मकवानपुर । दक्षिण भारतीय फिल्म ‘आदिपुरुष’ को नेपाल वितरक श्री व्यंकटेस इन्टरटेनमेन्टले नेपालका हलमा फिल्म प्रदर्शन बन्द गरेकाे छ । देशभरबाट ‘आदिपुरुष’ नचलाउने खबरहरु आइरहेको समय यो फिल्मको नेपाल वितरक श्री व्यंकटेसले सिनेमा घरहरुमा फिल्म नचलाउने निर्णय गरेको हाे ।
कम्पनीले सोमबार विज्ञप्ति जारी गर्दै काठमाडौँ महानगरपालिकाका मेयर बालेन्द्र शाहले स्ट्याटस लेखेकाे आधारमा उपत्यकाका हल व्यवसायीहरुले शान्ती सुरक्षाकाे कारण प्रदर्शन स्थगीत गरेकाे कारण फिल्म प्रदर्शन बन्द गरेकाे जनाएकाे छ ।
फिल्मको प्रदर्शनलाई लिएर आएका भ्रामक समाचारमा ध्यानाकर्षण भएको समेत बैंकटेशले जारी गरेकाे विज्ञप्तीमा भनिएकाे छ । तर के कुरा भ्रामक भन्ने विज्ञप्तिमा खुलाइएको छैन । फिल्मको एक संवादलाई लिएर चौतर्फी विवाद भएपछि केही हलले स्वतःस्फूर्त रुपमा फिल्म नचलाउने निर्णय गरेका थिए भने केही नगरपालिकाका नगर प्रमुख स्वयंले चलचित्र नचलाउन आदेश जारी गरेका थिए ।

मकवानपुर । मकवानपुर प्रहरीले लागुऔषध ओनेरेक र मोटरसाइकलसहित १ जना नियन्त्रणमा लिएको छ ।
प्रहरीले हेटौंडा १४ मयुरधाप स्थित सडकमा सवारी चेकजाँच गर्दा लागूऔषध ओनेरेक २ सय ३३ बोतल सहित हेटौंडा १४ मयुरधाप बस्ने २८ वर्षीय रुपेश ढुङ्गानालाई नियन्त्रणमा लिइएको प्रहरीले जनाएको छ ।
असार २ गते शनिबार अस्थायी प्रहरी पोष्ट मयुरधापबाट प्रहरी सहायक निरीक्षक निर्दोष लामा सहितको प्रहरी टोलीले मयुरधापमा ढुङ्गानाले चलाएको बा.प्र.०२-०२३ प १३७२ नम्बरको बुलेट लाई रोकी चेकजाँच गर्दा झोलामा लुकाई राखेको उक्त परिणामको लागूऔषध फेला परेको जिल्ला प्रहरी कार्यालय मकवानपुरले जानकारी दिएको हो ।
उक्त लागूऔषध, मोटरसाइकल सहित ढुङ्गानालाई नियन्त्रणमा लिई थप अनुसन्धान भईरहेको प्रहरीले जनाएको छ ।
निरा शर्मा
तिमी आकाश मेरो भूगोलको
तिमी प्रकाश मेरो सीमानाको
तिमी धर्ती मैले टेकेका पाइलाको
तिमी वृक्ष मेरो मझेरीको
त्यही वृक्षको हाँगामा
चचहुइ गर्दै जीवनको
आरोह अवरोह नाप्दै छु
तिम्रा विविध रङ्ग
र मेरा
असीमित रङ्गको संयोजनबाट
सजाएर यस भवनलाई
आकार दिएका छौ
भविष्य द्रष्टासॅग मिलेर
हिजोजस्तो लाग्छ मलाई
तिमी र म चुलिएर
हिमालयको गर्भबाट
सूर्यको प्रकाशसँगै
थोपा थोपामा सञ्चित भएर
कहिले धमिलिॅदै कहिले सङ्गलिॅदै
समयको नदीसॅगै सुसेली खेल्दै बगेको
फरक लाग्छ मलाई
तिम्रो पदचाप समाउनुपूर्वको
घडीको सुईको गति
र अहिलेको गतिमा
कति निश्चिन्त छु विकट बाटामा पनि
तिम्रा सान्निध्यले
तिमी मलाई सधै
अगाडि लागाएर हिॅड्छौ
तर कहिले भन्दैनौ
म पछि परेॅ भनेर
कहिलै भन्दैनौ
तिम्रो माया लागेरै
अगाडि लागाएको हुॅ भनेर
यस्तै भन्ने र गर्ने व्यवहारबाट
चरित्रको ऐना खुल्छ
तिमी मेरा लागि
काली गण्डकीरूपी जीवनमा
विरलैले पाउने शालिग्राम हौ
जसलाई व्याख्या गर्न सक्दिन
केवल अनुभूत गर्न सक्छु
यी सिन्दुर पोते चुरा
सबैले तिमीलाई सम्झाइरहन्छन्
बनेर सौभाग्यको कोसेली
कल्पना गर्न सक्दिन
भूखण्ड तिमीबिनाको
हो म तिम्रै पोतेले बेरिएकी छु
तिम्रै चुराले बाँधिएकी छु
तिम्रै सिॅदुरले तिमीलाई चिनाएकी छु
तिम्रै रङ्गको श्वास फेर्दै
आफ्नो अस्तित्वको हाँक दिन्छु
तर मैले कहिलै चाहिनॅ
तिमी पनि मेरै रङ्गमा बाॅच भनेर
तिमी आफ्नै रङ्गमा
मेरा लागि अमूल्य छौ
तिमी बाँचेको जमिन उर्वर होस्
तिमीले टेकेको हाॅगा दह्रो होस्
तिमीले हेर्ने हरेक सपनामा फल लागोस्
केवल म चाहन्छु
तिमीले हेर्ने सपनाको साक्षी
मलाई बनाऊ
अन्यथा तिमी पूर्ण भएर पनि
अपूर्ण हुनेछौ
पूर्णअपूर्ण ।
हेटौडा,मकवानपुर
मकवानपुर । हेटाैँडा उपमहानगरपालिका वडा नम्बर ४ मा नि:शुल्क स्वास्थ्य शिविर भएको छ । ४ नम्बर वडा कार्यालयको आयाेजना तथा माेहन बज्राचार्य सहरी स्वास्थ्य केन्द्रकाे व्यवस्थापन तथा मदन भण्डारी प्रतिष्ठानकाे सहकार्यमा बृहत् निःशुल्क स्वास्थ्य शिविर भएकाे छ ।
स्वास्थ्य शिविरकाे उद्घाटन गर्दै वडा अध्यक्ष नवीन सिग्देलले स्वास्थ्य मानिसकाे पहिलाे र महत्वपूर्ण धन भएकाेले वडा कार्यालयले प्राथमिकताका साथ निःशुल्क स्वास्थ्य शिविर सञ्चालन गरेकाे बताए ।
शिविरमा नाक, कान र घाँटीका विशेषज्ञ ईन्क्लाव ढुङ्गाना, स्त्री राेग विशेषज्ञ प्रशान्तराज शर्मा, बालराेग विशेषज्ञ विनाेमराज शर्मा र फेमली फिजिसियन अमर यासिरसहितका स्वास्थ्यकर्मीले विरामीलाई सेवा प्रदान गरी आबश्यक चेकजाँच गरि औषधी प्रदान गरिएकाे थियाे ।
शिविरमा ५ सय ८८ जना सेवाग्रहीहरूले स्वास्थ्य सुविधा लिएको ४ नं. वडा सदस्य जनरल श्रेष्ठले जानकारी दिए ।
वडा सदस्य तथा कार्यक्रम संयाेजक जनरल श्रेष्ठकाे अध्यक्षतामा भएकाे कार्यक्रममा वडा सदस्य गीता त्रिपाठी, नेपाल रेडक्रम साेसाईटी, मकवानपुर शाखाका उपमन्त्री, वडा सचिव टिका कंडेल, टाेल विकास संस्था वडा समन्वय समितिका अध्यक्ष राजेन्द्र बस्ताकाेटी, काेषाध्यक्ष सुन्दर न्याैपाने, माेहन बज्राचार्य सहरी स्वास्थ्य केन्द्र, हेटाैँडा ४ का प्रमुख निर्मला ब्लाेन, हेटाैँडा क्याम्पस स्ववियु सभापती अभि मैनाली, नेपाल रेडक्रस साेसाईटी, ४ वडाका सभापती किसन घिसिङ्गलगायतकाे उपस्थिति रहेकाे थियाे ।
कार्यक्रमका प्रमुख अतिथि नवीन सिग्देलसहितका अतिथिहरूले ४ नम्बर निवासी शान्ति ढुङ्गानाद्वारा लिखित नारी सन्देश पुस्तक विमाेचन समेत गरेका थिए ।

रासा नेपाली साहित्य जगतमा चिरपरिचित नाम हो । लघुकथा लेखनमा पनि सक्रिय रहनु भएका रासासँग हाम्रो लघुकथा केन्द्रका संरक्षक एवं व्यवस्थापक राजु क्षत्री अपुरोले लघुकथा कै सेरोफेरोमा रहेर लिएको अन्तर्वार्ता
नमस्कार सर, सर्वप्रथम यहाँको पुरा परिचय बताइदिनु होस् न।
नमस्ते, मेरो पूरा नाम : राजु सायमी
जन्म : वि.सं. २०२३/२/६/५ पशुपति, देवपत्तन
माता : हीराकुमारी मानन्धर
पिता : पशुपति भक्त मानन्धर
शिक्षा : बि. कम.
प्रकाशित कृतिहरू :
१. रात निदाएको रातमा (गजल सङ्ग्रह, वि.सं.०५८)
२. अकाल : अलाप (कविता सङ्ग्रह, वि.सं.०५९)
३. घाउमाथि घाउ (गजल सङ्ग्रह, वि.सं.०६३)
४. जीवन-अगिंमथ: (नेपालभाषा कविता सङ्ग्रह, वि.सं.०६३)
५. मेरो चिन्तनको सौदामिनी (लघुनिबन्ध सङ्ग्रह, अनुवाद)
६. चाहना एक रातको (कथा सङ्ग्रह, अनुवाद)
७. कविता व म्ह्याय् (नेपालभाषा शृङ्खलाबद्ध कविता, वि.सं.०७४)
८. साँचोको झुप्पा (नाटक, अनुवाद)
९. फल्चा (नेपालभाषा लघुकथा सङ्ग्रह, वि.सं.०७८)
१०. अघोषित आवाज (लघुकथा सङ्ग्रह, अनुवाद)
पुरस्कार/सम्मान :
१. न:लि लक्ष्मीदेवी साहित्य सिरपा, वि.सं.०७६
२. याताज: श्याम विश्व सिरपा,वि.सं.०७८
३. बैजयन्ती स्रष्टा सम्मान,वि.सं.०७९
हालको बसोबास : गौरीघाट, कामनपा.७, मेरो परिचय यहि नै हो।
यहाँको लेखन यात्रा कहिलेदेखि शुरु भएको हो ?
विक्रमाव्द पचासको दशकको शुरूवातदेखि नै म लघुकथा लेखनमा लागिपरेको हुँ । फुटकर रुपमा मेरा थुप्रै लघुकथाहरू विविन्न पत्रिकामा प्रकाशित भएका छन् । मेरो लेखन-कार्य बीचमा अलिक सुस्ताएको हो । हाल पुनः सक्रिय भएको छु । म नेपालभाषा (मेरो मातृभाषा) र नेपालीमा लेख्ने गर्छु । मातृभाषामा एउटा सङ्ग्रह प्रकाशित छ । यद्यपि म लेखनभन्दा अध्ययनमा दत्तचित्त छु ।
पुरानो पुस्ताले नयाँ पुस्तालाई लघुकथा लेखनमा आकर्षित गरिरहेको छ। नयाँ पुस्तामा आएको रुचि उनीहरूले गरेको प्रगती बारे यहाँले के कस्तो मुल्यांकन गरिरहनु भएको छ?
लघुकथा लेखनमा पुराना र नयाँ दुबै पुस्ता समर्पित छन् । पुरानो पुस्ताका लेखकहरूबाट प्रभावित नयाँ पुस्ताका लेखकहरू र नयाँ पुस्ताका लेखकहरूबाट प्रफुल्लित पुराना पुस्ताका लेखकहरूको लघुकथा लेखनमा समर्पण प्रशंसनीय छ । अन्य साहित्यिक बिधामा जस्तै लघुकथा बिधामा पनि रिसराग , प्रतिस्पर्धा , अथवा पुरस्कार तथा सम्मानमा राजनिती, आफन्तवाद , नातावाद भनौँ ,कतै यस्तो महसुस गर्नु भएको छ ?तपाईंले इंगित गर्नुभएका यावत् विकृति/ बिसङ्गतिहरू समग्र साहित्य क्षेत्रमा विद्यमान छन् । यी विडम्बनाहरू अगोचर छैनन् । म नकारात्मकताभन्दा पनि सकारात्मकतातिर ध्यानाकर्षण हुनुपर्छ भन्नेठान्दछु ।
हाम्रा गतिविधिहरूलाई यहाँले के कसरी नियालिरहनु भएको छ ?
तपाईंहरू र तपाईंहरूको पेजद्वारा संचालित प्रायः गतिविधिहरू मेरो नजरमा परेका छन् । लघुकथाको उन्नयनका लागि गरिएका ती गतिविधिहरू सराहनीय छन् । म कुनै नकारात्मक टिप्पणी गर्न रुचाउँदिनँ ।
यहाँले थुप्रै लघुकथा पढिसक्नु भएको छ।आफुलाई मन परेको एउटा कुनै लघुकथा याद छ ?जसले यहाँलाई लेख्न प्रेरित गर्यो।
मलाई लेख्नका लागि उत्प्रेरित गरेका लघुकथाहरू नभएका होइनन् , पर्याप्त छन् । यहाँ म तिनलाई उल्लेख गर्न असमर्थ छु । यद्यपि म इसपका कथा, आफन्तीका कथा, पञ्चतन्त्र, जातक कथा र खलील जिब्रानका लघुकथाहरूबाट अत्यधिक उत्साहित, प्रेरित र प्रभावित छु ।
यहाँ पुरानो पुस्ताका लघुकथाकार ,आफुले लेखेको र अति मन परेको एउटा लघुकथा बताइदिनु होस् न ?
हामीले अहिलेसम्म त्यस्तो लघुकथा लेख्न सकिएको छैन जस्तो लाग्छ । केही आफ्ना प्रिय लघुकथाहरू छन् , जुन मेरो प्रकाशोन्मुख सङ्ग्रहमा आउने नै छन् । प्रतीक्षा गर्नुहोला।
हालै मात्र हाम्रो लघुकथा केन्द्रद्वारा निर्माण गरिएको लघुकथा गानको तेस्रो वर्षको प्रवेशको कार्यक्रममा साहित्यका थुप्रै बिधामा कलम चलाइसक्नु भएका सिद्धहस्त साहित्यकार , गोरखापत्र दैनिकका पुर्व प्रधान सम्पादक, लघुकथा समाज नेपालका सस्थापक अध्यक्ष ( २०६५-२०७९) एवं श्रष्टा समाज नेपालका अध्यक्ष श्री ओम रोदन श्रेष्ठ सरले लघुकथा गान साहित्य बिधाको पहिलो र ऐतिहासिक गान भएको बताउनु भयो। नेपालको साहित्यिक गतिविधिलाई नजिकै बाट नियालिरहनु भएको यहाँ कत्तिको सहमत हुन्छ ? लामो प्रश्नको सटिक उत्तर दिनुपर्दा?
#- यहाँले सोध्नु भएको प्रश्नप्रती म पुर्ण सहमत छु। तर अन्य बाहिरी कुरा म त्यति जान्दिनँ।
मैले सोध्न भुलेका र आफुलाई भन्न मन लागेका केही कुरा छन् कि ?
लघुकथा सम्बन्धी काम-कुराहरू असङ्ख्य छन् , ती जम्मै यहाँ प्रस्तुत गर्न सम्भव छैन । त्यसका लागि अलग्गै एउटा आलेख लेख्नुपर्ला कि ! भन्ने लाग्दछ। अन्तमा , मेरो सानो भलाकुसारी आफ्नो पेज मार्फत पाठकसामु पुर्याइदिनु भएकोमा तपाईंलाई धेरै धेरै धन्यवाद ।
