मकवानपुर । मकवानपुरमा रहेका सहारकाी सस्थाहरुले साधारण सभा धमाभम गर्न थालेका छन् । शनिबार हेटौंडा बचत तथा ऋण सहकारी संस्था लिमिटेडकाे २२ औं वार्षिक साधारणसभामा भएकाे छ ।
सहकारीको बचत ४४ करोड ७५ लाख रुपैयाँ रहेको छ । आर्थिक वर्ष २०७७/७८ को अन्तिम हिसावमा सहकारीको बचत ४४ करोड ७५ लाख रुपैयाँ देखिएको हो । सहकारीको सेयर सदस्य ५ हजार ६ सय ७ जना हुँदा सेयर पुँजी ३ करोड ८७ लाख रुपैयाँ पुगेको सहकारीका अध्यक्ष ईन्द्रबहादुर बस्नेतले जानकारी दिए ।
सहकारीका अध्यक्ष ईन्द्रबहादुर बस्नेतको अध्यक्षता तथा बागमती प्रदेश सहकारी विकास बोर्डका कार्यकारी उपाध्यक्ष नारायणप्रसाद देवकोटाको प्रमुख आतिथ्यमा भएको साधारणसभामा असल बचतकर्ता, असल ऋणीलाई सम्मान गरिएको छ । यस्तै सहकारीले उत्कृष्ट कर्मचारीको रुपमा प्रशासन तथा ऋण शाखाकी प्रमुख रिता पौडेललाई सम्मान गरेको छ ।
२२ औ साधारणसभाले नयाँ सञ्चालक समिति समेत चयन गर्नेछ । साधारणसभाको उद्घाटन कार्यक्रममा जिल्ला समन्वय समिति मकवानपुरका सदस्य देवराज रिमाल, हेटौंडा–७ का वडा अध्यक्ष राजन थापा, मकवानपुर जिल्ला बचत तथा ऋण सहकारी संघ लिमिटेडकी अध्यक्ष कल्पना श्रेष्ठको आतिथ्य रहेको थियो । हेटौंडा–७, नागस्वतीमा मुख्य कार्यालय रहेको सहकारीको सेवा केन्द्र हेटौंडा–८ कमाने र हेटौैंडा–१६ हटियामा रहेको छ ।
पाञ्चायन बचत तथा ऋण सहकारी संस्था लिमिटेडको १२ औँ वार्षिक साधारणसभा
हेटौंडा–४ स्थित पाञ्चायन बचत तथा ऋण सहकारी संस्था लिमिटेडको १२ औँ वार्षिक साधारणसभा शनिबार भएको छ । बुधबारबाट सुरु भएको साधारणसभा शनिबार सम्पन्न भएको हो ।
सहकारीका अध्यक्ष प्रेमलाल श्रेष्ठको सभाध्यक्षमा भएको समापन कार्यक्रममा सहकारीका सल्लाहकार डा. गणेश बलको प्रमुख आतिथ्य रहेको थियो । कार्यक्रममा अध्यक्ष श्रेष्ठले संस्थाको वार्षिक प्रगति प्रतिवेदन प्रस्तुत गरेका छन्। श्रेष्ठले कोरोना महामारीका कारण बन्दाबन्दी र निषेधाज्ञाले संस्थालाई सेवा दिन अत्यन्त असहज भएको र लक्ष्य अनुरुप प्रगति हासिल गर्न नसकेको बताए । सचिव अक्कल सिंह लामाले ७ सय २० शेयर सदस्यको १ करोड ५८ लाख ५८ हजार रुपैयाँ शेयर रकम रहेको बताए । सहकारीले ७६ करोड ३ लाख रुपैयाँ कारोबार गरेको जनाइएको छ ।
साधारणसभामा सहकारीले ज्येष्ठ नागरिक सदस्य मिनु कुमारी थिङ र असल बचत तथा ऋणी सायदा खातुनलाई सम्मान गरेको छ । कार्यक्रममा सहकारीका व्यवस्थापक चन्द्रनाथ श्रेष्ठ, कोषाध्यक्ष ज्ञानेन्द्र बर्तौला, लेखापरीक्षक मणिप्रसाद सुवेदी लगायत सेयर सदस्यहरुको पनि उपस्थिति रहेको थियो ।
सगरमाथा बचत तथा ऋण सहकारी संस्था लिमिटेडको २० औं वार्षिक साधारणसभा
हेटौंडा–४, पारिजातपथस्थित सगरमाथा बचत तथा ऋण सहकारी संस्था लिमिटेडको २० औं वार्षिक साधारणसभा शनिबार भएको छ । सहकारीका अध्यक्ष आयुष कुमार डोटेलको अध्यक्षता तथा बागमती प्रदेश सहकारी विकास बोर्डका कार्यकारी उपाध्यक्ष नारायणप्रसाद देवकोटाको प्रमुख आतिथ्यमा साधारणसभाको उद्घाटन कार्यक्रम भएको थियो ।
साधारणसभालाई सम्बोधन गर्नुहुँदै बोर्डका कार्यकारी उपाध्यक्ष देवकोटाले सहकारीलाई नियम, कानुन अनुसार सञ्चालन गर्न आग्रह गरे । ‘सहकारीले समुदायमा आधारित भएर लघुउद्यम सञ्चालन गर्नुपर्नेमा ध्यान दिनु पर्छ’ उपाध्यक्ष देवकोटाले भने– ‘सदस्यहरुले नै सहकारीको उचित नियमन गरिरहनुपर्ने हुन्छ ।’ साधारणसभामा सहकारीको वार्षिक प्रतिवेदन प्रस्तुत गर्दै अध्यक्ष डोटेलले आर्थिक वर्ष २०७७/७८ मा सेयर पुँजी ९३ लाख ६८ हजार रुपैयाँ रहेको जानकारी दिए ।
यस्तै सहकारीले ७ करोड ८७ लाख रुपैयाँ बचत संकलन गर्नुका साथै ५ करोड ५४ लाख रुपैयाँ ऋण लगानी गरेको उनले बताए । वार्षिक साधारणसभाको अवसरमा सहकारीले संस्थापक अध्यक्ष वीरेन्द्र भट्ट, असल बचतकर्ता रमेश मानन्धर र असल ऋणी सरस्वती सापकोटालाई सम्मान गरेको छ ।
राष्ट्रसेवक सहकारीकाे बचत ६ करोड ५८ लाख ५३ हजार २ सय
राष्ट्रसेवक बहुद्देश्यीय सहकारी संस्था लिमिटेडको बचत ६ करोड ५८ लाख ५३ हजार २ सय बीस रहेको छ । आर्थिक वर्ष २०७७/७८ को अन्तिम हिसावमा सहकारीको बचत ६ करोड ५८ लाख ५३ हजार २ सय बीस रुपैयाँ हो । सहकारीको शेयर सदस्य ५ सय २५ जना रहेकोमा शेयर पुँजी १ करोड ७ लाख ४६ हजार २ सय रहेको छ ।
शनिबार सहकारीको २२ औं वार्षिक साधारणसभामा सहकारीको प्रतिवेदन प्रस्तुत गर्दै अध्यक्ष यादविन्द्र पौडेलले सहकारीको गल आवको ऋण लगानी ४ करोड २३ लाख ९३ हजार २ सय सत्र रहेको जानकारी दिए । साधारणसभामा असल बचतकर्ता, असल ऋणीलाई सम्मान गरिएको छ ।
मकवानपुर । मकवानपुरगढी गाउँपालिकामा जारी जिल्ला स्तरीय रनिङ शिल्ड पुरुष भलिबल प्रतियोगिताको फाइनल खेल पुष १७ गते शनिवार हुने भएको छ । फाइनल खेलमा आयोजक आमभञ्ज्याङ्ग युवा क्लव ‘ए’ र सहिद सुनिता स्मृति युवा क्लव भिड्ने भएका छन् । शुक्रबार भएको सेमिफाइनल खेलमा आयोजकले आग्रा युवा क्लवलाई पराजित गर्दे फाइनल प्रवेश गरेको हो । त्यस्तै शुक्रबार नै भएको सेमिफाइनल खेलमा सहिद सुनिता स्मृति युवा क्लवले छाहारी युवा क्लवलाई पराजित गर्दे फाइनल प्रवेश गरेको हो । शनिबार हुने फाइनल खेल दिउसो १ बजेबाट सुरु हुने प्रतियोगिताका संयोजक ईन्द्र प्रसाद संजेलले जानकारी दिए ।
त्यस्तै तेस्रो स्थानका लागि छाहारी युवा क्लवले आग्रा युवा क्लवको सामना गर्ने छ । उक्त खेल बिहान ९ वजे हुने आयोजक आमभञ्ज्याङ युवा क्लबले जनाएको छ ।आमभञ्ज्याङ युवा क्लबको आयोजना र मकवानपुरगढी गाउँपालिकाको प्रायोजनमा भएको प्रतियोगितामा १२ टिम सहभागि रहेको थियो ।
प्रतियोगितामा प्रथम हुनेले ६६ हजार ६ सय ६६ नगद सहित शिल्ड, मेडल र प्रमाणपत्र र द्वितीय हुनेले ३३ हजार ३ सय ३३ नगद सहित शिल्ड, मेडल र प्रमाणपत्र प्राप्त गर्ने छन् । यसैगरि,प्रतियोगितामा तृतीय हुनेले १५ हजार सहित शिल्ड, मेडल र प्रमाणपत्र र सान्त्वना हुनेले ५ हजार नगद सहित प्रमाणपत्र प्रदान गरिने जनाइएको छ ।
प्रतियोगितामा उत्कृष्ट खेलाडीलाई ५ हजार, वेष्ट स्पाइकरलाई २ हजार, वेष्ट सेटरलाई २ हजार, वेष्ट ब्लकरलाई २ हजार र अनुशासित टिमलाई ३ हजार पुरस्कार रहेको आयोजकले जनाएको छ ।
मकवानपुर / सामाजिक नेतृत्वमा महिलालाई अग्रसर बनाउन मकवानपुर महिला समूहले विभिन्न कार्यक्रम गरेको एक कार्यक्रममा बताइएको छ ।
घर परिवारबाट विभिन्न हिंसा भोगेर सहेर बस्ने महिलाहरू अब आर्थिक रुपमा सशक्त हुँदै हिंसा विरुद्ध आवाज उठाउने गरेको बताईएको हो ।
मकवानपुर महिला समूहले सन्चालन गर्दै आएको परियोजनाहरूको सुशासन पारदर्शीता र जवाफदेहीताका लागि सामाजिक लेखाजोखा कार्यक्रममा शुक्रबार हेटौंडामा यस्तो जानकारी सार्वजनिक गरिएको हो । एक्सन एड नेपालको आर्थिक सहयोगमा संचालित ४ वटा परियोजनाको सामाजिक लेखाजोखा गरिएको थियो । कोभिड संक्रमणको कारण फिल्डमा गर्ने कार्यक्रमको रूप फेरेर आवश्यकतामा आधारित कार्यक्रम गरिएको कार्यक्रम संयोजक निशा लामाले बताइन् ।
मकवानपुर महिला समूहले नगरको ग्रामीण वडा तथा गाउँपालिकामा महिला सशक्तीकरणको काम भएको कार्यक्रम संयोजक लामाले बताइन् । कार्यक्रम लागू भएपछि अन्यायको विरुद्ध आवाज उठाउने, उत्पादनको लागि सामूहिक रुपमा लागिपर्ने, बाल विवाह विरुद्ध लाग्ने गरेको उनले बताइन् । महिलालाई आय आर्जनमा लगाउने, महिला र किशोरीलाई हिंसा तथा विभेदबाट माथि उठाउने सशक्तीकरणको कार्यक्रम समूहले गरेको लामाले बताइन् ।
कार्यक्रममा समूहको लेखा अधिकृत निर्जला पोखरेलले बिक्त प्रतिवेदन र कार्यक्रम संयोजक निशा लामाले संस्थागत प्रगति प्रतिवेदन प्रस्तुत गरेकी थिइन् ।
संस्थाले कोभिड संक्रमणको समयमा समूहले ९५ जना विशेष सामग्री वितरण गरेको जनाएको छ । यसैगरी स्थानीय स्वास्थ संस्थालाई पनि मेडिकल सामग्री सहयोग गरेको समूहको अध्यक्ष कमला सुबेदीले बताइन् । हिंसाको सवालमा काम गर्दैगर्दा प्रेषण प्रणालीलाई प्रभावकारी बनाउनु अनिवार्य भएकोले संस्थाले यसतर्फ ध्यान दिने गरेको अध्यक्ष सुबेदीले बताइन् । संस्थाले हेटौंडा १९ मा कुवापानी खानेपानी परियोजना अन्तरगत ७५ लिटर पानी भण्डारण गर्न सकिने ट्याङ्की निर्माण, त्यस क्षेत्रका महिलालाई नेतृत्व विकास बारे कार्यक्रम गरेको उनले बताइन् ।
मकवानपुर महिला समूहले एचआईभी संक्रमित प्रभावितको आयआर्जन वृद्धि, नेतृत्व विकासलगयतको क्षेत्रमा काम गर्दै आएको छ । लक्ष्यित बर्गमा काम गर्न थालेपछि संक्रमित प्रभावितहरूको जीवनस्तरमा सकारात्मक परिवर्तन देखिएको सहभागीहरूले बताएका थिए ।
कार्यक्रममा माइती नेपाल मकवानपुर प्रमुख माया लामा, हिमराईट्स मकवानपुर प्रमुख कुमारी वाईबा, बाल संरक्षण संजालका अध्यक्ष प्रकाश खतिवडा, महिला अधिकार मन्च जिल्ला अध्यक्ष निर्मला घलान, गैसस महासंघ मकवानपुर उपाध्यक्ष रमिला सापकोटालगायत सरोकारवालाहरूको सहभागीता रहेको थियो ।
मकवानपुर /हाम्रो आवाज मानव बेचबिखनबाट मुक्त समाज भन्ने नाराका साथ माइती नेपाल मकवानपुरले आयोजना गरेको नेतृत्व बिकास, सिलाइ कटाई तथा जीवन कलाको सीप सिकाई कक्षामा सहभागी किशोरीहरूलाई प्रमाणपत्र वितरण कार्यक्रम गरेको छ ।
कार्यक्रममा हेटौंडा उपमहानगरपालिका वडा ४ का अध्यक्ष नवीन सिग्देलले सामाजिक अभियानमा सकृय हुन, आर्थिक सशक्तीकरण सहित किशोरीहरू सक्षम हुनुपर्ने बताए । प्रविधिको प्रयोग गर्दै उत्पादनमा जोडिएर आफूलाई सक्षम बनाउन अध्यक्ष सिग्देलले सहभागीलाई आग्रह गरे । ‘आफ्नो क्षेत्रमा अब्बल बनेर उदाहरणीय बन्नुहोस’ सिग्देलले भने । तालीमले किशोरीलाई बेचबिखन, हिंसा जस्ता घटनाबाट बच्न टेवा पुग्ने सिग्देलले बताए ।
कार्यक्रममा मानव अधिकार संरक्षण तथा मानव बेचबिखन विरुद्धको जिल्ला सन्जाल अध्यक्ष आरती पाठक सिकेको सिपलाई व्यवहारमा उतारेर आर्थिक रूपमा सम्पन्न जीवन बिताउन शुभकामना दिइन् । लगाव राखेर सिक्नेले जीवन निर्वाहमा धेरै सकारात्मक फड्को मार्न सक्ने पाठकले बताइन् ।
सिलाइसँगै जीवनपयोगी सीप सिके, महिला भएको कारण हिनताबोध हैन, अवसरको ढोका खुलेको आभास भएको तालिममा सहभागी मन्जु लामाले बताइन् । सिकेको सिपलाई व्यवहारमा उतारेर अरूको लागि पनि उदाहरणीय बन्ने गरि समाजमा नेतृत्व गर्ने उत्साह आफूमा रहेको उनले बताइन् ।
माइती नेपालले उनीहरूलाई ४ महिने आवासीय तालीम दिएको थियो । बिगतमा पनि यस्तै तालिमहरू दिने गरेको र यो ४३ औं समूहको सहभागीलाई दक्ष बनाएर बिदाइ गरिएको माइती नेपाल मकवानपुर कार्यक्रम संयोजक माया लामाले बताइन् । उनीहरूलाई सिलाईको १७ वटा आईटम सहीत जीवनपयोगी १० वटा सीप बारे प्रशिक्षित गरिएको उनले बताइन् ।
कार्यक्रम साना हातहरू नेपालका दिकम्बर रुपाचा, हिमराइट्स मकवानपुर प्रमुख कुमारी वाईबा, माइती नेपाल फिल्ड सुपरभाइजर मन लामा, प्रशिक्षक सरिता तामाङलगायतको उपस्थिति रहेको थियो । सहभागीलाई अघिल्लो प्रशिक्षण समुहमा सहभागी सुनिता भुलुनले सहजीकरण गरेकी थिइन् ।
मकवानपुर । जेसीआई हेटौंडाको नेतृत्व चयन सर्वसम्मत भएको छ । वर्ष २०२२ को अध्यक्षका लागि श्रवणकुमार बर्तौला र पवन कुमार कंशाकारको उम्मेदवारी परेकोमा बर्तौलाले सहमतिका लागि आफूभन्दा अग्रज पवनकुमारलाई समर्थन गर्ने गरी उम्मेदवारी फिर्ता लिएसँगै १० वर्षपछि जेसीआई हेटौंडाको नेतृत्व सर्वसम्मत भएकाे हाे ।
निर्वाचन आयुक्त राजदेव बनियाँले विहीबार दिउँसो सर्वसम्मत अध्यक्ष, कार्यकारिणी उपाध्यक्ष र उपाध्यक्षहरु घोषणा गरेका छन् । यसअघि सन् २०१२ का लागि कृष्ण कटुवाल सर्वसम्मत अध्यक्ष चयन भएयता सर्वसम्मत नेतृत्व चयन हुन सकेको थिएन ।
२ जना कार्यकारिणी उपाध्यक्षमा शिव कुमार श्रेष्ठ र संग्राम बल लामा सर्वसम्मत भएका छन् । यसै गरी उपाध्यक्ष पदमा महेश्वर अधिकारी, श्याम कृष्ण दहाल, संदिप जंग कार्की र अमित आचार्य समेत सर्वसम्मत चयन भएका छन् ।