शासनयुक्त वडा घाेषणा कार्यक्रम सम्पर्क व्यक्ति रमा गाेले महिला तथा बालबालिका शाखाका अधिकृत मन्दिरा थापालगायतकाे उपस्थिति रहेकाे थियाे ।
मकवानपुर । नारी सिर्जना केन्द्र नेपालको १२ अधिवेशन तथा २८ औ बार्षिक साधारणसभाले नयाँ नेतृत्व चयन गरेको छ ।
निवर्तामान अध्यक्ष सरस्वती बर्तौलाको अध्यक्षतामा भएको साधारण सभा तथा अधिवशनले नानी माया चापागाईलाई अध्यक्षको जिम्मेवारी दिएको हो । यसैगरी केन्द्रको उपाध्यक्षमा दुर्गा देवि दास, सचिव रेनु गुरुङ, कोषाध्यक्ष ईश्वरी पोखरेल (चालिसे) तथा सदस्यहरूमा सुन्तली माया प्रजा, सर्मिला विश्वकर्मा र दानमाया श्रेष्ठ चयन भएका छन् ।
केन्द्रको संस्थापक अध्यक्ष तथा राष्ट्रिय समावेशी आयोग कार्यवाहक अध्यक्ष विष्णु ओझाको उपस्थितिमा भएको साधारण सभामा केन्द्रका फिल्ड कोर्डिनेटर गिता अर्यालले संस्थागत र कार्यक्रम प्रतिवेदन पेश गरेकी थिइन् । यसैगरी कोषाध्यक्ष रेणु गुरुङले आर्थिक प्रतिवेदन पेश गरेकी थिइन् । संस्थाले आर्थिक बर्ष २०८०।०८१ मा दातृ निकायबाट २ करोड ३१ लाख ७३ हजार ३४९ रुपैया अनुदान प्राप्त गरेको थियो । जसमा बाख्रा पालन, मौरी पालन, बेमौसमी तरकारी खेती तथा सिपमुलक तालिम प्रदान गरिएको प्रतिवेदनमा उल्लेख छ ।
संस्थाले जलवायु परिवर्तनको प्रभाव घटाउन विभिन्न सचेतनामुलक कार्यक्रम गर्दै सहकारीसंग समन्वय गरि बजारीकरणको लागि समेत सहजीकरण गर्दै आएको फिल्ड कोर्डिनेटर अर्यालले बताइन् । कार्यक्रममा केन्द्रको पुर्व कोषाध्यक्ष मुनु सिग्देल, मानव अधिकार संरक्षण तथा मानव बेचविखन विरुद्धको जिल्ला सन्जाल अध्यक्ष आरति पाठक हेटौंडा उपमहानगरपालिकाका भिमप्रसाद तिमल्सिना, सन्जाल सहसंयोजक तथा माइती नेपाल मकवानपुर प्रमुख माया लामा समेतको उपस्थिती रहेको थियो ।
मकवानपुर । हामी सबैको प्रतिबद्धता, लैङ्गिक हिंसा अन्त्यका लागि ऐक्यबद्धता भन्ने नाराका साथ साेमबारबाट सुरु भएकाे ३३ औं अन्तर्राष्ट्रिय लैङ्गिक हिंसा विरुद्धको १६ दिने अभियान – २०२४ पहिलाे दिन साँझ हेटाैंडाकाे बुद्ध चाेकमा दीप प्रज्वलन गरिएकाे छ ।
हरेक वर्ष २५ नाेभेम्बरदेखि १० डिसेम्बरसम्म मनाइने अन्तर्राष्ट्रिय लैङ्गिक हिंसा विरुद्धको १६ दिने अवसरमा दीपावली गरिएकाे हाे । मानव अधिकार संरक्षण तथा मानव बेचविखन विरुद्धकाे जिल्ला सञ्जालकाे नेतृत्वमा आयाेजित दीपावलीमा अभियानकर्मीहरुकाे उपस्थिति रहेकाे थियाे । जिल्ला प्रहरी कार्यालयका डिएसपी श्यामु अर्यालले दीपालवी गरेर कार्यक्रम उद्घाटन गरेका थिए ।